المرحوم هادي القصاب

ردتك بدهري للشده ذخري
جا شمعة شبابك ليش دهري طفاها

. لاهذا مو رجواي لاوالله يبني
انه اعتب انه اعليك وانت التذبني
يمكن غريبه اوياك جنت اتحسبني
ويلاه يدهري اواه مدري اشطلبني
افجعني ابمصابك احرمني شبابك.
وعني من خذاك وراح روحي خذاها.

وگلبي المردته اعليك وذيج الاذيه
بيدك وديعه صار يبني من اديه
خذت ورحت وياك نحو المنيه
يبني ابحليبي اعليك رد گلبي ليه
وگلبي الاخذته هل الگلب انت
لمك رد گلبها اردود ورحم بجاها

ردتك بدهري للشده ذخري
جا شمعت شبابك ليش دهري طفاها

كالولي ابنج صار موعد زفافه
ليش اعتنه للموت والعرس عافه
فرحه بشبابه يريد يا فرح شافه
من اسمعت ضليت اصفج وسافه
شنهو جوابي وانه بعذابي
وجف موتك اجه لهروش كلبي ولواها

ردتك بدهري للشده ذخري
جا شمعت شبابك ليش دهري طفاها

وبخيمتك مريت خطفه يجاسم
وكفت شفنها صفوف بيها الهواشم
هاذي كلت لفراح عرسك علايم
وحنتك جبتها وجيت والوجه باسم
وتاليها يبني بالحومه لني
جفوفك انضرلها هنا محنيه ابدماها

ردتك بدهري للشده ذخري
جا شمعة شبابك ليش دهري طفاها

بمدة رضاعك ذاك وبسهر ليلي
ابسط الم ياذيك من تشتكيلي
كلبي عليك ايذوب ونهدم حيلي
وتضل عليك تحوم روحي ودليلي
ولا تغفه عيني ويهدء ونيني
وحته شماكو بيك الام يحصل شفاها

ردتك بدهري للشده ذخري
جا شمعة شبابك ليش دهري طفاها

ابني شجنت بارباك اطلب بدهري
ماريد دنيا ومال منك يذخري
ردتك ذخر لشيب يوليدي تدري
وانه اصبريت واعليك طولت صبري
وضليت اربيك وعيني تربيك
وتالي روحي تخيب منك رجاها

ردتك بدهري للشده ذخري
جا شمعة شبابك ليش دهري طفاها

و وحده بعد عيناك تربي عليها
جانت يماي العين اتربيه ليها
زفة عرس وافراح اتهنه بيها
ومنك جنت بسهاي انه ارتجيها
مو حكي يبني طلباتي ذني
وجا امك يجاسم ليش تنسه رباها

ردتك بدهري للشده ذخري
جا شمعة شبابك ليش دهري طفاها

نعي
الليله الثامنه  (القاسم)
لسان حال رمله ع


يـجـاسم يبني ربـيـتـك    ولـلشـيـب الـولـد يراد
يـزهـرة عـمـري وسنيني   ما ادري زمانـي اشـراد
اكـابـر وحـمـل جروحي    لچن ماينفع الهه اضماد
شسوي وفرگتك صعبه    والگلبي الـصبـر مـا فـاد

احـلـم بـيـك يـولـيـدي    افـز وصورتـك بـالـعـين
يالغالي انگطع رجواي     هالفجعه اجتني مـنـيـن
عفتني بحزني والدمعه   وعگبك ما رحمني البين
امــك يـا بــعــد امــك      واهلك عـرسـك متانين

چانت ضنتي اتشوفـك    عيني وبـيـدك الـحنـه
يـوم بـيـوم احـسـبـهـن     گـلـت يـكـبـر وزفـنـه
اجتنه الغاضـريـه منين    يـويلي وگطعت الضنه
يـيـمه الـمـوت اشوالـي    امـوت واخلص اتـمـنـه

دهـري زاوداني أعـلـيك    وبـعـد هيهات نتلاگـه
الـمـثـلـك ولـد ويـروح        يـتـرك نـار حـرّاگــه
ثـكـلـه وبالحزن ضليت    وروحي عليك متلاگه
يگلولي خـذاچ الـشـيب    گلتلـهـم عـلـى فـراگـه


                                   *---------------*---------------*

ابوذيات


الـلـيـالـــي خــــــــوش بـــفـــراگـــك.. يـــزتـــنـــي
وشـجــاهـــه أســـهـــام عـــدوانــــك.. يـــزتـــنـــي
يـــجـــاســــم يــــاهــــو لـگــــبــــري.. يـــزتـــنـــي

ويـــقـــره الـفـاتـــحــــة ويـــنـــصـــب عـــــزيـــــه

                           *---------------*---------------*

ظـــهـــري انـكـسـر بـــمـــصـــابـــك.. وحــنــيــت
ودمـــعـــتـــي ســــالــت بــــخـــدي.. وحــنــيــت
يـجـــاســـم خـــضـــبـــت شــيـبــي.. وحــنــيــت

بــــدمــــك والـــنــــهــــار اظـلــم عــــلــــيـــــــــه

                           *---------------*---------------*

✍خادم الحسين ع
الشاعر رعد الجريخي

3740
(نزله)

ها يالاكبر حان موعد ساعتك
گوم فوگ المتن علّگ رايتك
؛★★★★★★★★★★★★★

انا ابوك وردت زودك بالحرب
يا علي ادري بچفك يلاوي الصعب
خلهم يعيشون في حالة رعب
عن رگبهم ما تمنعك اي حجُب

دام نصرة دين ربك غايتك
گوم فوگ المتن علّگ رايتك
؛★★★★★★★★★★★★★

گوم يبني وللملاعين استعد
حرب ضد اهل الكراهه والحقد
يبني هاي المهره فوگ المهره شد
بالسلامه إن شاء اللّه لمك ترد

ربك يسّهل وتخلص حاجتك
گوم فوگ المتن علّگ رايتك
؛★★★★★★★★★★★★★★

انا اعرف همّتك يابو الهمم
انت ابوك حسين والعباس عم
وادري ما تصمد ترى بوجهك جيَم
في طريق الدين امضي بلا رحم

فوت بيهم والمعاره ساحتك
گوم فوگ المتن علّگ رايتك
؛★★★★★★★★★★★★★★

ادري تمحي آلاف لو وجهك زعل
يا فحل وچفوفك اربات الفحل
اعتبر كلمن بالوجه جالك رحل
خلهم يشوفون لحظات الأجل

الحرب طول بعرض تصبح مالتك
گوم فوگ المتن علّگ رايتك
؛★★★★★★★★★★★★★

لا تهم سبعين لو مية الف
انت اسد والاسد ما همه حتف
انا ادري بيك گلبك ما يرف
عاصفه تمرهم وتعصفهم عصف

طيّر بسيفك رگب عيّالتك
گوم فوگ المتن علّگ رايتك
؛★★★★★★★★★★★★★★

الهالمهمه يا علي نريد الزلم
وانت اهلها وكفو منك والنعم
كون يتذكرون حيدر بالعزم
شسوه بيهم من قبل هذا الاسم

خل يذكرون الصميده بغارتك
گوم فوگ المتن علّگ رايتك
؛★★★★★★★★★★★★★★


خادم أهل البيت عليهم السلام
جعفر عطيه البزوني

نزال علي الاكبر ع…محرم 1447 هـ


حي الله علي الاكبر شاهر بيده بتاره
            ــ⊱☆☆❀☆☆⊰ــ

اترخص وطب للمعاره والشـوارب داسها
الحومه مختبصها وتحزم للحرب خلاسها
والامس شجعان كلها اليوم طخت راسـها
الزلم فگر الي ايتنفس گطـع حتى انفاسها

كلهم ضلو يصيحون رد حيدر وفقاره
            ــ⊱☆☆❀☆☆⊰ــ

جندل الابطال كلها وداس فوگ اخشومهم
ومثل ابن العاص نزعـو بالمـعاره اهدومهم
صــوفرت مثل الســنابل آل اميه ارسومهم
اتشيم الاكبر اعلومه وخـزي وذل اعلومهم
           
ضل ايسولف التاريخ عن تضحيته وأيثاره
           ــ⊱☆☆❀☆☆⊰ــ

مثل ضـل يخـطف عليهم شــــــاهدات افعـاله
وســـيفة للفـــــقار زوده بالحـــرب من شـــاله
عشــره عشــره گام يطـــــــبگ راجـله وخياله
الشاف الاكبر صوبه جاي ايطيح مدري اشماله

وتباهه الحسين هواي لمن وصلته اخباره
            ــ⊱☆☆❀☆☆⊰ــ

وحـده بس عـن الف ينعد بالحرب مجهوده
الناجي من الحرب گام لولده يحجي ابزوده
راس ابن غانم وســـــيفه ودعوة امه اشهوده
شـــــاطر ابهدم الجمــاجم ما تمــل ازنــوده

عجزو بالوغه ايلاگو خله اخصومه محتاره
             ــ⊱☆☆❀☆☆⊰ــ

ما يســــــاوم على الذله اولا يدنگ راسه
والشجاعه ورث ابوه وهيه اصله وساسه
لايگ اعليه عنفوانه وشـــــامخ ابنوماسه
سيل مــــن الهمه عنده ويشبه العباسه

يمطر عالزلم سجيل محد سلم من ناره
             ــ⊱☆☆❀☆☆⊰ــ

اعلوم تاريــخ الشهامه بأســـمه كلها امسجله
الفارس لمحــــد وصــــله وعنه تشــهد كربله
دارس اعلوم الشجاعه وغيره من زغره امتله
بيده رايـة نصــــــــر رفت مثل حمـــزه انمثله

مايتراجع امن الموت محد يشبه اصراره
           ــ⊱☆☆❀☆☆⊰ــ

✍الخادم
كامل السعيدي

علي الأكبر نزل بيها الحومه
شردت ازلام العرب مهزومه 

___
كب عويل المعركه خيل وزلم
صاحو انهو المعركه نفضها سلم
  علي من الله بعد عده علم
وخيم أعداء السبط مهجومه

___
صال بيها للحرب كر ويجول
الشافه من بعيد خاف ومايصول
حيد ذبحها الزلم فوكَ الخيول
بسيفك اركاب العده مفصومه

___
علي خيال المنايه لو يطب
علي يفنيها لون يدخل حرب
علي زلمه يلوگله طك الركب 
من ايده شردها الزلم مالومه

___
علي لو صال وحمل خافت عداه
ذبح بكر وما رجف منه وخطاه
طشر أعداءه مثل طش الشياه
ياهو كَابل لأكبر بحد يومه

___
علي لأكبر بالحرب غيضه صعد
نزل بيها وزلزل وشد ورعد
كَلب طوفان الوغى لأكبر بعد
وشردت الخيل وزلم مهمومه
___
علي خيال المنايه لو دخل
علي عمه نعرف سكَاي وفحل
علي لاكَه بكر والطف بي سحل
جن محمد بالخُلق ورسومه


#سيد_همام_الظاهري

ثگال والتذگل تشيل حملوها
شبول هاشم طفحت بخيولها
.........................
طفحت بخيولها اربات الصعاب
ريح موت احيودها من عدها هاب
شبول حيدر فرعت حين الضراب
وماتمل من الحروب فحولها
.................................
من الحروب فحولها لتكلف تريد
وين هارفها والمعتبر تصيد
من تصد بعيونها تشوف البعيد
جالضياغم والطريده تگولها
..................................
والطريده تگولها برص الصفوف
بس روياهم بگت بالطف تشوف
لام جابرته الگاهم بالحتوف
دنگو والساده تمشي بطولها
..................................
الساده تمشي بطولها وبيرغها لاح
الحيد يتعنالها بس يمهه طاح
حي على زلام الوغى الشايفها صاح
جن علي صولتها من تصولها
......................................
الصوله من تصولها زود ويباس
ليث ليطب شگثر بالجدامه داس
تظل امية اذيول بس الساده راس
نالت ومن جسر حته ينولها
............................
خادمكم قاسم المالكي

اليوم حسين والعباس طبوها
عن الگاع شيـل الزلـم شالوها
،،،،،،،،،،،،،،،،،،،،،،،،،،،،،،،،،،،،،،،،،،،،،،
طبو ال هاشم والحرب شـــــدت
وخيل الاگـــــــت العباس ماردت
هدت لاچـــــن بيا حال من هدت
رجالـــه الزلــم صوبيـــــن ردوها
،،،،،،،،،،،،،،،،،،،،،،،،،،،،،،،،،،،،،،،،،،،،،،
اليوم شيوخ هاشم للحرب گعدو
لاطلبوش عطوه ولازلـــــــم ودو
صـــح ثنين لاچـــــــن كفو اوفو
گبل الماي روس الزلــــم جابوها
،،،،،،،،،،،،،،،،،،،،،،،،،،،،،،،،،،،،،،،،،،،،،،
هاي ازلام كلفه ودوم ماتبـــــــرد
وين الحيــــد والبيه الضهر ينشد
اخوان ام عون للعياله حطو حـد
لاگوها برحابت صـــــــدر لاگوها
،،،،،،،،،،،،،،،،،،،،،،،،،،،،،،،،،،،،،،،،،،،،،
طلابه وال حيدر بيها متحزمين
للعباس نص ونص لخوه حسين
من العدلين صارو اكثـر الميتين
كل جيمه بكتـــــر ياناس خلوها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اليوم الخيل تركض والزلم تركض
والعباس شايـــــل بيرغه ويفرض
ياصوب اليطبه الموت بي يعرض
صفوها النشامـــــه بساع صفوها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي
نزال
من ارشيف محرم

هاي الليله هاي الليله
احسين انودعك هاي الليله
ــــــــــــــــــــــــــــــــــــــ
الله الحافض الله الساتر
كون ايطول ليل العاشر
نركض نعثر نتعب باجر
والسوط ايطكنه بكل حيله
ــــــــــــــــــــــــــــــــــــــ
هالليله اكبالك كعدتنه
باجر من بعدك ضيعتنه
بالهيمه اتطول ركضتنه
وسجادك منهو ايتجيله
ــــــــــــــــــــــــــــــــــــــ
باجر ذباحك يتدنه
وبالسيف يكص راس الجنه
وشيبك من دمك يتحنه
نسوان احنه وشنسويله
ــــــــــــــــــــــــــــــــــــــ
باجر من اتطيح اخيمنه
وايهوسون براسك يمنه
قصده ايحاول يحرك دمنه
وتوكع زينب يمه ادخيله
ــــــــــــــــــــــــــــــــــــــ
ارقيه ابجالك تلعب هسه
خليهه ابحظنك متونسه
نحرك خل بجفهه اتلمسه
باجر خاف السفره اطويله
ــــــــــــــــــــــــــــــــــــــ
وعبدالله المانامت عينه
ضامي وماكطره امشربينه
حطه بحجرك  ياوالينه
بلكت يغفه أمن اتلوليله
ــــــــــــــــــــــــــــــــــــــ
الله يحرسك يامولانه
ياخيمتنه وكل دنيانه
باجر راسك يمشي ويانه
وزينب عالناكه وتشكيله

محمد الجماسي

#اللهم_عجل_لوليك_الفرج

يعلــويات اوصــيچن وصــيه
لاتتفارگــــــن ضــلن سويــــه
كـــون تــحبن حسين
ثنين امشن وره ثنين
خـاف اتيه مـــن عدچن رقيه
»»»»»»»»»»»»»»»»»»»»»
اليله اخــــر ليله يمچن خـل أگــومن شــم اشمچن 
وحـــده وحـــده وداع فرگه لاطيحن فوگي كلچن
بويه اشبعن شوف مني وروحن النوب اعله عمچن
يلحبايب مــوش بيدي الموت اخـذني گـــوه منچن
اليله مـــن البچي خـــل نعمي العيــون
مناشــــغ للصــبـــح والتنــعه ام عـــون
وداع الميت يريد  مشابگ مو من بعيد
خطيه انه وعلي كلش خطيه
يعلويات اوصــيچن وصـــيه
»»»»»»»»»»»»»»»»»»»»»»
بويه باچــر بلصحاري حــافيه اضلن تفيي الحافيه
الگاع شوچ وماي ماكو ونار تلهب والخيم ماطافيه
كـل سوالفهم شتايم ماكو چلمه تحل عليچن دافيه
يابعد عافيت ابوچــن باچــر بيا سـوط تلگن عافيه
هســــه وماعــــرف ياهنه الزغـــار
مـن كثـر التعب شــو كلـچن اكـبار
مـاميز خــواتي  ياهــن مــن بناتي
الشيب بكل مـره وتاهت عليه
يعلـويـات اوصــيچن وصــيه
»»»»»»»»»»»»»»»»»»»»»»»
انه مامــــــوتني كلشــي بس ركضـــچن مــــوتاني
مـــن اجـوچن بالسلاسل يالله شفت المــوت اجاني
گمـــت كلي وطـاح نصي وهــوه هـــذا العـــطلاني
حيــل مــابيه وأگــومــن تفرهــد الطف فرهــداني
ابوچــــن واعتذر مــــن عدچن هـواي
شماگـــــوم انثلم يالبـــــت احـــــشاي
الحوافر طشرتني  عله الطف وزعتني
زين ومـــــن لكيتن نفس بيه
يعلويات اوصيچن وصيــــــه
»»»»»»»»»»»»»»»»»»»»»»»»
اخ ياشــلعان گلـــبي وضيـــم باچــــــر والشــماته
مــــــن يصيحـــون بضعنچن وينه المـدلل خــواته
ويـــــن ابــو الـرايــه الثجيله خله يحمي مــدللاته
وزينب تحـــشم بخـوهـــا والعــطش يبس لهـــاته
باچـــــر للـــحرم ماينسمـــع صـــوت
ومدري اشچم طفل من زينب يموت
باچـــر يالفواطم   انسن گمر هاشــم
سبيه تكفلن بــويه بسبيه
يعلويات اوصيچن وصيه
»»»»»»»»»»»»»»»»»»»»»»»»»
الشــام بلوه النــوگ بلوه كلشي راح يصــير بلوه
موش تــوه التعب دوم ويانه عايش مـوش تـوه
بويه فــدوه لاتضيجن خلـگ زينب بـويه فــدوه
كـــون تچــوه گبل لاتعثــر تصيرن كــون تچــوه 
چبيـــره والمــــشي يتعــبها للشـــام
چـــوة بيها شكثـــر نيـــران الخيــام
زينب اه يزينب شكثـر وياي تتعــب
ماوفي وعلي بچلمت جويه
يعلويـات اوصيچـن وصــيه
»»»»»»»»»»»»»»»»»»»»»»»»»»»
خادمكم،،،،،،،،،،،،
مصٌطّفِّئ أّلَصٌأّلَحٌيِّ

فزاعيه للمقتل

هاليوم بحسين نواسي فاطمه

ارض وسـمه اليوم حزينه ومظلمه
هاليوم بحسين نواسي فاطمه

مذبوح الحسين ابن حامي الحمه
هاليوم بحسين نواسي فاطمه

ابن الزچـــــــــيه الشهيده العالمه
هاليوم بحسين نواسي فاطمه

بالخيل داسو وظــــــلوعه مهشمه
هاليوم بحسين نواسي فاطمه

ولا وصله من جسمه ضلت سالمه
هاليوم بحسين نواسي فاطمه

والراس گطعو العصـــابه المجرمه
هاليوم بحسين نواسي فاطمه

عالرمــــــــــح رفعو وشفافه مثلمه
هاليوم بحسين نواسي فاطمه

ومفطــره اشفاه يويلي امن الظمه
هاليوم بحسين نواسي فاطمه

ننصــب عــزه اليوم اله ونبجي دمه
هاليوم بحسين نواسي فاطمه

وبالعزه يلطمون مـــــلائكة السـمه
هاليوم بحسين نواسي فاطمه

كل شيـــــعته اليــوم عليــه متألمه
هاليوم بحسين نواسي فاطمه

انس وجن اليوم لفت متحــــــــزمه
هاليوم بحسين نواسي فاطمه

الخادم
كامل السعيدي

يا ليل طوّل ساعاتك...يا ليل أحمل آهاتك
لو ودّعت الوليان...تتولاني العدوان

طول ياليل الوداع اشما تطول اوياك أساهر
ما أمل من البواجي حتى لو تعمه النواضر
احسين بس هاليلة يمي ما تشوفه اعيوني باجر
صدقني يا ليل القهر...يا ريتك اطّول دهر
خايفة من أشباح القدر...و أخاف أضل مكسوره خاطر
ياليل إرحم دلالي...ياليل ضاعت آمالي
آ يا دهري الخوان...تتولاني العدوان

آنه ياليل العقيله زينب المعروف خدري
طولي ماواحد الشافه اولاستر يوصل الستري
لجن ياليل اشبدية سلمت للقدر أمري
دمعاتي يبسن بالجفن...من يطر مصباح الحزن
بطفال وبعيله أمتحن...والله ماينحمل صبري
ياليل كافي اتروعني...ياليل صبحك يفجعني
لونزلوا للميدان تتولاني العدوان

والله خنقتني العبرة اشلون اوصف هالمسية
مثل سرب القطا طلعت للوداع الفاطمية
ريتك اتشاهد بناتك علي ياحامي الحمية
يندبهن احسين اسمعن...كلهم فرد فزعه افزعن
ويه الولي يتوادعن...هاي روحه ابلايه جية
نسوان ياهو اليحميهن...لوراح عنهن واليهن
يقبل داحي البيبان...تتولاني العدوان

كلمن اتعنت وليها تهل دمع الحزن يمه
وسكنه لحسين ابو اليمه راحت بلهفه تشمه
او ليله للأكبر ولدها هوت فوقه تصيح يُمه
او رمله وي جاسم جاعده...تظفر اجعوده اتناشده
ارحم دليل الوالده...وللصدر قامت تضمه
جاوين يوليدي الشمعه...جسام شو صارت دمعه
فقدك مو بالحسبان...تتولاني العدوان

آه ياحال الرباب الحنّت النوق البجيها
تعاين العبد الله طير الجنة نايم فوق اديها
يفز لو رادت ترضعه من يروح يدر ثديها
متهني ابنها ابنومته...خافت يفز لو رضعته
قامت تصد الرقبته...طاحت وفقدت وعيها
جاليش يبني يذبحونك...سباح قلبي ايقطعونك
جي قلت الهم عطشان...تتولاني العدوان

زينب العباس اخوها اتعنت اوقامت تنشده
خوية بيَّ اشلون باجر قلبي ياراعي الموده
ياكفيل الضعن ضعني للوطن ياهو اليرده
عباس انت اللي قلت...وياي قومي وأّمنت
يا الاخو وبيه اتكفلت...اشلون اوكع ابشده
عباس دقعد حاجيني...عباس وين تخليني
أختك ياعالي الشان...تتولاني العدوان


الشاعر سيد سعيد الصافي الرميثي

ويلا يزينب ويلا
ويلا يزينب ويلا
،،،،،،،،،،،،،،،،،،،،،،،،،،،
حرگو خيام النســــــــــوان يهل الرحم طفوها
واخت ابو فاضل وحسين وادم غـرب شافوها
جدام خلگ الله ام عــون حافي الضهر مشوها
تدرون لو ماتــــــدرون ام الخـــــــدر شتموها
گومو لختكم گومو      دارو الغربه اعليها
گومو لختكم گومو     مامش زلم تحميها
،،،،،،،،،،،،،،،،،،،،،،،،،،،،،،،،،،،،
اسمع الناس يگولون حصتنــه هاي النسوان
وولهن اخت العباس مادام ماعــــدها اخوان
يم الخيم ويصيحون طلعو خوات العطشان
شصير زينب يحسين للغربــــــه لو للرضعان
فزعه ينايم فزعه.    لحــــگ عله بنياتك
فزعه ينايم فزعه.    راوي الزلم صولاتك
،،،،،،،،،،،،،،،،،،،،،،،،،،،،،،،،،،،،،،
همزين كلكم ميتيــــــن يحسين ماشفتوني
بحبال خشنه وكلساع مـــــن يمكم يمروني
والتهضم وتوجع حيـــــل بسياطهم طكوني
حيهم صحت وتمنين عدليــــــن وتسمعوني
كلفه يهاشم كلفه.     فوگ الهزل مچتوفه
كلفه يهاشم كلفه.    بتكم تطــــب للكوفه
،،،،،،،،،،،،،،،،،،،،،،،،،،،،،،،،،،،،،،،
مفروض زينــب ترتاح ماتنوخـــــــذ مسبيه
مو حالي ماحال النـــــوگ مانستراح شويه
حفاي نگعد ونگوم هــــــــــــــذا العمر تاليه
علويه شدو يحسين خويـــــه بضهر علويه
چاره لختكم چاره.     يهل البخت سولي
چاره لختكم چاره.    بلك الله وتگومولي
،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي
لچمة العاشر

رجع مهر حسين خالي يصهل أبين الخيم
أتلگته زينب الحره وگامت أتنشده بألم

وين خيالك تنشدة وليش سرجك منگلب
چنه جاوبها بدمعته طاح مني اعله االترب
هواي نازف دم أخوي وهذا نيشان الضرب
ليش يالميمون ساكت والسرج متروس دم

هذا دم حسين أشوفه فوگ ضهرك يامهر
شلون طاح بهيدة منك.. يامهر لو منهطر
من وگعته أنوجع گلي خاف شي بي منكسر
طيحته خاف أعله جرحه يامهر خاف أنلچم

حاره شمس الظهاري وبعد مايحمل ظمه
وحار رمل الغاضريه وأدري ميبردة الدمه
محزمه خيول وعساكر فزعت اعله امخيمه
وذاك صيواني البنيته بنارهم خويه أنهدم

خويه من حرگو خيمنه ركض للحومه أطلعت
بالسهام التارسه الطف عـثـر جدمي ووگعت
حتى اشوفك يبن ابوي وي الخيول ادافعت
حيف عسكرهم ولونه من عگب راعي العلم

صحت وين ازلام هاشم وين اليرد الفزع
الما سمع بسم العقيله هسه شافاني وسمع
وينها أسباع الحريبه الـخـدر بالهيمه طلع
ويـنـكـم يهـل المهابه ويـنـكم يهـل الشيم

مجزرين اعله الترابه ورجعو اعليكم ذبح
روسكم صارت غنايم صار كل راس برمح
جروح ماتنعد شفتها جرح مدفون بجرح
لا رضيع ألكم يهلنه ولا الخنصر مـاسـلم

للسبي صاحو علينه وجـابـو النوگ الهزل
أگبال راسك ياابو فاضل جابو لزينب حبل
يامصيبه العنها احچي وياهي منهن تنحمل
خويه مجبورة أمشي عنكم للسبي وي الحرم

حسين حمدان الدلفي

واحسينا       واحسين
،،،،،،،
حسين ياروح الزچيــــــه
ياذبيح الغاضريــــــــــــــه
وداعت ابنيتك رقيـــــــــه
العطّشك ما عنده ديـــــــن
،،،،،،،،
ويلي يامهچت الزهـــــــره
الداست الخيل اعله صـدره
گبال اخيته انذبح نحـــــره
ذابحك شمرُ العيــــــــــــــن
،،،،،،،،
فوگ صدره الخيل جـــالت
وكربله من الحزن مالـــــــت
وبت علي دمعته سالــــــــت
تصيح چا عباس ويـــــــــــن
،،،،،،،،
خل يجي العباس وينــــــــه
الجابني من ارض المدينــــــه
حسين اخونه مگطعينـــــــــه
ونتخت بسم الحنيــــــــــــــن
،،،،،،،،،
هوسوا بالراس يمهـــــــــــــــــا
واكبر من الكون همهـــــــــــــــا
يغلي ضل ام عون دمــهـــــــــا
بت امير المؤمنيــــــــــــــــــــن
،،،،،،،
حرگوا الخيمه عليهــــــــــــــــــا
وشبگت ارقيه بديهــــــــــــــــــا
لا ابو فاضل لاوليهــــــــــــــــــــا
خوانها متذبحيــــــــــــــــــــــــن
،،،،،،،،،
تلگت الگوم الاجوهــــــــــــــــــا
بحزن أمها وصبر ابوهــــــــــــــا
مات اخوها وچنها اخوهــــــــــا
هوه عين وهيه عيــــــــــــــــــن
،،،،،،،،،
خذت دور الكمر نفســــــــــــــه
الخايف اتأمنه وتحرســــــــــــه
هل صبر واجب ندرســـــــــــــه
منه نتعلم يقيـــــــــــــــــــــــــن
،،،،،،،،
هاي بت حامي الدخيــــــــــــــل
صاحت بصف القتيــــــــــــــــــل
ما رئتُ الّا جميــــــــــــــــــــــــل
يا اله العالميــــــــــــــــــــــــــــن
،،،،،،،،،،
لخادم الحسين ع
محمد الفهداوي

حيهم يا عمام حسين طاح حسين من مهرة
واليتـه الزلــم ويريــد منكم واحــد يحضره
ــــــــــــــــــــــــــــــــــــــ
حيهم يا عمام حسين هذا حسينكم وحدة
طايح والزلم والخيل هدت لــي فرد هــدة
مـــا صح بالخلكَ نغـــار عنه العـــايل يرده
اول تالي هيج حسين حته اخوان ما عنده

الكلها تطيح جدامه
سلبو منه العمــــامه
ولا فزعت كَرابه وياه ولا من ناصر ينصره
ــــــــــــــــــــــــــــــــــــــ
مامش زلم بالصيوان ظلت حتــه احشمهــا
لزينب يهـل زينب ليش مــافزعت ولد عمهــا
ظل اعلى الرمل مطروح ابن سيد مكارمهــا
طاح وعنده بس نسوان ركضت ليه من خيمها

هضيمة وحيل موسهلة
بس نســــوان تفــزعلــه
وعلوياتكم بالبر ركضن والدرب عثرة
ــــــــــــــــــــــــــــــــــــــ
ركضن صوب ابو السجاد من فزعت الخيــالة
شـافنــه بهـــذاك الحـــال كَــامن يبجن لحــاله
ذنــي مدللات حسين مـــا يتحـــاجن بجــــاله
هسه حسينهن مــن طــاح صارن بيد جتـــاله

هسه الهضم كاتلهن
من طــاح المدللهن
ومن ينطر فجر للشام وراهن ع الهزل سفره
ــــــــــــــــــــــــــــــــــــــ
ركض وملافت وعثرات من الخيم للحـــومة
اطيحن من يطكَوني واحير انوب بالكَـــومة
وصلت يمه ولكيته يلوج والحر غير ارسومه
صدك نايم لكيت حسين بس شلونها النومة

شفته وعسن لاشفته
يتكَلب عــــزيز اخته
يصيح الماي اريد الماي كَلبه من العطش جمره
ــــــــــــــــــــــــــــــــــــــ
بس انه افزعت لحسين مــا صحت زلـم تنغــــر
خلصت الدرب لوعات نوبه انهض ونوب اعثــر
لكيته من التعب مكَطوع نفسه وميت من الحـر
الف وتسع مية صواب بيه وبعــد بيــــــه اكثــر

حرت يا جرح اضمدنه
اخ يصيـــح اسمعنـــه
اشدن يا جرح بحسين وبي من كل كتر طبرة
ــــــــــــــــــــــــــــــــــــــ
من فوك المهر للكاع طيحت شيخكــم صعبة
لا ظلت عشيــره ويــاه لا خـــوان لا صحبـــه
كبل الذبح يطلب مــاي محـــد يقبل يشربـــه
ومـن بعـد الذبح سلبوه وسحكت خيلـهم كلبه

طايح شيخكم زحمه
بيـد المــــالهم رحمـة
من كثر السحكَ بالخيل ضلوعه انطبكت بظهره

رائد الناشي

#اللهم_عجل_لوليك_الفرج

الٰ هاشم يا وريثة دارها
يمتى مهديكم يطالب ثارها
ــــــــــــــــــ
يمتى يا سادتنا موعود الفرج
يمتى اخر ما بقى بنسلل الحجج
الخابط وي الصافي بالدنيا انمزج
وبس ابو صالح يخمد نارها

ــــــــــــــــــ
طفح كيل الفوضى والجور اعتلى
والسلم من عدها بالناس ابتلى
القابض بدينة مثل قابض على
جمرة بيدة وضيعت فجارها

ــــــــــــــــــ
ظهر بالبر والبحر جور وظلم
والفساد بكلشي واصل للعظم
بعد ما بينة ابد عنك نظُم
وانت تعلم يا امين اسرارها
ــــــــــــــــــ
يا بشر يشرونة يصبح سامري
يبيع دينة وبالمقابل يشتري
جبة الكاهن علينة ويفتري
عجل هالدنيا ويقلد اخوارها
ــــــــــــــــــ
الناس قسمين بتوبيت الاجل
ناس عاشت للابد نص الوحل
وناس من الگد الغنى وصلت زحل
مو حلال وما تفيد اعذراها
ــــــــــــــــــ
وضحت وباطلها ذاك وهذا حق
والله بين حگها والباطل زهق
ياهلا بالفتش وتوة التحق
وجان مضموم بخيال اكتارها
ــــــــــــــــــ
ناس تعبد لسة بالات وهبل
وناس ماعدهم ضمير ولا خجل
بس لامركم سيدي الطاع ومثل
وما يهمه الدنيا كل اخبارها
ــــــــــــــــــ
الشاعر زين العابدين الشمري

#قصائد_الدفن دفن الاجساد
#اليوم_ثالث_عالثرة_مولانه

اليوم ثالث عالثرة مولانه
من الشمس متغيره حيل الوانه
يلله نمشي الكربله دفانه
=========================
فـاس كُـل واحـد يجيب وهـم زبيـل
للطفـوف انـروح نتـلكـه العليـل
من المصايب و المرض همه ثكيل
جاي دفـان ودمـع عبراتـه سيـل

ندفن وياه هالجساد الطاهره
عظامها من خيل اميه مكسره
صار وسط المعركه ملكانه
=========================
شلون اجة السلمان سيـد الاوصيـاء
هم حظــر زين العباد الكربـلاء
يطوي بالكاع واظـن يطوي السماء
جاي يدفن جثـث اعظـم شهـداء

مثل جده من طلع بين العده
وحيدر مجانه فراشه اتوسده
طلع رغم اجيوش ابن مرجانه
=========================
كـال احفـرو هـنـا وسعـولـي الحـفـر
كـال هـذا الوالـدي اول كـبــر
وعلي الاكبر و الرضيع اعله الصدر
هاي جانت لي وصيته بهالامر

جسمـه لمينـاه متكـطـع وذر
بدل راسه ابلحده وسدنه النحر
والملايك حاضره ويانه
=========================
أمر نحـفـر كـبـر بـس كلـش وسيـع
دفـن بـي انصار ابو اليمه جميـع
وهاشم وياهم صريع بصف صريع
ولمن هال ترابهم موقـف فضـيـع

لبن ظــاهر كال احفرو لي لحد
قائد انصار الحسين اهل المجد
الوگفو وي احسين ضد عدوانه
=========================
كال عمي اعله النهر عفته طريح
امشـو للعـبـاس خـل نحفـر ضريح
ومن وصلنه و الدمع عالخد يسيح
ومـن دفـنـاه انصـدع قـلبه الجريح

ناده يا عمي الحياة بعدك عدم
ذبحو حسين وسبو حتى الحرم
والكلوب موجره وحزنانه
=========================
من وصل عمته وطوه الذيج الفله
اشلون ابوك حسين گالتله اوهـلـه
هم شفت عبـاس راعـي المرجـلـه
كتـلـه زينـب يـسـروهـا بكـربـلـه

گلي هم رشيت من ماي الفرات
على گبر حسين ونصاره الابات
بلكي تروه اجبودهم عطشانه

ـــــــــــــــــــــــــــــــــــــــــــــــــــــــــــــــــــــــــــ
كلمات الشاعر الحُسيني
المرحوم جاسم محمد الطائي

أهداء إلى خدمة المنبر الحسيني الشريف
ونسالكم الدعاء والزيارة وقرائة سورة الفاتحة
إلى روح والدي الشاعر الحُسيني
جاسم محمد الطائي يرحمكم الله

الليلة على بركة لله تعالى

وينك يعباس. ارجع عليه
ترضاها للشام. امشي شبيه
@@@@@@@@@@@
وينك يكافل. حرگوا خيامك
رد. الاعادي. وجرد حسامك
وينه الوعد ذاك. وينه كلامك
لمن جبتني. للغاضرية
####@@@@@@@@@
كتلي انه احاميج. وتدريني كافل
ودك صدره اله. ه̷̷َـَْـُذآ ابو فاظل
فنه لثناياج. يوصلنه عايل
الا اراويه. بيدي المنيه
@@@@@@@@@@@@
جنك عفتني. وحدي وغريبه
اشيكلك الحال. وهاي المصيبه
بس ه̷̷َـَْـُذآ العليل. ودمعه ونحيبه
هو البقه وياي. وشاف الاذيه
@@@@@@@@@@@@@
لمن خذوني. يم الشريعه
شفتك يعباس. جفوفك گطيعه
وشفت الهواشم. كلها صريعه
عالغبره طاحت. فوك الوطية
@@@@@@@@@@@@@
زينب. تنادي. وينه كفيلي
هضموني خوية. وذايب دليلي
كلها رميه. انته وخليلي
وبس اليتامه. بالغاضرية
@@@@@@@@@@@@@@
خويه ارد اخبرك. ظربوني اعداك
واخذوني للشام. انه ويتاماك
جنت. بدلالك. مهيوبه بحماك
وهسه السبايا. تبجي عليه
@@@@@@@@@@@@@
بعد الكفلني. تبرالي ظلام
تظرب رقيه. وتشتمها الايتام
ومن الهظيمه. ياخوية ما نام
ولمن عفتني. شفت الاذيه
@@@@@@@@@@@@@
علي عبدالحسين السعيدي
078 10158578