Oʻzsanoatqurilishbank Reg S va 144A formatlarida London fond birjasining asosiy bozorida AQSH dollari va oʻzbek soʻmida bankning navbatdagi xalqaro obligatsiyalarini joylashtirdi.

Xalqaro obligatsiyalarining Reg S va 144A formatida joylashtirilishi nafaqat Yevropa, balki AQSH, Yaqin Sharq, Janubi-Sharqiy Osiyo va boshqa hududlardan ham yangi investorlarni jalb qilish boʻyicha yangi marrani zabt etishga imkon yaratdi.

Buyuk Britaniyaning London shahrida joriy yilning 12-16-iyul kunlari Morgan Stanley (boshqaruvida 5,4 trln dollar), Fidelity (4,9 trln dollar), Goldman Sachs Asset Management (2,7 trln dollar), Amundi (2,8 trln dollar), LGIM (1,2 trln dollar) kabi 60 ta nufuzli investorlar bilan muzokaralar olib borildi.

Taqdimotlar va muzokaralarda Bank rahbariyati tomonidan investorlarga respublikamizdagi ortga qaytmas iqtisodiy-ijtimoiy islohotlar, bank-moliya tizimi va Bankning undagi oʻrni hamda asosiy koʻrsatkichlari toʻgʻrisida maʼlumotlar taqdim etildi.

Bankning xalqaro obligatsiyalarni joylashtiruv jarayondagi savdolarida 21 ta davlatdan 70 dan ortiq investorlar tomonidan jami 900 mln dollardan ziyod takliflar kelib tushdi. Shundan umumiy 400 mln dollar va 2,25 trln soʻm miqdorida mablagʻlar jalb qilindi.

Jalb qilingan xorijiy investitsiyalar — xalqaro obligatsiyalarni London fond birjasida joylashtirishdan kelib tushgan mablagʻlar Bank mijozlarining istiqbolli “yashil”, barqaror va ijtimoiy loyihalarini moliyalashtirishni kengaytirishga xizmat qiladi.

Eslatib oʻtamiz, Oʻzsanoatqurilishbank tomonidan 2019-yilda xalqaro kapital bozorida korporativ qimmatli qogʻozlar, 2023-yilda esa Oʻzbekiston banklari orasida birinchi “yashil” obligatsiyalar joylashtirilgandi.

5️⃣ million so'mgacha!

🔄 Uzcard hamda Humo bank kartalari o'rtasida komissiyasiz o'tkazmalar - JOYDA mobil ilovasida!

Batafsil ma'lumot: sqb.uz sayti hamda 1180 qisqa raqamlarida

O‘zsanoatqurilishbank tizimida mijozlarga xizmat ko‘rsatish va ish samaradorligini oshirish maqsadida sun’iy intellekt texnologiyalarini joriy etishga kirishildi.

Dastlabki bosqichda ushbu texnologiyalarni mijozlarga xizmat ko‘rsatish sifatini oshirish va ichki jarayonlarni optimallashtirish maqsadida qo‘llashga kirishildi.

Loyihaga ko‘ra, yangi dasturiy vositalar biznes jarayonlarga, jumladan, mijozlar so‘rovlarini ko‘rib chiqishni avtomatlashtirish, bank mahsulotlari bo‘yicha aniq tavsiyalar berish va ular bilan munosabatlarni optimallashtirishga xizmat qiladi.

Shuningdek, ushbu mexanizm mijozlar xohish-ehtiyojlarini tezkor tahlil qilish va ularga individual xizmat ko‘rsatishni ta’minlaydi.

Umuman, sun’iy intellekt texnologiyalaridan foydalanish bank biznes jarayonlarini yaxshilash yo‘lidagi yana bir muhim qadam va u davomlidir.

Yangi saylov tizimining oʻziga xos xususiyatlari nimalardan iborat?

🍎 Qishloq xo’jaligi mahsulotlari eksporti bilan shug’ullanuvchi tadbirkorlar uchun 1 000 000 AQSh dollari ekvivalentigacha kredit!

O’zsanoatqurilishbank Media markazidan yangi “Sifatli qurilish” loyihasi.

Loyiha orqali qurilishga doir ko’plab savollarga mutaxassislar atroflicha javob berishadi.

Dasturning ilk sonida avtoklav gazobetonning afzalliklari xususida so’z yuritiladi.

Bu qurilish materialining afzalliklari shu qadar ko’p ekanki, uni bir dasturga sig’dirishning imkoni bo’lmadi. Shu bois mavzuni 3 qismga bo’lgan holda sizga yetkazishga qaror qildik.

Qolgan qismlarni esa har payshanba Youtube’dagi SQB media kanalida kuzatishingiz mumkin.

Joriy yilning 15-iyun kuni “O‘zsanoatqurilishmateriallari” uyushmasi qoshida O‘zsanoatqurilishbank bilan hamkorlikda o’z faoliyatini boshlagan “R&D tadqiqotlar markazi” tomonidan 20 ta oliy ta’lim muassasasi va 4 ta ilmiy tadqiqot institutining “tadqiqot portfoliosi” o‘rganilib, 37 ta ilmiy loyiha shakllantirildi. Yuzdan ziyod ishlab chiqarish korxonalarining 50 ga yaqin ilmiy jihatdan hal etilishi talab etiladigan texnologik muammolari jamlandi.

170 dan ziyod professor-o‘qituvchilarning 50 dan ziyod patent, ixtiro va foydali modellari, 150 dan ortiq texnologiyalarga qaratilgan ilmiy ishlari ishlab chiqarish korxonalariga taqdim etish uchun tahlil qilindi.

Endilikda markaz tomonidan soha korxonalarining tizimli texnologik muammolari darajalarga ajratilgan holda tadqiq qilinishi ko‘zda tutilgan.

Markaz tarmoq korxonalaridan ilmiy asosga muhtoj takliflarni, tadqiqotchilardan esa ilmiy asoslangan loyihalarni qabul qilishda davom etmoqda.

Murojaat uchun: +998 91 191 40 41; +998 90 014 68 94

Ijodiy jamoamiz mamlakatimizdagi eng yirik qandolat fabrikasida bo'ldi.

Ko'pchilikka tanish "Isko" brendi ostida faoliyat yuritayotgan kompaniya SQB moliyaviy ko'magida ish boshlagan. Ayni vaqtda unda 50 turdan ziyod mahsulot ishlab chiqarilmoqda. Bu jarayonlarga Turkiya va Germaniyadan olib kelingan zamonaviy uskunalar jalb etilgan.

Kompaniyada 100 nafardan ziyod mahalliy aholining bandligi ta'minlangan.

Korxonaning ishlab chiqarish, eksport, xodimlarni boshqarish jarayonlari haqidagi shu va boshqa qiziqarli ma'lumotlar bilan navbatdagi reportajimizda tanishishingiz mumkin.

Oʻzsanoatqurilishbank moliyaviy koʻmagida Jizzax viloyatida meva-sabzavot mahsulotlarini chuqur qayta ishlashga ixtisoslashgan yangi korxona faoliyati yoʻlga qoʻyildi.

🏭 Bugun Jizzax viloyatining Sharof Rashidov tumanida “BMB Agro Plus” korxonasining tantanali ochilish marosimi boʻlib oʻtdi. Marosimda berilgan maʼlumotlarga koʻra, loyihaning umumiy qiymati 34,6 mln. AQSH dollarini tashkil etadi. Bank krediti evaziga Belgiya, Avstriya, Italiya, Turkiya va Xitoy davlatlarining yetakchi kompaniyalari tomonidan ishlab chiqarilgan zamonaviy uskunalar olib kelib oʻrnatilgan. Bu ishlarning natijasida 400 nafar mahalliy aholining bandligi taʼminlanib, yiliga 21 ming tonna mahsulotni birlamchi qayta ishlanash, ularni quritish natijasida 12,5 ming tonna hamda 5 ming tonna pyure, jem, tomat va boshqalar uchun homashyo ishlab chiqarish, shuningdek, 50 ming tonna dukkakli mahsulotlarni saralash va yana 1500 tonna mahsulotni shok va akustika usulda muzlatish rejalashtirilgan.

O‘zsanoatqurilishbank tizimida 2023-yil va joriy yilning birinchi yarmida ekologik, ijtimoiy va korporativ boshqaruv (ESG) tamoyillarini joriy qilish bo‘yicha amalga oshirilgan ishlar va erishilgan natijalar sarhisob qilindi.

ESG tamoyillarining tadbiq etilishi natijasida:

✅ bankni xalqaro moliya bozoriga integratsiyalashuvini jadallashtirdi: xalqaro kapital bozorlarida qimmatli qog‘ozlarni joylashtirish, xorijiy investorlar hamda kredit liniyalarini jalb qilishda o‘ziga xos ustuvorliklar bermoqda;

✅

ishlab chiqarishning atrof-muhitga salbiy ta’sirini kamaytirish, energiya samaradorlikni ta’minlash, tabiiy resurslarni tejash va uglerod chiqindilarini minimallashtirishga erishilmoqda;

✅ jamoat loyihalarida faol qatnashib, aholining ijtimoiy himoyaga muhtoj qatlamini qo‘llab-quvvatlash borasida turli tashabbuslar ilgari surilmoqda;

✅ Korporativ boshqaruv sohasida bankda shaffoflik va javobgarlik tamoyillari mustahkamlandi. ESG standartlariga javob beradigan ichki siyosat va jarayonlar yangilandi.

To’yga-to’yona bilan!

Jizzax viloyatining Sharof Rashidov tumanida qishloq xo’jaligi mahsulotlarini chuqur qayta ishlashga ixtisoslashgan yangi korxona ochildi.

ℹ️ Yiliga 40 ming tonnadan ortiq meva-sabzavot mahsulotlarini chuqur qayta ishlash imkoniyatiga ega bo’lgan “BMB Agro plus” korxonasi “BMB Holding” hamda O’zsanoatqurilishbankning moliyaviy resurslari evaziga bunyod etildi.

Loyiha ikki bosqichdan iborat boʻlib, birinchi bosqichda meva-sabzavotlarni birlamchi chuqur qayta ishlash, xususan, murabbo, konserva, pyure va pasta kabi chuqur qayta ishlangan mahsulotlar ishlab chiqarish hamda quritish, ikkinchi bosqichda esa sublimatsion usulda quritish, shok va akustika usulda muzlatish jarayonlarini yoʻlga qoʻyish koʻzda tutilgan. Shuningdek, loyiha doirasida 400 dan ortiq ish oʻrinlari yaratiladi.

👉 Korxonaning to’liq imkoniyatlari bilan navbatdagi reportajimizda batafsil tanishishingiz mumkin.

Aziz vatandoshlar!

Sizni eng ulugʻ, eng aziz bayram Vatanimiz Mustaqilligining 33 yilligi bilan muborakbod etamiz!

Har bir kuningiz xursandchilik, samimiyat va yangi yutuqlarga boy boʻlsin, oliyjanob ishlaringiz va saʼy-harakatlaringiz jonajon Oʻzbekistonimiz gullab-yashnashi yoʻlida xizmat qilaversin!

Mustaqilligimiz abadiy boʻlsin!

Bank Axborot xizmati

“Fidoyilik kasb, soha tanlamaydi. Inson qay bir jabhada mehnat qilmasin , o’z ishini sevsa, mas’uliyat va talabchanlik bilan yondoshsa, eng asosiysi odamlarga yordam berishni istasa bas, shuning o’zi yetarli” deydi O’zsanoatqurilishbank “Yunusobod” BXM boshqaruvchisi, “Shuhrat” medali sohibi Sanjarbek Yusupov.

Davlatimiz rahbari joriy yil aprel oyida Yunusobod tumaniga tashrifi davomida aholi bandligini ta’minlash va kichik biznesni qo’llab-quvvatlash bo’yicha qator vazifalar belgilab bergandi. Mazkur topshiriqlar ijrosini ta’minlash maqsadida O’zsanoatqurilishbankning “Yunusobod” bank xizmatlari markazi tomonidan ham tizimli ishlar amalga oshirildi. Natijada tumandagi 12 ta mahallada 1300 nafardan ziyod aholining bandligi ta’minlandi.

Quvonarlisi, qilingan bu xayrli ishlar besamar ketmadi – Davlatimiz mustaqilligining 33 yilligi arafasida hamkasbimiz -Sanjarbek Yusupov Prezident farmoni asosida “Shuhrat” medali bilan taqdirlandi.

🍎 Qishloq xo’jaligi mahsulotlari eksporti bilan shug’ullanuvchi tadbirkorlar uchun 1 000 000 AQSh dollari ekvivalentigacha kredit!

🍏 Qishloq xo’jaligi mahsulotlarini ishlab chiqarish, qayta ishlashni kengaytirishga hamda aylanma mablag’larni to’ldirishga mo’ljallangan “YETISHTIRISHDAN-EKSPORTGACHA“ krediti:

🍋 muddati - 18 oygacha;
🍓 imtiyozli davr - 6 oygacha.

📝 Batafsil ma’lumot 1180 raqami orqali.

FARGʻONADA ELEKTROTEXNIKA ISHLAB CHIQARISHGA IXTISOSLASHGAN TEXNOPARK QURILISHI BOSHLANDI
 
“Oʻzeltexsanoat” uyushmasi hamda Oʻzsanoatqurilishbank hamkorligida quriladigan texnopark hududi 10 gektarni tashkil etadi. Binolar qurilib, tayyor holga keltirilgach, sanoat ipotekasi shartlarida kredit hisobiga tadbirkorlarga berilishi belgilangan.

Kelgusida ushbu korxonalarga mol-mulk va foyda soligʻidan 50 foizgacha imtiyoz berilishi ham koʻzda tutilgan.

Birinchi bosqichda 25 mln dollarga teng 4 ta loyihalar paketi shakllantirilgan. Ular orasida dunyo avtomobilsozlik sanoatiga elektronika qismlarini yetkazib beruvchi Turkiyaning “DAIICHI Electronic” kompaniyasi ham bor.

O‘zbekiston tijorat banklari orasida birinchilardan bo‘lib O‘zsanoatqurilishbank binosiga EDGE sertifikati taqdim etildi.

“HPBS B.V” tadqiqot va atrof-muhit muhandisligi markazi (Niderlandiya) tomonidan Bank binolari qirqtasining EDGE talablariga mosligi o‘rganildi. Dastlabki baholash ishlari va uning yakuni bo‘yicha taqdim etilgan texnik xulosalar asosida Bank binolari EDGE auditidan o‘tkazildi. Natijada Bank binolaridan biri EDGE sertifikatiga loyiq topildi.

Bank binosini sertifikatlash jarayonida elektr energiya sarfi 23 foizga, suvdan foydalanish 24 foizga va qurilish materiallarining uglerod isi 100 foizga kamaytirildi. Ish jarayonida 320 tonnadan ziyod zararli gaz chiqishining oldi olindi.

Hozirda Bankning qolgan binolarini EDGE standarti talablariga muvofiqlashtirish va sertifikatsiyalash bo‘yicha ishlar davom ettirilmoqda.

Xalqaro moliya korporatsiyasi tomonidan ishlab chiqilgan EDGE standarti rivojlanayotgan mamlakatlarda “yashil” va barqaror binolarni yaratishni rag‘batlantirishga qaratilgan.