يحيدر صابك المشرچ بدينه
وبحر من الدمع لجلك بدينه
يتامه ولبن جبنالك بدينه
گوم اشرب يحماي الحميه
...
ليل القدر آه ونوح بته
مصيبه وكل گلب مگطوع بته
انطبر حيدر وگام تصيح بته
عسه طبرتك بويه اتطيح بيه
...
يتامه وندگ يسره فوگ يمنه
ابونه منطبر يا ناس يمنه
الحسن وحسين صاحو صوت يمنه
علي راح مندينه يالزچيه
...
يالچفوفك چفوف الموت لا وين
معذور الگلب لو ناح لا وين
اصرخت زينب يبويه تروح لا وين
واجانه العيد  يحماي الحميه

على ابواب الوداع

"أَعُوذُ بِجَلاَلِ وَجْهِكَ اَلْكَرِيمِ أَنْ يَنْقَضِيَ عَنِّي شَهْرُ رَمَضَانَ أَوْ يَطْلُعَ اَلْفَجْرُ مِنْ لَيْلَتِي هَذِهِ وَ لَكَ قِبَلِي تَبِعَةٌ أَوْ ذَنْبٌ تُعَذِّبْنِي بِهِ يَوْمَ أَلْقَاكَ".

عيد فطر سعيد! 🌙✨

تقبل الله صيامكم وقيامكم وجعل أيامكم كلها أعيادًا وسرورًا ❤️
عيد مبارك! أعاده الله عليكم وعلى أحبائكم بالخير واليمن والبركات 🌹🕌
كل عام وأنتم بألف خير 🌟💐

موشح نجفي .
............  ......
المهدي.(عج ) والبقيع
....................


مو خيال بكل  يقين  احجيها.
المهدي بيده اربع قبب يبنيها.
...............................................

هذا موجود الكلام وعن وعد.
من.. أئمتنه الروايه  والسند.
باجر المهدي يطب مثل الاسد.

للبقيع.. ورايته  ايعليها.
.......................................

يبني بيده مرقد الجده الحسن.
بي ..منارات الذهب يتلامعن.
يعدل ادلاله  وبعد ماينجفن.

وذيج العزوبيه يكشخ بيها.
............................................

يرفع المهدي بأسم زين العباد.
رايه ..للثار  ابتراتيل  الحـداد
ينشر برووس المنارات السواد.

ياذبيحج . كربله ايناديها .

........................................

بالمدامع ..يبني للباقر صرح.
يكَعد بذاك الصحن وجه الصبح.
ينعه عالطف والجرح يتبع جرح.

جمره عالخد دمعته يجريها.
.......................................

يبني.. للصادق منارات الذهب.
واضحه العين الحقيقه بلاعجب
لكن ..بطوله جرح ينزف عتب

يكبر بطف كربله وطاريها.
........................................

بين هاي القبب يبني بكل فخر.
المرقد الخامس وفه الام الكَمر.
لاشك بوسط الصحن يحفر نهر.

وعل جرف رايت وفه يخليها .
...................      .  ..............

✍️ ابو منتظر الحجامي.    2025

الابوذيه:
راح الچنت احشمه وانتچي اعليه
ويروحـي لا تگطعي ونـتـچ اعليه
ومـــن ونّة النـاگــة ونـتـچ اعــلـه
ريت اعله المشو واگطعو بيه
~


انكسرنه وابد ماصح يابرلنــه
واشهد عن ركضنه يابر   النه
وتـمنـيـنـه ايـتـعنـــه يابر النه
وينصب خيمته اويانه سويه
~


العلل طابت ومــــاطابت عللنه
وهِمنه وصوت المراكض عللنه
بالطف صحنه مــا تلحگ علي النه
تخلّص عيلتك من آل اميه

~~

الوكت طحن الرحه بالحال طاحن
والنوگ بصحاري اليسر طاحن
علوياتك اعله الگاع طاحن
مثل خرزات سبحه اعله الوطيه

حيدر بشار الدراجي

يجي يوم ونبني بيه اكبوركم
ومشي نطلع نعتني ونزوركم
ــــــــــــــــــــــــــــــــــــــــــــ
ناركم  لليوم  تسعر   بالكلب
وحسره ضلت باقي ابكلب المحب
لهفه بينه وشوك ودموع التصب
عيد عدنه من نجي ونطوفكم
ــــــــــــــــــــــــــــــــــــــــــــ
يهل بيت المطفى وسر النجاة
فاهيه ابلايكم انعيش الحياة
خالدين ابكل زمن رغم الطغات
العين تعمه الماتسرابشوفكم
ــــــــــــــــــــــــــــــــــــــــــــ
حگهه تعمه اعيونه من الدمع
لحدما بيكم محبكم ينجمع
وحگ ذيج الطرت ابنص الفزع
انلاگي عاشور ابدمع عاشوركم
ــــــــــــــــــــــــــــــــــــــــــــ
انلاگي عاشور ابدمع غرگ جفن
وبينه تدي اجروحنه وما هودن
ليش مانندل گبر لم الحسن
الدهر ليش ابضلمه حافظ دوركم
ــــــــــــــــــــــــــــــــــــــــــــ
يهل بيت المرحمه واهل الصبر
بالاگلوب الرافضيه الكم گبر
اشما يمر ليل ويطر باجر فجر
شوركم يدهر وناخذ شوركم
ــــــــــــــــــــــــــــــــــــــــــــ
گبر   للباقر   ولبنه  وللأبو
وسفه حارس ضال اعليهن عدو
اشما يزور الزاير وصاحو شكو
باطل  اتصب يهل شيعه ادموعكم


خدمة اهل البيت
علي الزرگاني
ازهر الاعضيمي

باجر المهدي يشــــــــــــيد اركانها
وأشــــــــهدُ ان علــــــــــــي بآذانها
***

باجر المهدي يشـــيد اشجم ضريح
ايشارك اوياه النبي عيسى المسيح
والأذان الشيعي بالكَبـــــــه يصيح
بالبقيع المرتفــــــــــــــــــع بنيانها
***
المراقد تنبنــــــــــــــي بيـــد الامام
لو على الدنيه بأمن حل الســــــلام
يرجع بوسط الصحن يمشي الحمام
ابو صالح لوفتـــــــــــــــــح بيبانها
***
الجانت  الرايات على الكَبه حمــر
بيده ابو صالح يبدلهـــــــن خضر
هوه آخذ ثارهم راعــــــــي الامر
بقوته يفرض عالارض سلطانها
***
الغرقد ايكبره ويوســع أله الصــحن
اهواي الي ازوره وتجيه هذا الوطن
بالبقيع اليحتضـــــن كبـــــر الحسن
وبيها اجســـــــــــــاد التنور ابدانها
***

الصادق اوي الباقـر وزين العباد
طاهرين وشرفوا هـــــاي البـلاد
الحضره تصبح ملجأ الطالب مراد
وتنبني من الذهــــــب  حيطانها
***

وتمشي للخدمـه ملاييــن الخدم
جايبين الرايه من راعــــي العلم
وتنصب اهناك المواكـب والخيم
وابو صالح كاعـــــــــد بديوانها
***

ابو علي الركابي

ابوذيه

يكلولي تون شلون ماوين
ونه مدري بهنه وين ماوين
تبعدتالظعن لن الضعن ماوين
حده حدايهم وكطعو بيه



زينب نادت النسوان ونجن
بهيده لاتعلن صوت ونحن
ابعبينه خل نسوي استار ونجن
ونطارجن يبعد اهلي عليه

جروح عاشوراء
یوسف الزهراء 💔