“የሚወደኝ ሁሉ በጨለማዬ ውስጥ ሰምጬም ቢሆን ይወደኛል ብዬ አስብ ነበር።

በነፍስ ቁስል ተሞልቼም ቢሆን፣ ራሴን መውደድ በተሳነኝ ጊዜም ቢሆን ይወደኛል ብዬ አስብ ነበር።

ነገር ግን አይደለም።

ማንም የዋሻ ጉድጓድ ውስጥ እጁን አያስገባም። አያስብምም።

ሁሉም በደስተኛው መልካችን ላይ ብቻ ነው የሚፈልገን።

ጨለማው የኛ የግላችን ነው ! ”


-Unknown poet 🙌

በውሽንፍር ውስጥ ነበር ያየኃት...የሆነ ሰቅጣጭ አየር...እየጣደፈች ስትሄድ ነበር...ያለ ጥላ...እኔ እያነከስኩኝ ነበር...ከደረሰብኝ የመኪና አደጋ ላመል ማገገሜ ነበር...

ትዝ ይለኛል ተጨማሪ እረፍት ልጠይቅ ወደ መስሪያ ቤት እየሄድኩ ነበር...የመኪናዎቹን ፍጥነት ያላገገመ እግሬ የሚቋቋም አልመሰለኝም...የዜብራ መንገድ ጫፍ ላይ ቆሜ በመኪናዎቹ እየተበሳጨሁ ነበር ያየኃት....'ምን አይነቶቹ ህሊና ቢሶች ናቸው...ዜብራ ላይ መቆሜን እንዴት አያስቡም' እያልኩ በውስጤ ሳጉተመትም ነበር አጠገቤ የቆመችው....'እነዚህ እኮ ካልገቡባቸው አያቆሙም' ብላ አየችኝ....'መፍጠን ስለማልችል ነው የቆምኩት...'...አልኳት ወደ እግሬ እያየሁ....እጄን ያዘችኝ....ከዛ እርምጃዋን በእኔ ልክ ገታች...'እየተጣደፈች አልነበር አሁን ምን ጎተታት' ስል ልቤን ሞገትኩ....'እንጃ' አለኝ ልቤ....'ውሽንፍር አይደል እንዴት አብራኝ ልትበሰብስ ወደደች....'....ጥያቄ ደገምኩ....'እንጃ'....መለሰ ልቤ....

በመጨረሻም ዜብራ መንገድ ላይ አይተው እንዳላየ ያለፉኝን ሹፌሮች አመሰገንኩ..ያጣደፋቸውን ጉዳይ መረቅኩ...ሌላው ሳይቀር የገጨኝን መኪና ወሮታ መክፈል ቃጣኝ....አንዳንዴም ወለምታ ቆንጆ ነው ለካ.....እንኳን አመመኝ....



✍Shewit



join for more👇


https://www.tgoop.com/shewitdorka
https://www.tgoop.com/shewitdorka
https://www.tgoop.com/shewitdorka

ብታይ ምንም በኔ ምርጫ የሆነ ነገር የለም።አብዛኛው የሚወደኝም፥ሆነ የሚጠላኝ፣የምወዳቸውም ሆነ የምጠላቸው ነገሮች የኔ ምርጫ አይደሉም፣መልኬ የኔ ምርጫ አይደለም፣ይሄን አፍንጫ ይሄን ጥርስ ይሄን መልክ ስጠኝ አላልኩትም።

ቢገባሽ አሁን ያለሁበትን አካባቢም ሆነ አሁን ያለሁበትን ሁኔታ አልመረጥኩት ይሆናል።ባልመረጥነው ነገር ለምንድነው የሚወቅሱን?የተመረጠልንን ነገር መቀበላችን ጥፋት ነው?ብታውቂ አሜን ብለን ከመቀበላችን በፊት ለመቀየር ብዙ ሞክረናል፥ቶሎ እንዳልተሰጠን ሁሉ ቶሎ መቀየር አልቻልንም።ምናለ እስክንቀይረው ድረስ በወቀሳችሁ ያለንበትን እንድንጠላው ባታስገድዱን?
ሰዎችን ከእነ እንከናቸው የሚወዱ ሰዎች ወደየት አሉ?ገራገር ሰዎች አሉ አይደል?ፈጥረሃል?

፨፨፨፨፨፨፨፨፨፨፨፨፨፨፨፨፨፨፨፨፨፨

ቢገባሽ ወዳንቺ የመጣሁበትን መንገድ መርጬው አይደለም።ምናልባትም የማውቀው፥ የተመረጠልኝ መንገድ ይሄ ብቻ ነበር።በርግጥ ከማውቃቸው ሴቶች መካከል መርጨሻለሁ።ቢሆንም አንቺን ማወቄ እንጂ አንቺን መውደዴ የኔ ምርጫ አልነበረም።ወደ መንገዱ ያመጣን ማን እንደሆነ ባላውቅም አብረን እነድንጓዝ ፈልጉ ነበር።ምናልባት ያለያየን ወደ መንገዱ ያመጣን ነው።

አንዳንዴ ምንም ሳንሆን መጣላታችን ይገርመኛል፥ታውቂያለሽ አሁቃለሁ ምንም አላጠፋሽም አላጠፋሁም።በቃ አላውቅም አንደበፊቱ እንዳናወራ፣እንደበፊቱ አብረን እንዳስቅ የሚያደርግ የሆነ ነገር አለ፥እሱን ሁለታችንም አናውቀውም።ምናልባት ያገናኘችን ይቺ ወረተኛ አለም እንድንተዋወቅ፥እንጂ አብረን እንድንኖር አላገናኘችንም።

ምናልባት ይቺ ማትረባ አለም በገደብ እና በመደብ አጥር ስላጠረችን፣አጥሩን በፍቅር መሻገር ተስኖናል።


ውዴ ግማሹ ሰው ሊመርጥ ግማሹ ደግሞ ሊመረጥለት ይሆን የተፈጠርነው?

እኔ አላውቅም አንቺስ?


ከ ተ ቀ ደ ደ ው ማስታወሻ
©ሶፊ

ስንለያይ...ትተሺኝ ስትሄጂ...


አንቺ ያጣሽው እኔን ብቻ ነው።



እኔ ግን ያጣውት አንቺንም እኔንም ነው !




ከ ተ ቀ ደ ደ ው ማስታወሻ
©ሶፊ

ከፃፍኳቸው ሁሉ ምርጡ ደብዳቤ !

(Sad stories always hit differently!)

አሁን የሚናደድብኝ ሰው የለም....የሚወቅሰኝ....ለምን የሚለኝ...በቃ ሰላም።

ራሴን በመስታወት እያየሁ ""ሰላም አካል ለብሶን አይደል እንዴ ምመስለው"...እያልኩ እፈግጋለሁ....በቃ ሰላም።

አሁን የማጨሰውን ሲጋራ እየቆጠረ በምምገውና በምተፋው ጢስ ቁጥር ልክ ቃል የሚተፋብኝና ለሚቃጠለው ሳንባዬ ጥብቅና የሚቆም የለም.....በቃ ሰላም።

"ስትሰክር ከእኔ ጋር ጉድ ጉድ እንዳታስብ...."....ብሎ ጀርባውን የሚሰጠኝና ጦም የሚያሳድረኝ የለም...ስሜ እስከሚጠፋኝ ጠጥቼ የምታንጎዳጉደኝን መርጬ ይዤ ገባለሁ....በቃ ሰላም።

"ስራ ስራ እንጂ....ወጣትነትህን እንዲሁ ዝንቦ ዘሪር ሰው በመሆን አትጨርስ...."....የሚለኝ ድምፅ ተኗል....ከመሰሎቼ ጋር እውላለሁ....በቃ ሰላም።

"ይሄ የእጅ አመልህ አንድ ቀን ይገልሀል...ተው ግን ተው አስብ...."....ትለኝ ነበር ኪስ አውልቄ ስገባ....

"ሰው አያልቅስብህ...የሰው እንባ እሳት ሆኖ ያቃጥልሀል...እስቲ አስበው የታመምከው አንተ ብትሆንስ...."...ትለኛለች  ልብሴን ልታጥብ ኪሴን በበረበረችበት ያገኘውን የህክምና ማስረጃ...የመድሀኒት ማዘዣ እና የመሳሰሉትን አንጠልጥላ....

ምንም አልመልስላትም...ምክንያቱም ምንም ስለማይገባኝ...ዛሬ ላይ እስክደርስ ብስጭቷ፣ምክሯ፣እምባዋ ሁሉ ለእኔ ፌዝ ነበር....አሁን አሁን ግን ያቃጥለኝ ይዟል....



ሳምባዬና ኩላሊቴ ተባብረው ሲከዱኝ.... በሽታዬ ከአይኔ ሲያሳብቅ...ሰውነቴ ሲሟሽሽ...ልብሴ እላዬ ላይ መሽተት ሲጀምር....መኖሬን የሚያስተውል ሰው ሲጠፋ...ሞት ሞት ሲሸተኝ....ይሄኔ ኪሳቸውን ካወለቅኳቸው ሰዎች በላይ  የእርሷ እንባ እየፈጀኝ ይመስለኛል...

..አሁን የምምገውን ሲጋራ በምቅመው ክኒን ተክቼ ለመኖር እየታገልኩ ነው....ማሂ ከሄደች ሰነባብታለች....አውቃለሁ አትመለስም....


"ምንም አይቆጨኝም....የቻልኩትን አድርጌያለሁ....ያልቆጨው ደግሞ አይመለስም...."...የመጨረሻ ንግግሯ ነበር.....ይበለኝ።



Inspired by the book
...... "ምክር ለወዳጅ"......


"ያለ ይሉኝታ የሚገስፅህ ወዳጅ ብታጣ እርሱን እስክታገኝ ቢያንስ ያለ ይሉኝታ የሚገስፅህ እብድ እንዲሰጥህ ፀልይ....መልካም መካሪ ካለ ህይወት ቀላል ነው...."




✍✍Shewit



የምታተርፉበት ቻናል ነው...ገባ ገባ እያላችሁ
👇👇👇👇
https://www.tgoop.com/shewitdorka

ነገ ልደቴ ነው...ሶፊ ተወለደ ።

መልካም አዲስ አመት ተወዳጆች።
©ሶፊ

ሶፊ ታሟል ፤ ከህመም ጋር እየታገለ ነው። ድኖ እስኪመለስ በፀሎት አስቡት።

ጓደኛው።

ሰላም ተወዳጆች ሶፊ ነኝ...ሁላችሁንም አመሰግናለሁ ከሶስት ወር ህመም በኋላ ፤ እግዚአብሔር ይመስገን አሁን ደህና ነኝ ፤ ለውጥ እያየሁ ነው...በቅርቡ ሙሉ ለሙሉ እንደምድን ተስፋ አደርጋለሁ።

ስለመልካም ምኞታችሁ እና ፀሎታችሁ አመሰግናለሁ ።

"የስራ ባልደረባዬን ዛሬ ጥሩ ስሜት እየተሰማኝ አይደለም ልረፍና ነገ በጠዋት እገባለሁ ..." ብዬ ሄድኹ።(ወደ ስምንት ሰዓት ገደማ ነበር።) ከዛ ቤት ገብቼ ምግብ በላኹ እና ተኛኹ...ጠዋት ግን እንዳሰብኹት አይደለም ስራ መግባት ከአልጋ መውረዱም ከበደኝ።ነገ የአንተ አይደለም ሲሉኝ አልገባኝም ነበር ። ህመሙ በርትቶብኝ አደረ። ቀን ቀንን እየተካ ሦስት ወራት በሚያሳቅቅ ስቃይ አለፈ። አለፈ ! የማያልፍ ስቃይ የለም ።


አሁንም እግዚአብሔር ይመስገን እያገገምኹ ነው።
©ሶፊ

አንዱ በinbox ቀጥ ብሎ መጣና "አረ ሶፊ channelህን እኮ ሆስፒታል አደረከው ስለ ህመም ብቻ ነው የምታወራው " አለኝ።

ያልተያዘ አሉ አበው...ብልጭ ብሎብኝ ብህሬን አነሳውና የተቀደደው ማስታወሻ ላይ እንዲህ ፃፍኹ

ማን ብዬ ልሰይምሽ ?

ቤተሰቦችሽ መልአኩ ሹክ ብሏቸው ያወጡልሽ ደስ የሚል ስም ቢኖርሽም ፤ እኔ የእኔ መሆንሽን የሚያመለክትልኝ መጠሪያ ልሰጥሽ ፈለግኹ ። መፅሐፍ ፦ በትዳር ለተጣመሩ ጥንዶች ፤ ቤተሰባቸውን እንደሚተው ይናገራል ። እኛ አልተጋባንም ፥ ነገር ግን ልንጋባ ቃል አለን። ያ የተገባባነው ቃል የልብ ልብ ሰጥቶኝ ነው መሰል ፤ ለእኔ ስትይ ቤተሰቦችሽን መተውሽ ሳያንስ እነርሱ የሰጡሽንም ስም መቀየር ፈለግኹ።ባለቤትሽ ልሆን ፤ የግሌ የእኔ ብቻ ላደርግሽ ።

ማን ብዬ ልሰይምሽ ?

ውብ ነሽ ! ውቢት ልበልሽ ? ውቤ ከረሜላ እያልኹ ላዚምልሽ...አይንን ለሚያጠግበው ውበትሽ መወድስ ላቅርብለት ? ስያሜሽን በውበትሽ በኩል ልጠቅልለው ? አዎ በእርግጥም ውብ ነሽ ! ነገር ግን ከሌሎች እንስት መሐል ልቀሽ የታየሽኝ ፤ የመረጥኩሽ በውበትሽ ብቻ አይደለም። እንደ ቻይና ጫማ ከሩቅ ስበሽ የግል ሲያደርጉሽ አታቃጥይም ። ውበትሽ አይንን አጥግቦ ልብን አያስርብም ። ውበት ላንቺ ጥቅል ስም ሊሆን አይችልም ።

ማን ብዬ ልሰይምሽ ?

በጣም ስለምታሳሽኝ ስስቴ ልበልሽ ? አይሆንም በዚህ ስያሜ የቀድሞ ፍቅረኛዬን ጠርቻታለኹ። አይሆንም ለአንቺ አዲስ ስያሜ ነው የሚገባሽ ፤ የአንቺ መጠሪያ ሌላ ማንንም እንዲያስታውሰኝ አልሻም ።

ማን ብዬ ልሰይምሽ የኔ ልዕልት ?

እንደውም መጠሪያ ሊሆኑ በሚችሉ የፍቅር ቃላት ላይ ሁሉ "የእኔ" የሚል ተቀጽላ ጨምሬበት እጠራሻለሁ... !

ዋናው የእኔ መሆንሽ አይደል...
የእኔ ጠይም
የእኔ ስስት
የእኔ ውብ



ከ ተ ቀ ደ ደ ው ማስታወሻ
©ሶፊ

Voice over ብታሰሩኝ ደስ ይለኛል ።
ይሄን የመሰለ ድምፅ ወሬ ብቻ እያወራውበት መክሊቴ ባከነ...😁

እንዲህ ነው የሆነው...


አንዳንድ ህመም ህክምናው ከህመሙ ይልቅ ያማል።

ሁለት ምርጫ ይኖርሃል :
፩. ህመምህን በማስታገሻ ማባበል
፪. አንድ ጊዜ በደንብ ታመህ ህክምናውን መውሰድ ።

በማስታገሻ ያስታመሙት ህመም አንድ ቀን ማስታገሻውን ለምዶት ይቋቋመው ይጀምራል።

በዚህ ስንጥቅ ውስጥ ነፍሴ ዳከረችና...ፍርሃቴን ተጋፈጥኹት ። አንድ ጊዜ ታምሜ መታከሙን መረጥኹ።


የምሞት መስሎኝ ነበር ፤ ድጋሚ የመኖር እድል ተሰጠኝ ።
©ሶፊ