مژدە بۆ هەموو خوشک و برایان و هاوڕێیانى بەڕێزمان
سوپاس بۆ خواى گەورە ئێستا لە ماڵپەڕى وەڵامەکان دەتوانن وەڵامى زیاتر لە (3500) پرسیار بخوێننەوە
http://walamakan.com
یەکەمین ماڵپەڕى کوردی تایبەت بە پرسیار و وەڵامى شەرعى
-----------------------------------
وەڵامەکان تەنها ماڵپەڕ نیە لەئێستادا
دەتوانن ئەپلیکەیشنەکانی بۆ سیستەمی ios و android دابەزێننە ناو ئامێرەکەت بەبەردەوامی لەکاتی هەبوونی هێڵی ئینتەرنێت یاخود نەبوونی وەڵامی پرسیارەکانت دەستبکەوێت.

لینكی به‌رنامه‌ بۆ IOS و android

http://onelink.to/ekb63b

بۆ ئەوەى سحر و جادومان لێ نەکرێت و توشی سحر و جادوو نەبین چ زیکر و دوعایەک بخوێنین؟
وەڵام :
یەکێک لەگرنگترین ڕێگە کەبەهۆیەوە مرۆڤ خۆی لەسیحر دەپارێزێت پێش ئەوەی ڕوو بدات بریتی یە لەزیکرە شەرعیەکان ، وپاڕانەوە ، و ئەو خۆپاراستنانەی کەلەسوننەتدا هاتووە ، لەوانە :

یەکەم : خوێندنی ( آية الكرسي ) لەدوای هەموو نوێژە فەرزەکان و لەکاتی نوستندا.

دووەم : ویەکێکی تر لەوانە خوێندنی هەر یەک : ( قُلْ هُوَ اللَّهُ أَحَدٌ ) و ( قُلْ أَعُوذُ بِرَبِّ الْفَلَقِ ) و ( قُلْ أَعُوذُ بِرَبِّ النَّاسِ ) لەدوای هەموو نوێژە فەرزەکانەوە .

سێیەم : خوێندنی دوو ئایەتی کۆتاتی ( سورة البقرة ) پێش خەوتن .

چوارەم : زۆر پەنا گرتن و گوتنی (أعوذُ بِكَلِماتِ اللهِ التّامّاتِ مِن شَرِّ ما خَلَقَ ) لەشەو وڕۆژدا ، ولەکاتی چوونە ماڵی هەر کەسێک ، یاخود لادان لەچۆڵەوانی ، و لەبەحر ، ولەئاسماندا.

پێنجەم : ویەکێکی تر لەوانە ئەوەیە کە گرنگى بدات بە زیکرەکانى بەیانیان و ئێواران کە سوننەتە ئەم زیکرەیە لە بەیانیان و ئێواراندا سێ جار بخوێنێت و بڵێت : : (بِسمِ اللهِ الـَّذي لا يَضُرُّ مَعَ اسمِهِ شَيءٌ في الأرضِ وَلا في السّمآءِ وَهَوَ السَّمِيعُ العَلِيم) واتە: بە ناوی ئەو خوایەی لەگەڵ ناوی ئەودا هیچ شتێك زیان ناگەیەنێ‌ نە لە زەوی و نە لە ئاسماندا ئەو خوایە بیسەرو زانایە. چونکە بەسەحیی لە پێغەمبەرەوە ﷺ هاتووە ، وەئەوە دەبێتە هۆی سەلامەت بوون لەهەموو ناخۆشیەک .
جا ئەم زیکر وخۆپاراستنانە یەکێکن لەگەورەترین هۆکار بۆ خۆ پاراستن لەسیحر وجگە لەویش بەمەرجێک بەڕاستیەوە بیخوێنێت وباوەڕی پێی هەبێت ، وسیقەی بەخودا هەبێت ودڵی ئارام بێت بەو زیکرانە .

شەشەم : یەکێکی تر لەوانە : ئەو ڕوقیەیەیە کە جبرائيل بەسەر پێغەمبەردا ﷺ دەیخوێند ، کەئەویش بریتی یە لە : (بِسْمِ الله أرقيكَ. مِنْ كُلّ شَيءٍ يُؤذيكَ. وَمِنْ شَرِّ كُلّ نَفْسٍ أو عَينٍ حاسِدٍ اللهُ يَشفيكَ. بِسْمِ الله اُرقيكَ) واتە: بە ناوی خواوە دوعات بۆ دەكەم لە هەموو شتێك كە ئەزیەتت دەدات و لە خراپەی هەموو نەفسێك یان چاوی حەسوود بەرێك كە حەسودیت پێ‌ دەبات خوا شیفات بدات، بە ناوی خواوە دوعات بۆ دەكەم.
وە با ئەم زیکرە ( سێ جار ) دوو بارە بکاتەوە . والله أعلم .
-------------------------
#بەکورتى (٤٢٨)
بۆ زانیاری زیاتر
https://walamakan.com/Besh-17

سزاى ئەو کەسەى کە نوێژى بەیانیان ناکات
برا و خوشكى لاوم: داواكارم ئەگەر بتوانى بە گوێى دڵ گوێبیستى ووتەكانم بیت، و هەست و بیرى خۆتم بدەیتێ، لە چەند خولەكێكى ژیانت، بۆ ئەوەى چەند ئامۆژگاریەكت بە گوێدا بدەم، كە هەموویان ئامۆژگارى دڵسۆزن بۆ كەسێكى خۆشەویستى خۆى، لە كەسێكى پەرۆش لە سەر دوا ڕۆژ و ژیانت، لە ڕۆژگارێكدا كە ئامۆژگاریكاران تێيدا كەم و بەدەگمەنن، ئامۆژگاریەكانیشم بە شێوەى پرسیار دەبن، بۆ ئەوەى هەموو پرسیارێكى زەنگێكى بیداركەرەوە بێت، و چیتر لە خەوى غەفڵەت بێدارمان بكاتەوە، و بە ئاگامان بێنێتەوە، و قۆڵى بۆ هەڵماڵین و پەشیمان ببینەوە لەوەى كە ڕۆژێك لە ڕۆژان كەمتەرخەمیەكمان نوواندبێت لە ئەنجامدانى نوێژى بەیانى .
ئامۆژگارى و پرسیارەكانیش ئەمانەن:
١ - ئایا دەزانى نەکردنى نوێژى بەیانى یەکێکە لەسیفاتی مونافیقەکان؟
خوای پەروەردگار لەبارەی دووڕووەکانەوە فەرموویەتی: {وَإِذَا قَامُوا إِلَى الصَّلَاةِ قَامُوا كُسَالَى يُرَاءُونَ النَّاسَ وَلَا يَذْكُرُونَ اللَّهَ إِلَّا قَلِيلاً} [النساء: ١٤٢].
وە پێغەمبەر - ﷺ فەرموویەتی -: هیچ نوێژێک بەقەد نوێژی بەیانی وعیشا قورس نییە لەسەر دووڕووەکان .
٢ - ئایا دەزانى کە دۆڵێک لەدۆزەخ بۆ ئەو کەسە یە کە نوێژى بەیانى ناکات :
خوای پەروەردگار فەرموویەتی -: {فَخَلَفَ مِنْ بَعْدِهِمْ خَلْفٌ أَضَاعُوا الصَّلَاةَ وَاتَّبَعُوا الشَّهَوَاتِ فَسَوْفَ يَلْقَوْنَ غَيًّا} [مريم: ٥٩].
٣ - ئایا دەزانى ئەو کەسەى کە نوێژى بەیانى ناکات شەیتان میز دەکات بە گوێی دا؟
یەکێک لەخراپییەکانی واز هێنان لەنوێژی بەیانی ئەوەیە شەیتان میز دەکات بەگوێیدا ، هەروەک ابن مسعود، دەڵێ : باسی پیاوێک کرا لەلای پێغەمبەردا - صلى الله عليه وسلَّم - شەو نوستووە تاوەکو بەیانی بەخەبەر نەهاتووە ، فەرمووی : ئەوە کەسێکە شەیتان میزی کردووە بەگوێیەکانیدا .
٤ - ئایا دەزانى ئەو کەسەى نوێژى بەیانى ناکات لە قەبردا چ سزایەک دەدرێ؟
پێغەمبەرى خوا ﷺ باسی خەوێکى خۆى دەکات و دەفەرموێ : دووپیاوم بینى یەكێكیان پاڵ كەوتبوون، ئەویتریشیان بەردێكى گەورەى بە دەستەوە بوو بە سەریەوە وەستا بوو، و بەردەكەى بەسەردا دەدا و سەرى دەپژاند و پانى دەكردەوە، و پاشان بەردەكەى هەڵدەگرتەوە، و دەوەستا تاكو سەرى دەگەڕایەوە بۆ دۆخى جارانى، و جارێكى تر بەردەكەى دەدایەوە بە سەریدا، هەروەكو لە جارى یەكەمدا پێی كرد، منیش ووتم: پاكى و بێگەردى بۆ خواى پەروەردگار ئەم دوو كەسە چیانە ؟! جبریل ـ علیه السلام ـ پێی ووتم: ئەوە ئەو كەسەیە كە دەخەوێت و نوێژى بەیانیانى ناكات.
-------------------------
#بەکورتى (٤٢٩)
بۆ زانیاری زیاتر ئەم لینکە بکەرەوە
https://walamakan.com/2431

كێ براوەیە ؟
ئەم لینکە بکەرەوە و بزانە براوەی ڕاستەقینە کامەیە؟
https://ba8.org/Kteb/167

وەهبی كوڕی مونەبیهـ دەڵێت :
من لە حیكمەتی ئالی داود ئەم شتانەم دەس كەوتووە : پێویستە لەسەر كەسی عاقڵ بێ ئاگا نەبێ لەچوار سەعات :
١. سەعاتێك گفتوگۆ بكات لەگەڵ خودای خۆیدا .
٢. سەعاتێك لێپرسینەوە لە نەفسی خۆی بكات .
٣. سەعاتێك سەردانی ئەو براو هاوەڵانەی بكات كەڕاستگۆن و عەیبەكانی پێ دەڵێن و بەنهێنی ئامۆژگاری دەكەن .
٤. سەعاتێك گرنگی بە نەفسی خۆی بدات ئەو شتانەی بۆ فەراهەم بكات كە حەڵاڵ و جوانن ، ئا ئەم سەعاتەیان یارمەتی دەری هەموو سەعاتەكانی تر دەدا و كۆكەرەوەی دڵ و فەزڵ وڕێزە و گەیەنەرە بەئامانجەكانی .
------------------------
#بەکورتى (٤٣٠)
https://www.tgoop.com/ba_kurty

چۆنێتى نوێژ کردن لەسەر کورسی و ئادابەکانى و چۆنێتى دانانى کورسی لە ڕیزى نوێژ خوێنان

سەرەتا ئەبێت بزانین کە نوێژ كردن بە پێوە ڕاوەستان واجبە لەسەر كەسێك تواناى هەبێت ئەگەر نەیتوانى بە دانیشتنەوە نوێژ دەكات لەبەر فەرموودەكەى پێغەمبەرى خوا ﷺ كەدەفەرموێ: (صلِّ قائما ًفان لم تستطع فقاعداً فان لم تستطع فعلى جنب) رواه البخاري وأبوداود وأحمد.
بە پێوە نوێژ بكە ئەگەر نتتوانی ئەوا بە دانیشتنەوە وە ئەگەر نەتتوانی ئەوا بە سەر لادا بیكە.

سەبارەت بە نوێژ کردن لەسەر کورسی :
یەکەم : ئەگەر توانیت بە دانیشتنەوە لەسەر زەوی نوێژ بکەیت و سوجدە بەریت لەسەر هەر حەوت ئەندامەکە ، بەڵام کە لەسەر کورسی بیکەیت ئەوەت پێ نەکرێ ، ئەوە واجبە لەسەرت کە بە دانیشتنەوە لەسەر زەوی نوێژ بکەى نەک کورسی .

دووەم: ئەگەر نوێژت کرد بە پێوە پاشان دانیشتیت لەسەر کورسی لە کاتى سوجدەو وە ئەوەشی دواى سوجدە دێت پێویستە بە ڕێکى بوەستى لەگەڵ ئەوانەى کە لە تەنیشتتدان ، وە کاتێک ویستت دابنیشیت کورسیەکە پاڵ بنێ بۆ دواوە بۆ ئەوەى پشتت ڕیکى پشتى کەسەکانى تەنیشتت بێت .

سێیەم : ئەگەر نەیتوانى بە پێوە بوەستێ و ڕکوع و سوجدە بەرێت و هەر لەسەرەتاوە بە دانیشتنەوە نوێژت دەست پێ کرد تا کۆتایی ئەوە پشتى کورسیەکە ڕێک دەکەى لەگەڵ پشتى ئەو کەسەى کە لە تەنیشتتەوەیە هەر لە سەرەتاوە ، دروست نیە هەردوو پێیەکانت ڕێک بکەى کە تۆ دانیشتویی لەگەڵ پێیەکانى ئەو کەسەى کە لە تەنیشتتەوەیە و بە پێوەیە چونکە لە ڕیزەکە دەردەچیت بۆ دواوە ، وە دەبیتەوە مایەى ئازار بۆ ئەوە کەسەى کە لە ڕیزى دواوەیە .
( واتە قاچی کورسیەکە لە تەنیشت قاچى کەسى تەنیشتت دادەنێى نەک کورسیەکە ببیەتە دواوە بۆ ئەوە قاچى خۆت لەتەنیشت قاچی کەسى تەنیشتت دابنەى ئەمە بۆ کەسێک کە هەر لەسەرەتاوە تاوەکو کۆتایی نوێژ لە سەر کورسى دەکات و ناتوانێ هەستێ )
------------------------
#بەکورتى (٤٣١)
https://www.tgoop.com/ba_kurty

ئەو پێنج شتەى کە پیاو هەمیشە ڕقی لێیەتی لە خێزانەكەیدا هەبێت

ئەگەر ئەتەوێت پارێزگاری بكەیت لە ئارامی و ئۆقرەیی ماڵەكەت و ژیانی هاوسەرێتیت ئەوا دەبێت ئەم پێنج خاڵە هەرە گرنگە بزانیت كە پیاو هەمیشە ڕقی لێیەتی لە خێزانەكەیدا هەبێت:

یەكەم: دەنگی بەرز: ئیتر لەگەڵ مێردەكەتدا بێت یان منداڵەكانی و بە ئامادەیی ئەو، چونكە مێرد ڕقی لەوەیە كە خێزانەكەی دەنگی بەرز بێت و بەرزی بکاتەوە بەتایبەت لە ماڵدا.

دووەم: زاڵبوون: پێكهاتەی سروشتی پیاو وا دەخوازێت كە ئەو زاڵ و دەسەڵاتدار بێت بەسەر ماڵدا چونكە بەكورتی ئەو پیاوە نەوەك جەنابت.

سێیەم: كەلەڕەقی: یەكێكە لە خراپترین ئەو خو و سروشتانەی كە بەربڵاوە لە زۆربەی ئافرەتانی ئەم ڕۆژگارە ، چونكە پیاو عاشقی هاوسەرە گوێڕایەڵەكەیەتی كە كاتێك فەرمانێكی پێ دەدات ئەویش بە بەڵێ و بەسەرچاوەوە وەڵامی دەداتەوە و دڵی مێردەكەی كەمەندكێش دەكات ، بەڵام ئافرەتی كەلەڕەق ئەوانەن كە لەكۆتاییدا زۆرجار مێردەكانیان لەدەست دەدەن بەتێپەڕبوونی كات، چونكە چەندین كێشەی تەڵاق و جیابوونەوە هەیە كە تاكە هۆكاری كەللەڕەقی بووە لەلایەن ئافرەتەكەوە.

چوارەم : خەمۆك و دڵتەنگ: ئەوەش لەبەر ئەوەی پیاوان بۆ ئەوە هاوسەرگیری دەكەن بۆ ئەوەی ژیانێكی ئاسوودە و پڕ دڵخۆشی و كامەرانی بەدی بێت كە ئۆقرەیی و ئارامی باڵی بەسەردا كێشابێت نەوەك خەمۆكی و بێتاقەتی و پەژارە و كێشە.

پێنجەم : خۆبەپیاو زانین: ئەمەش ئەو سیفەتە خراپەیە كە بووەتە هۆكاری داڕمانی زۆرێك لە ماڵەكان، چونكە پیاو حەز ناكات لەگەڵ كەسێكدا بژیت كە هاوشانی خۆی بێت و كێبڕكێی لەگەڵدا بكات و لە ململانێدا بێت بەرامبەری و بەدرێژایی ژیانی توڕەیی و هەڵچوون ئامادەیی هەبێت.
-------------------
#بەکورتى (٤٣٢)
https://www.tgoop.com/ba_kurty

سەیر کردنی ئافرەت بە مەبەستى هاوسەرگیرى
پرسیار:
گەنجێک دەیەوێ خوازبێنى کچێک بکات، ئایا مەرجەکانی سەیرکردنی ئافرەتی داواکراو چیە ؟
وەڵام :
مەرجەکانی سەیرکردنی ئافرەتی داواکراو
یەکەم : نابێت بە تەنها بن بەڵکو دەبێت مەحڕەمی خۆیان لەگەڵ بێت .

دووەم : دەبێت بەبێ شەهوەت بێت، چونکە ئەو پڕۆسەی سەیرکردنە ئەگەر بە شەهوەتەوە بێت حەڕامە لەبەر ئەوەی مەبەست لەو سەیرکردن وتێڕوانینە بریتی یە لە پێڕاگەیاندن نەک چێژوەرگرتن.

سێیەم : دەبێت کەسەکە گومانی زۆری وابێ کە لەلایەن ماڵی کچەکەوە وەڵام دەدرێتەوە.

چوارەم : دەبێت سەیری ئەو شوێنەی ئافرەتەکە بکات کە زۆرجار بەدەرەوەیە کە ئەویش ڕومەتە.

پێنجەم : دەبێت کەسەکە سوربێت لەسەر ئەو داواکردنە واتا دەبێت دەرئەنجامی سەیرکردنەکەی ببێتە هۆی ئەوەی کە بچێتە پێشەوە بۆ خوازبێنی ئەو ئافرەتە، بەڵام ئەگەر نیازی گەڕان و ڕابواردن بوو بەسەر ئافرەتانەوە ئەوە دروست نییە.

شەشەم : نابێت ئافرەتەکە بە سفوری یان بە بۆخۆشکردن یان بە چاو ڕشتن یان بە هەر کارێک کە لەسەر ئافرەت حەڕام بێت بەرامبەر پیاوی نامەحڕەم ئەنجامی بدات و خۆی پێ بڕازێنێتەوە خۆی پیشان بدات چونکە مەبەست لەو پڕۆسەی سەیرکردنە ئەوە نییە کە کەسەکە بۆ جوتبون هاتبێ لەگەڵی تاوەکو ئەویش بە ڕووتی دەرکەوێت یان بەجلی تەسکەوە یان بە خۆڕازادنەوەوە ، بەڵکو ئەم کارانە ئافرەت بۆ مێردی خۆی دەیکات تاوەکو بانگی بکات بۆ جوتبون، بەڵام ئەگەر ئافرەت ئەو کارانەی کرد بۆ کەسێک کە هێشتا حەڵاڵی نییە ئەوە فیتنەی لێ دەکەوێتەوە کە ئەمانەش حەڕامە چونکە هێشتا ئەو ئافرەتە بۆ ئەو پیاوە حەڵاڵ نییە لەو کاتەدا ، وە هەروەها ئەگەر ئافرەت بەو کارانە خۆی پیشانی داواکەرەکە بدات ئەوە دەرئەنجامی خراپی لێ دەکەوێتەوە چونکە ئەگەر مارەی کرد وە بینی کە ئەم ئافرەتە بەو شێوەیە نییە کە ئەم ئەو کاتە بینی بووی و دەیویست بەو هۆیەشەوە هەڵسوکەوت وتێڕوانینی بەرامبەر ئەو ئافرەتە دەگۆڕێت.

سەرچاوە: الشرح الممتع (٢٣/١٢)
زانای پایەبەرز محمد بن صالح العثيمين رحمه الله
-----------------------------
#بەکورتى (٤٣٣)
https://www.tgoop.com/ba_kurty

وریاکردنەوەى موسڵمانان لە ترسناکی نێربازی و کارى هاوڕەگەزبازان
پرسیار:
پێناسەى نێربازی و هاوڕەگەزبازی چیە؟ وە حوکم و ترسناکی ئەم کارە قێزەونە چیە؟ وە لە ئیسلامدا چ سزایەک بۆ ئەو جۆرە کەسانە دانراوە کە ئەم کارەیە دەکەن؟ وە ئایا ڕۆشتنە لاى خێزان لە دواوە هەمان تاوانە؟ وە لە ڕووی تەندروستیەوە چ زیانێکی هەیە؟

وەڵام :
یەکەم : پێناسەکەى نێربازی
نێربازی : واتە جوت بوون لەدواوە لەگەڵ پیاواندا (نێر لەگەڵ نێر).

دووەم : حوکمی نێربازی لە ئیسلامدا
تاوانى نێربازی لەزینا گەورەتر وقێزەونترە.

سێیەم : ترسناکی تاوانی نێربازی
نێربازی تاوانێکی گەوەرە وجەریمەیەکی بێ وێنەیە ، و زیانی بۆ دین و ژین هەیە ، و تێکدەری ڕەوشتە وڕوخێنەری پیاوەتی یە ، وکۆمەڵگا دادەڕوخێنێت ، ولەناو بەری خێر وبەرەکەتە ، وهێنەری شەڕ وبەڵایە ، وهۆکارە بۆ سەرشۆڕی و زەلیلی .

چوارەم : سزای نێربازان لە ئاینی پیرۆزی ئیسلامدا :
لەشەریعەتی ئیسلامیش دا هەر كەسێك ئەو كارە ئەنجام بدات یان ئەو كارەی لەسەر بكرێ بەڕازی بوونی خۆی‌و زۆری لێ نەكرابێ ، ئەوا تۆڵەو سزاكەیان ئەوەیە كەدەبێ بكوژرێن لە لایەن فەرمانڕەوای موسڵماننەوە.

پێنجەم : حوکمی چونە لاى ئافرەت لە دواوە (کۆم)
حەرامە جوت بوون لەگەڵ ئافرەتدا لەدواوە ، بەو مانایەیی زەکەری بخاتە کۆمی ئافرەتەوە.

شەشەم : زینانەکانى لە ڕووی تەندروستیەوە :
لە ڕووی تەندروستیەوە نێربازی دەبێتە هۆی چەند نەخۆشیەكی ترسناك كە بە ئاسانی چارەسەر ناكرێن وەكو :
١. دەركەوتنی وەرەمێكی شانەیی لە ڕیشاڵەكانی بەشی ئەندامی زاوزێی كەسێكی تووشبوو كە بە شێوەی برینێك دەردەكەوێت لەسەر ئەندامی نێرینە و لەسەر كۆمەوە.
٢. تووشبوونی كۆم بە هەوكردنێكی (التهاب)ی زۆر توند و دەركەوتنی چڵكی خوێناوی .
٣. تووشبوون بە وەرەمێكی شێرپەنجەیی لە ئەندامی زاوزێی نێرینە.
٤. گواستنەوەی نەخۆشی ترسناك لە نێوان ئەندامی زاوزێی نێرینەی نێربازەكان.
٥. كردەوەی نێربازی دەبێتە هۆی گواستنەوەی نەخۆشی ترسناكی ئایدز.
٦. نێرباز تووشی تیچكچوون دەبێت لە مێشك و بیركردنەوەی ئاسایی و ڕاوبۆچوون و هەروەها لاوازی لە توانای قەراردانان.
٧. بە هۆی گەورە بوونی قەبارەی بۆشایی كۆمەوە وەكو دەرئەنجامێك بۆ فاحیشەی نێربازی دەبێتە هۆی دەرچوونی پیسایی لە ڕیخۆڵە بە شێوەیەكی زۆر خێرا و كۆنترۆڵنەكراو كە بە هیچ شێوەیەك تووشبووەكە ناتوانێت خۆی بگریت.

لەکۆتاییدا دەڵێین : پێویستە لەسەر باوكان و دایكان ئاگادار بن لە كردەوە و هەڵسوكەوتی کوڕ و کچەکانیان و لە ئەخلاقی هاورێكانیان و كات و شوێنی دەرچوونیان و دەبێت لەبەر چاویان بن بۆ ئەوەی تووشی ئەم كردەوە نەبن لە هەموو تەمەنەكان.
خواى گەورە نەوەکانمان لە هەمو خراپە و تاوانێکی وا قێزەون بپارێزێ .
-----------------------
#بەکورتى (٤٣٤)
بۆ زانیاری زیاتر ئەم لینکە بکەرەوە
https://walamakan.com/3284

حوکمی سەلام کردنی پیاو لە ئافرەتی نامەحرەم

یەکەم : خوای گەورە فەرمانی کردووە بە بڵاوکردنەوەی سەلام ، وە وەڵامدانەوەشی واجب کردووە ، وە سەلامیشی لەو کارانە داناوە کە دەبێتە هۆکارى زیاد بوونى ڕێز و خۆشەویستی لە نێوان ئیمانداران .
خوای گەورە فەرموویەتی : ﴿ وَإِذَا حُيِّيتُمْ بِتَحِيَّةٍ فَحَيُّوا بِأَحْسَنَ مِنْهَا أَوْ رُدُّوهَا إِنَّ اللَّهَ كَانَ عَلَى كُلِّ شَيْءٍ حَسِيبًا ﴾ . [النساء /٨٦]
وە [أَبِي هُرَيْرَةَ] دەگێڕێتەوە کە پەیامبەری خوا ـ صَلَّى اللَّهُ عَلَيْهِ وَسَلَّمَ ـ فەرموویەتی : (( ناچنە بەهەشتەوە تاکو ئیمان نەهێنن ، وە ئیمانیشتان تەواو نابێت تاکو یەکترتان خۆشنەوێت ، ئایا شتێکتان پێ پیشان نەدەم ئەگەر ئەنجامتان دا بەهۆیەوە یەکترتان خۆش ئەوێت ؟ ، سەلام لە نێوان خۆتاندا بڵاو بکەنەوە )) .

دووەم : فەرمان کردن بە بڵاو کردنەوەی سەلام گشتگیرە و گشت موسڵمانان ئەگرێتەوە ، جا پیاو لەگەڵ پیاو وە ئافرەت لەگەڵ ئافرەت ئەگرێتەوە ، وە پیاو لەگەڵ مەحرەمەکانی خۆیدا ، گشت یەکێک لەوانە فەرمان پێکراوە کە دەستپێشخەر بێت لە سەلام کردن ، وە واجبیشە لەسەر ئەوی تر وەڵامی بداتەوە .
بەڵام پیاو لەگەڵ ئافرەتی نامەحرەم حوکمێکی جیاو و تایبەت ئەیانگرێتەوە لە دەستپێشخەری کردن لە سەلام کردن و وەڵامدانەوەی ، ئەمەش لەبەر ئەو فیتنانەی کە لە پاش ئەوە دێنە کایەوە هەندێ جار .

سێیەم : ئاساییە ئەگەر پیاو سەلام لە ئافرەتێکی نامەحرەم بکات بەبێ تەوقە کردن ئەگەر پیر و بەتەمەن بێت، بەڵام سەلام کردن لە ئافرەتێکی گەنجی نامەحرەم نابێت ئەگەر ترسی فیتنە هەبوو ، ئەمەش وتەی زانایانی لەسەرە ڕەحمەتی خوایان لێبێت .
--------------------------
#بەکورتى (٤٣٥)
بۆ زانیاری زیاتر لەسەر ئەم بابەتە ئەم لینکە بکەرەوە
https://walamakan.com/3587

ئایا ڕاستە نابێ ئافرەت لە ماڵەوە نوێژى نیوەڕۆ بکات تاوەکو پیاوان لە نوێژى هەینى لێ دەبنەوە؟
وەڵام :
ئەو قسەیە ڕاست نی یە ، نوێژی هەینی کاتەکەی کاتی نوێژی نیوەڕۆیە ، هەرکاتێک خۆر لەناوەڕاستی ئاسمان لایدا وبانگی نیوەڕۆی دا ، ئەوا ئافرەتان نوێژی نیوەڕۆ دەکەن هەر چەند هێشتا پیاوان نوێژی هەینیان نەکردبێت ، ئەوەی گرنگ بێت هاتنی کاتەکەیە ، و بێگومان ئەوەی واجب بێت لەسەر ئافرەتان نوێژی نیوەڕۆیە ، وبەهەمان شێوە کەسی نەخۆشیش کە ئامادەی نوێژی هەینی نابێت ئەویش لەماڵ نوێژی نیوەڕۆ دەکات کاتێ خۆر لەناوەڕاستی ئاسمان لادەدات وبانگی نیوەڕۆ دەدات هەر چەند هێشتا پیاوان نوێژی هەینیان نەکردبێت ، چونکە هەندێ لەوتار بێژان وتارەکانیان درێژ دەکەنەوە و نوێژی هەینی زۆر دوا دەکەوێت ، هەر بۆیە پێویست نی یە لەسەر ئافرەتان وکەسانی نەخۆش نوێژەکانیان دوا بخەن ، بەڵکو هەر کاتێک بانگی نیوەڕۆی دا نوێژی خۆیان لەماڵ دەکەن وچاوەڕێ ناکەن تاوەکو پیاوان لەمزگەوت دەرچن و نوێژی هەینی کۆتایی بێت .
وەڵامى زانای پایەبەرز : عبدالعزیز بن عبدالله بن باز رحمه الله
--------------------------
#بەکورتى (٤٣٦)
بۆ زانیاری زیاتر
https://walamakan.com/Besh-59

ئەم نامیلکە بریتی یە لە چەند پەیامێکى گرنگ و بەسوود بۆ ئەوانەى دەیانەوێ هاوسەرگیری بکەن و لە سێ بەشی سەرەکی پێک هاتووە .

بەشی یەکەم : کۆمەڵە پەیامێک بۆ گەنجان لە سەرەتایی دەستنیشان کردنى ئافرەتدا :

بەشی دووەم : کۆمەڵە پەیامێک بۆ ئافرەتان لەسەرەتایی دەستنیشان کردنی هاوسەردا :

بەشی سێیەم : کۆمەڵە پەیامێک بۆ هاوسەران بۆ ساڵی یەکەمی ژیانی هاوسەرێتییان :

زۆر زۆر گرنگە هەموو کچ و کوڕێک پێش هاوسەرگیری ئەم نامیلکەیە بخوێننەوە

لینکی داگرتن و خوێندنەوە
👇👇👇
https://walamakan.com/Kteb-158

وەڵامدانەوەی بانگبێژ باشترە لە خوێندنی قورئان

پرسیار:
کاتێ کەبانگبێژ بانگ دەدات و من لەمزگەوت قورئان دەخوێنم ئایە قورئان خوێندنەکە تەواو کەم ، ودوای بانگ لەسەرەتاوە وەک ئەوەی گوێبیستی بانگ بم وەڵامی بانگ بدەمەوە یاخود لەگەڵ بانگبێژ بانگی دا بێدەنگ بم و وەڵامی بانگبێژ بدەمەوە ؟

وەڵامی پرسیارەکە بە پوختی:
گەر مرۆڤ قورئانی دەخوێند ، و لەو کاتەدا بانگ درا ، باشتر وایە واز لەخوێندنی قورئان بێنێت ، و وەڵامی بانگەکە بداتەوە ، ئەوەش لەبەر گشتگیری ئەم فەرموودەیەیی پێغەمبەر عليه الصلاة والسلام کە فەرمویەتى : ( إِذَا سَمِعْتُمْ الْمُؤَذِّنَ ، فَقُولُوا مِثْلَ مَا يَقُولُ ) روى مسلم (٣٨٤) .
واتە: هەرکات گوێتان لەبانگبێژ بوو ئەوا ئەو هەرچی گوت ئێوەش وەك ئەو بڵێنەوە .
وەهەروەها لەبەر ئەوەی وەڵامدانەوەی بانگ کاتیەو کۆتایی دێت ولەدەست دەچێت .
..........................
بەکورتی (٤٣٧)
بۆ زانیاری زیاتر
https://walamakan.com/3326