‏ماقدرش أنكر إني محتاج أتطمن، ومحتاج أحس أن اللي جاي من عمري هيختلف عن اللي فات، مش مضطر أقول إني استحملت كتير، ولا عندي ذرة طاقة أحكي عن مغامراتي ومراحل حياتي، أنا بس محتاج أتطمن ولو مرة واحدة إن أنا هعيش الحياة اللي كنت بحلم أعيشها طول عمري ، محتاج أمل إن بكرة هيبقى بتاعي.

اتعلمِ تكوننِ بارده ومتخافيش علي زعل حد عشان لما انتِ زعلتِ محدش خاف علي زعلك.

‏"متخذلنيش فيك !" الجملة دى مش بتتقال من فراغ دى بتتقال من شخص شبع خذلان ف حياته لدرجة إنه بيتشعلق ف حد ميكسرش بخاطره، حد يحس بالمُعاناه اللي جواه، حد يكون قد الثقه اللي بيدهاله، حد باقي عليه ومستحمله في كل حالاته، حد يبقي فاهم انه بيتعامل مع شخص مفيش فيه حيل لأي حاجة .

‏هيفضل من أجمل علامات الحب علي الإطلاق بالنسبالي إن شخص يكون بيفكر فيك و هو مشغول جدا بيسحب نفسه ف وقت الزحمة علشان يكلمك بيخطف الفرصة ف عز السحلة و ممكن يكركب مواعيده عشان يشوفك بتوحشه و هو حواليه كل حبايبه يحس انه محتاجلك حتي لو هو بيعرف يعمل كل حاجه لنفسه افعال ليها معاني كبيرة

الحمدلله اننا لسه بنحسبها حلال وحرام والحمدلله اننا بنندم وبنرجعله دايماً.

‏- أحسن حاجة ممكن تعملها أنك تحافظ على مسافة كافية بينك وبين الناس عشان تفضل تشوفهم حلوين، لأن الناس من بعيد دايما أحلى.

"كل هموم الدنيا دي تهون بعلاقة واحدة ناجحة في حياتك، سواء بعيلتك أو صديق أو حبيب، مجرد فكرة إن فيه شخص واحد حتى فاهمك وبيشاركك مشاكلك دي كفاية، زي ما قال فؤاد حداد "حمل الليالي خفيف لما يشيلوه إتنين".

مينفعش تلوم حد على قلة أصله أو عدم تربيته.. أصل هتقول له إيه!.. "على فكرة أنت ماتربتش".. طب ما هو عارف!.. هتسأله: "أنت ليه ماتربتش؟".. طب ما هو عاجبه حاله ومتعايش معاه.. الناقص بيعوض نقصه بـ طول اللسان، والنميمة، والتجريح في اللي هو عارف إنهم أنضف منه.. العايب مينفعش يتعاتب لكن تكرم نفسك بالبُعد عنه.

لما يحصل مشكله او خلاف بينك وبين اقرب ناس ليك وكل حاجه تبقي واضحه قدامك من اللي حواليك وتعرف حقيقتهم و ورقهم يبقي مكشوف هتفضل تندم علي كل حب وخير قدمته هتندم علي جدعتنك وطيبتك وعفويتك هتندم علي عمرك اللي ضاع معاهم هتندم علي كل حاجه كانت بجد ووقتها هتتمني لو انك فضلت زي مانت معمي مش شايف الحقيقه وهتقول يارتني فضلت شايف الحلو الحلو بس يارتني فضلت زي منا …

"شعور جميل جدًا أن يكون لك شخصٌ مقرَّب تحكي له كل يوم عن تفاصيل يومك وعن الصعوبات التي واجهتك وعما ضايقك وما أسعدك ويستمع لك بكل حب ويساعدك ويوجَّهك للمسار الصحيح.. شعور جميل جدًا أن تمتلك شخصًا يفرح لفرحك ويحزن لحزنك ويشاركك كل شيء ويُهوِّن عليك كل شيء وتشاركه تفاصيل يومك وتكرر الحوار كل يوم ولا يملّ منك أبدًا.. تخبره عن كل شيء من أول خروجك من المنزل حتى عودتك وعن أكلك وعن أفعالك وعما فعلته اليوم وعما ستفعله غدًا وتشاركه ويشاركك كل شيء، هذا شعور جميل لأبعد الحدود."

لما جيت أسأل نفسي إيه هي الحاجة اللي تستاهل إن الواحد يحارب عشانها؟ فالإجابة كانت "راحة البال"؛ وفعلًا الراحة هي الحاجة الوحيدة اللي المفروض كُلنا نحارب عشان نوصل لها، لإن من غير شُعور الراحة مُستحيل تستمتع بأي حاجة في حياتك، لا فلوس ولا شُغل ولا نجاح ولا أي حاجة طالما بالك مش رايق، فحرفيًا الراحة هي أكتر حاجة إنت مُفتقدها في حياتك، ووجودها هيفرق معاك كتير جدًا.

‏مقتنع جدآ إن اللي عايز حاجه بيعملها وإللي نفسه يحافظ ع حاجه بيقدر مهما كانت الظروف ، وإن الحجج والمبررات مبتطلعش غير من إنسان معندهوش اي رغبه ف الاستمرار وإن العلاقات بتنتهي ع ايد حد مكانش ناوي يكمل فيها من الاول ، في مقوله بتقول " المستعد للشئ تكفيه أضعف اسبابه '!♥️

حقيقي ولا مرة مليت من الصبر، يمكن بزعل على ظروفي، وبزعل إني اتمنيت وما نولتش وكان نفسي في حاجات لكن ربنا مأرداش، وبزعل أحياناً على حياة مكانتش اختياري وأوضاع اتفرضت عليا، لكن والله ما يأست ولا شعور الهزيمة اتمكن مني، ومؤمن وكلي يقين إن ربنا هيعوضني وشايلي الخير كله وهعيش صابر ومتحمل لحد ما ييجي اليوم دا بعون الله .

مُحزن أوي شعور إنك ماعملتش حاجة في حياتك غير كونك عايش بتستحمل ، عايش بتتجاوز ، عايش بتصبر ، عايش بتقول بكرة أحسن وربنا شايلي خير .. فيارب عوض قلوبنا على قد صبرها وعلى قد كرمك

مش كل حاجه بتضيع من أيدينا بتكون مناسبه لينا ، أو هتكون سبب سعادتنا ، في حاجات لو مضاعتش هاتضيعنا أحنا ، ، فالأحسن نسيبها تضيع ولو نصيبنا فيها وخير هاترجع ، ولو مش خير ربنا هايعوضنا بالأحسن

"والذى لم يأتيك به الله وبَكيت عليه سَتحمد الله عليه غداً "

بقت حاجة مرعبة جدًا أن أقرب حد ليك يتحول بالتدريج لحد غريب عنك، كلامكم يقل، وجوده زي عدمه، متتوقعش منه حاجة، حتّي لما تزعل منه تسكت متعاتبهوش.. كل حاجة معاه تبقي عادية.. بعد ما كانت أقل حاجة بيعملها بتبسطك.

‏والله الإنسان مش عايز من الدنيا غير سلامة قلبه ويكون في المكان اللي بيحبه لا يضرّ ولا حد يضّره، اللهم ارزقنا السماحة والذكر الطيب وسلامة الصدر بعيدًا عن الدنيا ومافيها

"التراكمات مؤذية فوق ما تتخيل، لا تسمح لها توهمك انها راح تتلاشى بتجاهلك لها، جزء كبير من الحزن الداخلي فيك هو هذه التراكمات، اعطيها وقتها، اطلقها للخارج، تفاهم معها، حتى لا يأتي يوم تصبح فيه اعقد عليك من ان تفهمها." 🖤

*"لَن أعاتـب أحـداً بَعد اليَوم فـكُونوا كَمـَا تُريدون 🖤"'