«Реал» 55-дақиқада ҳисобни 2:1 га етказгандан сўнг, «Атлетико» 60 ва 61-дақиқаларда 2 зарба берди. Тамом. То ўйин тугагунча, ҳисобда ортда бораётган меҳмонлар бошқа бирорта ҳам зарба бера олишмади.

Биз айнан ротация ва эрта алмаштиришлар (бу сафар Симеоне 75-дақиқагача беш алмаштириш қилди) ёрдамида ўйин охирларида доим зўр ўтказадиган, 2-таймлар натижаси бўйича Европада энг зўр бўлган «Атлетико» ҳақида бу гап. Нима бўлди?

Симеонени сафардаги 1:2 қониқтирдими? Бунгача асосий вақтда «Реал»га охирги 8 ўйинда ютқазмаган «Атлетико»ни яна Чемпионлар Лигаси сурони босдими?

Ёки ҳаммаси шунчаки, 62-дақиқада майдонга Лука Модричнинг тушгани билан боғлиқми?

@aslanov_futbol

Траффорд охири гол ўтказиб юборибди кеча.

@aslanov_futbol

Maqsadlaringizni amalga oshirish uchun kompyuter izlayapsizmi? Budjetingizga mosini tanlang va buyurtma bering.
AGCom jamoasi sizlar uchun eng sifatli va kuchli:

🖥 Kompyuter tizimli bloklari
💻 Noutbuklar
🖥Monobloklar
⌨️Kompyuter ehtiyot qismlarini

Juda qulay narxlarda taqdim etadi. Shuningdek, biz siz xohlagan konfiguratsiyadagi kompyuter va monobloklarni yig'ib berishimiz mumkin. Eng muhimi siz ularni 24 oygacha muddatli to'lovga, Uzum market orqali xarid qilishingiz mumkin.

📞 998933334497
📱 @agcom2
Telegram kanalimiz: www.tgoop.com/agcomuz
Uzum market orqali sotib olish
Naqd yoki Click orqali buyurtma berish
O'zingizga kerakli xususiyatdagi kompyuterning narxini hisoblatish

🚀🔜Yetkazib berish 1 kunda va O'zbekiston bo'ylab bepul!

Kanal: 👉 www.tgoop.com/agcomuz

Муҳаммад Салоҳ ҳақида биографик китоб ёзган журналист Саймон Хьюз уни «Салоҳ кечалари ҳатто ўртоқлик матчларини ҳам томоша қилиб, ўз ўйинига нимадир қўшишга детал қидиради» деб тугатган экан.

«Салоҳ доим мукаммалликка интилади, у энди аввалгидек қанотдан тезлик билан бориб, марказга ўтиб зарба берадиган футболчи эмас» деганди Юрген Клопп ўтган мавсумда.

Мисрлик ҳужумчининг 32 ёшда дунёнинг энг зўр футболчиси бўлиб турганининг сабаби шу ерда ётса керак. Унинг ёши ўтиб, асосий қуроли бўлмиш тезлик йўқолиши, бу эса футболчи ўйинидаги пасайишга олиб келиши керак эди, ҳамма шуни кутганди ҳам. Ҳатто «Ливерпул»нинг баъзи мухлислари ҳам Салоҳнинг даври тугаётганига ишониб қолишганди.

Аммо Салоҳ ўз услубини жисмоний ҳолатига қараб мослаштириб боряпти: тезланишлар ўрнини қисқа паслар билан ўйнаш, ассист учун шерикларини қидириш кўпайган. Бу Салоҳни янада хавфлироқ қиляпти - энди рақиблар ундан нима кутишни доим ҳам аниқ билмайдилар.

Салоҳ бу мавсумда барча мусобақаларда 22 ассистни амалга ошириб бўлди. Унинг шу пайтгача энг яхши кўрсаткичи 2 йил олдин бўлганди - 16 та. Ҳали мавсумнинг тўрттдан бири олдинда турибди.

Эсингизда бўлса, бир пайтлар Садио Мане Салоҳдан қулай вазиятда тўпни унга оширмагани учун норози бўлган, икки юлдуз ўртасида зиддият ҳам келиб чиққанди. Менимча, агар ўша Мане ҳозир бўлганида, бугунги Салоҳ билан даҳшат натижалар кўрсатарди.

Назаримда, «Ливерпул»даги энг муҳим палла Клоппга эмас, Салоҳга ўринбосар топиш бўлади шекилли. Клуб нима қилиб бўлса ҳам уни яна икки мавсумга олиб қолиши шарт.

@aslanov_futbol

Sky Sports ёзишича, ёзда бўладиган клублар ўртасидаги жаҳон чемпионати мукофот фонди 1 миллиард долларга етар экан.

Бу шу деганики, унда қатнашадиган 32 жамоа анча жиддий маблағларга эга бўлиши мумкин, ғолиб 100 миллионга яқин фойда кўриши мумкинки, бу Чемпионлар Лигасидаги даромаддан ҳам ошиб тушади. Табиийки, бундай суммалар иштирокчиларга молиявий fair play қоидалари доирасида бошқа клубларга нисбатан сезиларли устунлик бериши турган гап.

Бошқа томондан, клублар ўртасидаги жаҳон чемпионатида қатнашган жамоа ўша ишлаб топган пулига дарҳол янги футболчилар сотиб олиши керак, зеро июлда тугайдиган бу турнирдан сўнг таркибга таътил бериш ва янги мавсумга тайёргарлик учун деярли вақт қолмайди. Бу мавсум бошида яхши формада бўлмаслик, ўрталарида эса жароҳатларнинг кўпайишини билдиради. Бундай эҳтимол ҳам катта.

Шу нуқтаи назардан, ФИФА ташкил қилаётган бу турнир жуда ортиқча ва айниқса шундоғам мавсум давомида 60 дан ортиқ ўйинда қатнашадиган футболчилар учун зарарли юк, деб ўйлайман.

@aslanov_futbol

Немис жамоаси «Бавария»ни

- Германия кубогида мағлуб этиши учун жуда кучли ўйин кўрсатиши керак.

- Бундеслигада ортда қолдириши учун жуда кучли жамоага айланиши керак

- Чемпионлар Лигасида ютиши учун катта жамоага айланиши керак.

«Байер» ҳозирча фақат дастлабки иккитасини эплади.

@aslanov_futbol

Кечаги Мадрид дербисида узоқ бурчакка урилган учала гол, ҳозир Хвичанинг ҳисобланмаган зарбаси - футболчилар бунақа тепишни энди ўрганишдими? Худди ФИФА ўйинининг янги версиясига янгича зарба қўшишгандек :)

@aslanov_futbol

1-таймда ким неча марта тўпга тегди?

@aslanov_futbol

«Барселона»нинг Чемпионлар Лигасидаги охирги уч қизил карточкаси ўхшаш - сўнгги умид фоли. Араухо «ПСЖ» билан, Гарсия «Монако» билан, Кубарси «Бенфика» билан. Яъни уч фарқли футболчи, демак, жамоавий муаммо.

Албатта, тизим билан боғлиқ жиҳати йўқ эмас, ҳимоя юқорига кўтарилиб ўйнаганда рақиб ҳужумчиларини кутиб олиш ўрнига орқасидан қувлашга тўғри келади, демак бундай эпизодларнинг тез-тез содир бўлиши нормал.

Аммо ўйлантирадигани бошқа жиҳат - учала ўйиндаям ўтказилиши мумкин бўлган гол «Барселона» учун фожиа эмасди, ўйин боши бўлган, голнинг содир бўлишидан кўра бир киши кам бўлиб қолиш кўпроқ зарарли эди, айниқса, «ПСЖ» билан чорак финалда карточка ҳаммасини ҳал қилганди ҳам.

Унда нега кимдир ҳимоячиларга шундай пайтларда қоида бузмасликни айтиб қўймайди? Европада энг кўп ва осон гол урадиган жамоа рақибнинг голидан бу даражада қўрқиши мантиқсиз, бошқа такрорланмаслиги керак.

@aslanov_futbol

Гап қанча тегишдамас, қандай тегишда :)

@aslanov_futbol

«ПСЖ» билан «Бенфика» биргаликда рақиб дарвозасига жами 53 та зарба беришди, 18 таси аниқ етиб борди, 6 та ўта хавфли вазият яратишди, аммо иккови ҳам 0:1 ютқазишди.

@aslanov_futbol

ЕЧЛда 25 гол

Замонамиз футболидаги энг қадрланмаган, етарлича қадрланмаган ва баҳо берилмаган футболчи, назаримда Родриго. "Реал" таркибидаги креатив ҳужум чизиғидаги креатив футболчи. Кўпчилик Винисиуснинг портловчи тезлигини, Беллингҳэмнинг самарадорлигини, Валверденинг меҳнаткашлигини айтади, аммо Родриго ҳақида жуда кам гапиришади. Бу футболчи кўп ҳолларда сояда қолаётгандек, аммо ҳал қилувчи голларни — ҳисобни очувчи, рақибни синдириб берувчи ёки ғалаба голларини кўп урган.

Унинг қаноти Винисиус қанотидан кўра самаралироқ туюлади менга. Ва унинг анча стабил ўйинчи эканини ҳам сезган бўлсангиз керак. Винисиус ёки Мбаппедан камроқ гол уришига сабаб эса тўпни қизғанмаслиги, шериклари билан доим бўлишиши, ўзидан қулай вазият ҳосил қилган жамоадошидан пасни аямаслиги.

Мулоҳазаларим қанчалик тўғри ё нотўғрилигини реалшунослар аниқлай олишади. "Реал" ўйинларини синчков кузатсангиз, эҳтимол айрим гапларим тўғри чиқар...

Футболда "Иккинчи Олтин тўп" бўлганида, уни Родригога беришган бўларди. Менимча.

@boburakmalov

Ўтган мавсумда кучли бешликда «Реал», «Манчестер Сити», «Байер», «ПСЖ» ва «Интер» чемпион бўлишган.

«Ливерпул» ушбу мавсумда ҳамма «Интер»дан бошқа ҳамма чемпионни енгиб чиқди. Тўплар нисбати - 11:0.

Чемпионлар Лигаси финалида «Интер» билан ўйнашса-я? :)

@aslanov_futbol

Абдуқодир Ҳусановнинг рекорд кўрсаткич билан «Манчестер Сити»да ойнинг энг яхши футболчиси бўлгани биз учун воқеа эмас, зеро бу футболчининг хизматидан кўра, мухлисларнинг фаоллиги туфайли. «Олтин тўп»ниям олиб берамиз агар шу йўл билан аниқлашса. Шу туфайли, бу хабарнинг аҳамияти катта эмас.

Бу ерда энг муҳими, Ҳусановнинг ўша мудҳиш дебютдан кейин ўзини қўлга олиб, кейинги имкониятлардан максимал фойдаланиб, жамоаси учун ҳатто энг муваффақиятсиз ўйинларда ҳам порлаб, мана шу сўровномадаги учликка кира олгани. Бу тўлиғича Абдуқодирнинг меҳнати ва натижаси. Ишонаверинг, биз уч ой олдин унинг Манчестерга ўтишига қанчалик ишонқирамаган бўлсак, «Челси» билан ўйиндан кейин бу даражага тез фурсатда келишини тасаввур ҳам қилолмасдик. Абдуқодирнинг бизни доим ҳайрон қолдириши, энг чўққига чиқди, деганимиздаям, яна устига нимадир қила олиши таҳсинга лойиқ. Табриклаймиз.

@aslanov_futbol

Харри Магуайрнинг бир қатор индивидуал устунликлари бор, инкор этиш қийин. Аммо қачонки «МЮ»да система яратишга уриниш бўлар экан, у ҳеч қачон асосий футболчи бўлолмаса керак.

Эрик тен Хаг уни сотмоқчи бўлганди, Аморим даврида Магуайр асосий ҳимоячига айланган бўлса-да, бу вақтинча деб ўйлайман. Йўқ, Ҳаррининг савияси паст ёки ўйини пасаяди, деган маънодамас. Гап шундаки, қачонки Магуайр майдонда бўлмаса, жамоа ўйини бироз тизимли кўриниш олади.

Сабаби, Аморим услубида, умуман ҳар қандай мураббийда прессинг ишлаши учун ҳимоячилар юқорида жойлашишиши керак. Акс ҳолда, рақиб прессингнинг дастлабки чизиғини босиб ўтганда марказда гектар худудга эга бўлади. Ҳимоячиларнинг кўтарилиши эса ҳам зичликни сақлайди, ҳам ҳужум давом этишида рақибга эркинлик бермайди.

«Ипсвич» билан ўйинда «МЮ» 10 киши қолиб, анча яхши ҳимояланиб, ғалабани сақлаб қолганида, Аморим шогирдларини ҳаракатларини мақтаган бўлса-да, бир жиҳатга эътибор қаратди - «Бугун ҳам «Арсенал» билан ҳам қуйи блокда ҳимоячиларим ўзларини яхши қилишди, улар учун шу қулайроқдек туюляпти, аммо менга бундай ўйнаш ёқмайди». Яъни барибир Аморим идеалда жамоасини кўп прессинг қиладиган ва юқорида ҳимояланадиган картинада тасаввур қилади.

Бугунги ўйин охирларида Шералд Беккернинг икки марта қочиб кетганини айтмаса, айнан юқори ҳимоя чизиғи «Сосьедад»ни хавфли ҳужум қилишга йўл қўймади, ҳам жуда кўп марта рақиб майдонида тўп эгаллаш ҳолатларини яратди. Айнан зичлик туфайли Каземиронинг ҳам камчиликлари кўзга ташланмади. Йоро ҳам, Мазрауи ҳам олдинга чиқишдан қўрқмади, бунақа сценарийда эса де Лигт Магуайрдан яхшироқ.

Магуайр фойдали ўйинчи, у билан балки «МЮ» кучлироқ бўлар, аммо айнан система ҳақида гап кетганда, бошқа футболчилар билан осонроқ.

@aslanov_futbol

Элдор Шомуродов «Атлетик»га қарши ўйиннинг сўнгги дақиқасида ғалаба голини урди - 2:1.

Элдорда сўнгги 4 ўйинда 2 гол ва 2 ассист.

Тўрттагина яхши ўйинларингни терма жамоага олиб қўйинглар, илтимос :)

@aslanov_futbol