طفه كلشي يزينب من طفتي
الخيم لونار كلبج من طفيتي
جسد الحسين عاري من طفيتي
السوات السبع طافن سويه
........
الشاعر
اياد الفرح المهدوي

غميج الجرح البكلبي وانه اختي
يروحي شلون مبركتي وانه اختي
أصيح بصوت يادنيه وانه اختي
كل لحضه بغيابج موت بيه
...........
الشاعر
اياد الفرح المهدوي

عاين اختك بعينك شفلها
عليله شوفتك تدري شفلها
حبل شدوها ياكافل شفلها
تفلها غيرتك يا ابو الحمي
............
الشاعر
اياد الفرح المهدوي

يراعي فيض جفك مر علينا
تعال بكرم لطفك مر علينا
دونك احنه كل شي مرعلينا
الحلات بطلعتك يبن الزجيه
....
الشاعر
اياد الفرح المهدوي

نخيتك وادري مو خايب تردلي
وقسم بضلوع ابو اليمه تردلي
بعطش ابن النبي رايد تردلي
من جودك عليك اخته السبيه
............
الشاعر
اياد الفرح المهدوي

يراهب يا ظلم هذا رهبلاك
عبادة كل عبد راهب رهبلاك
عدوك يفرح بدونك رهبلاك
المحب ناصبلك بكلبه عزيه
.............
الشاعر
اياد الفرح المهدوي

ليالي البعد عنك رجعتلي
ولا محتاج مره رجعتلي
نخيتك انت كلشي رجعتلي
دخيلك رجع عيوني عليه
........
الشاعر
اياد الفرح المهدوي

ربك ميزك موسى و سملاك
يا هو أمر بسجنك وسملاك
و ياظالم يرخصلك وسملاك
امام معينك رب البرية
......
الشاعر
اياد الفرح المهدوي

بحق التسمع من الله وحلها
وعليك بعمتك زينب وحلها
اريدن حاجتي منك وحلها
يبو طلبه الك مديت اديه
........
الشاعر
اياد الفرح المهدوي

الحزن والضيم بكليبي تراكم
شوكت لعيون يامهدي تراكم
وبعدهم شوكت تظهر تراكم
نتانيك شكثر يبن الزجيه
..........
الشاعر
اياد الفرح المهدوي

مرض يبن النبي ضرني وعقلي 
 ونهرني الوقت بافاته وعقلي 
 الك وجهته گلبي انه وعقلي
 عليك بفاطمه اعطف عليه
...........
الشاعر 
اياد الفرح المهدوي 

دخيلك وامك الزهره دخلها
حزن العين بمصابك دخلها
وعلى بابك الي حاجه دخلها
كريم انت والك مديت ايديه
.........
الشاعر
اياد الفرح المهدوي

انه المخنوق وني وينه ونه
اعمى لشوف وجهك وينه ونه
يحاضر كل وكتنه وينه ونه
غايب وارجتي تنظر عليه
..........
الشاعر
اياد الفرح المهدوي

ادورك وين يامهدي وجدلاك
وعبيرك صاير بكلبي وجدلاك
عليك ابأمك وعمتك وجدلاك
تجدلي مروتك تعطف عليه
..................
الشاعر
اياد الفرح المهدوي

التريده يكون يالمهدي يكُن كُن
ويريت تشوفك عيوني يكُن كُن
الكون بجفك وكيفك يكُن كُن
بكينونه كيانك مر عليه
.........
الشاعر
اياد الفرح المهدوي

امامي وفضلك ربك علملاك
ويرفرف بالسمه عالي علملاك
اكيد بحالي يالمهدي علملاك
بعلمك سيدي زيح العليه
........
الشاعر
اياد الفرح المهدوي

بحق الفاضح اعدائج ولاعن
عليج البسبي انهضمن ولاعن
وعليج الظل بلا جفوفه ولاعن
اريدج زينب تعينين اليه
.........
الشاعر
اياد الفرح المهدوي

الكامل كل كمال انته كلملاك
يالنورك يشع يضوي كلملاك
الباري خصك باسمه كلملاك
حبيبي حسين ياابن الزجيه
.........
الشاعر
اياد الفرح المهدوي

احبك مو جنون وعشك بدراك
والك نبضـات كًلبي تدك بدراك
يشع بنور ضوه الكـون بدراك
يـالـوجهـك وجه رب البريه
...........
الشاعر
اياد الفرح المهدوي