شَرَف شَرَف خِدَّامِچ يافاطمه

فدوه لسمچ فاطمه يا أم ابو اليمَّه
نعمة ( الله ) العظيمه ومَحله هالنِّعمه
كل مُحب هاي الخِدَامه تسري وي دَمَّه
شرف يكفينه انتمينه (العالم الخدمه)

سِر وعَلَن ...يم الحسن ...نادينه ويَّاكم
رغم العِدَه...كلنه فِدَه...وللموت نهواكم
نبقه خَدَم...نقسم قَسَم...ماعشنه لولاكم

يافاطمه ولعيونچ ننطي الدِّمَه
شَرَف شَرَف خِدَّامِچ يافاطمه
........................................
كل وكت عدنه ارتباط اوياچ مو فَتره
والف هنياله اليگظِّي ابخدمتچ عمره
كلمه رددنه وسمعهه العالم ابأسره
نتعب ويسوه تَعَبنه الفاطمه الزهره

يم الفخر...واكبر فخر...حُبچ هويتنه
لاما هُوَت...راية بَخَت...مولاتي رايتنه
واشتنوصف...خيمة عطف...كل عَزَه لمَّتنه

وابكل وكت أحبابچ مِتحَزِّمَه
شَرَف شَرَف خِدَّامِچ يافاطمه
........................................
دوم باسمچ نستغيث وندعي بحروفه
وماتَمَچ مثل المَقام ونگصد انطوفه
عاللطم والحرگه عدنه اگلوب ملهوفه
حُبِّچ ابحجم الحُسين وصحنه منعوفه

عشگ الصدگ...هذا العشگ...مانفترگ عَنَّه
دوم ابحزن...ننعه ونون...مانترك الوَنَّه
واعله العَهد...حُبِّچ أبد...لا ما نِمِل مِنَّه

هذا العِشگ يروينه مِنِّ الضِّمَه
شَرَف شَرَف خِدَّامِچ يافاطمه
.......................................
نسأل الله ابجاه طه المصطفى وآله
يستمر هذا العزاء وايكثِّر آمثاله
خادمچ حُب الولايه ايصدِّق اعماله
اليخلِص اوياكم يفاطم هذا هنياله

نطلب مَدَد...وانتي السَّنَد...گلب المُحِب ناده
وابخِدمِتِچ....وامحَبِّتِچ...يتحقَّق امراده
حُبِّچ ذخر...يوم الحشر....يابيرغ الساده

حُبِّچ بداية عمري والخاتِمَه
شَرَف شَرَف خِدَّامِچ يافاطمه
.........................................
بأول وآخر دعاء إنَّادي وفقينه
نحظر الهاي المجالس بينه مابينه
ابماتمچ يلتم شملنه وندعي بارينه
انصيح ألَّلهم عَجِّل فرج مهدينه

وابن الحسن...يجلي المحن...مهدينه بضهوره
خدام...اله...وابكربله...يلگانه جمهوره
بيده اللُّوَه...ونگصد سوه....والگبرچ انزوره

موكب عزه اللَّطامه يتقَدَّمَه
شَرَف شَرَف خِدَّامِچ يافاطمه

سيد علي الموسوي

( ثكيل )

الزهره بآخر ليله شوف شحالهه
توصي كامت بالحزن باعيالهه
————
يمه اكعدو اكبالي ياريحة هلي
خاف اغمض عيني موتي ادنه الي
ارد اوصيكم ييمه انه بعلي

يكول روحي اليوم مدري شمالهه
———
جان يمي من البجي مات وعدل
ذاك ابوكم جان الاقوه من الجبل
عمت عيني شلون نحلان وذبل

من كثر ما بجه ادموعها وسالهه
————
كعد يم راسي وعلى اضلوعه انتجه
يمسح بدمعاتي تدرون شحجه
وين اروح اخلافج وحبني وبجه

كون ميته ولا سمعته وگالهه
—————
يكسر الخاطر علي ذاك الشهم
گوه يحجي ذاك المخرس الزلم
يكلي عكبج كمت احس انه بيتم

خلافج عيوني الدمع يحلالها
—————
يكلي من بعدج على الدنيا العفه
يم حسن بس عندي جنتي ام الوفه
مثل طاست ماي جن حيلي انجفه

روحي حال الضيم عكبج حالها
————-
بحضنه حط راسي ويباوعلي وصفن
يكلي بس لا نفترگ يم الحسن
صعبه عشرة عمر نختمهه بجفن

الوادم الماتت الف هنيالها
————
يالحسن روح اعله ابوك المنفجع
كعدو يمه ونشفو من عينه الدمع
يموت لو ظل حيدر بهذا الوضع

روحه شفت الموت يدنالها
————-
الخادم موسى البطلي

( ثكيل )

الزهره بآخر ليله شوف شحالهه
توصي كامت بالحزن باعيالهه
————
يمه اكعدو اكبالي ياريحة هلي
خاف اغمض عيني موتي ادنه الي
ارد اوصيكم ييمه انه بعلي

يكول روحي اليوم مدري شمالهه
———
جان يمي من البجي مات وعدل
ذاك ابوكم جان الاقوه من الجبل
عمت عيني شلون نحلان وذبل

من كثر ما بجه ادموعها وسالهه
————
كعد يم راسي وعلى اضلوعه انتجه
يمسح بدمعاتي تدرون شحجه
وين اروح اخلافج وحبني وبجه

كون ميته ولا سمعته وگالهه
—————
يكسر الخاطر علي ذاك الشهم
گوه يحجي ذاك المخرس الزلم
يكلي عكبج كمت احس انه بيتم

خلافج عيوني الدمع يحلالها
—————
يكلي من بعدج على الدنيا العفه
يم حسن بس عندي جنتي ام الوفه
مثل طاست ماي جن حيلي انجفه

روحي حال الضيم عكبج حالها
————-
بحضنه حط راسي ويباوعلي وصفن
يكلي بس لا نفترگ يم الحسن
صعبه عشرة عمر نختمهه بجفن

الوادم الماتت الف هنيالها
————
يالحسن روح اعله ابوك المنفجع
كعدو يمه ونشفو من عينه الدمع
يموت لو ظل حيدر بهذا الوضع

روحه شفت الموت يدنالها
————-
الخادم موسى البطلي

#ابوذيات
شهادة السيده الزهراء صلوات الله عليها ولعن الله ظالميها

يمهدي بحسره انشدنك عن امك
صدك بالعصره ماواحد عان امك
شفتها طابت امورمه عين امك
الاشد صطرتها لو صطرة رقيه

يصب دمعي دمه ماشــوف بُدله
صعب كسر الضلع جم حيل بادله
علي يابويه گتله البــــــــاب بدله
خفت لا اموت گبل الغاضريه

اذا تنشدني عن زينب شبيها
الحزن جانون بعد امها شب بيها
الونين الونّتــــه مــاون شبيها
بس حسين حدر الاعوجيه

لاتنسوا امام زمانكم بالدعاء والبكاء

علي محسن الزيادي

#اللهم_عجل_لوليك_الفرج

ضلعي بالباب انكسر
وكلبي ياالمهدي انفطر
يبني هجمو عالدار
وحركت جفوفي النار
****
شمسويه وعله عيوني يسطروني
وبين الباب والحايط يعصروني
يالمهدي تعال وجلب امتوني
ييمه اشما ردت انهض يطيحوني

محسن بطني نرفس
ونكطع حته النفس
ردتك تشوف الصار
وحرت جفوفي النار
*
خلف الباب صاحو فاطمه الزهره
وكللهم وان والباب اجه يكسره
اضلوعي اتهشمت من شدت العصره
والمحروگ بيته يبني شيصبره

انحب ويجري الدمع
ويدي احطها اعله الضلع
وصوباني البسمار
وحركت جفوفي النار
***
عصروني وصحت يا فضه سنديني
يم الباب الوج ودمعتي بعيني
اون والحايط ايون ضل عله اونيني
سطرني قنفذ واذاني تدريني

وبعباتي اتكبعت
ادركني يالمهدي صحت
حاربوني الأشرار
وحركت جفوفي النار
**
شحجيلك حرت عن ضلعي التهشم
وبالبسمار يابس يبني ضل الدم
بصلاتي لو شلت ايدي يزيد الهم
ضلوعي تهيج ومن اتنفس أتألم

عالوجن دمعي جره
ومثل ما صبرت مره
اختنك ليل انهار
وحرت جفوفي النار
***
علي اموصه بوصية الهادي يدرونه
لذالك قررو بيته يحركونه
وكت حيدر علي امكيد يجرونه
والكرار بالحومه يعرفونه

كلها صارت ضد علي
ونقلاب اعله الولي
والمخطط يندار
وحركت جفوفي النار
***
بثارك يابو صالح كوم طالبهم
والغصبو فدك من عندي حاسبهم
يمته تضهر وسيفك يحاربهم
والشيخين يالموعد تصلبهم

صحت يايوم الفرج
اشعوكك يبن الحجج
عندك اهواي أنصار
وحركت جفوفي النار
****
تمت
تحسين الخفاجي

نعي مفجع
للزهراء ع


أفـزّ بـالــيــل واتـــذكــر
               امـي الـحلـوه گـعـدتـهـه

وياخذني الدمع والشوگ
              ويوديني اعله حجـرتـهـه

اصـبّـر روحـي بـالـگـوه
              واشم ريـحـت عبايتـهـه

واتـمـنـه الـزمـن يـنـعـاد
              واسمـع مـره چـلـمـتـهـه

صوور بعيوني لـلـزهـره
               مشت والصوور خلتـهـه

اوّل وحــده بـالـعــتـبـه
               البيهه ابـتـدت قصـتـهـه

وثانـيـهـه تـشيـب الراس
               يـوم الشفت عـصـرتـهـه

أمـي اشـجـنـت مـا ادري
              ليش الـگـوم ظـلـمـتـهـه

وليش ايطيح محسنهـه
               وليش الدمعه سالـتـهـه

بضعة سـيـد الـكـونـيـن
            اشلون انسه مـصـيبتـهـه

*--------------------------*------------------*

✍خادم الزهراء (ع)
الشاعر رعد الجريخي

ابيات ابوذيه لاستشهاد مولاتي الزهراء ع

اره البسمار بعيوني وره الباب
وره المحسن سگط منهه وره الباب
وشوف الباب مذوهله وره الباب
لمصاب الزهره بت سيد البريه
==========================

حـزينه ارواحنه ومـا مر نعشهه
فــرح وايـامـنه بـحسره نعشهه
لــئن   بـليل  يــشيع   نعشهه
وگبرهه علينه ظل مخفي الزجيه
==========================

يـدنيا الـفرح مــامـرنه  نعش بيج
وعسانه نموت مالحظه نعش بيج
لان لام الحسن شالوا نعشج بيج 
كـسير اضـلوع ودمــوعه جـريه
===========================

الــچ يـلزهره ولـحيدر ولانه
ولـيه الــحزن بـغيابج ولانه
لاواحد وصـل  گبرج ولا نه
اشوفنه وتـرد  الروح  الـيه
==========================

شوكت يلزهره ناخذ يوم ثاراج
ونـصل گبرج ونشتم طـيب ثاراج
نـعشج مـو بـگاع انـدفن ثاراج
ابگلب كل شيعي يلزهره الزجيه
============================

كسر ضلع امنه يدي ودوم ماطاب
وعگبهه كل طـعم للــزاد ما طاب
امن الصد علدار ودي الدار ماطب
لان مظلم غده دون الزجيه

نعي



لاستشهاد
مولاتي ام البنين عليها السلام


كأني بلسان حالها




حانت منيتي وهذا حــدي
وياهو اليوسد بيده خـدي
چانو خمس اولاد عنـــدي
وهسه وحيده بغـير ولـدي



ريض الدفن ما كفت العـين
لهسه تتاني يلفي الحــسين
يرجعولّي  بلكي المضعـنين
الصاير عليهم گلبي نصــين


ياهو اليگلهم امكم تـــــنوح
والنعش فوگ الگاع مطروح
تنتضر واحد مات مــــذبوح
وهيه بنعشها النضر مشبوح


لأربع ولـــد ما صـــار ونـــي
بس فگد ابو سكينه كــتلني
روحي وعزيز الگلب يبـــني
شمحلاها لو بــيده دفنّـــــي





المن هالنـضر للجــــــفو -- يمعون ( يمعن)
واهم بالطف انذبحو عون -- يم عون
شجاني وما رحــت وياج -- يم عون
واراوسهم وخل تدنه المنيه



سنين الفــــگد للــــدلال -- ولمن ( آلمن)
ونوحي واللطم بجفــاك -- ولمن
المن عايشه يحســــيـن -- والمن
اشتم هوه وما ترجع عليه






           عبد العليلـه
حيدر ابو كيان الفاطمي

بين الزهراء وريحانتها الحسين
(عليهم السلام)

احسين يمه اگعد تعال اگبالي
اليوم خل غالي و يودّع غالي
ــــــــــــــــــــــــــــــــــــــ
يمه اسولفلك اريد اعله الزمان
اسوالف الام عافيه وتگطر حنان
آنه اول ميته ماعندي مكان
ولا گبر مثل البشر يبرالي
ــــــــــــــــــــــــــــــــــــــ
آنه أظل إبلا گبر وابلا صحن
كبري يظهر وي ظهور ابن الحسن
وانته عاري اتظل ييمه بلا چفن
وهوّه چتالك نفس چتالي
ــــــــــــــــــــــــــــــــــــــ
آنه بالبسمار اتلوّع وأگول
ليش ياهالناس خالفتو الرسول
وانته يامظلوم تنداس بخيول
وزينب التنعاك هم تنعالي
ــــــــــــــــــــــــــــــــــــــ
ضلعي من ينعاب اصبح كالخيال
وانته تتطشر وذر فوگ الرمال
تعطش وماتشرب الماي الزلال
وآنه أظل بمجلسك للتالي
ــــــــــــــــــــــــــــــــــــــ
زينب اعله التل تنادي ياحسين
لو عدل انهض يبوالگلب الحنين
السوط يضربني واصدن باليمين
وباليسار احمي وجوه اطفالي
ــــــــــــــــــــــــــــــــــــــ
يمه والمحسن الماشاف الضوه
من سقط طولي مثل سعفه انلوه
لچن عبدالله المثل شم الهوه
هوه أكثر طفل شاغل بالي
ــــــــــــــــــــــــــــــــــــــ
احسين واليبچي بعزائك لو ينوح
لو يعلگ رايتك فوگ السطوح
كل تعب محسوب عندي ومايروح
تاج البسه وقصر ياخذ عالي


محمد الجماسي

ــــــــــــــــ طلبـكم 👇ـــــــــــــــ

مـن هـجـمـت خيول العده
الشاعر المرحوم السيد عبدالحسين الشرع -
مـن هـجـمـت خيول العده ..ولحدود الخيم دنت
طـلـعـت مـن الخيمة تعدي..زينب وعالتل اوقفت

شـبجت العشرة من الخطر ..ولصوب أخوها اتوجهت
صـاحـت يابو اليمة عدل ..يا روحك الطيبة اظهرت

إن ﭼانـك حـي انتهض ..وأسرع ترى اسكينة انولت
والـخـيـل هجمت على الخيم ..والنار بيها اتوجرت
واخواتك بين أهل العدا .. تحذي ويسرها تسلبت ويزرها
لـحـق عـلـيـهـن ياشهم ..منها الخدور اتهتكت

لـمـن سـمـعـهـا ابـن الفحل..بيه الحمية اتفزعت
قـام وعـلـى وجـهه وقع .. ودموع عينه اتهاملت
صـاح اشـعـلمكم يالعرب ..عنكم شيمكم قورت
صـاحـت يـبو اليمة عدل ..ياروحك الطيبة اظهرت

ظلمه البيت اصبح شالت الزهره
٠٠٠٠ ٠٠ ٠٠٠٠
الله يعين زينب من زغر سنهه
مجلبات المصايب مايهد انهه
جبريل اليون المن سمع ونهه
الليالي ام الصبر والضيم سمنهه

الله يعينهه من شافت الصطره
٠٠٠٠ ٠٠ ٠٠٠٠
يابيت الوحي من الوحي خالي
تصيح فراك امي شلع دلالي
تروح بهل عمر ماجانت أبالي
من شالو نعشهه بحلم حسبالي

راحت والگلب عالضيم شيصبره
٠٠٠٠ ٠٠ ٠٠٠٠
يا جلمت ييمه لماتت بيتي
ورث ليه الحزن يل زهراء خليتي
اسمج من يمرني تختنك ريتي
مشيتي ومن مشيتي خذتي عافيتي

بعيوني طبعتي الباب والعصره
٠٠٠٠ ٠٠ ٠٠٠٠
اصد عالباب وانه تصورج يمه
الضلع مكسور علمسمار ضل دمه
صرخ حيل كل مصباح يايمه
الرزايه من الزغر عليه ملتمه

من عندي الصبر يمه اخذ صبره
٠٠٠٠ ٠٠ ٠٠٠٠

يتيمه بهل عمر يل ماشفت فرحه
من اشوف حسين گلبي ينفتح جرحه
گبال العين باجر الطف يذبحه
ياليل هدعش ماينجرع صبحه

عليه الناس كلهه شابحه النضره
٠٠٠٠ ٠٠ ٠٠٠٠
خادم اهل البيت ع
فلاح طالب الماجدي