ايش انديرلكن ياخياب
الي كان امونسكن غاب🔥💔

صوبي واسنين امراجاتي
جنك ياواتي ع الواتي🔥😔

طرطش عش الي كدنا
طرطشنا ف عز عزانا

بيني وبينك ﯾعزيز مسافه.. بعيده علي وهي عليك اقريب.. ولله ما غلانا هذا رد اسلافه.. نين بالعطابه تنكره واتسيب.. عطيتك غلا ما عمر والي شافه.. امغير انت قيسك ۾ الاقدار اتريب.. الباين أنك فينا أرضيت معافه.. ونا انقولك ف هذي تبقي طيب.. 🔥

عدا ياعيني غالينا.. هلي حيل الخاطر هدا.. هلي بالعيب امكافينا.. يلزم باب غلاه انسده.. انطفي منشاب نوارينا.. جرنانه ماصار انعده.. يسوا ياعيني غالينا.. ماضي له عامات ومده.. عديه وعدي غاياته.. طاح قتيل ابموته شينه.. راح شتاته هو والذود وفزعاته.. عديه وعدي غياته.. سود انعاته..ذود وجاته.. قوم خذاته.. ماعاد الفزعه رداته..

من خوف لمواجع يقتلن الموده.. خذيت لاوره خطوه انريد مسافه.. موش ساهله تكره انسان اتحبه.. والي تشكره يصعب عليك اتعافه..

درت غلا ف عمري مره
مازلت انعاني ف شره💔☹️

كل مانقول انسيت سريبه
نص الليل اتجيبه حلمه😔

حالي حال مريض امعدم
لا مات ولا عاش امسقم🔥

امغير انزل ف دار ركاح
انكان علينا سوك راح👌

مره يادنيا داوينا
رانا ضحكتنا اشتهينا..

عرب واجد ف هالزمان
اصحاب ومن جوا عدوان🔥

ياعقلي وين تباوعتك
جيت انساول فيك فجعتك💔

صاحب صوب عليه اتزنو
فارق ياحساد تهنو

مرات اسكاتك ع العله
يأكل كل شبابك كله..

جرح الفاقد عمره مايبرا
ديما تخنق فيه العبره

دونك يا مولاي انصفلي
خان غلاي وهو حالفلي🔥

غادي ياكاسر خاطرنا
توا غير عليك خطرنا💔

امعاي تعاطب نين ابكيت
اللي نشكيله عمرك ريت😕

اصحاب وسعنا مالاحد
اضايقنا ماجانا حد..