🇹🇯🛫🇮🇷“Сомон-Эйр” ҳам парвозҳо миёни Душанбе ва Теҳронро барқарор мекунад

Ширкати ҳавопаймоии “Сомон-Эйр” ҳам эълон кард, ки парвозҳо дар хатсайри Душанбе-Теҳрон-Душанберо аз сар мегирад.

Ба гуфтаи ин ширкат, аввалин парвоз пас аз таваққуфи якмоҳа дар ин масир рӯзи душанбе - 14-уми июл анҷом мешавад.

Манбаъ гуфтааст, ки парвозҳо мунтазам ба роҳ монда шуда, ҳавопаймоҳои ширкат ҳафтае ду маротиба – рӯзҳои душанбе ва ҷумъа аз Душанбе ба Теҳрон ва баръакс парвоз мекунанд.

Парвоз аз фурудгоҳи Душанбе дар рӯзҳои душанбе соати 09:10 ва аз Теҳрон соати 11:00 бо вақти маҳаллӣ муқаррар шудааст. Рӯзҳои ҷумъа бошад, ҳавопаймо аз Душанбе ба Теҳрон соати 11:00 парвоз карда, соати 13:50 аз он тараф бармегардад.

Ширкати “Сомон-Эйр” гуфтааст, ки билетҳо аллакай дар сомонаи онҳо www.somonair.com ва нуқтаҳои фурӯши билет дастрас мебошанд.

Пеш аз ин ширкати ҳавопаймоии "Varesh Airlines"-и Эрон хабар дода буд, ки парвозҳои мустақим дар масири Душанбе-Теҳрон-Душанберо аз 10-уми ибл дубора барқарор мекунад. Ин ширкат рӯзи 4-уми июл парвоз дар хатсайри Машҳад-Душанбе-Машҳадро ҳам аз сар гирифта буд.

Ёдрас мешавем, дар пайи даргирӣ миёни Исроил ва Эрон ва баста шудани осмони Ҷумҳурии Исломӣ, парвозҳои ширкатҳои ҳавопаймоии тоҷикии “Somon Air” ва эронии “Varesh Airlines” аз Душанбе ба Теҳрону Машҳад ва баръакс лағв шуда буданд.

⏺Хабарҳои бештар ➡️ Telegram 📱

🇹🇯🛫🇺🇿Ширкати ҳавопаймоии “Centrum Air”-и Ӯзбекистон дар масири Тошканд-Душанбе-Тошканд ва Самарқанд-Душанбе-Самарқанд парвоз роҳандозӣ мекунад.

Ба иттилои Оҷонсии ҳавонавардии Тоҷикистон, ҳаопаймоҳои ин ширкат аввалин парвоз дар масири Тошканд-Душанбе-Тошкандро рӯзи 19-уми июл ва дар масири Самарқанд-Душанбе-Самарқандро рӯзи 20-уми анҷом медиҳанд.

Ба гуфтаи манбаъ, дар ҳарду масир ҳафтае ду маротиба парвоз ба нақша гирифта шудааст.

Арзиши билет дар хатсайри Тошканд-Душанбе 653 ҳазор сӯми ӯзбекӣ (тақрибан 495 сомонӣ) ва дар масири Самарқанд-Душанбе 608 сӯм (тақрибан 460 сомонӣ) муқаррар шудааст.

Гуфта мешавад, ки шуруъи парвоз дар ин масирҳо бар асоси созишномаи байни ҳукумати Тоҷикистон ва Ӯзбекистон дар бораи алоқаи ҳавоӣ аст, ки рӯзи 9-уми марти соли 2018 ба имзо расида буд.

⏺Хабарҳои бештар ➡️ Telegram 📱

‼️ 15 рӯз мӯҳлат ба паноҳҷӯёни афғонистонӣ барои тарки Тоҷикистон. Кумитаи паноҳҷӯён гуфт, касе шикоят накардааст

Роҳбари Кумитаи паноҳҷӯёни Афғонистон дар Душанбе зарбулаҷали 15-рӯзаи мақомоти тоҷик ба паноҳҷӯёни афғонистонӣ барои тарки Тоҷикисторо бепоя хонда, гуфт, дар ин замина “касе аз паноҳҷӯён ба Кумита шикоят накардааст”.

Бештар дар хабари мо хонед. ⬇️

⏺Дар 6 моҳи аввали соли 2025 дар обҳои Тоҷикистон 91 нафар ғарқ гардида, ҷон бохтаанд.

Дар ин бора Ориф Нозимиён, сухангӯи Кумитаи ҳолатҳои фавқулодаи кишвар иттилоъ дода, гуфтааст, ки ин теъдод дар муқоиса ба ҳамин давраи соли гузашта 5 нафар зиёд аст.

⏺Хабарҳои бештар ➡️ Telegram 📱

‼️ Аз фурудгоҳ то Донишгоҳи аграрӣ. Кӯчаҳои асосии Душанбе барои се моҳ баста мешаванд

Ҳаракати тамоми намуди нақлиёт тавассути се кӯчаи асосии шаҳри Душанбе - кӯчаҳои А. Дониш, С. Айнӣ ва хиёбони Рӯдакӣ (аз Фурудгоҳи байналмилалии Душанбе то кӯчаи Карамов) ҳудуди се моҳ – то 30-юми сентябр, марҳила ба марҳила қатъ мегардад.

Дар ин бора аз шаҳрдории Душанбе ба “Азия-Плюс” иттилоъ дода, гуфтанд, дар ин бора қарори раиси шаҳр аз 7-уми июли соли 2025 қабул шудааст.

Манбаъ гуфт, сабаби маҳдудияти мазкур таъмири сартосарии ин роҳҳо мебошад.

Гуфта мешавад, ки дар марҳилаи баста будани роҳҳо ҳаракат тавассути кӯчаҳои ҳамсоя ҷорӣ мегардад ва дар нақшаи ҳаракати нақлиёт тағйироти муваққатӣ ворид мегардад.

Шаҳрдорӣ таъкид мекунад, ки барои танзими ҳаракати нақлиёт лавҳаҳои иттилоотӣ ва аломатҳои роҳ насб гардида, гузариши бемамониати нақлиёти ёрии таъҷилӣ, пулис ва сӯхторхомӯшкунӣ таъмин мегардад.

Бояд гуфт, дар ҳудуди пойтахт маҳдудияти муваққатии ҳаракати нақлиёт аксаран мушкили тамбашавиро ба бор меорад.

Мақомот барои барҳам додани ин мушкил борҳо санҷишу рейд гузаронидааст. Инчунин баъзе гузаргоҳҳои рӯйизаминӣ низ баста шуданд, аммо сокинон пайваста шиква доранд, ки ин амалиёт мушкили тамбашавиро ҳал накарда, баръакс барои сокинон боз мушкили дигар пеш овардааст.

⏺Хабарҳои бештар ➡️ Telegram 📱

⚡️Оғози сабтином барои кор дар Корея

Сабтином барои кор дар Кореяи Ҷанубӣ🇰🇷 оғоз шудааст.

📆Оҷонсии бакортаъминкунӣ дар хориҷаи Тоҷикистон хабар медиҳад, ки сабтином ва имтиҳон барои кор дар Кореяи Ҷанубӣ аз 7 то 17-уми июли соли ҷорӣ идома мекунад. Довталабон метавонанд ба шуъбаҳои Агентӣ дар Душанбе ва минтақаҳои кишвар муроҷиат кунанд.

📍Нишонӣ ва ☎️рақам барои тамос:

Душанбе: кӯчаи Лоҳутӣ, 108 (221-39-67 , +992 555 55 10 80, +992 98 790 66 66, +992 91 576 77 43, +992 93 093 49 94, +992 93 453 51 93, +992 88 822 00 26, +992 90 688 93 13);

Хуҷанд: маҳаллаи 28, бинои 2А (+992 92 807 99 99);

Бохтар: кӯчаи Файзалӣ Саид, 69 (+992 90 580 00 63, +992 93 487 88 28);

Хоруғ: кӯчаи Н. Атобек, 16 (+992 93 510 14 39).

Ин ниҳод гуфтааст, маош аз 2 ҳазору 500 доллар💵 боло буда, хароҷот барои роҳ, ҷойи хоб ва хӯрок аз ҷониби корфармо пардохт мегардад.
Дар хабари пешини ин ниҳод, ҳақи меҳнат дар Корея, вобаста ба навъи кор, то 4 ҳазор доллар гуфта мешуд.

❗️Талабот барои довталабон: донистани забони кореягӣ дар сатҳи муошират, доштани шаҳодатномаи тахассусӣ, надоштани доғи судӣ ва солим будан аз ҷиҳати ҷисмонӣ ва равонӣ.

Инчунин вуруди довталаб ба ин кишвар набояд мамнӯъ бошад.

Муфассал
———
Super PRO аз ZET-MOBILE - 35 Гб интернет, 300 дақиқа дар дохили шабака, 200 Гб интернети шабона ва имкони интихоби 2 Супернеру.
Имкони тамошову тамос ҳама дар як тарофа.
Пайваст шав ва аз алоқаи бемаҳдуд баҳра бар.

#Якхабар

🏆 Рақобатҳо барои унвон дар Ҳисору Тошканд. Кӣ дар "CAFA Nations Cup-2025" қаҳрамон мешавад?

“Азия-Плюс” имкони дастаҳоро барои ғалаба баррасиву таҳлил кард.

🔴 Резаахбори рӯз дар “Азия-Плюс”📰

💬 15 рӯз мӯҳлат ба паноҳҷӯёни афғонистонӣ барои тарки Тоҷикистон. Кумитаи паноҳҷӯён гуфт, касе шикоят накардааст
МУФАССАЛ

💬 Сабтином барои кор дар Корея оғоз гардид. Ба куҷо ва бо кадом ҳуҷҷатҳо бояд муроҷиат кард?
МУФАССАЛ

💬 “Сомон-Эйр” ҳам парвозҳо миёни Душанбе ва Теҳронро барқарор мекунад
МУФАССАЛ

💬 Аз фурудгоҳ то Донишгоҳи аграрӣ. Кӯчаҳои асосии Душанбе барои се моҳ баста мешаванд
МУФАССАЛ

💬 Мулоқот бо Рустами Эмомалӣ, иштирок дар барномаи “Шоми дӯстӣ” ва боздид аз намоишгоҳу форум. Идомаи сафари Содир Жапаров ба Тоҷикистон
МУФАССАЛ

💬 Тоҷикистон ният дорад, ки содироти маҳсулоти нассоҷиро то $3 млрд расонад
МУФАССАЛ

💬 Дараи Алмосии Тоҷикистон ҳамчун иншооти мероси кишоварзии ҷаҳон эътироф шуд
МУФАССАЛ

💬 Як ширкати ҳавопаймоии дигар парвозҳо аз Душанбе ба Тошканд ва Самарқандро роҳандозӣ мекунад
МУФАССАЛ

💬 Дар Тоҷикистон 343 гектар заминҳои партофташуда ба гардиши кишоварзӣ баргардонида шуд
МУФАССАЛ

💬 Тоҷикистон метавонад ба маркази обёрии минтақа табдил ёбад. Барои ин чӣ бояд кард?
МУФАССАЛ

💬 Тоҷикистону вилояти Свердловск лоиҳаҳо дар соҳаи энергетика ва коркарди сурмаро роҳандозӣ мекунанд
МУФАССАЛ

⏺Хабарҳои бештар ➡️ Telegram 📱