🚗 Солҳои охир сокинон аз зиёдшавии садамаҳои нақлиётиву ҳодисаҳои нохуш дар роҳҳо шикоят доранд. Аксарият ин ҳодисаҳоро ба коста будани фарҳанги ронандагӣ нисбат медиҳанд.

🎤Чаро дар Тоҷикистон фарҳанги ронандагӣ коста аст ва чӣ гуна метавон онро баланд бардошт❓Аз сокинон пурсидем.

✅Бо 😍 бошед: Telegram ✅

🎆Туҳфаи солинавӣ меҷӯед? Пас пашниҳоди мо барои шумост!

Ба наздиконатон тавассути албоми «Дюшамбе-Сталинобод-Душанбе» саёҳат ба Душанбеи куҳнаро тақдим намоед!

✨Ин албом ҳам барои сокинони Душанбе ва ҳам барои меҳмонони пойтахт туҳфаи хотирмон хоҳад буд.
Таърихи Душанберо, аз қадим то имрӯз, тавассути аксҳо омӯзед, дар кӯчаҳои он давр занеду соате ҳам бошад, ба шаҳри онвақта баргардед.

🎁Бигзор туҳфаи шумо баёнгари таърихи шаҳр бошад!

📞Барои хариди албом ба рақамҳои (+992) 93 577 78 70 занг занед.
📨Ё ба e-mail [email protected] нависед.

❗️Пулиси Душанбе боз аз як ҳолати дигари қаллобии интернетӣ мардумро огоҳ кард.

📌 Раёсати ВКД дар Душанбе мегӯяд, сомонаи "kfc808.com" қалбакӣ буда, дорои вирусҳои хатарнок мебошад.

❗️Аз ин рӯ, ин ниҳод аз шаҳрвандон хостааст, ки аз пешниҳоди маълумоти шахсӣ ва молиявии худ дар ин сомона худдорӣ кунанд.

🗣 Бояд гуфт, вақтҳои охир дар Тоҷикистон ҳодисаҳои қаллобии интернетӣ зиёд ба назар мерасанд. Дар як ҳафтаи охир маротибаи чорум аст, ки ниҳодҳои гуногуни Тоҷикистон шаҳрвандонро аз ҳамлаи рахнагарон (ҳакерҳо) ва қаллобони интернетӣ ҳушдор медиҳанд.

📸: РВКД Душанбе

✅Бо 😍 бошед: Telegram ✅

⚡️ Давоми 48 соати гузашта дасти кам 120 фаластинӣ дар ҳамлаҳои Исроил ба минтақаҳои гуногуни Ғазза кушта шудаанд.

Дар ин бора хабаргузории “Ройтерз” бо такя ба пизишкони фаластинӣ хабар додааст.

Дар миёни кушташудагон 7 узви як хонавода низ ҳастанд, ки дар минқтаи Зайтуни Ғазза баъди расидани як мушаки Исроил ба хонаашон ба ҳалокат расидаанд.

Артиши Исроил сар аз моҳи гузашта дар минтақаи шимоли Навори Ғазза ҳамлаҳои густурдаро ба роҳ мондааст. Дар пайи ин ҳамлаҳо садҳо нафар, аз ҷумла, занону кӯдакон кушта шудаанд.

Се рӯз пеш Додгоҳи байналмилали Гаага Бенямин Нетаняҳу, нахуствазир ва Йоав Галлант, собиқ вазири дифои Исроилро ба ҷиноят зидди башарият дар Навори Ғазза муттаҳам дониста, дастури боздошташонро содир кард.

Ин Додгоҳ гуфтааст, ки ин ду мақомдори исроилӣ сокинони Ғаззаро дидаву дониста аз хӯроку обу дору маҳрум кардаанд

Ёдрас мешавем, ки ҷанг дар Ғазза беш аз як сол аст, ки ҷараён дорад. Ин ҷанг миёни моҳи октябри соли гузашта баъди ҳамлаи Ҳамос ба Исроил, ки боиси кушта шудани наздики 1200 нафар ва гаравгон гирифтани 250 кас дигар шуд, оғоз гардид.

Баъди он Исроил ба Ғазза ҳамла кард. Масъулини беҳдошти Ғазза мегӯянд, ки сар аз 7-уми октябр то инҷониб дар натиҷаи таҷовузи Исроил ба Ғазза беш аз 44 ҳазор нафар, аз ҷумла занону кӯдакон, кушта ва наздики 105 ҳазор каси дигар захмӣ шудаанд.

✅Бо 😍 бошед: Telegram ✅

⚡️ Тақдири талхи муҳоҷир: чӣ гуна сокини Хуҷанд бе хонаву оила монд?

Неъматҷон Раҳмонов се сол боз бесарпаноҳ аст. Ӯ ба Русия сафар карда, хонаашро дар Хуҷанд фурӯхт. Вале бо расидан ба он ҷо, ба мушкилоти зиёд гирифтор шуд ва дар натиҷа, ҳам бе хона ва ҳам бе оила монд.

Чӣ тавр ин шаҳрванди Тоҷикистонро муҳоҷират ба ин сатҳ расонид? Қиссаи пурпечутоб ӯро дар гузориши мо бубинед.

⚡️ Сафири Эрон дар Афғонистон нав шуд

Аббос Ароқчӣ, вазири корҳои хориҷаи Эрон Алиризо Бегдилиро ба унвони сафири ҷадиди ин кишвар дар Афғонистон таъйин кардааст.

Дар ин бора дирӯз, 24-уми ноябр расонаҳои Эрон хабар дода, навиштаанд, ки бар асоси ҳукми Ироқчӣ намояндаи раисҷумҳури Эрон дар умури Афғонистон бекор шудааст. Гуфта мешавад, ки намояндаи Эрон минбаъд мисли собиқ зери назорати вазири хориҷаи ин кишвар хоҳад буд.

Расонаҳои Эрон навиштаанд, ки Алиризо Бегдилӣ 63 сол дошта, қаблан дар вазифаҳои гуногуни Вазорати хориҷаи ҷумҳурии исломӣ кор карда, сафири Эрон дар кишварҳои Озарбойҷон, Туркия ва Қибрис будааст.

Бояд гуфт, то ин дам сарпарасти сафорати Эрон дар Афғонистонро Ҳасан Козимӣ Қумӣ ба уҳда дошт. Ӯ ду моҳ пеш аз қудратро ба даст гирифтани гурӯҳи Толибон* дар моҳи октябри соли 2021 дар Афғонистон ба унвони намояндаи расмии раисҷумҳури Эрон дар Афғонистон интихоб шуда буд.

Эрон ҳарчанд гурӯҳи Толибонро ба расмият намешиносад, вале бо онҳо равобити дипломатӣ дорад. Ҳамчунин, Эрон намояндагии дипломатии Афғонистон дар ин кишварро ҳам дар ихтиёри Толибон қарор додааст.

* Дар Тоҷикистон гурӯҳи террористӣ дониста мешавад

✅Бо 😍 бошед: Telegram ✅

⚡️ Дар мусобиқоти "Тоскулоҳи бузург" ё "Гранд Слами Токио" Тоҷикистонро чор ҷудокор намояндагӣ мекунад.

Дар ин бора Федератсияи ҷудои кишвар хабар медиҳад.

🤼‍♂️ Ба гуфтаи манбаъ, Обед Ҷебов дар вазни то 66 кг, Абубакр Шеров дар вазни 73 кг, Умед Раҷабов дар вазни то 90 кг ва Виктория Киселёва дар вазни ҷамъи 78 кг миёни бонувон дар ин мусобиқа куштӣ хоҳанд гирифт.

Бояд гуфт, мусобиқоти Гранд Слами Токио рӯзҳои 7-ум ва 8-уми декабр баргузор гардида, дар он 183 ҷудокор аз 42 кишвар ширкат меварзанд.

Ба гуфтаи Федератсияи ҷудои Тоҷикистон, варзишгарони тоҷик бо ба даст овардани хол дар ин мусобиқа имкон доранд мавқеи худро дар рейтингҳои ҷаҳонӣ боло баранд.

📷 : Федератсияи ҷудои кишвар

✅Бо 😍 бошед: Telegram ✅

⚡️Дар Чемпионати Осиё оид ба қаиқронӣ Тоҷикистон соҳиби 7 медал шуд

Дар Тоҷикистон озмуни ҷумҳуриявии “Беҳтарин оилаи ҳунарманд” баргузор мешавад. Дар ин бора Кумитаи занон ва оилаи кишвар иттилоъ додааст.

Ба навишти манбаъ, ҳадафи озмун ҷалби ҷомеа ба ҳунармандӣ, касбомӯзӣ, тарбияи фарзанд дар руҳияи ватандӯстиву худшиносӣ ва тарғиби тарзи ҳаёти солим аст.

Гуфта мешавад, ки даври аввали озмун аз 25-уми ноябр то 5-уми декабр дар шаҳру навоҳии кишвар доир гардида, маросими ҷамъбастӣ ва ҷоизасупорӣ нимаи дуюми моҳи декабр баргузор мешавад.

Манбаъ менависад, ки ғолибон соҳиби диплом ва туҳфаҳои хотиравӣ хоҳанд шуд.

✅Бо 😍 бошед: Telegram ✅

🇺🇿 Дар Ӯзбекистон қонуни наве қабул шуд, ки мувофиқи он маводи рақамӣ ҳамчун далел дар мурофиаҳои додгоҳӣ эътироф мешавад.

💬 Дар ин бора расонаҳои ин кишвар иттилоъ дода, менависанд, ки акнун дар додгоҳ метавон намогирифт (скриншот), сабтҳои видеоиву аудиоӣ ва мукотиба дар паёмнависҳои шабакаҳои иҷтимоиро пешниҳод карда, барои ҳифзи ҳуқуқу манфиатҳои худ истифода баранд.

📌 Гуфта мешавад, ин тағйирот барои сода кардани раванди таъмини ҳифзи ҳуқуқи шаҳрвандон пешбинӣ шудааст.

Қаблан дар ин кишвар пешниҳоди чунин далелҳо бинобар набудани эътибори ҳуқуқии онҳо пазируфта намешуд.

✅Бо 😍 бошед: Telegram ✅

💠 Вазорати энергетика: 80%-и ҳодисаҳои тағйирёбии иқлим дар Тоҷикистон ба об марбутанд