ــــــــــــــــ طلبـكم 👇ـــــــــــــــ

مـن هـجـمـت خيول العده
الشاعر المرحوم السيد عبدالحسين الشرع -
مـن هـجـمـت خيول العده ..ولحدود الخيم دنت
طـلـعـت مـن الخيمة تعدي..زينب وعالتل اوقفت

شـبجت العشرة من الخطر ..ولصوب أخوها اتوجهت
صـاحـت يابو اليمة عدل ..يا روحك الطيبة اظهرت

إن ﭼانـك حـي انتهض ..وأسرع ترى اسكينة انولت
والـخـيـل هجمت على الخيم ..والنار بيها اتوجرت
واخواتك بين أهل العدا .. تحذي ويسرها تسلبت ويزرها
لـحـق عـلـيـهـن ياشهم ..منها الخدور اتهتكت

لـمـن سـمـعـهـا ابـن الفحل..بيه الحمية اتفزعت
قـام وعـلـى وجـهه وقع .. ودموع عينه اتهاملت
صـاح اشـعـلمكم يالعرب ..عنكم شيمكم قورت
صـاحـت يـبو اليمة عدل ..ياروحك الطيبة اظهرت

ظلمه البيت اصبح شالت الزهره
٠٠٠٠ ٠٠ ٠٠٠٠
الله يعين زينب من زغر سنهه
مجلبات المصايب مايهد انهه
جبريل اليون المن سمع ونهه
الليالي ام الصبر والضيم سمنهه

الله يعينهه من شافت الصطره
٠٠٠٠ ٠٠ ٠٠٠٠
يابيت الوحي من الوحي خالي
تصيح فراك امي شلع دلالي
تروح بهل عمر ماجانت أبالي
من شالو نعشهه بحلم حسبالي

راحت والگلب عالضيم شيصبره
٠٠٠٠ ٠٠ ٠٠٠٠
يا جلمت ييمه لماتت بيتي
ورث ليه الحزن يل زهراء خليتي
اسمج من يمرني تختنك ريتي
مشيتي ومن مشيتي خذتي عافيتي

بعيوني طبعتي الباب والعصره
٠٠٠٠ ٠٠ ٠٠٠٠
اصد عالباب وانه تصورج يمه
الضلع مكسور علمسمار ضل دمه
صرخ حيل كل مصباح يايمه
الرزايه من الزغر عليه ملتمه

من عندي الصبر يمه اخذ صبره
٠٠٠٠ ٠٠ ٠٠٠٠

يتيمه بهل عمر يل ماشفت فرحه
من اشوف حسين گلبي ينفتح جرحه
گبال العين باجر الطف يذبحه
ياليل هدعش ماينجرع صبحه

عليه الناس كلهه شابحه النضره
٠٠٠٠ ٠٠ ٠٠٠٠
خادم اهل البيت ع
فلاح طالب الماجدي

(شمه من النحر)

شمه فاطــم خلـت الذاك الـنحر
يادمع زيــــنب مثـل ماي المـطر   
____…
فاطمه باأخر نفس من هل عـمر
وصت بذيج الوصـيه ام الخـدر
من تشوفين الحسين اعله المهر
شمه من ذاك النـحر ومن الصـدر

هل وصيه من يـحل يومه القدر
يادمع زيــــنب مثـل ماي المـطر
__
راح اودعنــــج و اودع العــايلــه
يمـه زينــب نلتــقي بـطــف كربله 
وأنـتي وحــدج والزلاام مجــتـله
وحدج أنتي يمه وباليـتامه مكفله

مكفله بضعن اليتامه من الخطر
يادمع زيــــنب مثـل ماي المـطر
_
سمعـت وكامـت تنـوح أم الحزن
يمه بفــراكج تره يـذوب الجـــفن
ولكلب كل الحظه والشوفج يحن
والكلب يــصبح تره ويمـسي يون

  دنيه وحشـه ونطفه ضيه النظر
يادمع زيــــنب مثـل ماي المــطر

_
الدنيه وحشـه والفــرح لا مايمـر
ليلة ماتت فاطمه شيسوه العمـر
ماتت بسطـره حقد أهـل الكـفـر
ماتـت وكســرالضـلـع مايـنــجـبر

ليلي يكـضي بالمنـاحه والســهـر
يادمع زيــــنب مثـل ماي المــطر
_
عل المـناحه اتعودت لا مااهـيد
والزمن لا مارحم مدري شـيريـد
عاشرت انه الدمع مامرني عيـد
يمه شيرجع المشه وكاصد بعـيد

دمعي فوك ع الجفن مـوج البـحر
يادمـع زيـــنب مثــل ماي المــطر



كلمات الخادم
والشاعر

مرتضى مكطوف الموالي

ويلي عالزهرة المظلومة ... عاشت وماتت مهضومة
.......................................................
على أم الحسن ما تنشــف دموعي
ولخاطر ضلعهه ألطم على ضلوعي
ليل أحزان تطفه بدمعتي شموعي
حليف الآه گلبي وروحي ملچومة

ويلي عالزهرة المظلومة ... عاشت وماتت مهضومة
.......................................................
حليف الآه أبــقــه والگلــب شاجــر
بي نارين وآني اعلــه الجمـــر صابر
فجــعـة فاطــمــة والصــار بالعاشــر
على الزهرة وظناهه الروح مهمومة

ويلي عالزهرة المظلومة ... عاشت وماتت مهضومة
.......................................................
أنوح شــمــا أشــوفــن باب آه الباب
هضيمه أم الحسن منهه الضلع ينعاب
هجوم الغدر والعـــــدوان مو أصحاب
هذوله احقادهم للأبد مسمومة

ويلي عالزهرة المظلومة ... عاشت وماتت مهضومة
.......................................................
أويلي شلون ما يعمه نظر عيني
من أقره المصيبة وگلبي يچويني
صاحت فاطمة يا فضة سنديني
تره هاي المنية وعندي معلومة

ويلي عالزهرة المظلومة ... عاشت وماتت مهضومة
.......................................................
ما مرخوص حيدر عن هجوم الدار
ملزوم بوصــيــة امن النبي المختار
لو عنده أمـــر ويـشــــيــل ذو الفقار
منو اليجـسـر عليهه بنار مضرومة

ويلي عالزهرة المظلومة ... عاشت وماتت مهضومة
.......................................................
يترفّع لــســانـــي وما نزل قدره
عن ذكر الأسامي الحاقدة القذره
كلمن كسر خاطر فاطمة الزهره
عدو رب العباد وهاي مفهومة

ويلي عالزهرة المظلومة ... عاشت وماتت مهضومة
.......................................................
باچر مو بعــيــد وهالأمل عــنــدي
دعيت الله بخشوع ودمعتي بخدّي
عــجّــل يا آلهي ابطـلـعــة المــهــدي
يرد ثار الزچية بموعده ويومه

ويلي عالزهرة المظلومة ... عاشت وماتت مهضومة
.......................................................
الشاعـر عمار هليل الواسطي




ليلة ١٣ /جمادي الأولى /١٤٤٧
هجري الأربعاء 5 \11 \2025
ليلة استشهاد مولاتي السيده
فاطمة الزهراء عليها السلام
الروايه الثانيه

#نعي
(بحق الزهراء روحي فداها)


يـابـو النعش بـهـداي بـهـداي

بنعش الحنينه ريض اشواي

امـي الـزچـيـه ونـور عـينـاي

اشلون اعيش ومامش اوياي

تـجـري الدموع وتـايـه الراي

انـظـر نعشهه ويكثـر ابـچـاي

باچر عگبهه امصايب اهواي

ابهظمي اضـل وضيم بلواي

هـاي العزيزه الـغـربـت هـاي

سـر الـحـيـات التشبه الـمـاي


الشاعر رعد الجريخي

مالِي وَقَفتُ عَلى القُبورِ مسلماً
قَبرَ الحَبيبِ فــــلَم يَرُدَّ جَوابي
«»«»«»«»«»«»«»
آنه الي ردتلي الشمس ٠٠يم الحسن آنه علي
ليليه اسلم عالگبر ۰۰ وصوتي وسف يرجع الي
ضيعتي صوتي فاطمه ٠٠يامن بعد روحي وهلي
متعوب اجيت أمن الزمن٠ودمعاتي عالوجنه تهلي
أحبيبُ ماَلكَ لا تَرُدًُ جَوابَنا
أنَسيتَ بَعدي خِلَّةَ الأحبابِ
«»«»«»«»«»«»«»
اشبه سليمان النبي ٠٠ الطير اكلمه والنمل
ومثل ابن مريم اصبحت ٠٠ الميت اسمعه والعدل
أتمرالفصول الاربعه ٠٠ وبيه الحزن خامس فصل
مكسور خاطر منجرح ٠٠ ومثل النفس دمعي يهل

قالَ الحَبيبُ وكَيفَ لِي بِجوابكِم
وانـــــا رهينُ جَنــــــــادلٍ وَتُرابِ
«»«»«»«»«»«»«»
وسفه على خدود الورد ٠٠ من غيبه تراب الگبر
ذبلانه رحتي بلاوعد ٠وعود الغصن صابه الكسر
ينطيچ گلبچ فاطمه ۰۰ بالغربه أضل باقي العمر
يم اذني مر صوت الهجر ٠جاوبني ويريد العذر

أكَلَ التُرابُ مَحاسِني فَنَسيتُكُم
وَحُجِبتُ عَن أهلي وَعَن أترابي
«»«»«»«»«»«»«»
چن طيف مرت عِشرتچ٠وثمنطعش لحظه الوكت
فزيت وبعيني الدمع ٠٠ ومن ديرة احلامي شِلت
من الگلب شال الفرح ٠٠ وچنّي الف موته متت
ياروحي ردت اسمع خبر ٠٠ اردود التقي وياچ شوکت

فَعَلَيكُمُ مِنّي السَلامَ تَقَطّعَت
منّي وَمنكُم خــــلَّة الأحبابِ
«»«»«»«»«»«»«»
راح امشي مكسور الگلب ۰۰ وبوجهي مرسوم الحزن
وما ابطل اعليچ البچي ۰۰ وگلبي اويه روحچ مرتهن
زينب والحسين وحسن ٠٠ بعدچ فلا سدو جفن
حتى الحَمام الصورتچ ۰۰ يم الحسن صاير يحن

فالصَّوتُ جَشٌّ والحُرُوفُ تَيَتَّمَت
وبَدَأتُ أمْشِي في طَرِيْقِ عَذَابِي
«»«»«»«»«»«»«»
حيدر بشار الدراجي

ايعينك الله الفاطــــــــــــــمه ولمصابها
ياعلـــــــــــــــــي بيدك تهــــيل اترابها
***

ياعلي اشلون ادفنت بنــــــت الرسول
اشلون كلبك ســيدي ايــــــودع البتول
اشحجه ذيج الســــاعه وياها اشيكول
وحان يابو حســـــــــين وكت اغيابها
***

حان يابو حسين من عنــــــدك تروح
هاجت احــــزانك يحيدر والجــــروح
يمها جن انته بقيــت ابلايــــــه روح
حيل ياذي بروحك انته اصــــــوابها
***

حيل ماذيك الهجـــــر يابالحســــــــن
جبدك برحــــــة مواجعه انطـــــــحن
هيه جانتلك يبو الحملـــــــــــــه وطن
وشالت امن البيت تدري اســـــــبابها
***

شالت امن البيـــــــــت ام البيت حيف
راحت الزهره وعمـــــرها مثل طيف
اشلون تكدر تصبر اعله الضيم جيف
ودارك امن اليوم مــــــــاهي احبابها
***

دارك امن اليوم بس النــــــــــايبات
اليوم زينب علــى افراش امها تبات
ليش من امها يســـــــــــلبون الحياة
تبجي واتزيد الدمـــــــــــع واعتابها
***

تبجي زينب ياعلي نشـــــف الدمع
لاتموت الحــــــــــره بالك تنفــجع
امن المصايب كلب زينب منصدع
اتنوح عالزهــره وضلعـــها وبابها
***

اتنوح زينب ياعلـــــــي وماتحتمل
حيل ضاهدها المصــاب وموسهل
امن النعاوي لاتمــــــــــل ولاتجل
باجر اعليه تحــــــــــــوم اذيابها
***

باجر اعله ام عون يسدي الماجره
اكثر امن الزهره تغدي امحــــيره
بكربله وبيــــــــن الالوف امكدره
وسالب الزهـــــــــره اهو سلابها
***

سالب الزهــــــــــــره يرد بكـــربله
وجيش جرار بســـــــلاح امحـــمله
شمر وافلان وفــــــــلان وحـــرمله
يذبحون ويحــــــــــركون اطـــنابها
***

يذبحون حســـــــين وايظل عالتراب
امصاب فوك امصاب مامثله مصاب
بالشمس اطفـــــــــال مرميه وشباب
اموذره اعله الكاع شـــــيب وشابها
***


ابو علي الركابي

مدد مدد يازهراء
مدد مدد يازهراء

ـــــــــــــــــــــــــــــ

يم حسن يارحمة الباري الوسيعه
نشكر  الخالق  الج  سوانه  شيعه
انتي اميرتنه وكلامج بس نطيعه
يا وجيهه  وباب للحاجه وشفيعه


أُنسيةٌ  يا  حوراء
مدد مدد يازهراء


ــــــــــــــــــــــــــــ


نفتخر خدام الچ  يــــزّهره  واحباب
وبالـــــمجالس نبقه نلعن دافع الباب
قاتلچ  كافر  ، منافق ،  ما إله انساب
ناصبي وماعنده زينه ابطاري تنجاب

بلعنهِ   أمرٌ   جاء
مدد مدد يازهراء



ـــــــــــــــــــــــــ



فاطمه الــــ عنچ وأن گال ابكلامه
ما عليه  نعتب  لأنه  ابلا  ڪرامـه
اعوج  ويكره  طريق  الاستقـــامه
وباچر ابوجه اسود ايطب  للقيامه

تبت يدا من قد ساء
مدد مدد يازهراء


ـــــــــــــــــــــــــــــ


فاطمه وغاصب فدك والراضي عنّه
هذا  يتعوذ  بقه  الــــــشيطان  منّه
راضع  ويه  ابليس  ما  راضع   لبنّه
ربي  لا  تغفرله   ندعيله   ابـفرضنه

لِظلمُكِ بغياً شاء
مدد مدد يازهراء


ــــــــــــــــــــــــــــ


لهسه  يم  بابچ  بقت  يـَـزّهره  آثار
الله لا ينطي الشعل يم  عتبتچ  نار
افلان وفلان ابسببهم  ماجره وصار
مو صحابه  لوالدچ  لا  زمرة  اشرار


هُم اسَّسُوا عاشوراء
مدد مدد يازهراء



ــــــــــــــــــــــــــ


فاطمه وڪلمن سطر عينچ  يَبضعه
من  الـگبر  باچر  ابو  صالح  يطلعه
ابيا  لثاراتچ   يسل  سيف  ويگطعه
وينصلب علشجره  هوه وباقي ربعه



مَحكَمَةٌ  بالأسماء
مدد مدد يازهراء



ـــــــــــــــــــــــــــــ



فاطمه  وآخر  ڪلام  ومو  أخيره
تبقه  دمعتنا  لمصايبڪم    غزيره
باليخدمونچ  صفت  عدنا  عشيره
وهلــــ حسينيات  خيمتنا الچبيره


آذانُها   والأصداء
مدد مدد يازهراء

ــــــــــــــــــــــــــــــــــــــــــــ

سيد علي عبدالزهره الناجي

قصيدة { شرف الخدمة }




خل يـبـــدي عام وينتهي عام
للزهــــره نـبـقـــه كلنـــا خِدّام
...........................................................................................................................................

هذا العهد من كل گلــــب مكتوب للبضعه
چم عام يبدي وينتهي وما تنشف الدمعه
أيامنه كلـهــن وقــف والفاطــــمــه نسعه
دوله وعلم كلنا خدم تســتــاهـــل الفزعه

  يبقه نداء الفــخــــر كل عام
للزهــــره نـبـقـــه كلنـــا خِدّام
...........................................................................................................................................

تبقه المجالس عامره ونبض الحزن فاطم
خدمتنه ما تخلص أبد حـــد طلعــة القائم
بيهه اللطم بيهه الدمـــع بيهه الحــزن دائم
بيهه المجد بيهه النصر وَلْـيَـخســــأ الظالم

بهاي المجالس نصــر الاسلام
للزهــــره نـبـقـــه كلنـــا خِدّام
...........................................................................................................................................

هنياله من ضحــه الــعــمــر والناذر اسنينه
فـــدوه لمحبـــة فاطـــمــه وباچر تگر عينه
خط الدمـــع هذا العــهــــد ما لحظه ناسينه
يجمعنه مجلس فاطـــــمـــه عالحق يدلينه

لولا الزچــيّـــه يا فـــرض دام
للزهــــره نـبـقـــه كلنـــا خِدّام
...........................................................................................................................................

ياهو اليـعــــيــش بلا هـَـوه معقوله من يگدر
إحنه هوانه الفاطمي بمجلـســـهــه من نحضر
بسم الزچـــيـــه الطاهـــره كل نَـــفَــس يتعطّر
ما نـــتـرك صــفــوف اللــطــم ما نــتــرك المنبر

هالنعمه ما تحصـــل بالاحلام
للزهــــره نـبـقـــه كلنـــا خِدّام
...........................................................................................................................................

نلطــم نواســـي أم الحســن كلمن يدگ صدره
ونعيش كل الفاجـــعـــه بدمــعــة حــــــزن مُرّه
نتفاعل وهذا الطـــبــــع مـــوجــــود بالفـــطــره
ونصــيـــح للمــــلا (( أعد )) يا خـــادم الزهــره

كلما يعيد اتعود الآلام
للزهــــره نـبـقـــه كلنـــا خِدّام
..........................................................................................................................................

عِشرة عُــمُـر لـطـــم ودمــــع أعـــوام عشــنـاهه
خوّه وعلى حـــب فاطمـــه الزهـــره عــقــدنـاهه
عفناهه دنـــيـــا الفانـــــيــه إي والــلــــــه عفناهه
دنيانه خدمـــــةْ فاطـــمـــه وبس هيّـــــه ردناهه

نجدد عهدنه طول الأعوام
للزهــــره نـبـقـــه كلنـــا خِدّام
...........................................................................................................................................

موجوده لا شـــك بالـعــزا ويـبـقــه الأمل بينه
فد نظره مـــن أم الحـــســـن للحشــــر تِـكْـفِينه
أولنه خدمــــة فاطــــمـــه وهالخـــدمــــه تالينه
إكراماً إلْـهــه ابْـجَــنّــتــه ربـــنـــا يخــــليـــنــــــه

للطاهـــــره إجــــلالاً وَإكــرام
للزهــــره نـبـقـــه كلنـــا خِدّام
...........................................................................................................................................

خادم السيدة الزهراء عليها السلام
عمار هليل الواسطي

كل ما اغمض اعيوني اتحلم بيك
طايح يبني وخيل ادوس اعليك
هذا الحلم تعبني // فوگ الرمح راس ابني
///////////////////////
كلما سلهمت عيني _ طيوفي لكربله تسافر
افزن ظلعي يوجعني _ احس چن ساحگه الحافر

ما عرفتك بالحلم يمه وجزيتك
مطشرات اظلوع صدرك من لگيتك
يمه فاجئني الشمر لازم لحيتك
فوگ راسي تراب هليت ونعيتك

هذا الموقف شالع كلبي اهواي
هوه وليدي شرايد غير الماي
موقف صدگ عذبني // فوگ الرمح راس ابني
///////////////////////
صور من مصرعك يحسين _ يجني وگوه اتنفس
أوصيك بظهر عاشور _ لا تلبس شگو محبس

گمت افز بالليل يبني عليك انعه
ليش أصابع ايدك من احسبهه تسعه
بالحلم ونك گمت گوه اسمعه
رمح خانگ ريتك محد يطلعه

خنصر بالطف منك راح يضيع
ماگلت الهم هذا المحبس مو للبيع
يگول الخذاه عاجبني // فوگ الرمح راس ابني
///////////////////////
نفس محسن شفت بالطيف _وعساني احسين ماشفته
بحضينك طفل عطشان_ بس النبله ذابحته

عود ردت بماي عطشانك تفرحه
وراح يمه حرمله بحظنك يذبحه
دم رگبته بهدمك تحاول تمسحه
موقفك لاهل الخيم دمعك يشرحه

هنا عبدالله من يحس بيك تميل
يطلع چفوفه وراح يشبگك حيل
سهم ابنك مشيبني // فوگ الرمح راس ابني
///////////////////////
شما شفتك تريد تگوم _ يرفسك حيل ذباحك
بكثر ما بالرمح طعنونك _ تعبر ايدي بصفاحك

يمه وجهك من گفاك عليه ضايع
وانته جوه الخيل رايح مدري راجع
حتى گلبك بالسحگ يحسين طالع
شضال بيك من السحگ خاطر تنازع

من خاصرتك شفت مبينه الگاع
تعلل موتك يل ما مت بساع
بيش الوكت طالبني // فوگ الرمح راس ابني
///////////////////////
نسيت السطره وظلوعي _ يبني ولا گدرت انساك
تمنيته حلم يحسين _ وافز من نومتي والگاك

كون ما تتسلب وينباك هدمك
وكون زينب من تجي تگدر تشمك
حسين خوفي الوادم التكره تلجمك
بالحلم يمه بقيت وبالي يمك

كون الشفته يضل اوليدي احلام
يتعب اختك راح اهواي الشام
هذا الحلم عجبني // فوگ الرمح راس ابني
///////////////////////
تمت ____ علاء الزيـــدي

احنه خدام ونضل ننصب عزيه
    كل سنه نحيي أليالي الفاطميه
عالعهد باقــــين        والله يم حسين
     كل سنه نحي اليالي الفاطميه
                                        «»،«»،«»،«»
احنــــه احبـــــــابچ يزهــــره تعرفينه
ابدفتر الخــــــــــدام عــــدچ سجلينه
بيــــــــــدچ الجـــــــنة محمد دخلينه
لووصل يوم الحســــــــــاب اتذكرينه

ونتي ماتنسين .... ويانه لتقصرين
  ابحيـــــره لتخلينه يالكلچ حميه
                                       «»،«»،«»،«»
بينه لهفه اعله المجــــــــــالس والمنابر
ابكل عزه حساسچ يزهره اويانه حاظر
عدنه چن ليلة مصــــــــابچ يوم عـاشر
كل محـب وي حيرتچ هاليله حــــــاير

  شيعتچ يبچون .... ألـــونچ أيونون
    عذبانه اصواب ظلعچ يالزچيه
                                       «»،«»،«»،«»
الون الاســــــود صار لايگ بس علينه
يالزجيــــــــه غيـــــره ابـــد ما بدلينه
الان كل ايـــــــامنه خــــــلافچ حزينه
اشگد نعينه اشگد لطمنه اشگد بچينه

والگلب مجروح .... والـدليل اينوح
   نبچي دم يافاطمه ابهاي الرزيه
                                       «»،«»،«»،«»
فاطمه ابكســرت ظلــــوعچ صــوبونه
ابطيحت المحسن جنينـــــــچ عذبونه
هسه نفس الزمــــــره ردو حـــــاربونه
الحقــــد مالي اعيــــــونهم لمن اجونه

اليدعون اصحاب ... وحرگـولچ باب
    ردو اليوم ابفعل نفس القضيه
                                       «»،«»،«»،«»
نقســــــــم ابدمعت بنينـــچ يالحنونه
عـــن اقامـــــــــة مأتمـــچ مايمنعونه
احنــــــــه مجنونين بسمــچ يعرفونه
وكل محب ضل عدنه يتباهه ابجنونه

كل وكت ننعاچ .... واللـه ماننساچ
    نلطم ونقره نضل حد المنيه
                                       «»،«»،«»،«»
           الخادم
       كامل السعيدي

مشيع صلاة اليل باليــــــــــــــل علي
قرأن ودموعك تراتيــــــــــــــــل علي
ماخذمن الصوب الگبــر
وي فاطمه مات العمــــر
،،،،،،،،
الله يعينك ياعلي ماتت عزيزت روحــك
المن نقدم التعزيه للزهرة لو لجروحـــوك
حتى النعش يابو الحسن ضل ينتحب وي نوحك
ضهرك على الزهره انحنه وگام المشيب يلوحك
حگك تنوح وتهمل العيـن علي
دافن كنز لو ام الحسيـــن علي
بين على رسومه الكبر
وي فاطمه مات العمــر
،،،،،،،،
چانت زچيتك ياعلي بالدار هيه انفاسك
وحگك على ام بيتك اذا تبچي وشيب راسك
من گلبك الحضن الحد تدفن عزيزت ناسك
تهتز مثل سعفه بهوه ريح الحزن لوجاسك

شمسويه بيك جروح الوداع علي
طيحت منارة اطيح عالگـــاع علي
حگ ضهره لمن ينكسر
وي فاطمه مات العمـر
،،،،،،،،
التنعد فريضه ونافله هسه بلحد مـدفونه
ام بيته چانت فاطمه وچانت اثنين عيونه
لا ميت ولا ضل عدل حيدر علي ايشوفنه
الطاريها چان العافيه وينصب وسط ماعونه

خنگه وصفه ماينطب البيت  علي
وحيطانه صارتلّك توابيـــــــت علي
قل يارسول الله الصبر
وي فاطمه مات العمــر
،،،،،،،،
راحات اديه امن الفرك ماضلن اعله الزهره
وجرح العزيزة فاطمه بكبر الحسين اتصوره
حيدر علي يحفر گبر لم الحسن لو گبره
تمدد علي وسط الحد گبل الزچيه بكبره

لا تاذي فاطم ضل يوصيـــه   علي
وحته الحد ضل ينحب عليه   علي
من شاهد الخد منصطر
وي فاطمه مات العمـــر
،،،،،،،،
الرحمه الچبيره تفرهدت من بين اديه وبيتي
ما ادري اموتن لو اضل عايش شلي بتاليتي
ما اصدگ ادفن بالگبر ام الحسن غاليتي
عگب الحبيبه الطاهرة يادنيتي شخليتي

بس المصيبه ودمع العــزاز  علي
جنازه ومشه بفاطمته چانز علي
حي لچن عليها احتضر
وي فاطمه مات العمـــر
،،،،،،،،
لخادم الحسين ع
محمد الفهداوي
رقم هاتف

(( يانار هونچ ))


يانار هونچ بيّه يانار
تدرين هد الحيل مسمار
ولحد نغّرلي ولافزع جار
وطايح جنيني ابعتبة الدار

بالباب لِذت وحالتي اشلون
وحدي أدفع وجيش اليدفعون
ابيا ذنب أبني يطيحون
الماگال يمَهَ أصبَي الأعيون

شستراح ....
وعالعتبة وليدي طاح .... ومسلّب أيام العمر
والدلآل ....
متبدي اعلى الرمال .... والعتبه صارتله گبر
"" "" "" "" "" "" "" "" "" "" "" "" ""
من الكسر دلآلي مشلوع
وليل ونهار أبخدي الأدموع
اشلون يغفه الليله موجوع
أبجرة النفس توجعني الأضلوع

صحت اعلى فضه سنّديني
عالتبه طاحت كل سنيني
ماشوف دربي من ونيني
ومن الثطر معميّه عيني

يامصاب ....
ودموعي أتهل عذاب .... بالغربه يرحمني منو
والجروح ....
ابروحي وليلي انوح .... ومفارگه أعيوني أبو
"" "" "" "" "" "" "" "" "" "" "" "" ""
ورده أبربيع أثمنعطش ليش
اباب انعصر ياناس ذنبيش
جرحي غميج وماهوا بالريش
ماطّول من الآااخ ماعيش

ماتجف عيني وحزني ايطول
اعلى الوگع عالتبه مچتول
الهاضمني انه وزاد الأحمول
لاسمع يمَهَ ولا دِللول

مايعيش ....
المحسن ذنبّه بيش .... مالحگ أيفك النضر
والدموع ....
شمعرفّه اباب الجذوع .... ثالثهم أخوانه القهر
"" "" "" "" "" "" "" "" "" "" "" "" ""
يمته تغمض اعيوني ورتاح
من العذاب وكض الأصفاح
كل ما أتذكر يوم الأطياح
ينفتح باب أدموع وصياح

الياضيم أعيش وكلي شوغات
وسبآح گلبي بالدفع مات
حسرات اخلص الليل حسرات
اعلى المنذبح جنح الحمامات

والحزن ....
ذابحني وليل أون .... أوسولت الفاگد دمع
والجفن ....
ماغمّض بس يحن .... اوذايب اشلون الشمع
"" "" "" "" "" "" "" "" "" "" "" "" ""
عبد زينب
محمد مسلم الأسدي

بين الباب والغـــــــــار
حديث وسالفة نـــــــار
وزچيه وضلع مكســور
وجنين بصدره مســمار
،،،،،،
ألباب لَمَن حچــه
للغار گله أستمـــع
رادتني فاطم ستر
لمن اجاها الفـــزع
حرگوني وتحملـت
بس انه گمت اندفع
حدما حمِلها نـــــزل
ونكسر منها الضلــع

كلش انه خجــــلان
إمن ام الحسن للأن
كسرت خاطري حيل
منين ابديها محـــتار
،،،،،،،
ضل يحچي غار النبـــي
ويستمع باب الطهــــــــر
نفاس النبي لهل وكــــت
اشتمها چنها عطـــــــــــر
من فارگاني إنصبــــــــت
لليوم انه احتــــــــــــظر
لن عنكبوتي نســـــــــــچ
باب وتحول ستــــــــــــر

اشكر ربي يابــــــــاب
نور الهادي ماغــــــاب
الهاي اللحظه موجود
عطره بحظنـــي تذكار
،،،،،،
ألباب صــــاح بألم
ضل يسچب العبره
ياغار گلبي نكســر
من عصروا الزهره
دم الزچيه خلـــص
وتحولت صفــــــره
من فاطمه مستحي
وبروحي الف حسره

ضلت فاطمه تصيــح
گبالي تگوم وطيــــح
محسن يمها مذبــوح
ودمع عيونه حـــــدار
،،،،،،
الغار ضل ينتحب
ودموعه تتـــجاره
ويگله صفلي علي
ساعتها شخــــباره
سولفي هم انتفض
كض بيده بـــــتاره
لوبالوصيه التــــزم
وبمهجتــــــــه ناره

گلي بحيدر شلـــون
بداره عليه يهجمون
الله يعين ابوحسين
تحمل دوسة الـــدار
،،،،،،
شحچيلك المرتضى
شيبه ترس راســــه
سالفته نوح ودمــع
من ذبحوا انفاســـه
وياي يحجي العصر
يوميه بحساســـــــه
ماچنه ذاك الجبــــل
ضل منهدم ساســـه

فرهد حيدر الشيــــب
جروحه ماظن اتطيب
الله يعين ابــــــو تراب
جروح مصيبته كبــــار
،،،،،،
لخادم الزهراء ع
محمد الفهداوي

لو عمه عيوني ظلام ذنوبي
فاطمه الگاها ضوه لدروبي

ــــــــــــــــــــــــــــــــــــــــــــــــ
من تّقسي گلوبنه ذنوب السنين
نصيح كل احنه دخيل ام الحسين
هيه حبل الله  ياناس  المتين
ترضى عني الزهره كل مطلوبي

ــــــــــــــــــــــــــــــــــــــــــــــــ
نور فاطم نقتبس  ولها سلم
يضوي كهوف الجهل نور العلم
السيف مو فشله ابد من ينثلم
الفشله مايفزع وضمه بثوبي

ــــــــــــــــــــــــــــــــــــــــــــــــ
بكلمة الحق فاطمه ترفضه الحياد
الك موقف كون وتعرفه السداد
العاش حر يرفضه حكم الانقياد
فاطمي نهجي يضل وسلوبي

ــــــــــــــــــــــــــــــــــــــــــــــــ
اليمشي وي ال النبي يعيش بأمان
والنتيجة الاخرة الدنيا امتحان
التبع فاطم بالگلب مو بالسان
الجنه نادتله تعال الصوبي

ــــــــــــــــــــــــــــــــــــــــــــــــ
مسك تسبيحة الزهره بكل فرض
وبيها ما خافن صلاتي تنرفض
تفتح ابواب السمه عالهل الارض
وذكر فاطم زادي ومشروبي

ــــــــــــــــــــــــــــــــــــــــــــــــ
واخر امنيتي يربي بهالحيات
اضل اخدم فاطمه الحد الممات
وابچي للضامي انذبح يم الفرات
حسين عشگي وروحي ومحبوبي

ــــــــــــــــــــــــــــــــــــــــــــــــ


📝 محمد عباس المشعلاوي

من سمعنه الـﮕـوم حرﮔـو دارچ
بالــــــــــمدامع جينه نخمد نارچ
يا زهراء يا زهراء
ـــــــــــــــــــــــــــــــــــــــــــــــــــــــ

يا عظيمه وبضعه من اعظم وجــود
الشبّو ابّابـﭻ حطب لا شك يـهود
اوجوهّم باﭼــر بَـثـر هلــفــعله ســود
وربّـﭻ المنهم يداعي ابـــــــــــــثارچ
يا زهراء يا زهراء
ـــــــــــــــــــــــــــــــــــــــــــــــــــــــ

كل موالي ادموع لــــــمصابـﭻ جره
من سمع منـﭻ ظلوع امـــــكـــسّره
اشحال ﮔـلبـﭻ شفتي محسن عــــلثره
فـﮕـده اشد لو ﭼـان اشد بـسمارچ
يا زهراء يا زهراء
ـــــــــــــــــــــــــــــــــــــــــــــــــــــــ

الله يلعن كلمن اعليـــــــﭻ اعتده
ويلعن الـــــبــفعاله راضي وأيـــــــــــده
ربـّـﭻ اعله الــــــكون حطـﭻ سيده
وبالـــــــــــــفضل محد وصل معشارچ
يا زهراء يا زهراء
ـــــــــــــــــــــــــــــــــــــــــــــــــــــــ

فاطمه اسمـﭻ لمن اختاره القدير
يعني فاطم شيعتـﭻ نار الـــسعير
واحنه هليله ابـــــمقامـﭻ نستجـير
يم حسن يلما يرد خطــــــــــارچ
يا زهراء يا زهراء
ـــــــــــــــــــــــــــــــــــــــــــــــــــــــ

حيره شذكر يا مجد يا هيبه بيـﭻ
وانتي ابو الــــــــقاسم يقبلهن اديـﭻ
مو خساره الباع روحه ويشتريـﭻ
فاز الـ أسمه امسجل اويه انصـــــارچ
يا زهراء يا زهراء
ـــــــــــــــــــــــــــــــــــــــــــــــــــــــ

اتوسلينه ابـــجاهـﭻ لــــــربنه الكريم
يقضي كل حاجاتنه ويشفي الــــــسقيم
يا ذخرنا اعله الــــــــصراط المستقيم
يا شفيعـتـنه الــــــتـﮕــول اخبــــــــارچ
يا زهراء يا زهراء
ـــــــــــــــــــــــــــــــــــــــــــــــــــــــ

اُمنيه وحسره ابـــــدليلي المن زمان
ابتربتـﭻ يا يوم اشم ريح الجـــــنان
يمته ازورچ واخذ ابـﭽـفي الـــضمان
يـــــــا نجاة و فوز كلـــــــــمن زارچ
يا زهراء يا زهراء
ـــــــــــــــــــــــــــــــــــــــــــــــــــــــ

سيد علي عبدالزهره الناجي

   أهـل الأرض واهـل السمه
   تحـضـر مـجالـس فـاطمه

••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••
1️⃣
هـاي المـجـالـس الله بارك بـيـها
واجـب عـلينه الفاطمه نحـييـها
أمـنـه الزجــيه ولازم انواسـيـها
والرايه بالمـجلس سوه انعـليها
                ~~~
   والـروح صـارت هـايـمـه
   تحـضر مـجالس فـاطمه
••••••••••••••••••••••••••••••••
2️⃣
بأحـزانه كل خـادم يشد احزامه
ونشـوفه عـاشـور ونعيش أيامه
نبـجي عـلـيـها وعـالضلع لطـامه
خـدام مـنـبرهـا ونـضـل خـدامه
                ~~~
   وشـفنه الخـدم متحزمه
   تحـضر مـجالس فـاطمه
••••••••••••••••••••••••••••••••
3️⃣
ترضه عـلينه فاطمة المـعصـومه
لو عشنه وياها الحـزن بهـمـومـه
مهضومه أمنه الغالية مهـضـومه
وضلوعها ابجف الحقد مهشومه
              ~~~
   مـن الـضـلـع مـتـألـمـه
   تحضر مجالس فاطمه
••••••••••••••••••••••••••••••••
4️⃣
أبنـور المـجـالس فاطمـه نلكاها
حـزنانه تسـمـع كل بشـر ينعاها
أبـكل ونه لـو ونـت نـون ويـاها
مـحنـيه مـشـهد كـربلـه خـلاها
              ~~~
   دمـعـتها لو طـاحت دمه
   تحـضر مـجالس فـاطمه
••••••••••••••••••••••••••••••••
5️⃣
تسمـع ونيـن الخـادم وحـسراته
بقاروره تجمـع فاطـمه دمـعـاته
اليـخـدم ابــنـها ومـا يـدور ذاته
ترفـعـها بـديـهـا وتسـتـمع وناته
                  ~~~
   مـن جـفها يأخذ مرحمه
   تحـضر مـجالس فـاطمه
••••••••••••••••••••••••••••••••
6️⃣
مهـدينه باجـر لو طـلع مهـدينه  
من مكه يا شيعه علي ينادينـه
وينصب عزاها وبالعزه يبجينه
واعـله الكبر من نعـتني يدلينه
                 ~~~
   ولثاره ناصـب مـحـكـمه
   تحـضر مـجالس فـاطمه
••••••••••••••••••••••••••••••••••••••••••••••••••••••••••••••••
محمد خشان ✍️.
••••••••••••••••••••••••••••••••••••••••••••••••••••••••••••••••

الزهره آيه من الكتاب .. شلون يدفنهه التراب
......................................
أمي تربات النبوه وشايله عزت نفس ..
جنة الله من ضواهه الكمر ياخذ والشمس ..
لأن تفاحة الجنه ماتعيش ويه الرجس ..
وبصبرهه على الرزيه انطت العالم درس ..
وأنطت المحسن ثواب.. شلون يدفنهه التراب
.................................
هيبة الله وأم أبوها عالمه ونبع الوفه ..
ومن تصلي المغربيه الزهره طود اترجفه ..
وارثه صدق وأمانه من أبوهه المصطفه ..
الدنيا اذا ما ببها فاطم بعد عالدنيا العفه ..
أحلامنه صارت سراب .. شلون يدفنهه التراب
..............................
من رحل نور النبوه عصر الأحقاد أبتده ..
أمي جانت جبل شامخ وأنصطر بيد العده ..
الأول الملعون سبهه وسب أبوهه وأعتده ..
وأيد حماي الحميه بالوصيه أمكيده ..
السيفه يحصد هالركاب .. شلون يدفنهه التراب
..............................
حسين آنه زغير عمري وشفت أمي الطاهره ..
العين حمره ودمهه يجري والضلوع أمكسره ..
شاهدت هاي الفجيعه وجنت شاهد عالجره ..
الأول الماعنده غيره رافع أيده على مره ..
وعاشت بلوعه وعذاب .. شلون يدفنهه التراب
..............................
أمي مادنكت هامه أمي ماتخضع أبد ..
بالصبر لبوة محمد ماخذه أطباع الأسد ..
حتى من عصروها تقره القل هو الله أحد ..
بصدق الله العظيم وطاح من عدهه الولد ..
ياعظم هذا المصاب.. شلون يدفنهه التراب
.............................
جازو الهادي بوفاته بظلم وأرهاب وقمع ..
اليغضب الباري لغضبهه بابهه ما يندفع ..
قرت قرآن المسيه وسال من عدهه الدمع ..
مره تبجي من الخشوع ومره من كسر الضلع..
بعد ما هادينه غاب .. شلون يدفنهه التراب
.............................
أمي من ترفع أديهه وتدعي من رب السمه ..
يا آلهي بجاهي عندك وأنت تعرف فاطمه ..
الدفع بابي وعصرني كون بعيونه العمه ..
وتحرك بيوم القيامه هالعصابه المجرمه ..
الهل جرم لازم عقاب.. شلون يدفنهه التراب
............................
التطعم بجفهه اليتامه سكنت بجنة عدن ..
الجنه فرحانه وزهيه أتشرفت بأم الحسن ..
وظلت الدنيه بحزنهه ونزلت دموع الزمن ..
تبجي وتنوح اليتامه راحت الجانت وطن ..
راحت بعز الشباب .. أشلون يدفنهه التراب
...............................
حيدر مطر العبادي

انا علي يا فاطمة زهرة زماني
ذبلت حياتي ومهجتي والهم رماني
ــــــــــــــــــ
يم الحسن يا فاطمة ما يهده نوحي
بعد النبي افراگج صعب يخنگلي روحي
فگدج مثل ذاري الملح يلجم جروحي
وأشعر اموت بكل وكت من فگدج اني
ــــــــــــــــــ
فوگ الكبر اهمس صرت يل تسمعيني
مثل المطر لمن نزل دمعي وحنيني
بين المگابر والألم زيد ونيني
صوتي انذبح من البجي دمعي عماني
ــــــــــــــــــ
بين الصفايح يا وسف لحدج خفيته
واتعثر بجدمي اطلعت كبرج اجيته
يم الحسن حتى النفس يمج نسيته
تصعب علية والعمر راح ونساني
ــــــــــــــــــ
عالمغتسل بيدي الضلع اني لمسته
وانمرد قلبي يم حسن خايف لجمته
منْ اندفع بابج انا اسمع كسرُتة
لو ما وصية من النبي ياهو اعتناني
ــــــــــــــــــ
ذاك اللعين الي دفع باب النبوة
رأسه جعلته اعله الارض بجدامي هوة
وصلته حد قطع النفس ويشمه گوة
جاني النداء اصبر علي هاي الثواني
ــــــــــــــــــ
يا فاطمة اعلينة الزمن وجه سهامه
دارج صفت بعد الفگد دار اليتامى
لمن رحلتي ما بقت بعدج سلامة
راح الضوه وعمري انتهى وللموت اتاني
ــــــــــــــــــ
دافن حياتي من ادفنت جسمج بدية
حتى الصبر مل وجزع من الرزية
والصبر مفتاح الفرج بس مو الية
لهفي عليج بكل وكت يمج عساني
ــــــــــــــــــ
الشاعر زين العابدين الشمري