السلام عليكم..
الدفعة 49 ..
المايكرو السنة حنشرحها في قناة خاصة عالتيلي..
حنزل 4 محاضرات أسبوعيا و حنقرا كل شيت من شيتات الجامعة ونشرحه وسبورات الشرح والتشيير حينزلن مع كل محاضرة  pdf في تصوير مركز ليبيا .. القناة حتوفر عليا وعليكم وقت و حيكون فيها إستفادة و انا اللي حنزل فيها اول بأول..
الاشتراك يندار في ريسبشن مركز ليبيا و ادز الايصال للمعرف متاعي @Elammari
و الفارما مع د.ايمن حتكون بنفس الطريقة..ادير ايصال فارما و ادزه للدكتور عالمعرف متاعه  وهو يضيفك @degwaly وحتي هو حينزل 4 محاضرات اسبوعيا..
قيمة الجزئي الاول :
150 مايكرو
150 فارما ..
لو تبي الاثنين مع بعضهن حتكون 250
..

قيمة الجزئي الثاني :
150 مايكرو
150 فارما
ولو تبي الاثنين مع بعضهن 250

...
قيمة ما بعد الجزئي الثاني و معاه المعمل
150 مايكرو
150 فارما
....
لو تبي المادتين كاملات بالمعمل من البداية قيمتهن  800 ..

كل بداية سنة نتعرض لحملة تشويه سوا في البايو أو المايكرو و اصبحت عادة سنوية بمجموعة اكاونتات و أسماء وهمية و الغرض توجيه الطالب وانه ما يخشش عالعماري حتي مرة ولا يخطم عليه بكل و السنة الجرعة زايدة شوية خصوصا في البايو و أنا حاب ننصح الناس هضوما ان اللي اديروا فيه شهادة زور اللي تعد من الكبائر و راهي تخلي في رزقك حرام  وشخصيا خصيمكم يوم القيامة و والله ماني مسامح و الشي الاخر راهو الله سبحانه وتعالى تفرد بصفة الرزاق لنفسه و لو فاتح في براكة راهو رزقي حيوصلني و انتم رزقكم حيوصلكم ومش حيجيكم أكثر منه .. بالنسبة للمراكز اللي هذي سياستها راكم غير مكلفين ارواحكم و دايرين ميزاينة للموضوع و انا والله العظيم ما تقدروا عليا إلا ان يشاء الله و راهو انا ولد بيئة صعبة وما نخسرش بالساهل  و ماحد مشطلي شعري عالجنب  ولا صرف عليا وأنا صغير و تربيت بين عدة منازل و خوال وعمام و كل مرة مكان و صنعت اسمي بروحي ونعرف معاناة الطالب وانه مش سلعة ونعرف معاناة ولي الأمر و كيف تاعب في دراسة ابنائه و لذلك نحاول نخفف عليه وما انزيدش عليه ..
محاولات الاستقطاب وانك تشوه خصمك هضا دليل ضعف وانك خايف الناس تمشي تشوفه كيف يشرح وكيف يعطي و انا شخصيا لا عمري استخدمت اكاونتات وهمية و لا وجهت موظفين او طلبة انهم يكتبوا او يمشوا للجامعة ويشوهوا ولا حنديرها ولا حنسمح ان المركز متاعي يديرها و لا حنسمح انه ينزل للمستنقع هضا بتاتا.. رزقنا علي ربي و ماهوش موضوع كبير عليه وأرجوا الله لكم ان يهديكم و حسبنا الله ونعم الوكيل ..
والسلام عليكم

للأهمية
والدة احد طلاب الطب ( دفعة 48 ) تعاني من مشكلة صحية مستعجلة.. العين اليسار فيها انفصال في الشبكية والعين اليمين فيها نزيف و موضوعهن مستعجل و مكلف نفس الوقت..
حنبدوا من بكرا الصبح في تجميع المبلغ ( حوالي 9000 ) في مركز ليبيا التدريبي"Libya Training Center " مقابل جامعة العرب الطبية.. حيكون فيه صندوق لتجميع المبلغ و حنكون انا موجود الصبح و الموظفين موجودين.. اي حد حاب يطلع علي التقارير والصور حيلقاهن قدامه بإذن الله تعالى.. واي حد يبي واحد يجيه لعنده يراسلني وحندزله حد من شباب المركز.
وان شاء الله في ميزان حسناتكم جميعا وبارك الله فيكم

السلام عليكم..
بكرا ان شاء الله وانتم طيبين حنبدا محاضرات المايكرو في المركز ( مركز ليبيا )
حتكون من 9 _ 12
وبعدها باثو من 12 _ 2 .
بالنسبة ليا طالب المركز يقدر يخش للقناة الخاصة اللي فيها الفيديوات و طالب القناة يقدر يحضر في المركز من دون قيمة إضافية..
القناة العامة حتبدا من بكرا مع بداية المحاضرات ان شاء الله و حتكون متاحة للجميع..
د.محمد العماري

السلام عليكم..
سنة ثانية طب حيوي
الف الف مبروك للناجحين..والناس اللي عندها دور ثاني تاخذ سوكم و نسأل الله أن يوفقكم..
الناس اللي محتاجة القنوات الخاصة متاع الدور الأول في جميع التخصصات..حينشرهن لكم
@alex_7amad
بالنسبة للسايتو..

و باقي التخصصات حتنشرلكم
@FAFY_LM2
روابطهن..
وحاب نشكرهم هم الاثنين علي حسن تعاونهم ومجهودهم..
والقنوات راهي حتكون مجانية ونسأل الله التوفيق والنجاح للجميع

والصبر يعرف من أنا منذ الصبا
وشمٌ له في أضلعي منحوت
فنشأت تحت الضيم غير مرفه
ما راعنى الحرمان والطاغوت
وأنا الذى دفن اللئام منابعي
وطوى يدى بسحره هاروت
أرأيت حيا ميتا متماسكا
متفائلا وله الآمال قوت
هذا أنا.. سرقت شبابى غربتى
وتنكرنى أعين وبيوت

رائعة: ضاقت عليا كأنها تابوت
للشاعر كريم العراقي

دأبت على تشجيع نفسي وساستمر بإذن الله تعالى

للأهمية

https://www.tgoop.com/Elammar8

قناة طبية حنقدموا فيها معلومات وفيديوات طبية مبسطة ومفيدة للجميع

خطورة التدخين .الجزء الأول . فرصة في شهر رمضان المبارك لترك التدخين

خطورة التدخين..الجزء الثاني.. شنو تستفيد لو سيبت الدخان؟ رمضان فرصة ذهبية

30 يوم تمر .. شنو الفائدة؟

أشكو إليك أمورًا أنتَ تعلمُها، ما لي على حملِها صبرٌ ولا جلدُ.

"أتيتُكَ بِما تبقَّى منِّي.. فأعِنِّي يا الله ."

كل سنة وانتم طيبين وبصحة وسلامة..
نصيحتي لكم.. أي عبادة بدأتها في رمضان وأستشعرت تأثيرها في نفسك و روحك و جسدك..داوم عليها ولا تتركها و الله حيزيد يفتح عليك و ديما أسألوا الله من فضله و اسألوه من رحمته و كرمه