Բայց էս ՔՊ-ն ու հատկապես իր «գաղափարախոսները» ինչ գանձ են, չէ՞, թշնամու համար։ Ո՛չ սկզբունք կա, ո՛չ արժեք, ո՛չ թասիբ, ո՛չ միասին անցած ճանապարհն է թանկ, ո՛չ ապրած կյանքը, ոչինչ արժեք չի կարող լինել, միայն ու միայն խմբակային շահը, որը սիրով կձևակերպի և անհրաժեշտության դեպքում կփոփոխի Նիկոլը, օրինակ՝ Ալիևի թելադրանքով։

Էս Հակոբ Ասլանյանին հիշու՞մ եք, որ ավտոբուսի մեջ անպատվել էին, սրանք մի ամոթանքի դուդուկ էին միացրել, թե բա՝ 69-ամյա պատգամավոր է, 3 պատերազմների մասնակից, ամենախիստ պատժին պետք է արժանանա անպատվողը և այլն…

Հիմա էլ, թե՝ քաղաքական դավաճանություն է արել, Աղազարյանին է պաշտպանել, հետո՞ ինչ, որ ընկերներ են, պատկերացնու՞մ եք, «Հրապարակին» սլիվներ էր արել, էդ 69-ամյա 3 պատերազմների մասնակիցն էլ «խմբակցության ինֆորմացիայի արտահոսքի անցքին» մի թեթև թասիբին է կանգնել։ «Խմբակցության ինֆորմացիայի արտահոսքի անցք». այսուհետ այդպես են անվանում Հովիկ Աղազարյանին, մեկ այլ տարիքով, ՔՊ հիմնադիր, բոլորը սիրում են, հարգում և այլն: Ու սրանց մեջից էլի ոչ մեկ չի համարձակվի ասել՝ էս ի՞նչ եք անում, էդ ի՞նչ մի թեմա է, դրել ոչնչացնում եք, մեր ընկերներն են։ Չէ, սաղ սսկվել, մտել են ծակերը։

Թե ասա՝ էդ որ մեկդ սլիվ չեք անո՞ւմ, որ: Հիմա որ «Հրապարակը»-ը բռնի ու իր քպական արտահոսքերի անցքերի ցանկ հրապարակի, սքրինշոթերով, բա, որ մյուս լրատվամիջոցները նույնն անեն։ Ափսոս՝ մեր լրատվամիջոցները շատ ավելի թասիբով են ու խոսքների տեր, քան ձեր ՔՊ խմբակը, թե չէ, ստիպված էիք լինելու ԱԺ ցրել, որ էդ խայտառակության տակից դուրս գաք:

Հիմա պատկերացնու՞մ եք որքան հեշտ է իրենց օգտագործելն ըստ անհրաժեշտության, կանեն այն, ինչ, օրինակ, Թորոսյանի բերանով կգոռա Նիկոլը: Դե Նիկոլի վրա գոռալու կարիքը չկա, նրա քաղաքական կյանքի երկարակեցությունը շուտվանից է թշնամու ձեռքին։

7 տարում այդպես էլ չհասկացավ՝ ինչ անի, ինչը՝ ոչ, ինչ խոսի ու երբ լռի․ «Կարճ ասած»

Էն, ինչ անում ես դու, վարչապետի գործ չէ, թաղապետի գործ է, տեղակալի գործ է, պոլիկլինիկայի աշխատողի գործ է․ էլ չեմ ասում, որ ինչ էլ ասում ու անում ես, բրակ է դուրս գալիս

@YerevanTodaynews

Երկրաշարժ ու Անդրանիկ Քոչարյան տեսած Շիրակին նոր ուսապարկ մարզպետը շատ չէ՞․ «Կարճ ասած»

Եթե Հայաստանը լիներ գոնե մի պստլիկ ժողովրդավար, պետք է այդ ձեր փրայմերիզից անմիջապես հետո պատգամավորի մանդատից հրաժարվեին ՔՊ-ական Կարեն Սարուխանյանն ու Դավիթ Առուշանյանը

@YerevanTodaynews

300,000 ադրբեջանցի է տեղափոխվելու Հայաստան․ պատրաստվեք․ «Կարճ ասած»

Չի կարող թշնամի պետության ղեկավարը փողկապ կապի ու լուրջ բաներից խոսի, դու դա չլսելու տաս ու կապիկություն անես։ Չի լինում, դա երկար չի աշխատում, հետո կանգնում ենք փաստի առաջ

@YerevanTodaynews

Նիկոլը մնա՝ Հայաստանում հաջորդ փրայմերիզը ադրբեջանցիները կանեն․ «Կարճ ասած»

300 հազար ադրբեջանցին դա Հայաստանի բնակչության 15 տոկոսն է։ Այդքան թշնամի է ուզում բերել Ալիևը Հայաստան, սրանք թիթեռ են նկարում, որ վաղն էլ մեզ կանգնեցնեն փաստի առաջ, թե՝ տեսեք, մի հատ էն Ալմաաթիի հուշագրի պես բան գտանք, մեջը կես տող փախստականների վերաբերյալ։

@YerevanTodaynews

Ահա թե ում վրա է ծախսվում պետական բյուջեն․ «Կարճ ասած»

Ասում էիր թալանը բերեմ-բաժանեմ ժողովրդին․ 6,5 տարի է՝ բերում-բաժանում ես։ Հուսով եմ, ժողովուրդ ջան, հասկացել եք, որ եթե ինքը ինչ-որ գույքեր է իբր բերում, վաճառում, ձեզ հետ ընդհանրապես կապ չունի, ձեզ չի հասնում

@YerevanTodaynews

է՞լ ով ա ստացել, հրապարակեք իմանանք գնալու եք թե չէ))

Իրականում էսօրվա գրառումը ո՞նց կշարադրեր Նիկոլը, եթե ազնիվ մարդ լիներ

Նիկոլն ասում է, թե 2018-ին, որ մոտիկից ծանոթացավ ամբողջ բանակցային փաստաթղթերին, իր համար անակնկալ պարզեց, որ՝ 1994 թվականից ի վեր, հրադադարից հետո, սաղ բանակցային գործընթացը եղել է Լեռնային Ղարաբաղը Ադրբեջանի կազմ վերադարձնելու մասին․ ու էդտեղ Ալենն ու Պապիկանն ասացին՝ Աղդամը մեր հայրենիքն է․ Տոնոյան Դավիթը, թե բա՝ նոր պատերազմ՝ նոր տարածքներ․ Նիկոլն ասաց՝ հլը մի հատ թող Լավրովը հաշվի նստի նոր իրողությունների հետ, սկսում եմ իմ սեփական կետից․ գնաց Շուշի՝ Արայիկի ինաուգուրացիան զուռնա դհոլով նշելու, իջավ Ստեփանակերտ, թե բա՝ լսեք, արա, Արցախը, վաբշե Հայաստան է և վերջ․ Արարատը ասաց՝ էս էլ մեր գերագույնն ա, չշշկռեք․ Արծրունին ասին՝ անընդհատ ասա, որ հեսա հաղթում ենք․ Աննան գնաց բունկեր, որ քարտեզի վրա ցույց տա՝ որը որից հետո պետք է վերցնել։ Հետո էլ, դե չստացվեց, կներեք:

Քա՞նի հոգի հավատաց ու քանիսը ծաղրեց Փաշինյանի վերջին գրածին․ «Կարճ ասած»

Ըստ Նիկոլի, նախկինները 24 տարի բանակցել են, բայց չեն կարողացել Արցախը վերադարձնել Ադրբեջանի կազմ, Ադրբեջանը չի վերցրել կամ էլ վատ են բանակցել, իսկ ինքն էնքան ուժեղ էր, որ 2 տարում հանձնեց այն, ինչ նրանք 24 տա

@YerevanTodaynews

Կռուտիտի կարիք լինի, դիմեք Ավինյանին, Նիկոլին է հավասարվում

1․ Չեմ իմացել, որ 7,8 մլն դրամանոց տոմսով եմ թռչում ԱՄՆ
2․ Երևանում օդի աղտոտվածության մակարդակը բարձր է, որովհետև մենք չափում ենք, նախկինները չէին չափում
3․ Երևանում ասֆալտի շուտ քայքայվելու պատճառն այն է, որ մենք աղ ու ավազ ենք ցանում․ նախկինները չէին ցանում, դրա համար չէր քանդվում

«Կռուտիտը» չաշխատեց, ուրիշ բան մտածիր․ «Կարճ ասած»

2026 թվականի ընտրություններից առաջ տագնապի մեջ է․ խոստացած անվտանգությունն ու Արցախի վերադարձը չկան, դատարկ բագաժով մոտենում է ընտրություններին և ուզում է գոնե Արցախի հանձնման մեղքը մաքրել

@YerevanTodaynews

2 օր է՝ հետևում ենք, թե ինչպես է Փաշինյանը, ոտ ու ձեռ ընկած, բանավիճելու հրավիրում պաշտոնաթող նախագահներին մի թեմայի շուրջ, որտեղ բանավիճելու թեմա բոլորովին չկա։

Նման մի դեպք էլ տեղի է ունեցել սրանից 19 տարի առաջ՝ 2005 թվականին։ Նիկոլ Փաշինյանի կումիր Ռեջեփ Էրդողանը Ռոբերտ Քոչարյանին նամակ էր գրել ու առաջարկում էր բանակցել հարաբերությունները կարգավորելու շուրջ, բայց Ցեղասպանության թեման թողնել երկու երկրների պատմաբաններից, փորձագետներից բաղկացած հանձնաժողովին, որը արխիվները կուսումնասիրի ու եզրակացության կգա։

Քոչարյանը պատասխանել էր, որ Երևանն առաջարկել է հաստատել դիվանագիտական հարաբերություններ, բացել սահմանները և երկխոսություն սկսել երկու երկրների ու ժողովուրդների միջև, բայց Ցեղասպանության իրողությունը ո՛չ մեր, ոչ էլ Թուրքիայի կառավարությունն իրավասու չէ պատմաբաններին հանձնարարելու․ դա իրողություն է։

Այս նամակագրությունից շատ-շատերն են տեղյակ, հրապարակված է։

Հիմա Նիկոլը, էդ իրադարձությունից 19 տարի անց եկել է ու իր կարճ խելքով ուզում է Քոչարյանին բերել մի թեմայի շուրջ, որը պատմական փաստ է և ընդհանրապես բանավիճելու կարիք չունի։

Եթե մեր ժողովրդին հիմարի տեղ է դնում, ինչո՞ւ հիմարի տեղ չդնի նաև ԱՊՀ ղեկավարներին

Նիկոլ Փաշինյանը վերջին երկու տարում խուսափում է ԱՊՀ նիստերին մասնակցելուց, ԵԱՏՄ նիստերին մասնակցելուց՝ ոչ։

Ցավալի զուգադիպությամբ, այս անգամ, այդ երկու նիստերը մեկ վայրում են, մեկ օր տարբերությամբ, դեկտեմբերի 25-ին՝ ԱՊՀ երկների ղեկավարների ոչ պաշտոնական գագաթնաժողովը, 26-ին՝ ԵԱՏՄ ղեկավարների հանդիպումը, երկուսն էլ Սանկտ Պետերբուրգում։

Ինչպե՞ս խուսափել ԱՊՀ ղեկավարների նիստից, բայց մասնակցել ԵԱՏՄ ղեկավարների նիստին։ Փաշինյանը, ըստ երևույթին, անգամ նստել-մտածելու, պատճառ բռնելու վրա ժամանակ չծախսեց։ Երկու օրով վարակվել եմ կորոնավիրուսով։ Բոլոր հարցերին գեղավարի պատասխան գտնող Փաշինյանը գտավ նաև այս «կռուտիտը»։

Դեկտեմբերի 23-ին և 24-ին մեկուսացել եմ․ վայ քու արա․ ամսի 25-ին դզվեցի, 26-ի նիստին կարող է մասնակցեմ։

Ուշագրավ է, որ քովիդի դրական ախտորոշում ունեցած Փաշինյանը, որ իբր մեկուսացել էր, նույն օրը խորհրդակցություն է հրավիրել, որին մասնակցել են պատգամավորներ, նախարարներ, ԿԲ նախագահը և այլն։ Այսինքն՝ հրավիրել է վարակելու։

Նաև ուշագրավ է, որ Փաշինյանը արդեն երեք անգամ վարակվել է կորոնավիրուսով, որից երկուսը՝ ՌԴ գնալուց առաջ, մեկը՝ ավելի վաղ․ ու բոլորը տևել են ավելի կարճ, քան կորոնավիրուսից բուժման՝ գիտականորեն ապացուցված նվազագույն ժամկետն է։

Դպրոցական տարիքը հիշեցի, որ ծույլիկը, մշտապես դասերից բացակայողը միշտ առիթ էր մտածում՝ պապիկս հիվանդ է, տատիկս մահացավ և այլն։ Գիտեինք, որ սուտ է ասում ու ամեն անգամ հարցնում էինք՝ դու քա՞նի տատիկ ունես։

Խնդում ենք, բայց էս ամենը խնդալու կլիներ, եթե չվերաբերեր մեզ, մեր երկրին ու մեր երկիրը արտերկրում ընդունելուն։ Էս պահվածքը, ժողովուրդ ջան, մեզ վրա է անդրադառնում։ Ցավոք, սրանով են մեզ ճանաչում վերջին 6-7 տարում։

Փաշինյանի գրառումները դարձել են մշտական ու անվերջանալի սոցիալական հետազոտման աղբյուր, դե իհարկե՝ նաև շատ լավ դիտվող նյութեր

«Գոնե ասեիր հղի եմ»․ քաղաքացիները չեն հավատում Փաշինյանի՝ կորոնավիրուսով վարակվելուն․ 18+

«Մի հատ էլ փսիխո հանձնի, հզոր ջան», «Ասեիր՝ լիֆտի մեջ եմ մնացել», «Տղամարդկութունըդ չի՞ հերիքում ուղղակի չգնալ»․ Փաշինյանի գրառման տակ

Շանտաժը՝ որպես քաղաքական գործիք․ «Կարճ ասած»

«Այ որ ինձ հետ ՌԴ նախագահը լայեղ չի անում հանդիպել, ես էլ չեմ գնա»։ Նիկոլին առանձին չհանդիպելով պարզ է, ինչ-որ բան էին հասկացնում, բայց հարցի լուծման ձևը երկրի ղեկավարի պարագայում սիմուլյանտությունը չէ

@YerevanTodaynews

Երևանի 1 մլն 106 հազար բնակչի համար կտրուկ թանկացումներ են լինելու․ «Կարճ ասած»

Լուսանկարում քաղաքացին ուտելիք է փնտրում աղբամանում։ Իր համար ապագան կուշտ փորով հացն է։ Նիկոլին հավատացած քաղաքացին Նիկոլի խոստացած ապագան փնտրում է աղբամանում

«Օփելով հպարտներից»՝ «Օփելով համբալ»․ «Կարճ ասած»

Քաղաքի կյանքը քաղաքացու համար հեշտացնողներն են, ասում են՝ պետք է թանկացնենք, որ ամեն համբալ չկարողանա քշի․ թանկացնենք գույահարկը, որ ամեն համբալ չկարողանա վճարել։ Սնունդը համարյա կրկնակի, որոշ ապրանքատեսակներ անգամ ավելի են թանկացրել, երևի որ ամեն համբալ չկարողանա կուշտ հաց ուտել․ կյանքը թանկացրեք, որ ամեն համբալ չկարողանա ապրել Հայաստանում

@YerevanTodaynews

Երևանում 10 բալանոց խցանում է․․․ Չէ, վարչապետը մեղք չունի, պատասխանատու էլ չէ, քաղաքապետը մեղք չունի, նա էլ չի պատասխանատուն. մեղավորն ու պատասխանատուն «Օպելներով համբալներն» են, էնքան շատ են, որ չեն թողնում պարգևավճար ստացած քպական պաշտոնյաները գնան բոլ-բոլ առևտուր անեն, տանեն տներով։

Երեկ «Կարճ ասած» հաղորդման հոբելյանական՝ 1000-րդ թողարկումը հրապարակեցինք, ինչի առիթով շնորհավորում եմ ինձ և հաղորդման թիմին։

4,5 տարի եթերում ենք․ այս ընթացքում ամեն օր «Կարճ ասած»-ը ձեռք է բերում նոր հետևորդներ, տարածման աշխարհագրությունը մեծանում է, ինչի համար շնորհակալ եմ իմ հեռուստադիտողին, հետևորդներին։

Այս տարիներին, ինչպես որ մեր երկիրը, այնպես էլ այս նախագիծն է անցել բազմաթիվ փորձությունների միջով, սկսած դատական գործընթացներից։

Նախագիծը սկսեցինք 2020 թվականի գարնանը, երբ դեռ նոր էր կորոնավիրուսը մեր երկրում տարածվում, երբ չկար պատերազմ, ու դեռ Նիկոլ Փաշինյանի ու ՔՊ-ի աջակիցների թիվը չէր դարձել մի ավտոբուս․ Դեռ այդ ժամանակ վաղուց արդեն հասկանալի էր, թե ինչ սխալ ուղղությամբ է գնում մեր երկիրը, ու այդ մասին բացատրում էինք, վերլուծում, ահազանգում։ Ամեն թողարկման տակ ուղղորդվող ֆեյքերի, իշխանության աջակիցների սպառնալիքներ էին, հայհոյանքներ, իշխանական, ադրբեջանա-թուրքական հարձակումներ, նաև սանկցիաներ (հատկապես այս վերջինն էր մեզ շատ խանգարում)։ Իհարկե՝ առավելություն էին կազմում հավանումները, քաջալերումները, կարծիք ու գնահատականը կիսողները, որն անգամ վստահություն էր տալիս, որ հաղորդումն իր հասցեատերը գտնում է։

Ու հիմա շարժվում ենք առաջ՝ պահպանելով գլխավոր և հստակ նպատակը։

Դիմում եմ հավատարիմ դիտողներին, որոնք դիտելուց զատ, ակտիվ մեկնաբանություններ են գրում, որոնց հետ որոշ դեպքերում համաձայն եմ, որոշ դեպքերում՝ ոչ։ Պետք է խնդրեմ, կոչ անեմ 2025 թվականի առաջին թողարկումից սկսած, որը, ամենայն հավանականությամբ, կլինի հունվարի 7-ին, աջակցել հաղորդաշարին՝ ակտիվություն ցուցաբերելով ձեր հավանումներով կամ թեկուզ չհավանումներով, կիսվել ձեր հարթակներում, որտեղ հարմար է, սոցիալական գրեթե բոլոր ցանցերում «Կարճ ասած»-ը կա։ Հավատացնում եմ, որ դա շատ է օգնում նոր դիտողներ ներգրավելուն։