من يكضي ليل  العاشر ... يا زينب الله الساتر
بيمن تحشمين...  مذبوح الاحسين
يالغريبه
ـــــــــ
الليلة يا زينب أمان  اخوانج يحرسونج       
باجر اينكع التراب سيل ماي اعيونج
لا كو خيمه ولا كفيل ولا أهل يحمونج                
نار تلهب الخيام  وسوط يدمي امتونج
تمطر مصايب باجر ...  يا زينب الله الساتر
للتل تركضين     مذبوح الاحسين
يالغريبه
ـــــــــــــــــــ
من تشوفين  الرسول  ينذبح كدامج
تهجم الما عدها دينيفرهدون اخيامج
يصيح زين  العابدينعمه  لمـي ايتامج
  للمصايب  والعذاب كومي شدي احزامج
نسوان تكسر خاطر...  يا زينب الله الساتر
تنطي الوجه وين  مذبوح الاحسين
يالغريبه
ـــــــــــــــــــ
الشارده وبخيمها نار خايفه يسلبونها
ناس ما عدهم  ضمير ابليس عامي عيونها
اتحشم النسوان بيش لا اهل يحمونها
اطفالهن تحت الخيول الطاحت  يسحكونها
لا كافل ولا ناصر... يا زينب الله الساتر
بس الملاعين... مذبوح الاحسين
يالغريبه
ـــــــــــــــــــ
شردت اطفال الحسين امن الرعب بالهيمه
كاع صبخه وماكو ماي لا مطر لا غيمه
كلها حركوها الخيام  ما بقت لا خيمه
اليبست عينه الدموع  احتار كلبه بضيمه
اطفال تحت الحافر ...  يا زينب الله الساتر
بيهم  تلمين....مذبوح الاحسين
يالغريبه
ـــــــــــــــــــ
الجان ما واحد يشوف طرف ضل اخيالها
اليوم مرعوبه وتشوف   نار طرف اذيالها
بجال عباس الغيور ياهو يتدنالها
اليوم مسبيه  ليزيد     والشمر يبرالها
صار  الابد ما صاير ...  يا زينب الله الساتر
المن تتانين      مذبوح الاحسين
يالغريبه
ـــــــــــــــــــ
امعلمات اعلى  الدلال الناس يحترمونهن
لو بني هاشم يجونبكربله يشوفونهن
مخدرات  ال الرسول  بيا وكت يسبونهن
بالخرايب عالتراب  بلا ذره  يكعدونهن
يا كلب  يحمل صابر ...  يا زينب الله الساتر
تنطي الوجه وين    مذبوح الاحسين
يالغريبه
ـــــــــــــــــــ
نعيم ابو باقر الساعديhttps://www.tgoop.com/asmssjl

دفن الاجساد محاورة بين الامام السجاد والسيدة زينب عليهما السلام
،،،،،،،،،،،،،،،،،،،،،،

يا زينب بلا راس رحت ودفنتـه
ذاك العزيز حسين بچفوفي شلته
::::::::::::::::::::::::::::::::::::::::::::::

يا عمه جسم حسين شيلمه اليـــه
ما ظل كتر ينشال لبن الزچيـــــــه
رضت ضلوع الدين خيل اعوجيـه
هو الجرح شيطيب لو فوگه ميــــه
سهم الگلب اذاه لمن سحبتــــــــه
ذاك العزيز حسين بچفوفي شلتـه

،،،،،،،،،،

حاچيني يلسجاد يا عمه وينــــــه
ظنيته رد وياك واگبل علينـــــــه
لتگلي جوه تراب نايم ولينـــــــه
ما آيست مذبوح وتصدلي عينه
يكعدلي عمه ادريه لو يسمع اخته
ذاك العزيز حسين بچفوفي شلتــه

،،،،،،،،،،،،،،،

شحچي السبط مذبوح واوصاله طشار
والخنصر المكطوع دورته محتـــــــار
يا عمه ضلع حسين هم صابه بسمــار
دفعو عليه الجيش واتخيلي الصــــــــار
ذكرني بالزهراء بعيوني شفتـــــه
ذاك العزيز حسين بچفوفي شلتـه

،،،،،،،،،،،،،،

لتگلي ما حاچاك ما گلك اختـــــــي ؟
ذاك البعد عمريــن يسمع حسرتــــي
راسه برمح مرفوع ويحسهه ونتي
ما وده صوغة شوگ تمسح دمعتـي
چا گتله زينب ذيچ تنطر گعدتــــه
ذاك العزيز حسين بچفوفي شلته

،،،،،،،،،،،،،،،،

يا زينب الطعنات والــدم والتـــــــراب
خلن حبيبي حسين فوگ الرمــل ذاب
لو حاضره الزهراء وتشوف المصاب
چا ماتت من النوح ما حاجه للبـــــاب
رغم الضلع مكسور والدمعه سكته
ذاك العزيز حسين بچفوفي شلتـــه


،،،،،،،،،،،،،،

مو گتلك اخذ وياك دمعي وعبــــــاتي
لم بيها اخوي حسين روحي وحياتي
لو يسألك چا وين اختي وبناتـــــــــي
گله بخرابه يصير نومي وصلاتـــــي
ماتت حزن علراس بالغربه بنتـه
ذاك العزيز حسين بچفوفي شلته


،،،،،،،،،،،،،،،،،

يم النهر مطروح زينب كفيــــــلچ
بالچربه مامش ماي خاطر يجيلچ
حيله انتي زينب راح شيرده حيلچ
چنتي بحمى العباس بارد دليلــــچ
هسه الگمر عالگاع فرغت جربته
ذاك العزيز حسين بچفوفي شلتــه


،،،،،،،،،،،،،،،،،،،،،،،،

لا عمه اخوي يموت خافنه غافي
ما گتله اخته تگول نوم العوافــي
لو حتى مات الحيد يگعد يوافــي
چا هو بس الزين دلاله دافـــــــي
ناطرته اظل للموت يرجع عرفته
ذاك العزيز حسين بچفوفي شلته

كلمات / رعـــد الفريـــجي

أّلََّسلَأّمَ عٌلَيِّګمَ خَدّأّمَ أّلَحٌَّسيِّنِ (عٌ)
نرحٌبِ بِګمَ فی قناة الثورةالزینبیه
(خَدِمَةّ أّلَحٌَّسيِّنِ شٍرفِّ لَنِأٌّ) رابط القناة👇👇👇
تهتم بنشرالقصائد بل اضافه الی الحانکم المبارکه
https://www.tgoop.com/asmssjl

بيش ألمك .... وذر جسمك
مستحي منك شكول
الله لا ينطي الخيول 
....1....
عمية ريت اعيوني ما ظل بيها شوف
الحافر شخـــلالي مــنك حتى اشوف
يا جرح   منك اشـد يا جرح اعوف
بيك الف طعنت رمح غــير السيوف

بحافر الخيل ... منسحك حيل
تبجي الك عين الرسول

....2....
حـــاير ابيا صورة ادفنك يالامام
كلشي منك ما بقى سالم حـــرام
فوك صدرك كاعده بكثرة السهام
ماخذه امجان الرضيع البي ينام

باكن امجان ... طفل عطشان
اهو نام بوسط جول
....3....
اشلون اشيلك كلشي ما ينشال بيك
امطشر اعله الكاع من كل صوب اجيك
خاف اشيلن صدرك ايطيحن اديك
حيرة محتار بجمعت خــــذني ليك

بوية محتار  .... امشي واندار
هذا انت أبلايه طول
....4....
اعذرني بويه عليك دمعاتي التسيل
بالحصيرة شلون جسمك راح اشيل
عالصدر ما عاينو عـــرش الجـــليل
بــــوية حتى خيولهم ما بيها اصيل
 
اه يمذبوح ... ما بقت روح
حلم ياريته يزول
....5....
بوية بعدك كلشي ما ظل عندي راح
بس بواجي عيوني والهم  و الجراح
بطيحتك من عل المهر كل حيلي طاح
اسمله كلبي اعليك من الخيمه صاح

كلشي يهواك   ... ميت اوياك
عندي ما ظلت حلول
......
تمت
....
موسى الخادمhttps://www.tgoop.com/asmssjl

#نعي

مرينه اعلى جسمك لحظة وداع
بس مرة سبايه ومستعجلين..
الله وياك كتلك خويه عباس
طلع موكب خواتك ماكلت وين
اشو ماناشدتني اعللهزل ليش
ولاگتلي يزينب وين تردين
ومالحكنه نوكف نلطم عليك
وسلمنه اعلى جسمك واحنه ماشين..
نخيتك ماكمت مستحيه رديت
واكل للروح ميت لاتعتبين..
على كلن طلعنه بدك الطبول
ومشه موكب الروس وقائده حسين
وطلع موكب عزانه ومشه استعراض
موكب بس منصاته الدواوين..
وجمهور اليعاين موش جمهور
شماته تكول حسبالك مجانين..
نلطم يالطم زنجيلنه السوط
واللطامه زينب والنساوين..
الفشل كل الفشل من طبت السوك
شكثر صعبه اعلى بنت الهاشميين..
شفت نسوانهم تضحك يعباس..
كلها تكول حامي ضعونجن وين..
صدگ عافج يزينب ستر الخدور
وينه الگالج بحماي تمشين
صرت مجبورة ادنگ من ينشدون
افزعه شلون زحمة لماله جفين
وخلصنه العزه وانتهه الزنجيل
بس بظهورنه ظلت نياشين..
ونصبنالك عزه بنص الخرابات..
بس شلون تعزيت مساجين..
ونعيتلكم نواعي تشيب الراس
لما ماتت رقيه بكثر الونين..
ولمن حسيت راسك صاح كافيج..
عميتيها يزينب هيه بس عين..

رائد الناشي

#اللهم_عجل_لوليك_الفرج
https://www.tgoop.com/asmssjl

نزله للدنه

#قصائد_الدفنه   #ونسالكم_الدعاء
(اليوم ثالث عالتراب امذبحين) موشح

الــيــوم ثــالــث عـالــتــراب امــذبحيــن
الگــمر والــقـاسم والاكبــر والــحـسـيـن
❀......❀......❀......❀......❀1
الــگــمــر والــقـــاسم والاكـبــر عـالثــره
والـحسين ابــلايــه راســه وخــنــصــره
وســفــه زينــب بـل خــرابــه امــحيــره
اتــشــوف ابـوالبــاقــر فلا غمظتله عين
الــيــوم ثــالــث عـالــتــراب امــذبحيــن
❀......❀......❀......❀......❀2
اتشـــوف ابو البـــاقر ابلحظات اختـفـه
ويـــن راح اورد عـــــلــي مـــاتــعــرفـــه
صاحـــت اثـــيــابـــك تـــراب امتـــلفـــه
وتصفگ ابيــسراك ليـش اعلى اليــميــن
الــيــوم ثــالــث عـالــتــراب امــذبحيــن
❀......❀......❀......❀......❀3
تـــصـــفـگ ابيـــسراك ليـــش ابيمنتـــك
وحـــدك ادفنـــت اهـــلك انت وعزوتـك
مـــا خـــذيـــت ويـــاك زينـــب عـمـتــك
الـــطم اعلى الــراس بـــيديــه الاثنيــن
الــيــوم ثــالــث عـالــتــراب امــذبحيــن
❀......❀......❀......❀......❀4
الطم اعلى الراس وجري دمعتــــــــــــي
ماخذتني وياك عمه لخوتـــــــــــــــــــــي
ليش بالكوفه عفتنــي ابحسرتـــــــــــــي
وسأل الايتام عنـدك رحت ويــــــــــــــن
الــيــوم ثــالــث عـالــتــراب امــذبحيــن
❀......❀......❀......❀......❀5
وسأل الايـتام ماشفتـــــــو علــــــــــــــي
لهلي رايح وحـدك وتـــــــرد الــــــــــــــي
من رحت للشاطي تدفن كافـلــــــــــــــي
رجعت لزنوده عمه جفوفه زيـــــــــــــــن
الــيــوم ثــالــث عـالــتــراب امــذبحيــن
❀......❀......❀......❀......❀6
ليلى صاحت ارد اسألك بس ســـــــؤال
ادفنت اخيك لوتركتـه اعلى الرمـــــــال
عفته بالطف وذرت جسمــــه الانــــذال
واحنه اجينـــه اعلى الهزل متيسريـــــن
الــيــوم ثــالــث عـالــتــراب امــذبحيــن
❀......❀......❀......❀......❀7
رمله صاحت والدمع منهه يسيــــــــــــل
فدوه زينب خل يجاوبني العليــــــــــــل
انه عفت اوليلدي عالغبره جتيـــــــــــــل
وخلصت درب اليسر نوح اونيـــــــــــــن
الــيــوم ثــالــث عـالــتــراب امــذبحيــن
❀......❀......❀......❀......❀8
والرباب اتصيح انه ارد اســــــــــــــألك
ادفنت عبدالله ييمـــــه وي هــــــــــــلك
احجي وريحلي گلبـــــي اتوســـــــــــلك
ذابحينــي ولارضيـــعي ذابحيـــــــــــــن
الــيــوم ثــالــث عـالــتــراب امــذبحيــن
❀......❀......❀......❀......❀?
#الشكرلله خادم الزهراء ع ملا علي
#نسالكم_الدعاء25✍
❀......❀......❀......❀......❀


#نسالكم_الدعاء

https://www.tgoop.com/asmssjl

يــنسمات السبي لمن تــــهبين
أمانه اعليچ سلميلي عالحسين
بقه فوﮔ التراب دمه المنحر خضاب
*
ردت يَمه اظــل مــاأمشي عـنه
احضر كـون من ايـحـــين دَفنه
تشبع شوف بلكــت عينــي منه
واشيد بــــيــت يَم ﮔبره واسكنه
سـﮔف مــاريد عنـــــي يمنع الحر
جسمه بالشمس ظــل عاري بالبر
عليه دلالي ذاب دمه المنحر خضاب
*

وي كل خطوه روحي تريدتطلع
لوبيدي الأخوي حســـين ارجـع
دليلي عـــــــاد يَمه بلكي يهجـع
ولوحاله عالتـــــــــــربان يفجع
جروحه عـــــــدهه ألف وتسعميه
أريد اﮔـــــعد وداويهــــــــــن بديه
اجروح الجسد ثياب دمه المنحر خضاب
*
خطوات السبي ابكل خطوه عَبره
اجروح اتخضر ومــــاظنهه تبره
ذاري اترابــــهه كل ذره جـــمره
ومثل دمع السبايه التجري حمره
نيــــــران الـــــــبُعد ماتصبح ارماد
لان ماتنطفي وكــــــل خطوه تزداد
مثل نار المصاب دمه المنحر خضاب
*
يـــــنسمات السبي تدرين بـينه
اجينه بالأمس مــــــــن المدينه
وعباس الـﮔمر حادي الضعـينه
وراح الكافل وعـﮔـــبه انسبينه
اخبرݘ عالنهر خـــــــلينه عـباس
على ذاك الرمح هل معتلي الراس
بݘه الأجله السحاب دمه المنحر خضاب
*

أخذي ادمـوع مني ومـــن الايـتام
بيهن ريحه مــــن دخـان الاخـيام
واسي بيهــــن الاكــــبر وجـــسام
لحد من عــود من الكوفه والـشام
عــــــﮔب هــــذا السبــي تالي نجيهم
ومثـــــــــل غيــمه دمع نمطر عليهم
نرد عـﮔب الغياب دمه المنحر خضاب
*
تمت بعون الله تعالى وفضلهِ وإحسانه


حيدركريم جارالله الكربلائي

أّلََّسلَأّمَ عٌلَيِّګمَ خَدّأّمَ أّلَحٌَّسيِّنِ (عٌ)
نرحٌبِ بِګمَ فی قناة الثورةالزینبیه
(خَدِمَةّ أّلَحٌَّسيِّنِ شٍرفِّ لَنِأٌّ) رابط القناة👇👇👇
تهتم بنشرالقصائد بل اضافه الی الحانکم المبارکه
https://www.tgoop.com/asmssjl

يا دنيه ارحميها   كافي تجرحيها   خليها ترتاح
تعبت ملامحها   والليل ذابحها   خليها ترتاح
**
ويزينب اشعندج بعد   يا دنيه منها اشتردين
يالماخذه اعزاز الكلب   وين الكبل كحل العين
مو مره ماتت بت علي   تدرين ماتت مرتين
مره اعله شيال اللوه   ومن سلبو هدوم حسين

ومن فركة اخوتها   تتمنه موتتها   فجر الالم لاح
تعبت ملامحها   والشوك ذابحها   خليها ترتاح
*
هوه اليجر كوه النفس   هذا بحياته اشعنده
والعبر مرحلة البجي   تيبس الدمعه بخده
ويزينب اشعنده الوكت   سواها وحده بوحده
باب الفرح من الزغر   ليش بوجها ايسده

من كلشي محرومه   كضتها مهضومه   والحادي ذباح
تعبت ملامحها   والليل ذابحها   خليها ترتاح
**
ليش الحياة تغيرت   والماي مات احساسه
والرمح من راسه نزل   خله الحسين براسه
ما جاسه حافر بالسحك    بس دمع زينب جاسه
وجف الوفه اينكط وفه   لو سولف بعباسه

مجروحه وتكابر   ومكسور بالعاشر   من زينب اجناح
تعبت ملامحها   والليل ذابحها   خليها ترتاح
*
ما تنسي ايام اليسر   يشفه الجرح ذاك اشلون
والصوط ماكل جم ضهر   بالعاشر وجم متون
بيا وكت مجتوفه بحبل   والناس بيها ايشمتون
هاي اخت عباس الكمر   كلهم عليها ايصيحون

تنسه الالم صعبه   فكد الاهل غربه   ناعي الحزن صاح
تعبت ملامحها   والليل ذابحها    خليها ترتاح
***
اشضل بيها حته تون بعد   يمته تكف دمعتها
جا ليش هيجي كربله   ترتاح ما خلتها
زينب حنينه ومن تون   تبجي السمه الونتها
تدرين سل ام الخدر   بالطف افراك اخوتها

جمر الخيم يلهب   اشسوه بكلب زينب   وتحرك وطاح
تعبت ملامحها   والليل يذبحها   خليها ترتاح
***
هاليوم ماتت بت علي   واخوتها ما حضروها
وماكو كرابه ولا اهل    بس غربه اليشيعوها
اتمنت ولدها بالكبر   لو ماتت اينزلوها
وكلهم يهيلون الترب   والفاتحه يقروها

ادموع الجفن صاحت  ام الخدر ماتت   وكلشي انتها وراح
تعبت ملامحها   والليل يذبحها   خليها ترتاح
***
تمت
تحسين الخفاجيhttps://www.tgoop.com/asmssjl

اعله باب الشام چم ساعات ضلينه
سبايه والغرب تتفرج اعلينه
سمعنه من الحچي اشكال
هضيمه علينه ينگال

ضعن متعوب من يومه من ازغر طفل ليه
الشمس والصوط تعبنه وماكو النگعد بفيه
تعبنه من المشي والضيم رفضو نگعد اشويه
كلما اريد احاچيهم صاحو انتي مسبيه

اذا تنشدني عن الشام مايرحم
اثارالدموع اهنانه ماتنضم
وتگص ابچفي الحبال
هضيمه علينه ينگال

شتمه ابكل متر نمشي وگلبي عله القهر صابر
بدمعي ومشي محنيه وضعنه اليا كتر حاير
وبنات احسين من الضيم الوحده تكسر الخاطر
صرنه اشلون صدر احسين من يسحگ عليه حافر

غربه اوجوهم كل عرف مابيهه
زينب وي غرب والغرب تسبيهه
اجدامي ابحسره تنشال
هضيمه اعلينه تنگال

المالاحهه صوط الشام من الحجر ماتمشي
الحجرمايندل امن ايطيح الچفهه ازغير مايحمي
ولايه ابطولهه فزعت علينه وبل حجر ترمي
عمه اهواي گمت اسمع الح گينه انتخن بسمي

حرت ياهي الاضمهه وياهي اعوفنهه
وكل وحده تموت ابعيني اشوفنهه
دم من الجفن سال
هضيمه اعلينه تنگال

اول تالي بت حيدر مچتوفه ويمشوهه
بقصر گتال اخوهه اشلون ذيچ الوگفه وگفوهه
قسو بيه بحچيهم حيل وعليه اصوات علوهه
القصر والبي فرد چلمه زينب وسفه سبوهه

تمنيتك تشوف اشصاير اعلينه
من بعدك نموت احنه تمنينه
بچو حته الاطفال
هضيمه علينه تنگال

من عزي ودلاي الچان ابخرابه گعدتي صارت
ماغمض جفن بيه اختكم خويه مانامت
الضاعلهه مثل عباس بين الغربه ماعاشت
بچت مومن بچي زينب خويه من القهر ماتت

يخو زينب تعال الزينب ادفنهه
تواسيهه وتطيب چم جرح منهه
مخليتك للثگال
هضيمه علينه تنگال

سلام البهادليhttps://www.tgoop.com/asmssjl

فزاعيه جنوبيه للأربعين
عندما رجعت زينب من الشام الى كربلاء في يوم الأربعين جلست عند قبر اخاها  ابا الفضل العباس  تكله لسان حالهه
             
         ♕المستهل ♕

اختك من مشت مادنكت هامه
وماهمني يزيد النذل وزلامه

♕♕♕♕♕♕♕♕♕♕♕♕♕♕♕♕♕
ضلت شامخه زينب المهيوبه
وماهمني طريج الشام ودروبه
وشكتله ليزيد اسمعني النوبه

كتله.   ♕اخت القاده كدامك هاي
♕♕♕♕♕♕♕♕♕♕♕♕♕♕♕
اخوي القائد وانه القياديه
وماطخ راسهه زينب النشميه
مو حسبالكم صحتولي مسبيه

تاج اعليكم الحره اتضل
♕♕♕♕♕♕♕♕♕♕♕♕♕♕♕♕♕
تاج انه وعليكم هايالحثاله
ويخسه النذل لو ضلي تدناله
انه شامخه اعله الشام ورجاله

ذليته جم واحد بيهم
♕♕♕♕♕♕♕♕♕♕♕♕♕♕
جم واحد بواحد انه ذليته
الشمر عن الرجوله اهناك حاجيته
مدنك راسه اعله الكاع خليته

دنك راسه من شاف الحك
♕♕♕♕♕♕♕♕♕♕♕♕♕♕♕♕
ضل الراس عالي ومانزل راسي
وكتله انه السبع معروف عباسي
وانه حيدريه منبعي وساسي

تعرفوني بت داحي الباب
♕♕♕♕♕♕♕_♕♕♕♕♕♕♕♕♕♕♕
بقلمي عاشقه العباس الشاعرة والملا ام عراق الشمري البصره صاحبة ديوان الرايه الخضراء ولايجوز حذف الاسم شرعا وغير مبري الذمه لكل من ينسب الكلام لنفسه

             صاحبة الحسچه الجنوبيه                   
             ام عراق الشمري البصره
https://www.tgoop.com/asmssjl

✮ختاميه المجلس للعباس عليه السلام



يمر بيها ---------- عباس اندها
✮
زينب محزونه يـــخليها
✮
ماتحمل لوعه ويــدريـها
✮
ياسوط عداكم ماذيـــها
✮
من بعدك غربه تــماشيها
✮
تشتمها عــــداك تــبجيها
✮
يايومك يوجــع وعــليها
✮
مالج خــــــوان يـــناديها
✮
للشام الحادي يــمشـــيها
✮
اگعد عباس ارجع لـــــيها
✮
محزونه ام عون الواليــها
✮
واطلابه العدكم تـــگضيها
✮
عطشانه طفالك تـــــرويها
✮
گضاي الحك اگعد لاتجفيها
✮
بالشام هناك تـــــــــمر بيــها

✮
اترد بيها------وأم عون تريد

✮━━━━━•°•°✮•°•°•━━━━✮

✮شـا؏ـــرة اهل البيت الـﻋلويـه
✮ام بـــهاء الديـــن المــوســوي



https://www.tgoop.com/+hBfoc0e_jT0wNTAy

نعي لرقيه ع

عله كيفج يخاله يالتغسلين
خاف جروحها بيدج تلجمين
بهيده وي رقيه من تكلبين
بعدهي زغيره خافنج متدرين
خلي اتغسل وياج النساوين
فوك اجتافه لا لا تمسحين
عليه اثار سوط من الملاعين
وبعدفوك الظهر عدهه نياشين
.....
موعليله يغسالة رقيه موعليله
لجن شافت مصايبنه الثجيله
زغيره ومحنة المرت طويله
تتمنه ابوها يعود ليله
ومن هذا الهظم صارت نحيله
....
الله وياج عمه يارقيه
يالمتي يعمه ابين اديه
شكل لحسين من يعتب عليه
يكلي ليش ماجبتيه اليه
شكله اندفت ابطن الوطيه
........
علي الحاج الالصبيحاوي

أّلََّسلَأّمَ عٌلَيِّګمَ خَدّأّمَ أّلَحٌَّسيِّنِ (عٌ)
نرحٌبِ بِګمَ فی قناة الثورةالزینبیه
(خَدِمَةّ أّلَحٌَّسيِّنِ شٍرفِّ لَنِأٌّ) رابط القناة👇👇👇
تهتم بنشرالقصائد بل اضافه الی الحانکم المبارکه
👇👇👇👇https://www.tgoop.com/asmssjl

صوتمن بالباب هاي الگاعده
اتصيح يامذبوح آنه الوالده
آه ييمه      آه ييمه      آه آه
ــــــــــــــــــــــــــــــــــــــ
اسمع صوت من باب الحسينيه
صوت امريه يشبه صوت لطميه
اتصيح انه الزمان الـمارحم بيه
ابني إگطعو نحره اوبنتي مسبيه

الزهره هاي ام الدموع الحاره
ورده بس ذبلانه كلش صايره
آه ييمه      آه ييمه      آه آه
ــــــــــــــــــــــــــــــــــــــ
ذيچ السيده اعله الباب گعدتهه
شفت عبد الله ملفوف بعبايتهه
وجثه امگطعه المجلسنه جابتهه
شهر عاشور بايگ منهه فرحتهه

اتگول اموت امن البچي خلوني
كون عالغالين تعمه اعيوني
آه ييمه      آه ييمه      آه آه
ــــــــــــــــــــــــــــــــــــــ
حضر صرختك يالعايش ابنعمه
بعد لحضات تدخل للعزاء امه
واتطلع قميصه الناگع ابدمه
وكل احنه عطر مذبوحنه انشمه

واليشم هذا العطر هنياله
فاطمه الزهره تريح باله
آه ييمه      آه ييمه      آه آه
ــــــــــــــــــــــــــــــــــــــ
من عشرة محرّم فاطمة اتون حيل
لان عشره اليدوسن عالحسين الخيل
الهيل ابهاون ايطحنونه بس ياويل
هم شفتو بحوافر يطحنون الهيل

والامدلل هذا ياهو الذابحه
اووين زينب عن اخوتچ رايحه
آه ييمه      آه ييمه      آه آه
ــــــــــــــــــــــــــــــــــــــ
اتباوع عالخدم واتدگ عله الهامه
منو البعيونه دم وبالوجه شامه
منو الـمحتزم الجدّه بالعمامه
وين المهدي تسألكم يلطامه

بس اشوفنه ترد عافيتي
والضلع يشفه واذب عوچيتي
آه ييمه      آه ييمه      آه آه
ــــــــــــــــــــــــــــــــــــــ
ابحضرة فاطمه انغض البصر لازم
احتراماً للضلع والدمعة القائم
الزهره اتگول شو عدكم نقص خادم
وين الچان يبچي بزفة القاسم

آنه عن كل الخدم مسألوله
الليله ازورك بالگبر گلوله
آه ييمه      آه ييمه      آه آه

محمدالجماسي

#اللهم_عجل_لوليك_الفرجhttps://www.tgoop.com/asmssjl

امشي وحدي لو تروح اويايه
                 انطيني يا عباس بس احجايه
اتگوم تحدي الناگه لو يحدي زجر
                        اختار هايه يالگمر لو هايه
××××××××××××××××××××××××××××××
عاينت ﻻ ضل كفيل او ﻻ حمه
                   الناگه ولمت والعده أتانيني
ابعيد ما ضن النهر وتأخرت 
                 أنجان ما تگدر تجي حاجيني
اصعد اعله الناگه گلي ابيا ادين
             ابحبل شدو يسرتي اعله ايميني
خويه عيني عليك وانتضرك تعود
                 خاف امشي وما تشوفك عيني
انطيتني حجاية بخت يعضيدي"
                  ولسه جفك بعده طابع بيدي"
انجان عذرك بالجفوف امگطعه ـــ
                   هاك جفي وبيهه شيل الرايه
××××××××××××××××××××××××××××××
صاح بيه الحادي صعدي اعله الهزل
                        يلله زينب هاي يمج ناگه
كتله عندي اعله النهر كافل بگه
                    خاف اعوفه اوما بعد نتلاگه
هوه ما عودني امشي اويه الغرب
                      وانه هسه الشوفته مشتاگه
بلكي يحضر هوه يتوله الضعن
                    بيده لو حادي الرجايب ساگه
صح يجيني امگطعه ذرعانه"
                       يمكن ايعض الرسن بسنانه"
ايمدلي زنده المنكطع من عنده جف ـــ
                ايگلي خويه اوياي گومي اويايه
××××××××××××××××××××××××××××××
اتنفسك عباس كل شمة هوه
                   والوفه ابريحة هواك اتنشگه
خويه طولي انشاف منك اعتذر
                   فوگ ناگه وباﻻعادي مطوگه
خويه تدري ابياوضع عنك مشيت
                    شابگه الناگه وعليهه مدنگه
امحرگه اطراف العبايه يالجفيل
                وبعد بيهه اشگد وصل متشگگه
لسه ياعباس ماني مصدگه"
                       اصعد الناگه بعبايه محرگه"
خويه اذاني الحبل طابع بدي ـــ
                    وهيه من نار العده مجوايه
××××××××××××××××××××××××××××××
الكطع جفوفك يخويه يدري بيك
                    ومن كطعهن عنده اكبر غايه
سمع بيهن گبل قبلهن ابوك
                  وعدهن امن خدري وي الرايه
طابعه شفايف علي فوگ الجفوف
                     وحيل ياخويه تغثهم هايه
وﻻن عينك بيهه بس زينب تشوف
                         بالسهم رادوها امطفايه
انه ادري بزينب اتعيش بدماك"
            خويه بس محتاجه تسترني بلواك"
صاح بيه الحادي عفتيه الجفيل ـــ
                       گتله ﻻ راس الگمر ويايه
××××××××××××××××××××××××××××××
ضعن كله يصرخ ابأسم الكفيل
                 وين عباس الگمر عمنه الحنين
اسمعت سكنه اتصيح اذتني الحبال
               مايجي عمي ويفكها من الايدين
لن رقيه التفتت وصاحت هدوء
               انه ادري ابعمي هاي الساعه وين
شفته گاعد وهو مگطوع الجفوف
                بالزنود ويمسح اجروح الحسين
اسمعته گله ذيج زينب راحت"
              وسكنه من عالناگه يمكن طاحت"
ﻻ تنخن بالگمر لو عاف ابوي ـــ
                   يبقى وحده ابعمتي الكفايه
××××××××××××××××××××××××××××××
عمه گطعي الضنه من عباس اخوج
                       يم ابوي اهناك گاعد شفته
جاب ريحة ماي من شط الفرات
                  عله زنوده وبيهه يمسح شفته
ايگله صح الماي لمسته الجفوف
                          كطعتهن والعذب ما ردته
وسمعت عمي يگل لحسين ابوي
                       وسفه زينب للشمر ماشته
الجانت العز والدﻻل ايحوفها"
                ايسيره هسه وآل أميه اطوفها"
فوگ ناگه وتنضرب كل ساعه سوط ــ
                    سوه من عدهه المتن دمايه
××××××××××××××××××××××××××××××
حسين باهض الحلفيhttps://www.tgoop.com/asmssjl

لاتودعنـي وتسـولف ع الـرحيل
خويه محروس بعلي وعمرك طويل
خـويه كلبي تكَطعه
لاتكلــي  مــودعــه
حملي من ترحل يبوفاضل يميل
ــــــــــــــــــــــــــــــــــــــ
اسم الله خــويه منالمفارك لاتسولف ع الهجر
خــويه من عمري اعله عمرك يابعد كل العمر
مــن تكَلـــي وداعت الله تكَطــع بكَلبــي وذر
العدهـا مثلك يــابـوفـاضل ماتسولف بالنهــر

خويه عوف الماي مالازم تروح
وانته تدري برايتك متعلكه روح
بالعطش من انجوي
من اشوفك ارتوي
انته ماي وشوفتك تشفي الغليل
ــــــــــــــــــــــــــــــــــــــ
جلمة الله ويـاج زينب يابــوفـاضل مــا اريـد
خويه هـاي الجلمه اهيس تكَطـع بكَلبي وريــد
كبل يومك يومي خويه ان شاءالله ويومك بعيد
اَنـه باليــوم الاشــوفك ينكتب عمــري الجــديـد

يوم زينب كبلك وعمرك يطول
موتي هجرك جا بعد شتريد اكول
بس نفس مابيه صوت
هسه بس تروح اموت
شلون اودعلي كمر والدنيه ليل
ــــــــــــــــــــــــــــــــــــــ
شلــون تقبلها بوجودك زينب اختك خـــايفـه
بس سمعتك كتلي رايح والضوه بعيني انطفه
اكَعد وياي ارد اشــوفك وانسه سالفت الجفــه
خــويـه يـل كلك محنــه منين ماشبكَك وفـــه

شلون اكظي الليل عباس بجفاك
وانته روحي وعايشه الدنيه بهواك
مــن جبت طــاري الوداع
تصورت جن خدري ضاع
روحي ماتحمل جفه وهجرك يعيل
ــــــــــــــــــــــــــــــــــــــ
خويه من شفتك كبالي خيم بكلبي الحزن
وارخصت دمعة عيوني وبللت خد الجفن
انته يمي وما امل لشوفتك كل ساعه احن
ومن كثر مابيه شوك تخيلت طولك حظن

انته هسه كبالي وتصور بعيد
شلون تكسر خاطري وترحل تريد
ياعباتي وشيلتي
لاتطيح خيمتي
خويه اسكت وارحم دموعي التسيل
ــــــــــــــــــــــــــــــــــــــ
عيني للرايه واسولف وحدي ودمعي يهمل
المثل ابوفاضل يروحي شلون فركَا ينحمل
واشهكَ ويبجن خواتك والكَلب منهن وجـل
وانه اكَلهن لاتخـافن بعده ابو فـاضل عـدل

بس يسكتن وارجع بصفناتي ليك
روحــي يتراوالـي مورايه البديك
افز مرات ارد اصيح
خــويه بــالك لاتطيح
خدري هايه وخدري عندك موقليل
ــــــــــــــــــــــــــــــــــــــ
اشبح عيوني اعله طولك خويه والهم ينجلي
يــابعـد مـاي البعينــي وخيمتي وبيــرغ هلــي
انــوب اكـل لروحــي امنــي مايعوفج كافلـــي
كبــالـي موعباس اشوفك جنـي اشوفنك علـي

بيك اشوفن امي والضلع الكسير
وجني اشوفنك المحسن بس جبير
تصورت كل اهلي بيك
وامي مرسومه اعلى اديك

ماكو بس انته وعلي لزينب كفيل



رائد الناشيhttps://www.tgoop.com/asmssjl

اطلبو الحوائج من ابا الفضل العباس

القصيده من ديوان جرحات الطف متوفر حاليا في جميع المكاتب
👇👇👇👇

حال لسان زينب مولاتي عندما رات شجاعه العباس وهو يضرب عن اليمن وعن الشمال

..... تكله خويه
  عباس فخر الهاشميه   وبيك تكحلت كل عين
شنهي الوصيه الوصتك بيها  ام البنين
  ياساس الاخوه  ويلشارب حليب الزين
〰️〰️〰️المستهل

شكتيله ولعب جوله يبدويه

  ابنج يليدك بلساس حربيه

〰️〰️〰️〰️〰️

مثل غيم ومطر ابنج نزل بيهم

   مسلح بلسيوف وما يحاجيهم
بجفوفه السخيه اليوم  لا ويهم

((( فرحانه الخوه  اتباهت)))

〰️〰️〰️〰️

شحجيتي وياه يوم الغربو  بينه
اضن كتيله يمه يبع جفينه

       الج يم البنين اليوم هنينه

((ابنج ضحلي بناضر من عيناه)))

〰️〰️〰️〰️

وكف وكفت شجاع اليوم ابو فاضل

بعيونه يشد الحمل لو  مايل

    يوديلج سلام ولج بي كايل

(((    نيشان اجفوفي   ضلن بلطف))

〰️〰️〰️〰️

  منك تستحي الخوه وطاريها
  يعباس الثنايا انته  الحاميها
    وانته كل صفات الخوه حاويها

    ))تشهد ذرعانه ابنج ماقصر))))

〰️〰️〰️

    شنسولف  على ابنج اه يبدويه

    حلوه كل صفاته وبيها حديه

     هذا الي يحط للزلم وعديه

  ((بي عباس الحد متونس)))
〰️〰️〰️

خادمة البتول  المله ولشاعره ام نادين المحمداويه
اللهم صل على محمد وآل محمد
https://www.tgoop.com/asmssjl

توصيات المرجع الديني الأعلى السيد علي الحسيني السيستاني للزوار اربعينية الإمام الحسين عليه السلام
1.لا يجوز الوضوء من البرادات المخصصة للشرب
2.لايجوز للمرأة الخروج للزيارة بدون إذن زوجها فلو خرجت كذلك فسفرها سفر معصية تصلي تمام ولا تصلي قصر في السفر
3.اذا منعك أبوك او امك من الذهاب خوفاً وشفقة عليك وكان ذهابك يسبب إيذاء لهما او لأحدهما فهو حرام
4.يحرم على المرأة وضع أي زينة ولو خفيفة والخروج مكشوفة الوجه أمام الرجال
5.لايجوز للمرأة اظهار قدميها للرجال الاجانب فيجب عليها سترهما بلبس الجوراب
6.لايجوز استخدام سلعة اي شخص بدون إذنه حتى حذائه لايجوز تلبسه بدون إذنه
7.يحرم التبذير بالطعام والماء فلا تأخذ أكثر من حاجتك ولا نرمي نعمة الله في الأرض
8.لو تبدل حذائك او ضاع لايجوز استخدام حذاء آخر مكانه الا اذا لم تجد له صاحب ويجب التصدق بثمنه نيابة عن صاحبه قبل استخدامه
9.أي سلعة ينساها الزائر في الموكب او البيت فحكمها حكم مجهول المالك فلابد من البحث عن صاحبها فإن يئست من الحصول عليه تتصدق بها نيابة عنه
10.يجوز للمرأة الذهاب مشيا وهي حائض وان وصلت للضريح ولم تطهر فلتزر الامام من الصحن الشريف ولايجوز لها دخول الضريح
11. والمرأة الحائض دخول الحسينية ولكن لايجوز لهما دخول المسجد
توصيات المرجع الديني
السيد علي السيستاني
#الجميع
https://www.tgoop.com/asmssjl

آلَلَهۣۗہمۣۗـۙ صۣۗـۙلَ عۣۗـۙلَى مۣۗـۙحۣۗـۙمۣۗـۙد وُآلَ مۣۗـۙحۣۗـۙمۣۗـۙد

بۣۗـۙسۣۗـۙمۣۗـۙ آلَلَهۣۗہ آلَرحۣۗـۙمۣۗـۙنۣۗـۙ آلَرحۣۗـۙيۣۗہمۣۗـۙ

(  إِنَّمَا يُرِيدُ اللَّهُ لِيُذْهِبَ عَنْكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيرًا)


✍*هذه الآيه برهان واضح على العصمة ،  هاي (إنما) اداة حصر اهل اللغة يعرفوهه يعني العصمة محصورة بأهل البيت، هسه احنه مو هذا موضوعنه ،بس ردت اوضح ، الحقيقة اكو من يعتقد ان هاي الآية اله معنى اوسع تشمل نساء النبي ، طبعا كثير من الروايات الي دلت ان هاي الاية مختصه بهم صلوات الله عليهم ولا تدخل لزوجات النبي ص ،بالرغم ان زوجات النبي يتمتعن بإحترام خاص مثل ام المؤمنين خديجة ع هاي السيدة قدمت للاسلام الكثير حتى قال فيها الرسول ص ، ما قام ولا استقام ديني الابشيئين مال خديجة وسيف علي وما نفعني مال قط مثلما نفعني مال خديجة ،
▪المفروض المراة كون  تتعلم شلون  تدخل السرور عله قلب زوجهه،يعني باسلوب معين ،كلامهه وي الزوج  ، لان احنه نعرف المراة تتمتع باشياء تساعده حته تملي  السعادة في بيته في اسرته ، ف المراة اذا عانت الرجل على امر دينه ودنياه ، يعني ما تطلب منه اشياء تحمله فوق طاقته يقول رسول الله ص اينما امراة اعانت زوجها على الحج والجهاد او طلب العلم ،  اعطاها الله من الثواب ما يعطي إمرأة ايوب ع . الحقيقة اكو بعض النساء  فعلا نموذج رائع وتكون قدوة للاخريات ..
💎 خل نشوف شنو سبب نزول الآيه؟ ام سلمة تقول كان رسول الله ص في بيتي فأتت فاطمة "اجتي فاطمة " بقطعة حرير ،ف كالله النبي نادي علي والحسن والحسين؛ فأتوا، فجاء النبي بكساء خيبرياً وغطاهم به وقال : اللهم  ان هولاء اهل بيتي وعترتي فاذهب عنهم الرجس وطهرهم تطهيرا ، فنزلت آيه التطهير
  ف سئلت ام سلمة رسول الله كالتله أني معهم؟ كالله «إنّك إلى خير» ولكنّك لست منهم ،طيب

📝طبعا احنه عدنه بالشريعة  الطهارة قسمين ..طهارة ظاهرية وطهارة باطنيه  شلون يعني الطهارة الظاهرية معروفه تتوضأ نغتسل الاغسال الواجبة ، الحقيقة اكو البعض للاسف ما ملتفت اعماله الحلال والحرام، افرضي طهارته وضوءه صحيح لا، طبعا هاي مشكلة ،لان الوضوء مقدمة لكل اعمالنه العبادية تقريباً فكون الشخص ينتبه يسأل صلاته صومه ، مو بعد سنوات ويطلع عنده خطأ ويرجع يعيد ، تمر علينه هاي الرواية لما كان الحسنان صغار بالعمر وشافوا رجل كبير بالعمر ووضوءه مو صحيح فأرشدوه  بأسلوب  جميل ومقبول .ولهذا الآية تكول   (واوحينا اليهم فعل فعل الخيرات واقام الصلاة وايتاء الزكاة وكانوا لنا عابدين)

🔸الطهارة الباطنية هاي شنو معناها طهارة نفس الإنسان كون كَلبه يعني  نظيف طاهر مو يشيل بكَلبه ،يعني لبعض عايشين في بيت واحد لكن تشوف اعوام ما يتحاجون هاي تزرع بالكلب البعد العداوة لا سامح الله يصير قطيعة رحم  ف امير المؤمنين ع يكول ( طهروا قلوبكم من الحقد فإنه داء موبئ) يعني المؤمن كون يكون يحمل في قلبه التسامح يتعلم فضيلة  العفو لان هاي بيه رفعه يعني هاي ثقافة اللين بالكلام عدم رد الاساءة  الحقيقة احنه هاي الثقافات  محتاجينه ( فمن عفا واصلح فأجره على الله أنه لا يحب الظالمين ) نعم العفو تاج المكام سيد البلغاء يقول ، اذن اهل البيت هاي الامراض الباطنية ما موجودة عدهم

💎احنه نقرأ في زيارة الامام الحسين عليه السلام ..يعني لو نتأمل قليلاً  ..
أشهد أنك طهرٌ طاهر مطهر من طهر طاهر مطهر ،طهرت وطهرت بك البلاد وطهرت أرض انت بها وطهر حرمك، فهذا التاكيد على الطهارة ،لان اهل البيت طهارتهم من الله وجودهم بالحياة كان  سبب خلاص  الناس من الذنوب ، اخلاقهم تعاملهم مع الناس كان سبب دخول حته ناس من غير ممل من غير اديان للاسلام ،نعم هُم من  ارحام طابت وطهرت لم تنجسهم الجاهلية بانجاسها ولم تلبسهم  من مدلهمات ثيابها ،كما جاء في الزيارة

🔸الحقيقة لما نريد نتكلم عن الحسين عليه السلام هذا الرجل العظيم يعجز اللسان ويعجز القلم ، ولد نوره المبارك سنة الرابعة للهجرة في( ٣ )شعبان كما ورد ،سماه الرسول بهذا الاسم ولم يسمى احد من العرب من قبل بهذا الاسم ..كان رسول ص يحب الحسنان حباً شديداً ويقول ( هما ريحانتاي من الدنيا اللهم اني احبهما واحب من يحبهما) وقد تولى بنفسه تربيتهما ، عاش الحسين ع مع جده (٦ )سنوات ،وكان اكثر الناس علماً وافضلهم عملاً واسخاهم كفاً واحسنهم خلقاً واوسعهم حلماً واكرمهم نفساً وارقهم قلباً واشدهم بأساً وشجاعة ، هاي حقائق ثابته لسيد الشهداء يشهدله بها العدو قبل الصديق ،كيف لا يكون كذلك وهو الذي جسد اكبر تضحيه عرفتها الإنسانية  في سبيل الدين المحمدي حتى قيل ان الدين محمدي الوجود حسيني البقاء ،هذا المفكر الهندي غاندي يقول تعلمت من الحسين كيف  اكون مظلوماً فانتصر  .



انتهى

#لا_اجيز_حذف_الاسم_تمت.

#بقلم_خادمة_العترة_ام_فاطمة_الشويلي


https://www.tgoop.com/asmssjl

قصيده ل نهاية محرم وصفر ورجوع الفاطيات للديار
========


شهرين احزان وقهر

خلص محرم وي صفر

وللدار رديت.....
للدار  رديت......

========


ياحال رديت الوطن
ياخويه ياحال
ياخويه ياحال

بس انه وعليل وحرم
ويتام  وطفال
ويتام  وطفال

رديت بلهم والقهر
من عفت الارجال
من عفت الارجال

ورجعت مكسوره الظهر
خلص محرم وي صفر

للدار رديت......
للدار رديت......

🌌🌌🌌

رديت لديار الاهل
والگلب مشلوع
والگلب مشلوع

ماعندي والي ولا اخو
بس اجري الدموع
بس اجري الدموع

عفت الحسين اعلى الثرى
والنحر مگطوع
والنحر مگطوع

وعفت الكفيل اعلى النهر
خلص محرم وي صفر

للدار رديت......
للدار رديت......

🌌🌌🌌

عازيني يادار الاخو
وخليني اعازيچ
وخليني اعازيچ

شو ظلمه من بعد المشو
وتراب غاطيچ
وتراب غاطيچ

احلف بعد ماطب الچ
ولا بعد احاچيچ
ولا بعد احاچيچ

راعييچ مذبوح النحر
خلص محرم وي صفر

للدار  رديت.....
للدار  رديت.....

🌌🌌🌌

شهرين فارگتچ تره
شو ماتنشدين
شو ماتنشدين

لاگلتي وين اهل الكرم
وين الميامين
وين الميامين

عفت الحسين وعزوته
صرعى على الطين
صرعى على الطين

صهرتهم اشموس الضهر
خلص محرم وي صفر

للدار  رديت......
للدار  رديت.....

🌌🌌🌌

من بعد الٱلٱم السبي
رديت للدار
رديت للدار

محد لگيته من هلي
بس بيها الغبار
بس بيها الغبار

صحت بعلو صوتي شني
گليلي الاخبار
گليلي  الاخبار

من بعد ماذبني الدهر
خلص محرم ويه صفر

للدار رديت.......
للدار رديت.......


=======
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

https://www.tgoop.com/asmssjl

نخوه لام البنين سلام الله عليها

فزاعي بقفله الهوسه🍂🍂🍂🍃



ويم عباس.. ندري بوكفتج زود
نحلفج بالحسين وراعي الجود
*
ماخاب النخاج بلحضه الضيج
تفرهين الصدر وبضنكه الريج
تصبرين التوازه بشكه الزيج

اسمج بالشده الحلاله

✍طالبةالزهراء
-------------‐--
اسمج بالشدد معروف كل يوم
اريد انخاج ها يعزيزة الكوم
اريد المجلسج يم الكمر دوم

لحبابج نظره بهليله
✍️ام نور الزهراء الزينبيه
----------------
ادك بابج واندبج يا ام عباس
متقصرين اعرفج ام الاحساس
كريمه وايدج تمديها للناس
الحاجه التصعب تكضيها

✍️خادمة اهل البيت ام اسعد
---------------
حاجات المحب اليوم بيديج
ياشفجه وحنينه حلو طاريج
تحضرين الموالي من يجي ليج

والتصعب// انتي تحليها

✍ام حيدر العباديه عماره
--------------
جفي ما يرد فد يوم خالي
تمر وكت العسر دوم عالبالي
اريدج بلصعب نضره اعلحالي
محتاجه وبابج///دگيته
✍️العلويه الاء

--------------
تمت القصيده باقلام شاعرات رابطه الطفوف
منتدى القلم الفاطمي
لانجيز حذف الاسماء

https://www.tgoop.com/asmssjl

لطميه لفاطمه العليله ع

شايل والدي اوكل الغوالي
وانه امحيره والضيم حالي
🏴🏴🏴🏴🏴🏴🏴
اوياهم الرضيع اوكل الاطفال
وعليهم نوحت والدمع همال
بعدهم خابت اضنوني والامال
صعبه ابدونهم سوده الليالي
🏴🏴🏴🏴🏴🏴🏴
شايل والدي وياه عمامي
اعليهم منجرح گلبي اودامي
شيلت الأهل هيجت الآمي
وبعدهم اون ناحله اعظامي
🏴🏴🏴🏴🏴🏴🏴
الوحدي وبمرض عافوني أهلي
بعدهم حايره وباالعمر شلي
الكعدتهم اتذكر دمعي يهلي
مشتاكه الهلي اوكل الغوالي
🏴🏴🏴🏴🏴🏴🏴
اظلم بيتهم اونفس مابيه
شايل والدي اهوه اوغواليه
اوصارت شوفته حسره عليه
واعاين بيتهم موحش اوخالي

🏴🏴🏴🏴🏴🏴🏴
كصدو كربله اوعافو ابنيه
اوضلت دورهم وحشه اوخليه
الهم مابعد للدار جيه
وعليهم دمعتي ابعيني اتلالي
🏴🏴🏴🏴🏴🏴🏴
ماواحد بقى ليه اليباريني
عليله اوناحله اودمعتي ابعيني
اشلون اخلافهم اكضيهه اسنيني
ولفركه الاهل منفطر دلالي
🏴🏴🏴🏴🏴🏴🏴
كلمات خادمه اهل البيت ع ام مرتضى الخزرجيه يهدى ثواب هذه الكلمات الى محمد وال محمد والى امواتي ونسألكم الدعاء لي ولوالدي والفاتحه على روح والدي
ـــــــــــــــــــــــــــــــــــــــــــــــــــــــــــــــ
https://www.tgoop.com/asmssjl