الليلة ليلة الجمعة
بحب أحكي الأمر دا دايمًا عشان بحب الفترة دي من حياتي رغم قسوتها وصعوبتها على قلبي:))

في ٢٠٢٠ شهر ٩ تقريبًا كانت بداية رجوعي لطريق ربنا تاني بعد شتات طويل..

أنا مكنتش بعرف أعمل حاجة بس كان نفسي أرجع لربنا تاني
يعني كان نفسي أصلي تاني
أقرأ قرآن
أقرأ الأذكار
الحاجات اللي المفروض كمسلمة أعملها

لكن أنا مكنتش عارفة ممكن أبدأ منين؟
ولا كان عندي حد يوجهني ويقولي اعملي كذا وكذا

المهم
جبت ورقة وقلم وقعدنا نكتب خطة عشان نرجع لربنا
لسه عندي النوت دي ولسه كل فترة بحب أقرأ اللي كنت كتباه"

قفلت الواتساب، قفلت الفيس وقعدت بنفسي
عايزين نتوب

هنبدأ منين؟

كانت ساعة الإجابة الحل السحري بالنسبالي
فكنت بروح لربنا كل يوم جمعة بعد العصر
وأقوله يا رب نفسي أتوب
نفسي أصلي
وكنت بدعي بكل حاجة
وكنت عارفة إني لوحدي مش هقدر..

وقعدت على كدا ٣ شهور وحياتي بعدها تحولت تمامًا
ربنا كريم والله:))

عايزة أقولكم إني كنت الصبح يوم الجمعة ممكن أعمل ذنب كبير كبير فعلًا
وبكل بجاحة وقت العصر أروح لربنا وأطلب منه يغفرلي الذنب دا

وكنت بكافيء نفسي باستمرار
لما نعمل حاجة كويسة بنعمل حاجة بنحبها ممكن كان فيلم أنمي مثلًا
-لما كنت بتفرج-

ولو غلطت☝🏼
كنت بشخصنها مع المسبحة لحد ما أتعب عشان نلحق الذنب قبل ما يهلك القلب

عمومًا بكرا الجمعة
فاستعدوا نفسيًا وجهزوا دعواتكم
وصلوا على النبي ﷺ كتير كتير كتير
وادعوا وربنا كريم وبيستجيب والله:))

وعليكم السلام ورحمة الله وبركاته

الحكم اسمعيه من شيخ أفضل لأن كل حالة ولها وضعها
مقدرش أفتي

الله يرزقك من فضله❤️❤️

لو حد يعرف حد

@AYA_RAGAB18

ادعولي معاكم في الوقت الباقي على المغرب🌸.

https://899377885.sarhne.com

هلا❤️

بفكر في رمضان أعمل تفسير آيات زي رمضان اللي فات
ولكن مش حاسة فيه حاجة ناقصة👈🏼👉🏼

قدمولي اقتراحات

كل مرة بنزل أسألكم وبعدين بعمل اللي في دماغي
عبث والله

:((

كنت بقلب فيها وهي قديمة أوي :))

أقولكم شيء؟
للناس اللي هنا من زمان🌸

من بداية تصريحي بإني عندي اكتئاب
ناس كتير جدًا خرجت ممكن أكتر من ٥٠٠ شخص قرر يغادر

وعشان أكون صريحة أنا معرفش مين خرج أصلًا
يعني أنا مش بدخل أشوف مين خرج
ومين لسه موجود
ومش بهتم فعلًا

كل مرة كنت بشوف العدد بيقل بقول حقهم أصل اللي كنت موجود عشانه مبقاش موجود هكمل ليه؟

لكن في الغالب أنا ممتنة للناس اللي هنا من زمان
من وقت ما كنت بحاول
وزي ما واحدة قالتلي مرة أنا متبعاكِ من وقت ما كنتِ بتنوري الطريق للي حواليكِ

أنا بتصدم والله إن حالتي باظت كدا 😁
بس بقول بلاء وبكرا هخرج منه وهبقى حد تاني بإذن الله🌸.

بقرأ كل الرسايل اللي الناس بتبعتها هنا أو على صراحة
بقرأ كلام الناس اللي بتقولي بدعيلك كل صلاة وأنا معرفكيش😅

الناس اللي مش بتمل من السؤال والدعاء والصدقات
لدرجة إني بحس إنه أنتم مكلفين نفسكم ليه؟
أنا مستاهلش
ولو مشيت مش هتفرق

فتعبيرًا عن امتناني وجود ناس كتير هنا ولسه مستمرين في دعمي
بيرجعني عن أفكار الانتحار
لما بحس في وقت إن وجودي فارق لناس

جزاكم الله خيرًا على المشاعر الطيبة دي..

صباح الخير🌸

قوموا صلوا الضحى 🫵

كالعادة عندي امتحان كمان كم ساعة ومعرفش عن المادة غير اسمها ☝🏼

لكن الله كفيل بيا
ادعولي:))

شكلك جديدة هنا
أنا كل يومين بجرب دكتور جديد😂

المهم فيه تسليم أسرى
افتحوا الجزيرة ومتعوا عيونكم😂❤️

أما عني هروح أذاكر ونعتذر عن حفلة التسليم اليوم😔

حاسة إن الأيام شبه بعض
لدرجة إني للآن مش مستوعبة هو احنا فعلًا داخلين رمضان؟

أنا فاكرة إن بداية الأزمة دي كانت في ١ ذي الحجة وكنت بصارع الألم عشان أصلي بس:!

فمش متخيلة هعمل إيه في رمضان الحقيقة

ولكن خلوني أقولكم كم شيء

أنا داخلة رمضان لأول مرة تقريبًا منتظرة أتعافى تمامًا

هنزل مساجد مختلفة كل يوم بإذن الله
هحاول إني أمشي مسافات في وقت الليل عشان أستأنس بالأجواء في رمضان وأحس إني أحسن

عمومًا حاسة إن ممكن في رمضان أتعافى!
أحس الحياة بقا لها لذة مختلفة تمامًا

ممكن نعمل حاجات نكسر بيها الحزن
ونحاول
ونحاول
ونحاول

لحد ما نموت
عشان رمضان محطة
هنشحن فيها
ونحاول نكمل بعدها

عمومًا هندعي لحد ما ربنا ييسرها علينا🤷🏻‍♀️🤍

حاسة إني هزهقكم في رمضان نشد بعض والهمة تزيد☝🏼

https://899377885.sarhne.com

هلا:)

حقك عليا متزعليش أنا بكون مش عارفة أقول إيه فبسكت

أنا حاسة بيكِ والله
صلي وادعي ربنا يختارلك الخير
وهو كريم هيجبرك بلطفه

المهم إنك تحفظي قلبك بس🤍