ابواب نعي عن لسان حال السيدة فاطمة العليلة

اباب البیت وابره الدرب الظعون

واگــل للدار هــا بــاچر تــعودون

واکنسهه وتــرشهه ابماي العیون

یبویه ابهل السفر لاعلي تبطون

وحگ عینک یبویه علتي اتهون

اشلون اصبر عله فرگاکم اشلون

#الشاعر_الکبیر_عزیز_الفیصلي

قناة الشاعر الأستاذ أبو باقر #عزیز_الفيصلي

https://www.tgoop.com/azizalfesli

ابواب نعي عن لسان حال السيدة فاطمة العليلة

هــلی یــادار مــایبــطون نیتهم

ولــو یــبــطون ماعافو ابنیتهم

فــیتهم عــلیه اشــکـبر فــیتهم

یریت ادري مته ویایوم جیتهم

#الشاعر_الکبیر_عزیز_الفیصلي

قناة الشاعر الأستاذ أبو باقر #عزیز_الفيصلي

https://www.tgoop.com/azizalfesli

ابواب نعي عن لسان حال السيدة فاطمة العليلة

یطارش لــو وصلــت الغاضریة

کتــابي اتــسلمة وتـبدي التحیة

لبــوالســجاد وتگــلة الــوصــیة

یسلــملي عــله عمــتي الــزچیة

تحب عني الطفل واتحب رقیة
-----------------------------------
مــن ســافــرتو یا عــمه تراني

عیني اعــله الدرب تبره واتاني

کتــلنی افراگکم یهلي ودهاني

یعــمه ویــن ضــیعکــم زماني

#الشاعر_الکبیر_عزیز_الفیصلي

قناة الشاعر الأستاذ أبو باقر #عزیز_الفيصلي

https://www.tgoop.com/azizalfesli

عن لسان حال السيدة فاطمة العليلة علیه-السلام

🔘 عــليه مــوحش انهاري ولالاي

🔘 عليله ومابگه من اهلي ولالاي

🔘 اهــز ابـمــهد عــبدالله ولالاي

🔘 بلــچن يــرد وحــشتــهم عليه

#الشاعر_الکبیر_عزیز_الفیصلي

#اللهم_عجل_لوليك_الفرج

قناة الشاعر الأستاذ أبو باقر #عزیز_الفيصلي

https://www.tgoop.com/azizalfesli

عن لسان السیدة حمیدة بنت مسلم عليه-السلام

لاعــندي ابــو ایــگــلي ســکـتــي

ولا یــمي اخــو اینــشف دمعتي

مــا عــندي ضــره غیرچ یعمتي

من امصیبتچ گمت اخفي ونتي

یــعــمه ویــن آنــه ویــن انتــي

فرد مصباح چم امصاب شفتي

#الشاعر_الکبیر_عزیز_الفیصلي

#اللهم_عجل_لوليك_الفرج

قناة الشاعر الأستاذ أبو باقر #عزیز_الفيصلي

https://www.tgoop.com/azizalfesli

خطاب السيدة العليله مع ابالفضل‌العباس عليه-السلام

عــمي چــنکم اتــشیلون کلکم

ومحد باجی غیری من شملکم

یعــمی مابــگه امچان ابزملکم

لــو زایــد صبح ثگلی ابحملکم

----------------------------------------

أفــا مــنــك يــعــمــي لـوعفتني

اويه عــماتي وخواتي ماخذتني

عليك اعــتب واگــول اتعذرتنی

واشــکـی الأمــي لــو متكفلتني

#الشاعر_الکبیر_عزیز_الفیصلي

قناة الشاعر الأستاذ أبو باقر #عزیز_الفيصلي

https://www.tgoop.com/azizalfesli

جواب ابالفضل‌العباس مع السیدة للعليله عليه-السلام


لــن عــباس بــس ما سمع ونهه

حــول مــن ظهر مهره وحظنهه

لــمــن ســمــع ذاك الــعتب منهه

اليل احترگ من صفنه الصفنهه
--------------------------------------
گاللــهه ابعتــابچ فــار دمی

يلــحبیبه تــضل ویاچ أمي

تــدرين الأمر لــو چان يمي

اشيلج لوعله امتوني يعمي

#الشاعر_الکبیر_عزیز_الفیصلي

#اللهم_عجل_لوليك_الفرج

قناة الشاعر الأستاذ أبو باقر #عزیز_الفيصلي

https://www.tgoop.com/azizalfesli

اتــــمنه بحــســــينــــيتك مـــماتي
عــاري وبــلــطم تخــلص حـــياتي
وكــون امن العــطش تنشف لهاتي
وغــسلي مـن دمــع غـربــت بناتي
*
يــا ريــت ابـسـوادي ايچـفـنوني
وابــوادي الـطفــوف ايـطوفوني
وابـــراگ الــمــخـــيم يــدفنوني
وتهل دمعـتي و تحـرگ جفوني
*
وابــره الكــربله و نـظر خيمــهه
محنت زينب وابچي اعله همهه
ظلت حـايـــره و عــين الزلمـهه
و عــين اتحامي العـيله و تلمهه
***

#عزیز_الفيصلي

قناة الشاعر الأستاذ أبو باقر #عزیز_الفيصلي

https://www.tgoop.com/azizalfesli

⚫️▪️ الأبوذيه حول استهلال شهر محرم ▪️⚫️

🔘 زفـير احـشاي أله حـرگه منتهل

🔘 ودمعتي تچوي اخدودي منتهل

🔘 یشـهـر الحـزن تـآذیـنـي منتهل

🔘 یـل بیـك انـکـسر گـلب الزچیه

#الشاعر_الکبیر_عزیز_الفیصلي

قناة الشاعر الأستاذ أبو باقر #عزیز_الفيصلي

https://www.tgoop.com/azizalfesli

یل تبچی الدهر ویاّی و ابدمعک تواسینی

ترانی مو بعیده اعلیک حاجب بینک وبینی

□■□■□■□■□■□

ترانی وین ما منصوب مجلس لیهه اتعنّه

وگبل لا یبدی ناعی احسین اسبگه و اجذب الونّه

آنه ام المصاب آنه و نوحی ما افترنه

ودمعک لو گطع دمعی ما یگطع عله احسینی

□■□■□■□■□■□

دمعک ینگطع مجراه و آنه ادموعی سچابه

و صیحن ویه صوت الصاح آیه حسین و مصابه

ابأید اویاک ادگ صدری وضلعی الچم اصوابه

وأید الطم عله الصطره وسچب دم دمع عینی

□■□■□■□■□■□

ادموع المجلس ابذمتی و باچر آنه اوّفی الدین

و آنه اتکفلت بحساب کل عین البچت لحسین

یل تنشد علي و اتگول اگعد بلمجالس  وین

أنه بلباب اودع الراح و المجبل یلاگینی

□■□■□■□■□■□

هاذی سیرة المعروف حال البل مصیبه انصاب

یتلگه الیجی ایواسیهـ گاعد لو یگف بلباب

وآنه بلحطب و النار طبو ّداری الأجناب

کسرو خاطری وضلعی ومنّی صگطو اجنینی

□■□■□■□■□■□

للتفگد ابوها الناس لازم تعتنی لیهه

هاذی السیرة المعروف بلواجب تسلیهه

ونه ماچن رسول الله ابوی و منتّه اعلیهه

هیچ ابدال معروفه بلمنکر تجازینی

□■□■□■□■□■□

ضلت هلعداوه اویای وجّر اشما عَلي سادی

و مسمار الجرح صدری سیف الذبّح اولادی

گوم الطبت ابداری أبنّاتی ترست الوادی

و صوط الطگ متن زینب هوه الصاب متنيني

#عزیز_الفیصلي‌‌

ترجمه: fa-fa
یل تبچی الدهر ویاّی و ابدمعک تواسینی

ترانی مو بعیده اعلیک حاجب بینک وبینی

□■□■□■□■□■□

ترانی وین ما منصوب مجلس لیهه اتعنّه

وگبل لا یبدی ناعی احسین اسبگه و اجذب الونّه

آنه ام المصاب آنه و نوحی ما افترنه

ودمعک لو گطع دمعی ما یگطع عله احسینی

□■□■□■□■□■□

دمعک ینگطع مجراه و آنه ادموعی سچابه

و صیحن ویه صوت الصاح آیه حسین و مصابه

ابأید اویاک ادگ صدری وضلعی الچم اصوابه

وأید الطم عله الصطره وسچب دم دمع عینی

□■□■□■□■□■□

ادموع المجلس ابذمتی و باچر آنه اوّفی الدین

و آنه اتکفلت بحساب کل عین البچت لحسین

یل تنشد علي و اتگول اگعد بلمجالس  وین

أنه بلباب اودع الراح و المجبل یلاگینی

□■□■□■□■□■□

هاذی سیرة المعروف حال البل مصیبه انصاب

یتلگه الیجی ایواسیهـ گاعد لو یگف بلباب

وآنه بلحطب و النار طبو ّداری الأجناب

کسرو خاطری وضلعی ومنّی صگطو اجنینی

□■□■□■□■□■□

للتفگد ابوها الناس لازم تعتنی لیهه

هاذی السیرة المعروف بلواجب تسلیهه

ونه ماچن رسول الله ابوی و منتّه اعلیهه

هیچ ابدال معروفه بلمنکر تجازینی

□■□■□■□■□■□

ضلت هلعداوه اویای وجّر اشما عَلي سادی

و مسمار الجرح صدری سیف الذبّح اولادی

گوم الطبت ابداری أبنّاتی ترست الوادی

و صوط الطگ متن زینب هوه الصاب متنيني

#عزیز_الفیصلي‌‌

قناة الشاعر الأستاذ أبو باقر #عزیز_الفيصلي

https://www.tgoop.com/azizalfesli

امشی لم عباس نبره الصوره
یوم رد الظعـــــن للمعموره


سمعت ام عباس من رد الظعن
للمدینه وبشر ابن حذلم علــــن
زینب ابلا زلم ردت للوطــــــن
وماکو رایه اعله الظعن منشوره


الزلم فرعت روسهه وصوب العلیل
ولنسه للنسه جرّت بلعویـــــــــــل
ترکض وتوگع غدت ام الچفیــــل
الخبر چایـــــــد والدرب عاثوره


اتگوم ام عباس بلرکضه وتگع
اتصیح بسک یا بشر گلبی انگطع
بللـــــه گلـــــی یا هو ابزینب رجع
عگب ابوالیمــــه الشمس وبدوره


ترکض وگامت تصیح اویه الیصیح
احسین یبنی احسین یبنی یا ذبیـــــح
وین زینب بلخبر تحچی الصحیــــح
یمـــــــه یا بت فاطمــــه ما جوره


اتعــدت ام عــباس مـــن زینب تره
وتنشد النسوان یا هـــی هلمره
یعنی زینب ها کثر متغــــیره
وها کثر من هلسفر مکسوره


هیــــه دلت روحهه الأم البنین
اتگلهه حگچ ما أجیتی اتشاهدین
اثمنطعشهم گبل عینی امگطعین
وآنــــــه من بلد البلد میسوره

للشاعر عزیز الفیصلی

قناة الشاعر الأستاذ أبو باقر #عزیز_الفيصلي

https://www.tgoop.com/azizalfesli

خل ایلومنی عمری وزادی

یدنیه ضاعفی ابهمی وزادی

حب حسین مشروبی وزادی

وخدمتِهِ اکبر وسام و شرف لیه

#الشاعر_الکبیر_عزیز_الفیصلی

قناة الشاعر الأستاذ أبو باقر #عزیز_الفيصلي

https://www.tgoop.com/azizalfesli

دهری اشما بعد سیفه وشربی

وخل یزرع خطر دربی وشربی

حب المرتضی زادی وشربی

اروح وهاذ کافی امتاع لیه

#الشاعر_الکبیر_عزیز_الفیصلی

قناة الشاعر الأستاذ أبو باقر #عزیز_الفيصلي

https://www.tgoop.com/azizalfesli

دهری اشما عله وجهی کفانی

رزق حبک من الباری کفانی

اریدک لو علي لفو کفانی

اضل بحماک یا حامی الحمیه

#الشاعر_الکبیر_عزیز_الفیصلی

قناة الشاعر الأستاذ أبو باقر #عزیز_الفيصلي

https://www.tgoop.com/azizalfesli

انه امسودن شرف مانی شرانی

وعین المدعی ابکیفه شرانی

انه حب الوصی من امی شرانی

عبد مملوک اضل لبن الزچیه

#الشاعر_الکبیر_عزیز_الفیصلی

قناة الشاعر الأستاذ أبو باقر #عزیز_الفيصلي

https://www.tgoop.com/azizalfesli

عرفتک من حضن امی
سریت بلحمی و بدمی
ندبتک وکشفت همی
یاحیدر    یاحمه     الجار

⚜⚫⚫⚫⚫⚫⚫⚜

عرفتک من نبض کلبی   کبل لا امشی لو احبی
أشوفنک اثر دربی..إلی مشعل هدایه
سمعت بأسمک علی تردد..أذان الباالفرض یشهد
مثل مایشهد الاحمد..شهدلک انته آیه
اضل واکف علی بابک
مثل ساءل عله اعتابک
أناشد واسمع جوابک
یاحیدر    یاحمه    الجار

⚜⚫⚫⚫⚫⚫⚫⚜

شمس بیک ابدی ایامی   بدونک ناقص اسلامی
وحک اولیدک الضامی..ذبیح الغاضریه
کطعت دربی بحمل مایل..وحک چفوف ابوفاضل
أنا الخادم أناالساءل..یاحمای الحمیه
لون اتوذر ابحبک
لون اتکطع ابدربک
المهم بس اوصل الکربک
یاحیدر    یاحمه    الجار 

⚜⚫⚫⚫⚫⚫⚫⚜

عشکتک من عشک فطره   بدمعتی وجره حسره
حملت حبک مثل جمره..فلا تطفه بدموعی
اضل بهل جمر الهب..جنون محبتک مذهب
وحک الله وستر زینب..اضمنه بضلوعی
رفعت صرخه بلطم صدری
اخفی ابحبک  نحری
دریت بهل عشک تدری
یاحیدر    یاحمه    الجار

⚜⚫⚫⚫⚫⚫⚫⚜

اهیم ابوادی جنونی  أروح بصفنه ضنونی
نظرتک تغفه بعیونی..فلا افتح عیونی
عشکتک ورفعت راسی..یاحیدر عشکی عباسی
عرفتک بأول أحساسی..یقینی من دمعتی
کتبت اسمک علی وریدی
علی بابک إمد ایدی
وسامی معلک بجیبی
یاحیدر    یاحمه    الجار

⚜⚫⚫⚫⚫⚫⚫⚜

بیانی بهذی تعزیتی   ابایع صادق بنیتی
ولایه حیدره صیتی..أرخصلهه حیاتی
علی لولجلک اتکطع..ولوأشلاءی تتوزع
اخلی الناصبی یسمع..حیاتی انته و مماتی
علی کل دکه من نبضی
صرت بعضی البعضی
أذانی وقبلتی و فرضی
یاحیدر    یاحمه    الجار

⚜⚫⚫⚫⚫⚫⚫⚜

بدایه الما إلک آخر   أمس هالیوم إلی وباجر
أجیک بلهفته الزایر..أذب همی بحضرتک
ردت منک تکربنی..موالی وشیعی تحسبنی
بسجل اصحابک اکتبنی..وتراعینی بنظرتک
لون تحسبنی دخیلک
یضیع اضلالی ابلیلک
علی عیونی أنا امشیلک
یاحیدر    یاحمه    الجار

#راضي_الفیصلي

قناة الشاعر الأستاذ أبو باقر #عزیز_الفيصلي

https://www.tgoop.com/azizalfesli

ودعتك الله وأيست وانگطعت ظنوني
اتنطر ابجيه حلم افرشلك عيوني
عباس ماخذ گلبي .. عباس شوفي ابدربي
عباس متى تمر بيه / 2
🔷🔷🔷🔷🔷🔷🔷🔷
يمه كل ليله من اشوفك تطلع بليلي گمر
وشكثر طلعة جبينك علمتني اعله السهر
هسة اگول شلون بيه وانت بدروب الخطر
هالسمع ميشيل عيني خلافك ويملي النظر
يمه وينك     يمه وينك
يمه وينك     يمه وينك
يالتارس عيوني بخت كل نظره تبرالي
گد ما عشت بيه احس من طولك خيالي
عباس اسأل ربي .. عباس شوفي ابدربي
عباس متى تمر بيه / 2
🔷🔷🔷🔷🔷🔷🔷🔷
صح ذخرتك للعقيلة وانذرت كل اخوتك
گلت چلمة گد حياتك وانته گدها لچلمتك
فخر ليه وصرت امك شيمتني بشيمتك
والاسم والجاه اجاني كله بس من غيرتك
يمه عيوني     يمه عيوني
يمه عيوني     يمه عيوني
نوبه اطل اعله الدرب نوبه اطب دارك
حسراتي من اتهل جمر واتچمل ابنارك
عباس اسمع عتبي .. عباس شوفي ابدربي
عباس متى تمر بيه / 2
🔷🔷🔷🔷🔷🔷🔷🔷
طول دربك طول عمري وانتهي ويه الدرب
يبني كل خطوة الشلتهه لامك بدگه گلب
راح اظلن عود ذابل ناطره بجيتك سحب
كل سهل چان بحياتي صار من عگبك صعب
يمه رايح      يمه رايح
يمه رايح      يمه رايح
ارجع عليه يانبض هلبت ترد روحي
اكسير چفك للدوه امسح على جروحي
عباس زادي وشربي .. عباس شوفي ابدربي
عباس متى تمر بيه / 2
🔷🔷🔷🔷🔷🔷🔷🔷
صارت السلوه بغيابك نوبه احوم وابچي نوب
وهاي عاده وي صلاتي من الصبح حد الغروب
واگفه اعله الباب شمعه احرگ بروحي واذوب
انه الما ايست منك وايست كل الدروب
يمه ابهونك     يمه بهونك
يمه بهونك     يمه بهونك
صورة لچفوفك يا گمر اكبر من ايامي
كلما اطلن من كتر الگاها جدامي
عباس ثمرة تعبي .. عباس شوفي ابدربي
عباس متى تمر بيه / 2
🔷🔷🔷🔷🔷🔷🔷🔷
صدگ يا عباس عگبك بعد ما يسوه العمر
ولو من بعدك اعيش بلضى وخاطر منكسر
ساعة ابچي اويه البچالك واصفن ويه ام الخدر
ومن يمر طلري الچفوف النار بيه تستعر
يمه چفوفك      يمه چفوفك
يمه چفوفك      يمه چفوفك
نومة سبع يم النهر وعيوني اتشوفك
لو ينفتح باب العتب سديته بچفوفك
عباس گاصر عتبي .. عباس شوفي ابدربي
عباس متى تمر بيه / 2
🔷🔷🔷🔷🔷🔷🔷🔷
ردت سلوه عن غيابك بلچن ايخف الونين
درت وجهي للزچيه وحلفتهه بالجنين
گالت اطلبين مني سمعي يا ام البنين
التنسه عباس ابو الغيرة گادرة تنسه الحسين
يمه نايم    يمه نايم
يمه نايم    يمه نايم
يم الشريعه يا گمر نايم على الرايه
هاي الزچيه تخاطبك يوليدي بحچايه
عباس فگدك يسبي .. عباس شوفي ابدربي
عباس متى تمر بيه / 2

#راضي_الفیصلي

قناة الشاعر الأستاذ أبو باقر #عزیز_الفيصلي

https://www.tgoop.com/azizalfesli

اليريد ايلوم خله ايلوم بيه
سودني غرامك مو بديه
ابضميري وروحي        تصيح اجروحي
سودني غرامك موبديه
*
انه من اصياري
لگیتك جاري
عشگ بعروگي

احس بوجودي
گبل مولودي
چنت معشوگي

ملکت احساسي
وشميم انفاسي
ودمعتي وشوگي

اجي ابعاشورك
وأبعراوي اجدورك
اشدن طوگي

ماراید ثواب ولاجزيه
اريدن بس رضاة امك عليه
اشيل الرايه
ابعزه المشايه
سودني غرامك مو بديه
*
اظل يم بابك
انوح امصابك
ودمعتي ابعیني

بين اعلامك
ولطم خدامك
اگضي اسنیني

انه ابتعزیتك
وبچي احسینیتك
اشوفن دیني

وأصف ابدارك
نعل زوارك 
شرف یکفیني

ارید اعلیك ما تنشف دمعتي
وشد اوزار چفية خدمتي  
و احدن قامتي
و اطبر هامتي
سودني غرامك مو بديه 
*
دخيل اعضيدك        عبد لعبيدك
تلفني ابصايتك

اضيع ابدونك          وحگ اعيونك
تراني ابحاجتك

اوزع چايك
وشيلن مايك
عبد بقرايتك

ادوفن ثوبي
وامش اذنوبي
ابنعل مشايتك

شرف ماشوف اكبر من خدمتك
ونعم الله عله افضالة نعمتك
وصيحن دارس       ابحوزة عابس
سودني غرامك مو بديه
*
تراني ابنوحك
وحنين اجروحك
حياتي وموتي

من آلامك
ودموع ايتامك
اصيح ابصوتي

يم شبانك
ودم اخوانك
اذب تابوتي

وآخر یومي
ابسواد اهدومي
احتضاري و فوتي

اگل لهلي یكتبون اعله گبري
الف فدوه الرقيه ايروح عمري
ابيقيي و ديني
اجيك اشريني
سودنی غرامک مو بدیه

#عزیز_الفیصلي

قناة الشاعر الأستاذ أبو باقر #عزیز_الفيصلي

https://www.tgoop.com/azizalfesli

رحميني يا ناگتي~~ مريني صوب إخوتي

وين اطلع اب هاليل ~~ حرمه وبلايه اچفيل

مريني صوب إخوتي

🏴🏴🏴🏴🏴🏴🏴🏴🏴

لاديره عندي ولا اهل وين اطلع اب هالعيله
هذا الدرب رايد زلم هالحمل منهو إيشيله
لا والي ظل من إخوتي يسمعني حته اشكيله
يا صوب شايل هالظعن وطالع بلايه اچفيله

ماله خبر كافلي~~ ابهزله صبح محملي

وعيوني دم إتسيل~~ حرمه وبلايه اچفيل
مريني صوب اخوتي

🏴🏴🏴🏴🏴🏴🏴🏴🏴

شنهو اشوف ٱعله الترب هاي الاجساد ٱگبالي
عندي لكل واحد وصف بين الولد والوالي
مناك منا التفت مهد الرضيع الخالي
وبين الرماد انظر اثر  آحا  يشلة حالي

چم طفله عندي وطفل~~ هذا اهوا ثگل الحمل

شيعدله من ٱيميل~~ حرمه وبلايه اچفيل

مريني صوب اخوتي

🏴🏴🏴🏴🏴🏴🏴🏴🏴

يا ناگه حملي هالثگل يوگع بدمعة خدي
إبلا حادي وياچ اطلعت بيه المصايب تحدي
يا ناگتي من إخوتي هاي الاوصاف العندي
واحد إمحنه للعرس و واحد اليشبه جدي

والله مسية عرس~~ ع الغبرة گمره وشمس

بين الفزع وٱصهيل~~ حرمه وبلايه اچفيل

مريني صوب اخوتي

🏴🏴🏴🏴🏴🏴🏴🏴🏴

خليت اخوتي ٱعله الثرى وهالامس چانوا يمي
اجسادهم متوذره وآنه الم وٱنعى بلمي
اعرف حسين من الگمر ما عندي حيره بهمي
واحد إبريحة والدي و واحد ٱبريحة أمي

اعرف چفوف الگمر~~ وظهر اللي منها انكسر

يستاهلن تقبيل~~ حرمه وبلايه اچفيل

مريني صوب اخوتي

🏴🏴🏴🏴🏴🏴🏴🏴🏴

يرضون اروح اب هالدرب هاي ٱخوتي ماظنهم
لا عيني تندل هالفله ولا روحي تطلع منهم
حشمت بس ما حصلت دفان بس يدفنهم
گوه علي درب السبي گوه ابعدوني عنهم

طول الدرب بس اون~~ ظلوا هلي بلا دفن

وآنه ٱبوجل وإعويل~~ حرمه وبلايه اچفيل

مريني صوب اخوتي

#راضي_الفیصلي

قناة الشاعر الأستاذ أبو باقر #عزیز_الفيصلي

https://www.tgoop.com/azizalfesli

✨ السلام عليك يا عقيلة بني هاشم ✨

انه زینب الشان الشرف من شانی
خــلانـی زمــانـی اشـلـون خـلانـی

***
آنه الی چنت تحلف ابشانی الناس
طاوعت الزمان و هبطیت الراس
عگب اعیون أخوتی احسین و العباس
خلانی الدهر عدوانی ولیانی

***
انه زینب المحد شاهد اخیالی
وعشت طول العمر راسی ابشرف عالی
لمن چان ذاک الگمر یبرالی
حتی الریح عیب انچان یدنانی

***
ما یدنانی حتی الریح بوجوده
أخت عباس سمونی ابفخر زوده
انه امنین ارد چفینه عله ازنوده
و اگله هاذ طگنی و ذاک أذانی

***
ریت أگدر ارد لزنوده چفینه
و ریت أگدر اجرن سهم البعینه
و أگعدنه و اسولفله الجره اعلینه
و اگله اخلافه چیف الدهر عابانی

***
اگله أخلاف عینک یا بدر ولیای
شوف البین یاخویه اشعمل ویای
اصبح ناگتی هزله و زجر حدای
و ایشتم هلی و آنه اسمع ابذانی

***
اسمع شتم ابوی المرتضی الکرار
علهزله یسیره امشیت لیل انهار
تتفرج علینه ادیار بعد ادیار
جدام الظعینه روس خوانی

***

#الشاعر_الكبير_عزيز_الفيصلي

قناة الشاعر الأستاذ أبو باقر #عزیز_الفيصلي

https://www.tgoop.com/azizalfesli