سبحان من جعل حزني يختفي بإبتسامه سبحان من جعل ف وجهي قبول لكل من أراني شكر ف من رباني سبحان من علمني كيف أن انسي من آذاني ولو بكلمه سبحان من جعل ف قلبي طيبة تحكي ع كل لسان اللهم لك الحمد والشكر ع هذه النعم❤️

لاتدرى لعل الله يحدث بعد ذلك أمراً 💙

السلام عليكم ورحمه الله وبركاته
عارفه اني غبت مده ع اللي وجودي فارق معاهم وعارفه انهم زعلوا ع تعبي بس حابه اقولكم حاجه واحكي عن حاجه الدنيا بجد مش مستاهله مش مستاهله حاجه خالص كنت بقول خلاص الساعه اللي هفوق فيها مش هقوم التانيه حقيقي اصعب فترة مرت عليا اني اكون تعبانه كده اني اكون فقدت الاحساس بكل اللي حواليا ان الكل يكون فقد فيا الأمل اني اقوم تاني فكرة انك تكون بتموت من التعب ومش عارفين يحددوا التعب اللي عندك فكره متعبه اكتر من تعبك المقصد من كل دا الحمدلله ع كل حال الحمدلله اني بقيت بمشي ع رجلي اللي كانت ورمت وصعب اقف عليها الف شكر والف حمد ميت مره انا ف احسن حال من ناس كتير تعبانه فكرة اني اتحول من مستشفي لمستشفي بسبب شوية تعب ومن ضمن المستشفيات اني ادخل مستشفي اشوف فيها منظر مرعب يتعب نفسيتي اكتر ومنظر الناس كل دا يخليني احمد ربنا الف مره اني احسن من غيري بكتير فعلا ف وسط تعبي كنت بدعي لكل الناس المريضه بالشفاء والله يعينهم وع القعدة ف المستشفي اينعم التعب ماطلعش كله من جسمي بس الحمدلله انا كنت فين وبقيت فين المقصد من الكلام حقيقي بلاش نأذي بعض بكلام يأثر ع نفسيتنا لأن تعب النفسيه اسود من التعب الجسدي وحقيقي مافيش حاجه تستاهل أنها توصل الإنسان انه يكون بيموت كده عشان تعب النفسيه بلاش نخسر بعض طالما كلنا بنحب بعض والخوف بيظهر علينا لما بنحس اننا هنفقد شخص عزيز بس كان مابينا اختلافات طب هو احنا مش ممكن نعدي الاختلاف من غير مايأثر علينا بضحكه الدنيا هتعدي بلاش نشيل من بعض لأننا مش ضامنين عمرنا خلينا نزعل لو قصرنا ف حق ربنا بس لان ربنا وحده اللي يستاهل انك تزعل عشانه حقيقي لو انت مقصر في حقه
وحاجه كمان بجد الله يصبر أصحاب المرض اي مرض يكن ع اللي هما فيه ياريت كلنا ندعي ليهم احنا مش عارفين ايه اللي جوا الناس وايه اللي تعبهم ربنا يصبر كل مريض ع مرضه ويشفيه ويصبر كل محروم ع الحرمان اللي فيه ويصبر كل اهل فقيد ع فقيد قلوبهم اللهم اشفي مرضانا ومرضى المسلمين وارحم موتانا و موت المسلمين اللهم تقبل منا كل عمل نافع ورزقا نافعا اللهم إن قوتك فاقت الأطباء والحكماء فاللهم ارزقني الشفاء انا وكل مريض اللهم صبرا ع كل بلاء فإنك ياارحم الراحمين روءف بالعباد 🤲

‏ليت الأمهات معصومين من المرض ومن الكبر
ومن الحزن ولا يتعبون ولا يتالمون🥺💔.

اللهُم اشفي الأجساد المتعبة ورُدلها عافيتهَا,اللهُم يَا من تُعيد للمريض صحته ، ويَا من تستجيب دُعاء اليائسين ، اشفِ كل مريض شفاءً لا يُغادر سقماً يارب .

عارف إنك مهمومه وتعبانه والدنيا مش لطيفة معاكي..
بس كله هيعدى وحياتك هتبقي جميله شبهك،
ربنا عمره ماهيضرك أبدًا خلي عندك ثقة فـ ربنا أنه مش هيخذلك..💙🌱

ع فكرا انتي شخص جميل جدًا وتتحبي..
"أسلوبك، طريقتك، الصفات الليفيكِ أيًا كان هي فيها عيوب أو مميزات بس كلها تتحب"💙

مش ذنبك إنك تعبتي مره، وأتنين ، وتلاته لِحد ما كل شيء انطفي جواك..
بس كل حاجة فيكِ قادره ترجع شخصك القديم الل الضحكه مش بتفارق وشه، اتغلبي وعدي كل الصعب الل هتمري بيه، وإحمدي ربنا ع الل كاتبهولك،
بلاش حزن يجميلة أنتِ أجمل بكتير من الحزن.

"أيقنتُ أن خوفك على الذين تحبهم قد يفوق أحيانًا خوفك على نفسك، وأن لا شيء يُعادِل لحظة الطمأنينة التي تغمرك عندما تدرك أنهم بخير، إلى كل الذين نحبهم: كونوا بخير لأجلكم أولاً ثم لأجلنا، فإن مايمسّكم يمسّنا، نعيذكم بالله من نوائب الدهر، وكوارث الزمن، ومن الشرور، والمساوئ، والأخطار"

"تخيّل أن منزلتك عند الله ترتقي إلى درجة العُبّاد الصالحين وما كان منك مزيد صيام ولاقيام؛ إنما بغيْظ كتمته، وإحسان أسديته، وخلق رفيع جعلته دأبك وعادتك."

اللَهم اجعل الراحه تستوطن قلوبنا، كُل حين

ولا تؤذيني ف من احب ياالله 🤲💔

مينفعش في وقت الزعل تمنع الأشياء اللي علاقتكوا مبنيه عليها .. مينفعش تتعامل مع الطرف التاني عكس طريقتك معاه في لحظات الصفا ، اظهر زعلك بس متظهرش قسوتك .. مينفعش تتعامل بطريقة العقاب لأن ف اغلب الوقت كل طرف فيكوا هيكون شايف انه مش غلطان ف بكده العقاب مش هيبقى غير وسيله مؤذيه .. انتوا بتبقوا محتاجين حلول .. الزعل فتره وبيروح بس الطرف التاني هيفضل خايف منك، عشان مش هينسى انه في فترة الزعل انت سلبت منه الأمان.

مفيش فكرة مريحة قد إن ربنا هو اللي هيجازيك برحمته على كل طيبة مُهدرة منك في غير موضعها، كل موقف لطيف اتردلك بسخافة وأذى، كل مرة كان ممكن ترد فيها الأذى بمثله بس أنت اختارت إنك متوسخش نَفْسَك، كل خطوة محبة قدمتها دون انتظار المقابل... ربنا مبيغفلش، ولُطفه الخفي بيحاوطك، وكل شيء جميل قدمته هيقرّبك لرحمته أكتر.. لولا معاملتنا لربنا، كُنّا بقينا نسخ أسوأ من اللي أذونا.

لم أعد أخشى الشيخوخة فلقد شخت عليا الحياة مراراً و تكراراً .

التلقيح بالكلام بعد المشاكل بين الاصحاب و الاقارب وحتى المنفصلين
من قلة العقل و الدين و المروءة
ربنا سبحانه وتعالى قال " ولا تنسوا الفضل بينكم "
والإمام الشافعي قال
(الحرُ من رَاعَى وِدَادَ لحظة )

يعني نراعي لحظة حلوه رُبما نرجع أصحاب تاني و ربما الخلاف يزول

لكن الفجُر في الخصومة فهي من صفات المنافقين

من مكارم الاخلاق ألا تنسى ما كان بينك و بين الناس
من وِد ..

ولماذا اخترت الصمت فإنه طريق لا يؤذي الا صاحبه
فلنصمت من أجل أذية واحدة 🤝🏻

ف بوستات كتير بشوفها عن الصحاب وانهم مواقف وانهم مش بيحبونا
حبيت بس اقول حاجه واحكي مواقف الصحاب فعلا مواقف ولو احتاجتهم هتلاقيهم الصحاب دايما ف الضهر وقت تعبي انا شوفت من صحابي كمية حب ليا ماكنتش متوقعه انها كده انا ايوه عارفه انهم بيحبوني بس مش لدرجة دي مش لدرجة اي مستشفي كنت اروحها لازم الاقيهم شوفت دموعهم اللي نزلت عشاني وانهم ف لحظة ممكن يخسروني شوفت اللي حضنوني منهم وعيطوا ع حالتي بالرغم اني ماشوفتش وشهم كلهم بسبب تعبي بس صوتهم كان كفيل يوصل لقلبي شوفت خوفهم وانا مش بفوق ولما يفوقوني الاقي دموعهم ع وشهم شوفت الرعب لما اتحولت مستشفي تانيه وفكرة اني حالتي بتسوء قدامهم كانت متعبه ليهم شوفت منهم لما جيت البيت ومسكوا ايدي وكان بيدعولي شوفتهم لما كل يوم ناس مختلفة منهم جايين يشوفوني شوفت منهم اللي قالولي كنا بنصحي ع الفجر مخصوص عشان ندعيلك عشان ترجعي تاني شوفت اللي كل دقيقه كانوا بيرنوا ع ماما يطمنوا عليا
انا بحمد ربنا ع صحابي اللي فعلا لو احتاجتهم ف اي مكان هلاقيهم انا بحبهم جدا وعندي من كل بلد صحاب بحبهم كلهم بلا استثناء انا صحابي عندي حاجه غالية وان شاء الله نفضل العمر كله سوا ❤️❤️

بنت فضلت متخانقه مع مع صاحبتهاا 4 سنين وجه اليوم اللـ قررت تصالحهاا فيه ف فضلت ترتب ف كل الكلاام والعتاب وف اذان الفجر سمعت اسم صاحبتهاا بيتنادي عليه ف المسجد م الصدمه كانت هتتشل فضلت  تعيط وتقول ياريتني كنت صالحتها م تاني يوم اتخانقنا فيه ، واعرف ولد كان بيحب واحده 6 سنين وديماا كان بيخاف ويتردد انو يصارحها بحبه وكل تفكيره انها هترفض ويوم مقرر واتشجع انو يقول عرف انها اتجوزت اتجنن عشان يوصلهاا وبعتلها رساله وقالها هو كان بيحبها قد اي وقد اي كان نفسو يسعدهاا وردهاا متوقعهوش انها كمان كانت بتحبه وكانت مستنياه طول الوقت بس خلاص الوقت فاات بسبب الكلمتين دول جاله اكتئاب وكان هيموت م الندم انو اتأخر وقال ياريتني كنت روحت م زمان ، الفكره ننا بنضيع سنين وناس بنحبهم عشان بنخاف م رد الفعل او كبريائنا بيمنعناا او عشان ميت سبب ملهومش لازمه ، انطقوا ، اتحركوا ، وقولو اللـ جواكوا قبل م الوقت يعدي وعاتبو وانسو ، الزعل بيروح م كلمه حلوه ، ضحكه م القلب ، او حضن ، مش مشكله مين غلطان ومش مشكله مين ابتدي ابتدوا ب الصلح والخير ، انسوا الغلطه عشان بعض متنسوش بعض عشان غلطه ، وممكن اللـ نت مستنيه هو اصلا مستنيك🖤

عمري ما استريحت ف الكلام والخنقة غير مع ربنا عمر دموعي مانزلت جامد غير مع ربنا والاكتر ف الصلاة
ربنا احن علينا من اي حد ربنا بس اللي بيجبر بالإنسان ربنا عارف اللي فينا وعارف النوايا عارف احنا ايه وفينا ايه عمري ما اطمنت لاي حاجه الا بوجود ربنا
ياالله ارزقنا الراحة والطمأنينة وارزقنا القرب منك ف كل مكان وكل وقت ياارحم الراحمين 🤲❤️

وأتمنى أن تكون تلك الفترة المؤلمة فى حياتى مرحلة وستنتهى وأن يأتينى لُطف الله ليجبر به كسر خاطرى ويُنسينى كُل مُر مَررت به ، أتمنى أن تفقد ذاكرتى كُل قدرتها على تذكر تلك الليالى الثقيلة وتلك الأيام العصيبة ، أن تفيض عيناى من السعادة لا من الحُزن، أن اسجد من الفرح وأقول : لقد استجابت السماء.

"قد يأتي غيري، ولكن لن يأتي أحدٌ مثلي، إن كنت فترة في حياة أحد.. فَـ انا الفترة التي لا تُنسي."