زيارة السيدة ام البنين عليها السلام 🦋



أشهَدُ أَن لا إلهَ إلا الله وَحدَهُ لاشَرِيكَ لَهُ، وَأَشهَدُ أنَّ مُحَمَّدَاً عَبدُهُ وَرَسُولُهُ، السَّلامُ عَلَيكَ يَا رَسُولَ الله، السَّلامُ عَلَيكَ يَا أَمِيرَ الُمؤمِنين، السَّلامُ عَلَيكِ يَا فَاطِمَةَ الزَّهرَاءِ سَيِّدَةِ نِسَاءِ العَالَمِين، السَّلامُ عَلَى الحَسَنِ وَالحُسَينِ سَيِّدي شَبَابِ أَهلِ الجَنَّة، السَّلامُ عَلَيكِ يَازَوجَةَ وَصِيِّ رَسَولِ الله، السَّلامُ عَلَيكِ يَا عَزِيزَةَ الزَّهرَاءِ عَلَيهَا السَّلام، السَّلامُ عَلَيكِ يَا أُمَّ البُدُورِ السَّوَاطِع فَاطِمَةَ بِنت حزَام الكلابيّة، المُلَقَّبةُ بِأُمّ البَنِين وَبَاب الحَوَائِج، أُشهِدُ اللهَ وَرَسُولهُ أَنَّكِ جَاهَدتِ في سَبِيلِ اللهِ، إِذ ضَحّيتِ بِأَولَادَكِ دُونَ الحُسَين بنَ بِنتِ رَسُولِ الله، وَعَبَدتِ اللهَ مُخلِصَةً لَهُ الدِّين بِولائكِ لِلأَئِمَّةِ المَعصُومِين عَلَيهمُ السَّلام، وَصَبَرتِ عَلَى تِلكَ الرَزيَّةِ العَظِيمَةِ، وَاحتَسَبتِ ذَلِكَ عِندَ الله رَبّ العَالَمين، وَآزَرتِ الإمَامَ عَليَّاً في المِحَنِ وَالشَّدَائِدِ وَالمَصَائِب، وَكُنتِ في قِمَّةِ الطَّاعَةِ وَالوَفَاء، وَأنَّكِ أَحسَنتِ الكَفَالَة وَأَدَّيتِ الأَمَانَة الكُبرى في حِفظِ وَديعَتَي الزَّهرَاء البَتُول الحَسَنِ وَالحُسَينِ وَبَالَغتِ وَآثَرتِ وَرَعَيتِ حُجَجَ اللهِ المَيَامِين، وَرَغبتِ في صِلَةِ أَبنَاء رَسُولِ رَبِّ العَالَمين، عَارِفَةً بِحَقِّهِم، مُؤمِنَةً بِصِدقِهِم، مُشفِقَةً عَلَيهِم، مُؤثِرَةً هَوَاهُم وَحُبَّهُم عَلَى أَولَادكِ السُّعَدَاء، فَسَلامُ اللهِ عَلَيكِ يَا سَيِّدَتي يَا أُمَّ البَنِين مَا دَجَى الَّليلُ وَغَسَق، وَأَضَاءَ النَّهَارُ وَأَشرَق، وَسَقَاكِ الله مِن رَحِيقٍ مَختُومٍ، يَومَ لايَنفَعُ مَالٌ وَلابَنُون، فَصِرتِ قدوَةً لِلمُؤمِنَاتِ الصَّالِحَاتِ، لأَنَّكِ كَرِيمَة الخَلائِق، عَالِمَةً مُعَلَّمَةً، نَقيَّةً زَكِيَّةً، فَرَضِيَ اللهُ عَنكِ وَأَرضَاكِ، وَلَقَد أَعطَاكِ اللهُ مِن الكَرَامَات البَاهِرَات، حَتَّى أَصبَحتِ بِطَاعَتكِ لله وَلِوَصيِّ الأَوصِيَاء وَحُبّك لِسَيِّدَة النِّسَاء الزَّهرَاءِ، وَفِدَائكِ أَولادكِ الأَربَعَة لِسَيِّدِ الشُّهَدَاء بَابَاً لِلحَوَائِج، فاشفَعِي لِي عِندَ الله بِغُفرَانِ ذُنُوبِي وَكَشفِ ضُرِّي وَقَضَاءِ حَوَائِجِي، فَإنَّ لَكِ عِندَ اللهِ شَأنَاً وَجَاهَاً مَحمُودَاً، وَالسَّلامُ عَلَى أَولَادكِ الشُّهَدَاء، العَبَّاس قَمَرُ بَنِي هَاشِم وبَاب الحَوَائِج، وَعَبد الله وَعُثمَان وَجَعفَر، الَّذِينَ استُشهِدُوا في نُصرَةِ الحُسَينِ بِكَربَلاء، وَالسَّلامُ عَلَى ابنَتكِ الدُّرَّة الزَّاهِرَة الطَّاهِرَة الرَّضيَّة خَدِيجَة، فَجَزَاكِ اللهُ وَجزَاهُم الله جَنَّاتٍ تَجرِي مِن تَحتِهَا الأَنهَارُ خَالِدِينَ فيهَا، اللهُمَّ صَلِّ عَلَى مُحَمَّدٍ وَآلِ مُحَمَّدٍ.

السلام عليكم

شلونكم بنات

شوفوا انتوا صارلكم فتره خاملين ومخمليني وياكم

شويه همه

هسه راح انزللكم فد موضوع نريد نسولف بي واريدكم تشاركوني رأيكم وافكاركم

شنو مفهومكم عن الحجاب؟!
او شنو تجاوبون الي يسألكم هو شنو الحجاب بالضبط؟!

افرحوا هذه الليلة…
اطلبوا من الله ورسوله حوائجكم كهدية بمناسبة قدوم السيدة الزهراء عليها السلام …
وزعوا وانشروا فرحكم في هذا الليلة وغدا 😍🌱

تتذكرون هذا السؤال...

كلش اريد احجي وياكم عنه وياريت بصمه بس لان القناة عامه ما اكدر...
لان كتابة بوست تحتاج وقت وكعده
المهم راح اختصرها الكم..... ❤️

اتذكر جنت بالثاني متوسط او الثالث متوسط ما اذكر بالضبط وجنت داخله حوزة ويه ماما تابعه للعتبة العباسية فبعطلة نص السنه جانوا ياخذون المتفوقات لإيران زيارة..
والحمدلله رب العالمين كتبلي زيارة ابومحمد ويارب العودة الي والكم 💔🥺


جانوا ياخذونه نحضر محاضرات لسادة وشيوخ معروفين بطهران وقم من بيت الحكيم والشيخ الكوراني وغيرهم ....
واحد من الشيوخ صراحه ما جاي اذكر اسمه

من ضمن كلامه حجه عن القدوة... اكو مرجع معروف بقم جانوا يسألوا من جان زغير منو قدوتك بالحياة؟! يقول الإمام الصادق عليه السلام..
يكولوه شعجب ما كلت شيخ فلان أو ابوك مثلا لان هو أيضا كان شيخ معمم!!

تدرون شنو كاللهم!؟ كلنا بشر خطائين انا قدوتي اهل البيت حتى استصعب المعصية وصغير الذنب عندي مثل كبيره

المغزى وشنو السبب ان اذكر هاي القصه

بنات خلو قدوتكم فاطمة الزهراء عليها السلام سيدة نساء العالمين وسيدة الطهر والعفاف ام الائمة وسيدة الساده...

لا تكون قدوتكم فتاة معينه لمجرد انها ترتدي العباءة ونبدي نقلد كل تصرفاتها وحركاتها و منشوراتها بس لان هي انسانه تلبس عباية وشيعيه ووو...
لا مو صحيح هذا مو استنقاص لا كل بناتنا واخواتنا بنات الزهراء هم فخر وقدوة والله بس احنه بشر خطائين احيانا تلتبس علينا الأمور وتشوه الحقائق واحيانا ما تفرق بين الحق والباطل...

كل فعل قبل ما اسوي اشوفه من أخلاق اهل البيت ومن الضوابط الشرعيه الي رب العالمين رتبها النه.....

احنا مو آله نقلد كلشي نشوفه رب العالمين انطانا عقل وكالك فكر ولا تمشي ورا العقل الجمعي 💔
الي هو مشكلة العصر حاليا...

تتذكرون هذا اليوم؟!

جان الاتفاق هو لبناتنا الي يلبسون عباية داخل المستشفى وجانوا تعيين جدد وجنت حابه اشجعهم وسويتلهم بطاقاات واقلام
والبطاقات جانت بيهم عبارات مدح لمرتديات العباءه...
فالبنات جايبات وياهم صديقاتهم هنا اثنين بنات انا ايضا اعرفهم قمه بالأخلاق والادب بس ما يلبسون عبايه داخل المستشفى ما عبالي يجون...
بقيت طول الوقت انا محرجه منهم خاف تجرحهم حجايه بدون قصد واني امدح مرتديات العباءه وايضا بقيت محرجه من البطاقه...
ليش؟! هل احنا على خطأ؟! لا، بس اذا ردت تغير انسان لاتستنقص منه، لا تستصغره، لا تخلي ينفر الدين
احيانا كل الي نحتاجه هو فقط أن نكون ملتزمين حقا من ناحيه اللبس ومن ناحيه الاختلاط ومن ناحيه الأخلاق وراح نشوف شلون هواي أشخاص راح يتأثرون بينا ويتغيرون للأحسن...