🇹🇯🇦🇿Эмомалӣ Раҳмон бо Илҳом Алиев дидор анҷом дод

Дар ҳошияи баргузории нишасти сарони кишварҳои Созмони ҳамкории иқтисодӣ имрӯз Эмомалӣ Раҳмон, раисҷумҳури Тоҷикистон бо ҳамтои озарбойҷонии худ Илҳом Алиев мулоқот кардааст.

Тибқи иттилои расмӣ, дар ин дидор, ки дар шаҳри Ханкендии Озарбойҷон сурат гиифтааст, масоили густариши ҳамкории ду кишвар ва рӯзномаи Ҳамоиши 17-уми Созмони ҳамкории иқтисодӣ муҳокима шудааст.

⏺Хабарҳои бештар ➡️ Telegram 📱

⚡️Раиси вилояти Суғд бо сармураббии нави дастаи “Хуҷанд” мулоқот кардааст

Раҷаб Аҳмадзода, раиси вилояти Суғд, ки ҳамзамон раиси Федератсияи футбол дар ин вилоят аст, бо Александр Крестинин, сармураббии нав дастаи футболи “Хуҷанд” ва ҳайати мураббиёни ин даста вохӯрдааст.

Ҷузъиёти мушаххаси ин мулоқот маълум нест, танҳо хадамоти матбуоти раиси ҷилояти Суғд гуфтааст, ки Аҳмадзода “дар суҳбат бо ситоди мураббиён барои беҳтар кардани натиҷаҳо дар мусобиқаҳои дохилӣ ва байналмилалӣ дастуру супоришҳои мушаххас дод”.

Бояд гуфт, Александр Крестинин, мураббии рус пас аз он сармурабби “Хуҷанд” таъин шуд, ки Рустам Хоҷаев, собиқ сармураббии ин даста чанд рӯз пеш аз ин симмат барканор гардид.

Крестинин дар гузашта дар чан даста дар лигаҳои олии Қирғизистон ва Ӯзбекистон фаъолият карда, солҳои охир сармураббии тими миллии Қирғизистон буд.

⏺Хабарҳои бештар ➡️ Telegram 📱

🇹🇯Ҳиссаи тиҷорат миёни кишварҳои узви Созмони ҳамкории иқтисодӣ (СҲИ) дар соли 2024 ба 33 фоизи ҳаҷми умумии тиҷорати хориҷии Тоҷикистон баробар будааст.

Ин оморро Эмомалӣ Раҳмон, раисҷумҳури Тоҷикистон имрӯз зимни суханронӣ дар Ҳамоиши 17-уми СҲИ, ки дар Озарбойҷон ҷараён дорад, зикр карда, гуфтааст, он 18 дарсад бештар аз соли 2023 аст.

Ӯ дар ин ҳамоиш дар масъалаҳои тиҷорӣ, иқтисодӣ, нақлиёт, энергетика, саноат, тағйирёбии иқлим ва кишоварзӣ суханронӣ карда, ба густариши ҳамкорӣ дар доираи СҲИ дар ин соҳаҳо таъкид кардааст.

Дар робита ба ин, раисҷумҳури Тоҷикистон таҳия кардани як санадеро, ки ба истифодаи комили зарфиятҳои мавҷудаи ҳамкории тиҷоративу иқтисодӣ миёни кишварҳои СҲИ равона шудааст, зарур шуморидааст.

Эмомалӣ Раҳмон ҳамкории тиҷоративу иқтисодӣ бо кишварҳои аъзои ин созмонро яке аз самтҳои афзалиятноки сиёсати хориҷии Тоҷикистон номидааст.

Дар идома ӯ ҷонибдории Тоҷикистонро аз рафъи монеаҳои тиҷоративу нақлиётӣ, соддагардонии транзит, пайвастшавии шабакаҳои роҳҳои заминӣ, оҳан ва ҳавоии кишварҳои аъзои СҲИ таъкид кардааст.

Эмомалӣ Раҳмон афзоиши маблағгузорӣ барои таъсиси корхонаҳои муштараки саноатиро зарур шумурдааст. Ба гуфтаи ӯ, ин иқдом дар таъсиси ҷойҳои нави корӣ ва афзоиши истеҳсолот мусоидат хоҳад кард.

Дар мавриди тағйирёбии иқлим раисҷумҳури Тоҷикистон таъкид кардааст, ки кишварҳои аъзои СҲИ дар баробари таъсири манфии оқибатҳои он ҳамоно осебпазир боқӣ мемонанд. Ӯ бо дар назардошти афзоиши офатҳои табиӣ андешидани тадбирҳои мушаххас барои коҳиш додани пайомадҳои тағйирёбии иқлимро дар доираи Созмон зарур донистааст.

⏺Хабарҳои бештар ➡️ Telegram 📱