الك حزنت سمه الدنيه والافلاك
الف حسره على فكدك والافلاك
الك اللطم عـلى راسي والافلاك
وأدورك بالنفس يابو الزجيه
......
الشاعر
اياد الفرح المهدوي

عظيم ومحـد اليعـرف عظمتك
الوعـظ ما فاد ابامتـك عظمت
صدك كسرو يبو الزهره عظمتك
لمـن كسرو ضلع من الزجيه
.......
الشاعر
اياد الفرح المهدوي

قرب موعد أوان الفرج وأن
عليك النوح ضل ينوح وأن
حـركو الدار كال النذل وأن
خلف الباب فاطم هاي هيه
.......
الشاعر
اياد الفرح المهدوي

حدر كبتك علي اجمعنه ولمنه
وتزيح همومنه بجودك ولمنه
ولبونه بحضرتك ندعي ولمنه
لان همه سبب حبك اليه
..........
الشاعر
اياد الفرح المهدوي

الكلب مشتاكلك حبك فملي
يمهدي وغير نظراتك فملي
واذكرك ذكرك يعطر فملي
دونك يانبض جاشلي بيه
..........
الشاعر
اياد الفرح المهدوي

حنيني قوسه الضهري وحنه
وزرعت الياس بدروبك وحنه
نتاني من شغف وحيك وحنه
لطف منك يرد الراح اليه
...............
الشاعر
أياد الفرح المهدوي

رسول الزهره ابو الزهره ولدها
العظيمه البيهم العصمه
ولدها
ذبح كلهم كضو وسفه
والدها
محسن ينحر هاي الرزيه
.................
الشاعر
اياد الفرح المهدوي

بعزائك حضرت الزهره يتملاك
و يمهدي والدك بعده
يتملاك
شوكت يا يوم وضهورك يتملاك
تاخذ ثارك وثار الزجيه
.......
الشاعر
اياد الفرح المهدوي

يمهدي بجدك بطوله
وقصره
تمامه بالصلاة اسأل
وقصره
الك اشكي نضر عيني وقصره
عليك المصطفى اشفع اليه
........
الشاعر
اياد الفرح المهدوي

زهر حنضل عله اعدائك يمرهم
الجروح حسين يابلسم يمرهم
وعطاشه عياله لوجفك يمرهم
ابد ماعطشت سكينه ورقيه
...............
الشاعر
اياد الفرح المهدوي

رحيل الوالي يالمهدي يتملاك
بعزائك حزنت السبعه يتملاك
الامر يبن الحسن لازم يتملاك
وتأخذ ثار اولاد الزجيه
............
الشاعر
اياد الفرح المهدوي

العمر بعدك يوالينه
يولي
لان بس الحزن كلبي
يولي
عليك اصرخ يمولانه
يولي
فكدك يالحسن نيران بيه
..........
الشاعر
اياد الفرح المهدوي

عليك ابجدك العالي تعله
سنين غيابك كليبي تعله
ينبض بسمك يريدك تعله
بضلع امك عليك الحك عليه
..........
الشاعر
اياد الفرح المهدوي

الوكت بغيابك عيوني ودرلي
وعليه التفت يالمهدي ودرلي
بجفك امسح اوجاعي ودرلي
ينابيع العشك يبن الزجيه
..........
الشاعر
اياد الفرح المهدوي

علي اشر يا ابو صالح وصحلي
شوفك ماحصل بيدي وصحلي
ابجيتك كلش اتعافه وصحلي
وتطيب كل جرح موجود بيه
...............
الشاعر
اياد الفرح المهدوي

اكيد بحالي يالمهدي علملاك
امام انت على العالم علملاك
اسألك وين ضل باقي علملاك
بجف المنذبح بالغاضريه
........
الشاعر
اياد الفرح المهدوي

الملائك جان اذنه من اذنها
اوامر سلب اذنها من اذنها
كلفه جروح اذنها من اذنها
ثق اذن ضلوع من الزجيه
...............
الشاعر
اياد الفرح المهدوي

تهت يابو العصر ارحم وجدلاي
الك ذايب عشك تدري وجدلاي
بكرم جدك علي انضر وجدلاي
كريم انته والك مديت ايديه
..........
اياد الفرح المهدوي

يوسف فاطمة الغايب يسرها
و الك أمر الخلق ربك
يسرها
اموري اتعسرت بيدك
يسرها
عليك ام الحسن يسرها اليه
............
الشاعر
اياد الفرح المهدوي