Surxondaryo viloyati hokimi Ulug‘bek Qosimov Termiz shahri "Mustaqillik" maydonida Yangi yil bayramiga tayyorgarlik ishlari, tashrif buyuruvchilar uchun yaratilgan sharoitlar, ko‘ngilochar maskanlar hamda konsert dasturlari tashkil etish ishlari bilan tanishdi.

Shuningdek, "Zoom" platformasi orqali hududlarda asosiy bayram archalari o‘rnatilishi, maydonlarning bayramona bezatilishi yuzasidan mas’ullar axborot berdi.

Viloyat rahbari tayyorgarlik ishlarini yakunlash hamda ertadan boshlab barcha hududlarda, jumladan, viloyatning asosiy bayram archasi o‘rnatilgan "Mustaqillik" maydonida konsert dasturlari, turli ko‘ngilochar tadbirlarni boshlash topshirig‘ini berdi.

Surxondaryo.uz | Telegram | Facebook | Instagram | YouTube | X

Prezidentimizning tashabbusi bilan yurtimizda kambag‘allikni qisqartirish, ko‘makka muhtoj oilalarga manzilli yordam ko‘rsatish, bandligini ta’minlash, daromadlarini oshirish maqsadida "Kambag‘allikdan farovonlik sari" dasturi amalga oshirilmoqda.

Mazkur dastur doirasida har bir rahbar va ularning o‘rinbosarlariga 5 tadan ijtimoiy himoyaga muhtoj, "Yagona reestr"da turuvchi oilalar biriktirilib, manzilli ishlar amalga oshirilmoqda.

Xususan, Surxondaryo viloyatida ushbu dastur asosida mas’ullar tomonidan o‘zlariga biriktirilgan oilalarning maktab yoshidagi farzandlarining sifatli ta’lim olishi uchun sharoit yaratish maqsadida parta-stullar yetkazib bermoqda.

Shuningdek, oilalarning farzandlariga kitoblar jamlanmalari, bayram sovg‘alari topshirilmoqda.

Bu kabi tadbirlar viloyatimiz hududlari bo‘ylab davom etmoqda.

Foto: Mobil tasvirlar

Surxondaryo.uz | Telegram | Facebook | Instagram | YouTube | X