عليكم من دمه دمعي وسيله
وبعدكم ما بقت عندي وسيله
منكم ياهو اليجاوب وسيله
جوابي ويالشمر امشي سبيه
........
الشاعر
اياد الفرح المهدوي

اجيتك من قبل قبلي قدملاي
بدربك تسجد وتركع قدملاي
وحبك أكثر من امي قدملاي
لانك مصدر الانفاس بيه
........
الشاعر
اياد الفرح المهدوي

بمجرتك كلشي يفترلك معفلاك
واجيلك اعمه وامشيلك معفلاك
ويقيني العافية الاجلك معفلاك
والك كل قطرة دم ادور بيه
........
الشاعر
اياد الفرح المهدوي

ارتفعنه بصايتك لاما وطينه
مشينه والارض كلها وطينه
ودربك نشتم ترابه وطينه
بدونك يختنك النفس بيه
..........
الشاعر
اياد الفرح المهدوي

الك سبعه السمه حزنت وارضلاك
مصاب حسين هد حيلك وارضلاك
وضلك هسه ضل رحمه وارضلاك
تنام الفقرة يا ضامنها هيه
........
الشاعر
اياد الفرح المهدوي

سبونه اسمك الغالي وردنه
ذكر عباس من عنده وردنه
رجعنه الكربله خويه وردنه
تشاهد عيلتك يابو رقيه
........
الشاعر
اياد الفرح المهدوي

الارض بفراكم كلها جبونه
وبعدها الكربله خويه جبونه
يصيحن ضلن الخدر جبونه
شيجيبك انته يالراسك بديه
.........
الشاعر
اياد الفرح المهدوي

صدك محتاج ما فد يوم رديت
وقبل نيتي بحنانك علي رديت
طلعت بلطف منك والك رديت
ترجعني جذب ياابن الزجيه
......
الشاعر
اياد الفرح المهدوي

النضر عن كبتك ظرفي بعدلاه
شوكت حاجاتي تكضيها بعدلاه
بحكم المرتضى جدك بعدلاه
اريدك يالرضا تنضر عليه
........
الشاعر
اياد الفرح المهدوي

شخبرك وانته يالتعرف شبيني
على فراكك طلع تدري شبيني
و غيابك نار يالمهدي شبيني
حركني وانتضر تفزع اليه
.........
الشاعر
اياد الفرح المهدوي

البـرية بنور طه من براها
يون أصل النبوة من براها
جروح الألم بعده من براها
ولا تبره جروح الفاطميه
........
الشاعر
اياد الفرح المهدوي

الك حزنت سمه الدنيه والافلاك
الف حسره على فكدك والافلاك
الك اللطم عـلى راسي والافلاك
وأدورك بالنفس يابو الزجيه
......
الشاعر
اياد الفرح المهدوي

عظيم ومحـد اليعـرف عظمتك
الوعـظ ما فاد ابامتـك عظمت
صدك كسرو يبو الزهره عظمتك
لمـن كسرو ضلع من الزجيه
.......
الشاعر
اياد الفرح المهدوي

قرب موعد أوان الفرج وأن
عليك النوح ضل ينوح وأن
حـركو الدار كال النذل وأن
خلف الباب فاطم هاي هيه
.......
الشاعر
اياد الفرح المهدوي

حدر كبتك علي اجمعنه ولمنه
وتزيح همومنه بجودك ولمنه
ولبونه بحضرتك ندعي ولمنه
لان همه سبب حبك اليه
..........
الشاعر
اياد الفرح المهدوي

الكلب مشتاكلك حبك فملي
يمهدي وغير نظراتك فملي
واذكرك ذكرك يعطر فملي
دونك يانبض جاشلي بيه
..........
الشاعر
اياد الفرح المهدوي