ميمر بصوت
علي الصالحي
كامل السعيدي

گالوهه وشگالوهه
اخت الكفيل إسبوهه
كل الخيم حرگوهه
بلوه وعلي ،، بلوه وعلي

--------------------------------------------

طاح الحسين وهدت الناس
الحگ علينه أهنا يعباس

طف وعطش ،، حر وذبح ،، وحسين وحده بنص آلارماح
ها يا علي ،، بس الحرم ،، طحنه بخيمنه بساعة الطاح

من رفعو رمح بالحومه أذونه
براس حسين بالطف والله ذبحونه
وحده اتصيح يم حسين ودونه
وطفله تگول خل نموت خلونه


ذبحو دفو خيمتنه
المن بعد ظلتنه
ما تنوصف حيرتنه
بلوه وعلي ،، بلوه وعلي

-----------------------------------------

وحدي وأجت وادم عليه
يبن إمي دگعد خويه أليه

وين أتجه ،، محد ألي ،، علرمله نايم يا بختنه
هاي الزلم ،، وصلت ترى ،، بالنار وادم لاحگتنه

صاحو خيمة العباس حرگوهه
طبوهه بسيوف ونار طبوهه
وزينب من خدرهه يله طلعوهه
وگدام الحسين بسوط ضربوهه

عباس كونك تسمع
وصلو حرمكم درجع
من ريت روحي التطلع
بلوه وعلي ،، بلوه وعلي

----------------------------------------

كض الشمر سوطه وحباله
وگال الحسين أسبو عياله

حرگو خيم ،، سحگو علم ،، واطفالنه من الخوف صاحت
كافي الضرب ،، كافي الشتم ،، ناحت رقيه گبالي ناحت

واحد يضرب النسوان ويسبهن
وذاك يگول جيبو حبال ونشدهن
وهذا يصيح مسبيات منردهن
وبيهم گال كله أبغض والدهن

صار الركض بالهيمه
لن عدنه ما ظل خيمه
يا حال گلبي وضيمه
بلوه وعلي ،، بلوه وعلي

----------------------------------------

نركض وصعبه شينتضرنه ؟؟
بالحومه ما ندري وعثرنه

التعثر بأخو ،، التعثر بأبو ،، التعثر ومحد يوگف الهه
المِن تنضرب ،، بچف الغرب ،، چا غير اهله التفزعلهه

تاذينه السياط ونخنگ العبره
كلمة يا سبايا الخاطر اتكسره
اهل الجنه ليش اعله الارض أسرى ؟
ولكم ينسحگ ريحانة الزهره ؟؟؟

تاذون حتى اطفاله ؟
وتسبون ليش عياله
هذا الرسول وآله
بلوه وعلي ،، بلوه وعلي

--------------------------------------

بين الغرب آنه الوحيده
ذبحو كفيلي وطاحت آيده

صعبه الشتم ،، گبال الزلم ،، والماله صوت گبالي نادى
جيبو الحبل ،، حضرو الهزل ،، گالولي انتم چنتو ساده ؟

صاح اخت الكفيل وروحي مختنگه
ها زينب الرايه اشمالهه إمدنگه ؟؟
اريدن شوف عيني اليوم ما صدگه
من گد الشماته انفاسي محترگه

جيب اللوى ولتلزمه
يا تله عوفي القمه
ها هسه صاير زلمه
بلوه وعلي ،، بلوه وعلي

--------------------------------------

مو أسرى ما نرفع أدينه
نستشهد وما دنگينه

زينب آنه ،، اخت الشمس ،، والكون كله بأهلي صاير
غثكم علي ؟ ،، زينب بقت ،، ما ينمحي أذان المناير

إذبَح بالحسين وطشر اعضامه
لا ميموت ذكره وباقيه أيامه
الحسين ايخضر بأرواح خدامه
اليحسب باليزور أيحير بأرقامه

باچر ترف الرايه
بچفوف هالمشايه
بس انته ما لك ثايه
بلوه وعلي ،،، بلوه وعلي


كلمات الخادم / رعد الفريجي

وكان لي أبا يهوى عليا... فصرت من ذي وذا أهوى أبا حسن!

أرفع وأسمى آيات التهاني والتبريك بولادة أمير المؤمنين وقائد الغر المحجلين، ومولى المتقين، وليد الكعبة وشهيد المحراب وحبيب الله والرسول وأبو الأئمة الأطهار الإمام

علي بن أبي طالب عليه السلام

مبارك لكم ان شاء الله

الليلة أن شاء الله
تحت خيمة مولاتي زينب ع

يمتى يالمهدي تدك الثايه
للسبيه    تعتني   مشايه
***
باچر المهدي  يطوف اسوارها
يمحي  الشام  وأسر  اخبارها
ترجع الحره  عظيمه  الدارها
جنة   الله   زينب   اببنوارها

والوعد عنده نطاها احچايه
للسبيه    تعتني      مشايه
***
بيدك  اتقيم  العزه  ابواديها
ابراية   الكافل  تجي  تعليها
وياك   خدامك  تره تواسيها
بيدك اتذل  السبي  وحاديها
وياك ابو فاضل يجي بالرايه
للسبيه     تعتني      مشايه
***
يمتى   يالمهدي   تطيب آلامهه
بيدك  اتحقق  جميع   احلامهه
اداوي ياجرح البقى من شامهه
تسحل  ابحرگه الشمر  گدامهه

صفعتك هيه علامه اكفايه
للسبيه     تعتني   مشايه
***
يمك اضعون  المشت بخبارها
والحزن ظل  عايش  ابفكارها
چنهه هم مثل الزجيه ابدارها
خيامهه تسعر جمر  من نارها

كون يمهه سيدي عنايه
للسبيه  تعتني   مشايه
***
تعتني    مشايه    وي     زوارك
اتحضرت يالمهدي هاي انصارك
امخيم اعليك  الحزن  يم دارك
من النجف  كاصد تجي بفقارك

وبظهورك هيه هاي الغايه
للسبيه    تعتني   مشايه
***
تنتظر    لسه     يجيها   الكافل
شوف يالمهدي الجرح متواصل
ظلت بحسره  وسبيها الحاصل
نريد   منك  خبر  ينزل  عاجل

اتبشر الشيعه بظهورك هايه
للسبيه     تعتني     مشايه
***
تمت بعون الله
#خادمكم...... يوسف الفتلاوي

(قصة حزن)  ميمر


قــصــة حــزن         تـبـدي بـسـجـن
يـجـري الـدمـع        فــوگ الـجـفــن

الحال الغريب المسجون الدمعه المحب يجريهه

*--------------------*--------------*

قـصـة سـجـيـن المايـهـم سـجـانـه
الـخلـه الـملـوك بسجـدتـه حـيرانـه
هـدّم عـروش الطـاغيـه بـأيـمـانـه

يـقـره الـذِكـر       الـحـد الـفـجـر
صــابــر بـقـه      أوضـحـه الـعـمـر

قصته السجن والسجان طول الدهر يرويهه

*---------------------*----------------*

أروع مـواقـف بـالـصبــر خـلـدهـه
سطـّر صـور للتضحيـه وجسدهـه
هـاي المجالس واللطم شـاهدهـه

مـنـي أسـتـمـع        بثـورت دمـع
مـوسى أنـطلـق      قــاد الـجـمـع

ثورت جموع الاحرار موسى البقه  حاديهه

*------------------*----------------*

أتـحده الـرشيـد وزمرتـه وأحـقـاده
هـدّم عـروش بـمـوقـف وسـجـاده
ضـحـه بـحـيـاتـه والـعـمـر مـاراده

بـصـبـره رســم       نـهـج الـقـيـم
صيـتـه أعـتـلـه       فـوگ الـقـمـم

عين التشح للمظلوم ريت العمه اليعميهه

*-----------------------*----------------*

ثـقـل السلاسل والسجن مـا همـه
تاخذ عبـر واعـظـم درس من يمـه
خـدامـه هـايـه واللطم مـتحـزمـه

هــذا الـلـطــم      ضــد الـظلـم
انـدگ الصـدر       نـكسـر عـظـم

للكاظم أيضل النوح وبينه الخلگ شعليهه

*----------------------*------------------*

اجـاسـرت زمـرت جهـل ملـعـونـه
اليـوم بـمصـابـه وغيبته فجـعـونـه
خـلـونـه نـنصبـلـه الـعـزه خلـونـه

مـات بـغـرب     وكـسـر الـگـلـب
اليـوم الـعـزه     خــل يـنـصـب

وهاي المجالس للموت بدگ الصدر نحيّهه

*------------------------*----------------*

أيبچي الحجر نعش الغريب وحاله
حـگـهـه الـمـدامـع لـو تـضـل همّاله
ونـاعي المصيبه بـكل عَـزه ينعـاله

مـحــد حـضـر      حـالـه ونـضـر
وجـده الـنـبي       سـيـد الـبـشـر

بساگه الحديد ومطروح فوگ الجسر تاليهه

*----------------------*-----------------*

✍خادم موسى أبن جعفر
الشاعر رعـد الـجـريـخـي

نسألكم الدعاء

موشح للامام الكاظم عليه السلام

ويلي يجنازه الغدت مترضرضه
ويمها صاحو هاذه امام الرافضه
___

ويلي يجنازه البقت فوگ الجسر
ليها گلب المصطفى ضل منكسر
اوحيدر الكرار گلبه مِنعصر
او تبچي الزهره ابدمع مثل الغضه
___

تبچي الزهره غدت دم الحَمَر
يمه يا موسى انكسر مني الظهر
امسمم او مچتوف يا بعد النظر
والله يوليدي عَلَي ضاگ الفضه
___

شنهي ذنبك والألم تتجرعه
او چبدتك منّ السموم امگطعه
اعليك ما واحد بچه او لحّد نعه
والغدر بحشاك هل سهمه مضه
___

مضه سهم الغدر صابك بالگلب
ومتت ياموسى ييمه بل غرب
اتنوح سكته والمدامع دم تصب
او جفنك ابراحه ابد لا ما حضه
___

جفنك ادموعه غدت من دم تكت
أبسجن مضلم ما تفرزن كل وكت
اسنين راحن وانت راحه ماشفت
ليل وانهارك ألم يابو الرضا
___

ليل وانهار ابسجن مامش ضوه
مختنگ ياموسى حسره اشّم هوه
جرّحاك القيد وانت ابلا دوه
يمه عمرك بالمطامير انگضه
___

موسى عمرك بالمطامير انختم
جرّعوك اسموم وافراگ او ألم
هدّمو حيلك وانه حيلي انهدم
وجيتك اتوچّه الجدم گوّه انهظه
___

جيتك اتوچّه واديه اعله الضلع
يبن جعفر ما بقه ابعيني دمع
النعش من شفته انشلع گلبي شلع
نشف دمّه والنبض منّه گضه
___

نشف دمي اي وحگ شيب الخضيب
يوم گالو بالسجن ميّت غريب
لا اهل عنده ولا بيته جريب
ريت الله عنهم ابدن مارضه
___

ريت عنهم ينمِنع قطر السمه
هلّي خلّو چبدتك متسمّمه
وشيّلوني اهموم گد سابع سمه
او بچّو الهادي حزن والمرتضى
___

ابو فاطمة الطائي

السبت على بركة لله تعالى

03 فبراير 2024, 08:26 PM



قصيدة الامام الكاظم عليه السلام


   سجنوني بالضلمة اعداي
   بس، الله يعلم. بلواي
گيدي بدية... امسجل عليه
    بس الله يعلم بلواي
  *
سئلوني يا موسى شلون عايش وسجنك ظلمه
الله الك ماينساك ولظالم الله يحطمه
مسجون ويدير العين موسى صبح من خصمه
واليگظن اسنينه ابسجن يتعود اعله الظلمه
    بس الله هوه الجبار
     من هالظلم. .ياستار
  گيدي بدية... امسجل عليه
**
اكظي العمر وسط السجن والسجن صبح بيتي
بس دمعه ومصلايتي وقراني هاي امنيتي
هارون ماعنده بخت. يحرمني من ذريتي
واسنين ماشوف الاهل منا لحد امنيتي
      من الحديد امتوني
      توجعني ويضلموني
كيدي بدية.. امسجل عليه
*
ابخدي اثر من الدمع وتلزمني حسره ودمعة
والعايش بسجن العده بس الله وحده ايسمعه
واليدعي يارب العرش من المطامر طلعه
ياحيف مسموم وكظه مولانا يوم الجمعه
      بيه استقام الاسلام
      مات بسجون الضلام
  كيدي بدية... امسجل عليه
****
احنه اهل بيت الوحي من عدنه يبدي التشريع
لهل الغدر ندفع. ثمن. دمنه وأمر الله انطيع
هارون صار النه خصم واهل  الظلم والتطيبع
حسباله ابن جعفر خفي،و نوره من ظلمه ايضيع
     ياشيعه اَنه المسجون
     سجني بأمر من هارون
كيدي بدية... امسجل عليه
**
ومصابي كل ما وصفة بعد اكبر انه الكيتة
سجاني ضالم صار الي كلمن اهو وتربيته
من مثلي بسجون الخصم .بالسم تصير،  امنيته
جابولي سم اويه التمر  لگلبي صعد. حسيته
   سمي ترة ما موجود
   چبدي انمرد يالمعبود
كيدي بدية... امسجل عليه
*
الشاعر والخادم حسين عبد الحريشاوي

بس الله يعلم بلواي
لشاعر حسين عبد الحريشا ي

موشح ( وين هاشم )



ويــن هــاشــم تعتــني بشـــبانها
تشــيل نعـــش الشيّعِــه سجـانها

*

وين هــاشم تعتنــي بهـم وبحـزن
تشــل نعش المات بقيود وسجـن
تحضر لنعشه هلّــه تنــوح وتــوّن
وتنشــر لـفگـد السجين احـــزانها

****

وين هــاشم تفــزع اليــوم الفجــر
تشيل نعش الكاظم الظل عالجسر
الرجـس يــا وسفـه تشفه بالطـهر
الـــدين محــزون وفــرح طغيـانها

****

ويــن هــاشـم خلــها للكــره تعيــد
تحضــر المسجــون مــن الا رشيد
ميــت امگيدينه يــا وسفه بحديد
بالســـلاســـل گيـــــدو قـــرآنـــها

****

وين هــاشـم عالجسـرالكم صريـع
چبــده ممــروده بغدر سـم النجيع
الارض تنعه لفگه والكون الوسيع
حگــهه متكّـدره اليــوم اكــوانــها

****

وين هاشم چم نعـش ظل بالفـله
وحــده ظل مطــروح ما يمه هله
مثـــل جســم حسين ظـل بكربله
مهــشم يــــذري علــيـه تـربــانها

****

وين هاشم تحضر لنعش السجين
تشيله بآهات ونحنب والله وانين
وتطلب بثــارات مــن ذاك اللعين
وهــاشم افنــون الحـرب عنوانها

****

وين هاشم موسى بالطاموره مات
شــوِكــتْ ويــاكم تفــض النـايبات
چم گلــب بأحـزانه يـا وسفه يبات
بحســره يطلب ثـــاره مـن عدونها

****
الشاعر
موسى البديري

على بركة الله تعالى وصاحب الزمان عجل الله فرجه
#التشييع_الرمزي_المركزي_لنعش_الأمام_الكاظم_عليه_السلام
#الذي_يبداء_من_جسر_الاصلاح_وينتي_بساحة_الكفيل_عليه_السلام
#لجنة_الشعائر_
ذي قار /قضاء/الاصلاح

يوم الاحد 26/ 1 /2025
25 رجب 1446 هجري

الساعة 9:00 صباحا

مسموم  ياسيدي،
مسموم ياسيدي،
                             *
مسجون وعليك الظالم اجبر
بغضا للرسول المصطفى وحيدر
مهموم وغريب وكلبك توجر
من ثكل السلاسل عظمك اتكسر

مسموم ياسيدي…… مسموم ياسيدي
          ****
حاقد ما يخاف من الله سجانه
راوه العذاب   اشكاله.  والوانه
طامورة سجن مسدوده بيبانه
عاش بظلمه بين الامه واحزانه

مسموم ياسيدي… .مسموم ياسيدي،
        *
باب الله الامام الساجد القائم
ناحل بالحديد مكيد،الكاظم
مفحوعه بمصابك جدتك فاطم
دمع الحجه يبقه الغربتك ساجم.

مسموم ياسيدي… .مسموم ياسيدي
           ****
ليل وما طلع للكاظم انهاره
حدر الكاع سجنه وضاعت اخباره
ضلت تنتظر ما   تعلم. اخباره
يايوم  الفرج يل السندي محتاره

مسموم ياسيدي… مسموم ياسيدي
            *
سموه بحقدهم راهب العتره
تمدد والعيون من الالم حمره
نار السم عظيمه وبالكلب جمره
لا ناعي الوصله ويهمل. العبره

مسمو ياسيدي .....مسموم ياسيدي
       ***
طلع وسط النعش والكيد بجفوفه
جثه من التعب والحركه مصفوفه
ساكه مكسره عل الساك ملفوفه
جنازه عل الجسر بالورع موصوفه

مسموم ياسيدي… ..مسموم ياسيدي
          ****
راجي العبادي

بني هاشم ويـن عن واليها
بالحديد اجنازتها امگيديها
~
وين اهل موسى ابن جعفر يعتنون
على شيل اجـــنازته يــتعاونـــــون
فاجـعه وهل فاجـعه ماظـن تـهون
نــايـبـه وهل يــــــوم حــــلت بيها
~
ويلي ماعدها خــــبر عدنانها
تحظر اتشيع نعش سلطانها
اجنازته تاخذها من سجانها
وتجري الادموع وتون اعليها
~
وينه ليوصل الخـــبر ويشيعه
مسرع وبرض المدينه ايذيعه
بني هاشم خل تجي التشيعه
والرصافه ابـنــــــايحه تلفيها
~
الله لايرضى على اولاد الحرام
عالجسر خلو نعش سابــع امام
استبــدلو نور الوسيعه بالظلام
والعـــوالم نـوره لـــــــمضويها
~
التمت الشيعه وعله صوت النحيب
وشــيعو جــثمان مولانا الغريــــــب
مو مثــــــل جده العله الغبره سليب
دامــــــي ضل ابـــــكربله او واديها

~
الليله ابو ابراهيم ننعه امصيبته
نـريـــد نــــــقراله نعي عن عمّته
انعظم اجـره بالحسين وغربــته
وفاطمه بـمـصيبته نــــــــواسيها
~
حيدر بشار الدراجي

📷 التغطية_الإعلامية ( الليلة الثالثة)
ليلة إستشهاد الإمام موسى بن جعفر الكاظم (عليه السلام)

بمشاركة :
▪️قارئ القرآن علي باقر
▪️الخطيب الشيخ عادل الجابري
▪️الرادود علي الصالحي

#لجنة_الشعائر ذي قار - الإصلاح
1446هــ 2025م