‏عن منة الناس يكفينا بياض الوجيه
‏فِ حزةٍ ياكل الذيب الجويع ولده .

‏اتجلّد والمشاريه في صدري ثقال
‏كل يوم أدفع ضريبة سماحة نيّتي

‏الخلا اللي كل ما أضيق ناداني تعال
‏يا كثر ما له جمايل على نفسيتي.

إخترت نفسِي ما رضيت الهزيلات
‏يقْسى عليّ الوقت وأقول عادي

‏مرَّات أحس الحظ عاثر ومرَّات
‏أعاند ظُروف الزِّمن بإجتهادي

‏صعب ولا تعجبني كثْر العلاقات
‏وبعالمي أحب أكون انْفرادي .

مهما وصلنا من تطور حضاري
ما فيه احلا من حياة البداوه.

ليا منّا لقينا كل بابٍ للأمل مسدود
‏طرقنا باب ربٍ ما عليه أقفال وحراسة.

‏جمّل الله حال من يبغى الجماله
‏لو ظروف الوقت عن طيبه تحدّه.

ما تعنّ إلا الخيول وما تقاد إلا البهايم
‏ومايبرك للحمول الكايدات إلا جملها

‏والهلايم ورثة عفون الرجاجيل الهلايم
‏لو تجملها لحاها ما يجملها عَملها .

ماني مفتش في خفا كل مدسوس
‏ولاني براعي صحبة مالها ساس

‏خذيت من وقتي تجاريب ودروس
‏وعرفت وشلون اتعامل مع الناس .

‏الطيب اللي راحت الضيف تعنيه
‏ولا ،، يصور ،، زاده ، ولا يبذر

‏ما هوب خبلٍ كن قلبه يباريه
‏حتى لو انك تحذره ما تحذر

‏يوجه فلاشه على عيون لافيه
‏يالله عساها تاكل عيونه الذر

‏الرجل لا كثرت عليه المشاريه
‏ماعاد ، يقبل ، عذره اليا تعذر.

حافظ على مجد(ن) تعب فيه شايبك
واحفظ سلومه زين واحفظ مباديه.

‏مساء الـ :

خلك أبخل شخص في سوق الكلام
وخلك أجبن شخص في طعن القفا.

‏كيف ألتجي و اتودد للقلوب الشحاح
وانا ولد من يدينه بـ العطا مسرفه

من قال عني شفه يومه تعثر و طاح
وش فيه ماقال عني يوم اوقف شفه

اقسى المحطات مابين الفشل و النجاح
كم ضاع فيها شجاع و رد عن موقفه

ياجعلني في عيون الناس قصّة كفاح
لو كنت في عين نفسي حادثه مؤسفه.

القلوب البيض من صكّات بقعاء ماتغير
‏ما تجيب الا البياض الي تعودّ به لاهلها

‏لو خذلها الي كلامه زين ، وذراعه قصيّر
‏اعرف ان الي يعلم الغيب كله ماخذلها

‏حافظ المعروف يبلغ فيه معروف صغيّر
‏وناكر المعروف لو تمدله ، يمناك اكلها .

‏مافيه أجودي الا له اصحاب ولْه اعدا
‏تجيه العلوم سنود و تروح منتحيه

‏و أبو زيد لو بنته تمر العرب جردا
‏طبيعي تجي وتروح ماهيب مستحيه

‏قالوا وقف الترميز فالشعر قلت ، هدا
‏بقى كلمةٍ في تالي السطر منمحيه

‏أبو لحيةٍ سمحا وأبو لحيةٍ جردا
‏غدو في عجاجة واحدٍ مامعه لحيه.

المشكلة احيان …. تبغى مشكله
تنهي مشاكل من تمشكل وابتلش.

‏يارفيقي صرح الافعال ميدان الرواه
‏والكرم كيف تحوز النعم شريبته

‏بعد ضحك الناجد اللي يبرهج من نصاه
‏اول اقرا الضيف عند العرب ترحيبته

‏يعرف الطيب مكانه ويعرف مستواه
‏والردي لا شاف نفسه تهون مصيبته

‏الجم افواه الشماميت وافواه الوشاه
‏واترك اللي تجمع ذنوب غبنه غيبته

‏اغتنم دينك ترى الدين يامال الغناه
‏هو سلاحك من صدوف الزمان وخيبته

‏عش حياتك ذيب بين الدها والانتباه
‏الرجل توكل حقوقه لازادت طيبته

‏والتزام الصمت لـ الرجل يرفع مستواه
‏آيحفظ زلة لسانه ويفرض هيبته

‏سمعة الرجال طوق مثل طوق النجاه
‏ان حضر تكفيه ون غاب تحما غيبته.