tgoop.com/blogger_Abdullayev/5503
Last Update:
Ўзбекистон Республикаси Мактабгача ва мактаб таълими вазири
ҳурматли Эъзоза Каримовага
МУРОЖААТ
Ҳурматли Эъзоза Каримова!
Сиз раҳбарлик қилаётган вазирлик тизимида таълим сифатини ошириш мақсадида жорий этилган янги баҳолаш тизими мамлакатимиздаги қатор мактаблар учун янги имкониятлар эшигини очмоқда. Албатта, ушбу ташаббус ўқитувчилар меҳнатига ҳаққоний баҳо бериш ва уларни муносиб рағбатлантиришда муҳим аҳамият касб этади.
Бироқ, жорий йилда Тошкент вилояти мактаблари орасида ўтказилган баҳолаш натижалари таҳлилида жиддий адолатсизлик ҳолатлари кузатилганини таъкидлашга мажбурмиз. Хусусан, Чирчиқ шаҳар 18-умумтаълим мактаби педагоглари 88 балл тўплаб, вилоятда энг юқори кўрсаткичга эришган бўлса-да, уларга 40 фоизлик устама ўрнига атиги 10 фоиз устама тайинланган.
Шу билан бирга, Пискент тумани 4-мактаби 83 балл тўплаган ҳолда 40 фоиз устама олгани баҳолаш жараёнида шаффофлик ва адолат мезонлари тўлиқ таъминланмаганидан далолат беради.
Ҳурматли вазир!
Сиз раҳбарлик қилаётган тизимда амалга оширилаётган ислоҳотларнинг асосий мақсади — устоз ва педагоглар меҳнатини холисона баҳолаш ҳамда уларни муносиб рағбатлантиришдан иборат. Бироқ амалда кузатилаётган бу каби ҳолатлар тизимда шаффофлик ва адолатнинг тўлиқ таъминланмаганини кўрсатмоқда.
Шу муносабат билан Сиздан мазкур масалани шахсан назоратга олишингизни, баҳолаш натижаларини қайта кўриб чиқишингизни ва Чирчиқ шаҳар 18-мактаби педагогларига ҳаққоний устама тикланишини таъминлаш бўйича зарур чоралар кўришингизни сўраймиз.
Адолатсизликка йўл қўйиш таълим тизимидаги ислоҳотларга бўлган ишончга путур етказиши аниқ.
𝐌𝐚𝐧𝐳𝐢𝐥𝐢𝐧𝐠𝐢𝐳𝐧𝐢 𝐲𝐚𝐪𝐢𝐧 𝐪𝐢𝐥𝐮𝐯𝐜𝐡𝐢 𝐌𝐨𝐛𝐢𝐥𝐞 𝐭𝐚𝐱𝐢 +998715010505
Ishonchli va sifatli yangi turar joy majmuasi - @yulduzpremium
©Blogger Abdullayev
Obuna bo'ling
https://www.tgoop.com/+P8S52SBhMmQwMTBi
BY Blogger Abdullayev
Share with your friend now:
tgoop.com/blogger_Abdullayev/5503