Жадвалда ноаниқ зарбалар билан жамоаси ҳужумини барбод қилган футболчилар кўрсатилган.

Бу ерда умумий ноаниқ зарбалар сонидан ҳам кўра, футболчиларнинг голларини ҳам инобатга олиш керак. Яъни, шунча ноаниқ зарбалар имкониятини беришдан ушбу футболчидан қандай наф олиняпти, қанчалик оқлаяпти?

Шу томондан қарасак, рўйхат бошидаги Жонсон шу пайтгача 9 гол урган. Палмерда 14, Холандда эса 19 гол бор. Яъни голлари билан натижага таъсир қиладиган футболчиларнинг адашишларини ҳам қабул қилса бўлади.

Аммо масалан, учинчи ўринда турган Гарначода атиги 3 гол мавжуд. Аргентиналик ҳужумчи 3 голи учун 57 марта зарба берган.

@aslanov_futbol

Ҳаммамизга ёд бўлиб кетганидек, Абдуқодир Ҳусанов 29 феврал куни туғилган, яъни бу кун тўрт йилда бир марта келади. Ижтимоий тармоқларда инглизлар бу ҳақида ҳазиллашиб, “Ҳусанов атиги 5 ёшга кирган, АПЛ да тўп сурган энг ёш футболчи” деб ҳам роса ёзишди.

Шунда ўйлаб қолдим, ўзи худди Ҳусанов каби 29 февралда туғилган футболчилар кимлар ва ростан ҳам Ҳусанов АПЛ да дебют қилган энг “ёш” футболчими?

Айнан Англия Премьер Лигасини олсак,Ферран Торрес (2000 йилда туғилган, Манчестер Сити), Йаспер Линдстрём (2000, Эвертон), Сафир Таидер (1992, Саутҳэмптон) ва Даррен Амброуз (1984, Ипсвич) бор экан.

Таидер 2014 йилда, Линдстрём эса 2024 йилда дебют қилишган, демак уларни ҳисобдан чиқарамиз.

Ферран Торрес эса 2020 йил августда “Манчестер Сити” таркибига келиб қўшилиб, ўша ойда дебют қилган, бир ой ўтиб илк голини урган. Яъни Торрес Манчестерга келганида 5 ёшу 6 ойлик бўлган. Абдуқодир эса 5 ёшу 11 ойлигида трансфер қилинди. Бундан келиб чиқадики, Ҳусанов “Манчестер Сити” таркибида дебют қилган энг ёш футболчи номини Ферран Торресга беради.

Умуман АПЛда эса юқорида исми келтирилган Даррен Амброуз рекордчи. У 1995 ёшидан “Ипсвич” таркибида бўлиб, Премьер Лигадаги дебютини 2002 йилда “Арсенал”га қарши ўтказган экан. Яъни у илк бор бу турнирда майдонга тушганида ҳали 5 ёшга ҳам тўлмаганди.

Шунақа гаплар. Абдуқодир Ҳусановни эса табриклаймиз.

@aslanov_futbol

payme plus obunasi bu:

💸 Oyiga 5 mln so‘mgacha komissiyasiz pul o‘tkazmalari.
📺 Setanta Sports obunasi.
📊 Barcha daromad va xarajatlarni kuzatish.
⏳ "Keyinroq to'lash"" xizmati.

📲 payme plus xizmatini hoziroq ulang.

«Фулҳэм» ўйинчиси Андреас Перейра «Олд Траффорд»даги эртанги ўйин олдидан айтибди: - «мен доим бу стадионда тўп сурганимда уларнинг хато қилганини исботлашга ҳаракат қиламан»

«Мени сотиб» демоқчи албатта. Бундай мавзу сўнгги пайтларда кўпайди, айниқса, манчестерликларнинг ёмон ўйинлари фонида Мактоминей, Антони, Рэшфордларнинг ўзини кўрсатаётган пайтда Андреаснинг гапи ҳам мантиқли туюлади.

«МЮ»да футболчиларга қийин экани, камчилик ва хатолар кўплигини тан олган ҳолда, инсоф билан тан олиш керак, кетган ўйинчилар Италия чемпионатида ёки «Бетис», «Фулҳэм», «Астон Вилла»ларда ўйнашмоқда. Ҳа бу жамоалар айни пайтда «МЮ»дан юқорида, аммо жамоанинг катталиги, босим борасида яқинигаям кела олмайдики, бу муҳим фарқ.

Мактоминей ёки Антони «МЮ» ҳужумчиларидан кўп гол ураётгани ҳақида мемлар бор, ҳа, лекин мен ишонаман, агар Зиркзе «Наполи»га борган бўлганида у гол ураётган бўлар, Мактоминей эса майдонда қийналиб юрган бўларди. Яъни гап конкрет футболчиларнинг аслида кучли эканидамас, уларнинг «МЮ»даги қийинчиликни енга олмай, осонроқ шароит ва лигада ўзини кўрсата олаётганида. Уларнинг кетиши «МЮ»нинг хатоси эмас, аксинча, тўғри қарор эканини ўша голлар ҳам исботлаяпти. Демак бу футболчилар ўзи учун мос вазифа остида яхши кўринишяпти, айни муддао.

Агар Рэшфорд ёки Антони ҳозирги жамоасида зўр ўйнаб юборса, «МЮ» мухлислари бундан фақат хурсанд бўлиши керак - демак, ёзда уларни яхши пулга сотиш мумкин. Бошқа вариантни, масалан улар қайтиб, Манчестердаям шуни такрорлашидан умид қилиш хато - етарлича вақт бўлган бу учун.

Перейранинг гапига қайтадиган бўлсак, у агар «Фулҳэм» сафида келиб, учта гол уриб кетсаям, бу унинг фақат «Фулҳэм»да кучли эканини англатади холос. Қачонки, Антони бўладими, Рэшфордми, Мактоминейми, ҳозирги турган жойида эмас, босим ва вазифалар жиҳатидан ростанам катта клубда, «Реал», «Барселона», «Бавария» ёки «Ливерпул» каби жамоаларда зўр ўйнаб кетса, ана ўшандагина «МЮ» хато қилибди, деб бемалол айтиш мумкин.

Биласизми, сўнгги ўн йилда шундай ўрнак топа олишим қийин бўлди. «МЮ»да ўйнолмай, кетиб, катта жамоаларда юлдузга айланиб, ё юқори даражага қайтиб, ростанам зўрлигини исботлаган кимнидир эслайсизми? Ҳа, Ди Мариядан бошқа?

@aslanov_futbol

Ҳусанов энди Манчестерга бориб, «Челси»га қарши майдонга тушгач, унинг кейинги ўйинлари сифатида «Плимут»га қарши учрашувни кутгандик. Аммо қандайдир бир ой ичида Абдуқодир шунақа ўсдики, энди у асосий таркиб футболчиси сифатида бу ўйинда дам оляпти. Даҳшат.

Албатта, Ҳусановнинг меҳнати энг аҳамиятлиси, шубҳа йўқ, ҳамма ҳам у босган йўлни ўта олмайди, аммо футболчи фаолиятида омаднинг роли ҳам катта бўлар экан. «Манчестер Сити»нинг бу мавсумдаги омадсизликлари, Ҳусанов келгач, ҳимоячиларнинг бирин-кетин жароҳат олиши табиийки, унинг адаптациясини тезлаштирди, Абдуқодир ўзини кўрсатиш, мослашиш учун майдонда кўпроқ вақтга эга бўлди.

@aslanov_futbol

«Ливерпул»дан кейин «Манчестер Сити»ниям чиқариб юборса-я «Плимут»? )

«Наполи» - «Интер» ўйинининг 2 тайми. Миланликлар ғалабага лойиқ эмасди, демак ҳаммаси тўғри бўлди.

@aslanov_futbol

«Барселона» - «Сосьедад»

@aslanov_futbol

Келаси мавсумдан янги қоида - агар дарвозабон тўпни қўлида 8 секунддан кўп ушлаб турса, бурчак тўпи белгиланар экан.

Аслида ҳозир ҳам 6 секундлик қоида (бурчак тўпи эмас, эркин тўп) бор, лекин фақат қоғозда, ҳакамлар деярли эътибор беришмайди. Охирги марта «Бордо»га қарши ўйинда «Ливерпул» дарвозаси олдида белгиланиб, французлар гол урганини эслайман холос. Демак агар алоҳида, атайлаб янгилик деб киритилаётган экан, бу сафар қатъийроқ ишлайди.

Аммо менимча, баъзи қўшимчалар ҳам киритиш керак. Масалан, 8 секундни санаш қачонки рақиб футболчилари жарима майдонини тарк этганидан сўнг бошланиши мақсадга мувофиқ. Акс ҳолда ҳужумчилар ҳалақит бериши ҳам мумкин.

@aslanov_futbol

АПЛ топ клублари таркибининг айни пайтдаги нархи ва ушбу таркибга сарфланган маблағ билан нисбати.

Артета «Арсенал» билан совринлар ютмаётган бўлиши мумкин, аммо анча жиддий иш олиб бораётганини шу ерда ҳам кўриш мумкин. Жамоа муваффақиятли бўлгани сари таркибдаги футболчилар қиймати ҳам ўсиб боради. «МЮ» орада қандайдир кубоклар ютиб тургани билан мураббий фаолиятини ўлчовчи бирлик барқарорликдир. Сўнгги уч йилдаги «Арсенал»и бу борада ижобий баҳолаш мумкин.

@aslanov_futbol

🌙 Рамазон ойида янги автомобил эгасига айланинг!

Chery Arrizo 6 Pro байрамона акцияси доирасида энг қулай нархда!

✅ Фойдали нарх: атиги 214 900 000 сўмдан!
✅ Катта фойда - 25 миллион сўм!
✅ Фоизсиз муддатли тўлов мавжуд (чегирма амал қилмайди)

Таклиф факат Рамазон ойида амал килади!

📞 Батафсил маълумот учун: +998555000655

“МЮ”нинг Фергюсон давридан кейинги давомли муваффақиятсизликларида асосий айбдор бўлган 20 шахс ҳақида sports.ru да мақола чиқибди. Айнан 20 киши танлангани 20 чемпионлик билан боғлиқ ва албатта, ҳар кимнинг рўйхати турлича бўлиши мумкин. Қисқачаси:

20) Гари Невилл бошчилигидаги танқидчилар, собиқ “МЮ” футболчилари босими. Собиқ юлдузларнинг аксариятида чуқур таҳлил бўлмаса-да, оммавий фикр ҳосил қилиб, салбий таъсир ўтказадилар. Масалан, Рой Кин прессинг керак эмас услуб деган бўлса, Рио Фердинанд Гарначони Мбаппедан устун қўйган.

19) Омар Беррада, мавсум ўртасида услубий томондан фарқли бўлган Рубен Аморимни тайинлагани учун

18) Ҳарри Магуайр, Виржийл ван Дейк бўла олмагани учун

17) Каземиро, биринчи яхши мавсумдан кейин кескин пасайиш, клуб транфер сиёсатининг оқибати

16) Маркус Рэшфорд, академия футболчиларининг “эркаланиб кетгани”

15) Пол Погба, энг қиммат трансфер сифатида ишончни оқлаш ўрнига Моуриньо билан зиддияти, жароҳатлардан тикланишни кечиктириши

14) Криштиану Роналду, ўз амбициялари ва статистикасини ошириш учун келгани, ўз шартларини қўйгани, Пирс Морганга берган интервюси

13) Луи ван Гаал, жуда зерикарли футбол, кўпчилик билан зиддиятлар

12) Оле Гуннар Сульшер, юмшоқ характери туфайли жамоани эркалатиб юборгани, футболчилар учун қулай тактика танлаб, аммо якунда натижаларнинг кескин тушиб кетиши

11) Эрик тен Хаг, клубга янги тизим яратиш мақсадида таклиф қилиниб, икки мағлубиятдан сўнг қулай услубга ўтиб олгани, кейинги муваффақиятсизликлар, Рафинья ва Амаддан кўра Антони ва Рэшфордни афзал билгани

10) Жозе Моуриньо, натижани ҳаммасидан устун қўйиб, якунда топ-жамоаларга нисбатан ўсишда тўхтаб қолгани, таркибни ўзига қарши қўйгани

9) Дэвид Мойес, юлдузли таркиб билан ишлай олмай, дарҳол жамоа олдида эътибори тушиб кетгани

8) Сэр Алекс Фергюсон, нотўғри ворис танлагани

7) Мэт Жадж, клубда трансферлар у орқали амалга оширилган. Айнан у туфайли кўп футболчиларга аслидан ортиқ суммалар тўланган

6) Сэр Жим Рэтклиф, бошқарувни ўз ишининг усталарига топширишга ваъда берган бўлса-да, ҳар ишга ўзи аралашаётгани, зиддиятли қарорлар билан ҳалақит бериши

5) Жон Мерто, клуб тарихидаги илк спорт директори бўлиб, вазиятни ўнглаш бўйича ҳеч нарса қилмагани, аксинча, бир қатор муваффақиятсиз (Каземиро, Антони, Санчо) трансферлар.

4) Ричард Арнолд, собиқ бош директор, 2022 йилда клубда таҳлилий бўлимга профессионаллар ўрнига собиқ афсоналар – Фергюсон, Гилл, Робсонларни жалб қилган.

3) Эд Вудворд, клубдаги молиявий жиҳатни спорт натижаларидан устун қўйгани, аниқ стратегия ўрнига катта номларни жалб қилиши, турли лавозимларга савиясиз мутахасисларни йиғгани

2) Ўғил Глейзерлар, 2014 йилда отаси вафот этгач, клубга бир цент ҳам жалб қилишмади, аксинча, миллиарддан ортиқ суммани дивиденд сифатида олиб чиқиб кетишди. Спорт натижаларини ўйлашмади, клубни тўлиғича шайх Жассимга сотиш ўрнига, маълум қисмини олиб қолиб, даромад олишни кўзлашди.

1) Малколм Глейзер, клубни ўз вақтида 790 миллион фунтга кредит ёрдамида сотиб олиб, кейинчалик, ўша кредитни клубнинг бўйнига ўтказган. Глейзер келгунча, клубда умуман ташқи қарзлар бўлмас, айнан шу инсондан сўнг, “МЮ” шахсий манфаатлар учун восита бўлиб қолди.

@aslanov_futbol

«Пахтакор» Элит Чемпионлар Лигасида 9-ўйинда энди 2-ғалабасига эришди. «Ал Ҳилол» 9 ўйинда 7 марта ютган, эндигина илк мағлубиятига учради. «Пахтакор» бугунгиси билан ҳисоблаганда 5 та гол урган. «Ал Ҳилол» 26 та. Досарининг ўзида 7 гол бор.

Аммо масалан, кейинги ўйин дуранг бўлса, «Ал Ҳилол» эмас, «Пахтакор» турнирда қолади. Формат шунақа нарсаки, қачон ютишни, қачон ютқазишниям билиш керак :)

@aslanov_futbol