💬 Украина әскерімен соғыста тұтқынға түскен Солтүстік Кореяның кез келген сарбазы Оңтүстік Кореяға өтуді қаласа, Сеул оларды қабылдауға дайын

Бұл туралы Оңтүстік Кореяның сыртқы істер министрлігі хабарлады деп жазды Bloomberg агенттігі.

🗣 "Конституцияға сәйкес, Солтүстік Корея сарбаздары да біздің азаматтарымыз болып саналады, әр адамның еркін құрметтеу халықаралық құқыққа сай" делінген министрлік мәлімдемесінде.

🇰🇷🇰🇵 Бұған дейін тұтқындағы Солтүстік Корея сарбазы Chosun Ilbo газетіне берген сұхбатында Оңтүстік Кореядан пана алғысы келетінін айтқан. Онда Украинаның аты аталмаған шенеунігі бұл мәселенің шешімі Оңтүстік Корея үкіметінің көзқарасына байланысты деп мәлімдеген.

Оңтүстік Корея Украинадағы әріптестерімен келіссөз жалғасып жатқанын айтты. Елдің сыртқы істер министрлігі Солтүстік Корея сарбаздарын "қудалау қаупі бар жерге жіберуге болмайды" деп мәлімдеді.

❤️Азаттыққа жазылыңыз

🗣 Мәжіліс депутаты Жанарбек Әшімжан елде TikTok әлеуметтік желісін қолданушылардың жасына және ондағы контентке байланысты шектеу қоюды ұсынды

Оның сөзінше, TikTok-та пайдалы контентке қарағанда, жастарға теріс әсер ететін зиянды ақпарат көп. "Аманат" партиясының мүшесі TikTok-тағы "әдепке, ұлттық құндылықтарға, дәстүр мен салтқа қайшы келетін, балалардың санасын улайтын, теріс әдеттерге шақыратын" контентке шектеу қоюды ұсынды.

📱 Депутат елде кәмелет жасына толмаған балаларға TikTok желісін пайдалануға шектеу қоюды немесе мүлде тыйым салу жағын қарастыру керек деді.

Жанарбек Әшімжан бірқатар елде TikTok-қа ішінара я толық шектеу қойылғанын, желіге қатаң бақылау бар екенін айтты. Депутаттың сөзінше, балалар мен жасөспірімдер арасында танымал TikTok-қа кейінгі екі жылда 14,1 млн қазақстандық тіркелген.

❤️Азаттыққа жазылыңыз

💬 Алматының әкімшілік соты Feminita бастамасының негізін қалаушылардың бірі Гүлзада Сержанға 393 мың теңге айыппұл салды

"Власть" сайтының жазуынша, оған "Тіркелмеген бiрлестiк қызметіне жетекшілік ету" бабы бойынша айып тағылған.

🟠Полиция капитаны Бағдат Әуесхановтың айтуынша, мониторинг барысында Instagram-нан видео көріп, сол бойынша әділет департаментіне сұрау салған, Feminita тіркелмеген бірлестік деген жауап алғаннан кейін хаттама толтырған.

"Власть" сайтының хабарлауынша, сотта көрсетілген видеолардың біреуі – Feminita-ның жаңа жылдық құттықтауы, екіншісінде Гүлзада Сержан мәслихат сайлауы кезінде Жанар Секербаеваның сайлау алдындағы үгіт-насихат науқаны туралы айтқан, бұл видео TikTok-та жарияланған.

🟠Гүлзада Сержанның адвокаты Ғалым Нұрпейісов полицейден хаттама қандай дәлелдерге негізделген деп сұраған, Әуесханов тек видеолар мен әділет департаментінің жауабына деп жауап берген. "Власть" сайтының жазуынша, егжей-тегжейлі сұрақтардан кейін полицей басшыларын шақыруды сұраған.

Гүлзада Сержан сотта өзін еш жерде ешқандай қоғамдық бірлестік басшысы ретінде көрсетпегенін, оны бұл қызметке ешкім сайламағанын айтқан.

❤️Азаттыққа жазылыңыз

🔴 Үш жыл бұрын Ресей Украинаға басып кірді де, артынша Қырғызстанда ресейліктерге қырғыз төлқұжатын алып беруге көмектесетін жаңа нарық пайда болды.

🇰🇬 Қырғызстан паспорты санкцияға немесе басқа да шектеуге ұрынған ресейліктерге тиімді, мысалы, шетелге шыға алады.

Есесіне, көрші елдерден көшіп келген қырғыздар ел азаматтығын алуда бірқатар қиындыққа кез болып жүр.

🪪 Кейінгі бірнеше жылда Қырғызстан азаматтығын алғандар арасында ең көбі – ресейліктер.

2024 жылы барлығы 7 мыңнан астам ресейлік (арасында қырғыз ұлтының өкілдері де бар) Қырғызстан төлқұжатын алған. Бұл көрсеткіш Қазақстан, Өзбекстан мен Тәжікстан сияқты көрші елдерден келіп қырғыз азаматтығын алғандар санынан әлдеқайда көп.

🔗Толығырақ

❤️Азаттыққа жазылыңыз

🗣 18 ақпан түнде Батыс Қазақстан облысы Бөкей ордасы ауданы Ұялы ауылдық округі маңынан бірнеше шақырым жерден "белгісіз аппарат" табылды

Жергілікті полиция Азаттыққа ақпаратты растап, тексеру жүргізіп жатқанын мәлімдеді.

"Просто журналистика" арнасы жергілікті тұрғынға сүйене отырып, құлаған аппараттың суретін жариялады. Оның бұл аумаққа қалай түскені белгісіз.

Бөкей ордасы ауданының әкімі Нұрлыбек Даумовтың сөзінше, дрон Қазақстанның әскерилеріне тапсырылған. Ауыл ресейлік Капустин Яр полигонына жақын жатыр.

Журналист, әскери сарапшы Амангелді Құрметұлы әлеуметтік желідегі парақшасында құлаған дрон ресейлік "Орлан-10" моделіне ұқсайды деп жазды. Оның сөзінше, бірқатар ресейлік және жергілікті медиа аппарат француздық SAGEM компаниясы жасаған Crecerelle барлау дронына ұқсайды деп айтса да, ашық дереккөздерден құлаған аппаратқа ұқсайтын моделін таппаған.

❤️Азаттыққа жазылыңыз

💬 Өскеменнің екі тұрғыны Украинадағы соғысқа қатысып, қаза тапқан

Шығыс Қазақстан облысындағы ұлттық қауіпсіздік комитеті департаментінің дерегінше, Өскемен тұрғындары 2024 жылы Ресейге кетіп, Украина аумағындағы соғысқа қатысқан.

🟠Департаменттің мәліметінше, олар Донецк облысында ауыр жараланып, қан жоғалтып, қайтыс болған. Марқұмдардың сүйегі Өскеменге жеткізілген.

🟠ҰҚК департаменті оларға қатысты Қылмыстық кодекстің "Шетелдегі қарулы қақтығыстарға қатысу" бабы бойынша тергеу жүргізген.

2025 жылы Өскемен қаласы №2 сотының қаулысына сәйкес, айыпталушылардың қайтыс болғанына байланысты қылмыстық іс тоқтатылған.

Қазақстанда шетелдегі қарулы қақтығыстарға қатысқан азаматты қылмыстық жауапқа тарту 2014 жылы Украинаның Донецк және Луганск облыстарында соғыс басталғаннан кейін енгізілген.

Фото: ШҚО өңірлік коммуникациялар қызметі

❤️Азаттыққа жазылыңыз

💬 Demoscope қоғамдық пікірді зерттеу бюросы "Қазақстандықтардың Украинадағы соғысқа көзқарасы" туралы сауалнама нәтижесін жариялады

Оған сенсек, Ресей пропагандасы Қазақстан азаматтарының пікіріне әлі де әсер етіп отыр.

🟠Азаматтардың 10,7 пайызы "Ресей Украинадағы нацистерге қарсы "арнайы әскери операция" (Ресей билігі Украинаға қарсы соғысын осылай атайды – ред.) жүргізіп жатыр" деп сенсе, 17,1 пайызы бұл соғысты "Ресейдің Батыс елдері мен НАТО-ға қарсы күресі" деп ойлайды.

⚪Demoscope зерттеуіне қарағанда, азаматтардың 20 пайызы - Украинаны, 15 пайызы Ресейді қолдайды, Қазақстан қоғамының басым бөлігі екі тарапқа бейтарап қарайды.

🟠Сауалнама нәтижесіне қарағанда, азаматтардың 58 пайызы Ресейдің Қазақстанға шабуыл жасауы мүмкін емес деп жауап берген.

⚪Demoscope зерттеуіне сәйкес, азаматтардың 35,1 пайызы соғыс Қазақстан экономикасына теріс әсер еткен деп айтқан, 5 пайызы оң өзгерістер байқаса, 41,3 пайызы соғыс пен экономикалық жағдай нашарлағаны арасында байланыс көрмеймін деп жауап берген.

❤️Азаттыққа жазылыңыз

📹 Қазақстан парламентінің халықаралық қатынастар комитетіне мүше депутаттарынан Каспий құбыр желісіне шабуылды қалай бағалайтынын, Ресей сыртқы істер министрі Сергей Лавровтың "бұл Қазақстанға шабуыл" деген уәжіне келісесіз бе деп сұрадық.

Депутаттардың кейбірі бұл үшін басқыншы елмен күресіп жатқан Украинаны кінәлауға болмайтынын айтса, енді бірі шабуылдың шынайы себебін анықтау үшін тергеу жүргізу керек дейді.

🔗Толығырақ

❤️Азаттыққа жазылыңыз

💬 Ұлыбритания премьер-министрі Кир Стармер АҚШ президенті Дональд Трампқа Еуропадан Украинаға 30 мыңға дейін әскер жіберу жоспарын ұсынады деп жазды Telegraph газеті.

Ақпаратқа қарағанда, Стармер алдағы аптада Трамппен кездесуде жоспардың жай-жапсарын айтады.

Жағдайдан хабары бар Батыс шенеуніктерінің айтуынша, Стармер Ресей алда бітім шартын бұзатын болса, оған дайын болу үшін Шығыс Еуропаға АҚШ-тың жойғыш ұшақтары мен зымырандарын орналастыруға көндіргісі келеді.

Telegraph-тың хабарлауынша, "қауіпсіздік күштерін" құру жоспары осы аптада Парижде өткен Еуропа лидерлерінің саммитінде ұсынылған.

❤️Азаттыққа жазылыңыз

🗣 Ақтөбе облысының Қобда ауылында соядан жасалған тіскебасардан уланған бір сыныптың 23 оқушысы түгел ауруханадан шықты

Дәрігерлер "оқушылардың өмірі мен денсаулығына ешқандай қауіп жоқ" дейді.

🏫 Қобда аудандық ауруханасының бас дәрігері Мақсат Қапашевтың сөзінше, жедел жәрдемнің үш көлігі бір сыныптың оқушыларын 18 ақпанда сағат 15.00 шамасында ауруханаға жеткізген. Ол кезде балалардың көзінен жас парлап, лоқсып жатқан. Денелері бөртіп, бастары айналған.

Аудан әкімдігінің хабарлауыгша, бір сынып түгел уланып қалған тіскебасарды оқушылардың бірі мектептен тысқары жерден сатып алған.

🔍 Осы оқиғадан соң Ақтөбе облысы санитария-эпидемиология бақылау департаменті облыс аумағындағы 45 дүкенге мониторинг жүргізіп, екі дүкеннен күмәнді өнімді тапқан.

❤️Азаттыққа жазылыңыз

💬 "Қазақмыс" корпорациясы 17 ақпанда апат болған "Жомарт" кенішінде табиғи газ жарылған деп мәлімдеді

Компания бастапқыда "тау жынысы опырылып түсті" деп хабарлаған. Алайда құтқару тобы жер опырылмағанын анықтаған. Кеніштегі жұмыс тергеу аяқталғанға дейін тоқтаған. Компания жарылыстың себебі анықталып жатыр деді.

Өндіріс қауіпсіздігіне байланысты жиі сыналатын "Қазақмыс" қауіпсіздік стандарттарына түзету енгізуді жоспарлап отырғанын хабарлады. Корпорацияның дерегінше, олар еңбек қауіпсіздігіне 87 млрд теңгеден астам инвестиция салған.

17 ақпанда Ұлытау облысы "Жомарт" кенішіндегі апаттан жеті жұмысшы мерт болған.

❤️Азаттыққа жазылыңыз

💬 Қосымша құн салығын көтеруді көздейтін заң жобасы мәжіліске түсті

20 ақпанда Қазақстан экономика министрлігі мәжіліске салық кодексі жобасына түзетулер пакетін жолдады.

📉 Үкімет түзетуде жылдық айналымы 15 млн теңге болатын кәсіпкерлерге қосымша құн салығын салуды ұсынды. Бұл шек қазір – 78,6 млн теңге.

📈 Бұған қоса, экономика министрлігі қосымша құн салығын 12 пайыздан 16 пайызға көтеруді түзетуге енгізген.

Өткен айда ҚҚС мөлшерін 12 пайыздан 20 пайызға көтеру жайлы айтылған еді. Бірақ президент Тоқаев үкіметке бұл мөлшерді көп деп, үкіметке дұрыстап есептеуді тапсырған.

Бұған дейін бизнес қауымдастық мұндай реформа көптеген ұсақ кәсіпорынның түбіне жетеді немесе оларды бизнесін жасырып жүргізуге мәжбүр етеді деп мәлімдеген. Экономистер ҚҚС көтерілсе, инфляция күшейетінін, көлеңкелі бизнес жанданатынын айтып, дабыл қаққан.

❤️Азаттыққа жазылыңыз

🗣 АҚШ билігі "соғыс аяқталған соң Ресей Украинаға қайта шабуыл жасаса, Украинаны автоматты түрде НАТО-ға қабылдауды қарастырады" деп жазды NBC News телеарнасы дереккөздеріне сілтеп.

Вашингтон мұны Украинаға қауіпсіздік кепілі ретінде ұсынбақ дейді дереккөздер.

Бұған дейін Киев пен Еуропа елдері Ресей соғыс тоқтаған соң күш жинап, Украинаға қайта шабуыл жасауы мүмкін деп мәлімдеген.

❤️Азаттыққа жазылыңыз

💬 Шығыс Қазақстан облысы Катонқарағай ауданында жұмыс уақыты бір сағат ерте басталатын болды

⏰ Бұл туралы жергілікті ақпарат құралдары жазды. Аудандағы мемлекеттік және әлеуметтік мекемелер пилот режимдегі жаңа жұмыс кестесі бойынша істейді. Енді 40 мекеменің жұмыс уақыты 8.00-де басталып, 17.30-де аяқталады.

Аудандық ішкі саясат бөлімінің хабарлауынша, мұндай жұмыс режиміне көшу туралы шешім тұрғындармен талқыланған.

❤️Азаттыққа жазылыңыз

🗣 Украина бас барлау басқармасының басшысы Кирилл Буданов "2025 жылы қақтығысты тоқтату бойынша келісімге қол жеткіземіз" деп санайды. Бұл туралы ол журналист Эйнулла Футуллаевке берген сұхбатында айтты.

🗣 "Екі тараптың ұстанымы бір-біріне қарама-қайшы болса да, меніңше, биыл атысты тоқтататамыз. Ал келісімнің қаншалықты ұзаққа созылатыны және қаншалықты тиімді болатыны басқа мәселе... Бірақ бұл – менің жеке пікірім" деді ол.

❤️Азаттыққа жазылыңыз

💬 Кремль АҚШ президенті Дональд Трамптың Украина президенті Владимир Зеленскийді «қатты сынайды» деп күтпеген. Бұл туралы жағдаймен таныс шенеуніктер Bloomberg агенттігіне айтқан.

Агенттік дереккөздерінің сөзінше, ресейлік шенеуніктер Трамптың келіссөз стратегиясын әлі түсіне алмай отыр. Олар Трамптың сыны «қақпан болуы мүмкін» деп те күдіктенеді.

❤️Азаттыққа жазылыңыз

🗣 Алматының Алмалы аудандық сотында Qaznews24 сатиралық паблигінің авторы Темірлан Еңсебектің соты тағы кейінге қалды

Бұл туралы оның адвокаты Жанар Балғабаева хабарлады.

Оның айтуынша, 21 ақпан 10.00-ге белгіленген сот отырысы "істегі судьяның жеке және отбасындағы жағдайына" байланысты кейінге ысырылды.

Темірлан Еңсебек ісі бойынша негізгі сот талқысы бастапқыда 14 ақпанға белгіленіп, кейін оны 21 ақпанға жылжытқан еді. Оған "ұлтаралық араздық қоздырды" деген айып тағылған. Халықаралық құқық қорғау ұйымдары Астананы Темірлан Еңсебекті босатуға, оған тағылған айыптарды алып тастауға үндеген.

❤️Азаттыққа жазылыңыз

💬 Каспий құбыр консорциумына (КҚК) дронмен шабуыл жасағаны үшін Украинаны жауапкершілікке шақыру қажет. Бұл жөнінде мәжіліс депутаты Никита Шаталов мәлімдеді.

🗣 "Дүйсенбіде КҚК шабуылға ұшырады және украин жағы бұл үшін жауапкершілікті мойнына алды. Шабуылдаушы тарап "Ресейдің қарулы агрессиясын қолдайтын стратегиялық нысандарға соққы жасау" құқығын бар екенін айтты. Бұл ұстанымға экономикалық және дипломатиялық тұрғыда қайшылық өте көп, мұны не үшін жасады деген сұрақ бар. Украина жағы бұл құбыр бойынша айдалатын мұнайдың 90 пайызы Қазақстандікі екенін, Теңіз кенішінен өндірілетінін, одан шикізатты Еуроодаққа тасымалдайтын Батыстың түрлі компаниялары пайда көріп отырғанын білмеуі мүмкін емес" деп жазды Шаталов өз телеграм-арнасында.

Депутаттың айтуынша, құбыр арқылы мұнай жіберетін халықаралық компаниялар "тасымал тұрақты болуына мүдделі".

🗣 "Ал біз шабуыл мақсаты нақты біздің экономикалық мүддемізге зиян келтіру деп айта аламыз" деді Шаталов.

Фото: Мәжілістің баспасөз қызметі

❤️Азаттыққа жазылыңыз