Meni tushun...

​​Yolgʻizman, yolgʻizim...

Yolgʻizman, yolgʻizim, qoʻllagin,
Yo kel yo uyquni yoʻllagin.
Surmarang osmon bagʻrida
Oy suzar koʻnglimday yarimta.
Oʻylasam yuragim oʻynaydi,
Oʻynab oʻz holimga qoʻymaydi.
Kuylayman qoʻlimda sozim yoʻq,
Qoshimda sen qalam qoshim yoʻq.
Yoʻqdayman oʻylasam oʻzim ham,
Dunyoda sen borsan yaxshiyam...
Qorongʻi osmon bagʻrida
Oy suzar koʻnglimday yarimta.
Qoʻrqaman bir oʻzim kechasi,
Ey, pushtipanohim kelsang-chi...
Sen, meni Allohim qoʻllagin,
Yo kel yo uyquni yoʻllagin.

© Cho'lpon

- @ch_k_t

Odamlar yashashga kuchni, fikrni, kulish va baxtni kitob yoki biror tarmoqdan topar ekan men buni qanday sodir qilishlariga tushunmadim yoki tasavvurim kichiklik qildi...

O'zingda yo'q – olamda yo'q!

- @ch_k_t

Qayg'u va baxt orttirib olinadigan tuyg'ular emas. Mendan ko'pincha shu sabab nolishadi, tushkunlik ulashaman ekan ko'proq...

Hamma narsaga yuzaki qarashni o'rganinglar. Ertaga hammasi yo'q bo'lishi haqida o'ylanglar... Ta'sirchanlik mag'lubiyatning birinchi sababidir!

His-hayajon jarlikdan boshqasiga olib bormaydi!

© #BI14

- @ch_k_t

Muhimi bu o'tkinchi tarmoqlar emas! Men qalbingizga ikki qator yozmoqchiman xolos. Unutilmaslikni xohlayman. Qolgan har narsaga kuyunishni bas qiling! Yuzakiroq his qiling... Ta'sirlanmang.

Rostini aytsam, qachondir o'lib ketish, bularning hammasi o'chib ketishi, yozolmay qolish... hammasi bir zumda sodir bo'lishi mumkin. Muhimi aytganimdek xotira va qalb! Bu dunyoda unutilmaslik uchun mavjudman xolos. Ertaga qaysidir meni eslatadigan kunda, mendan ozgina iqtibos ketsa, shu xolos orzu. Boshqa hech nima.

Bir boshi berk ko'chaga kirib qolsang, olib chiqadigan odaming ham yo'q... Alam qiladi. Yoki o'sha odamga aylanolmagansan... Siqilasanmi? Siqilasan!

© #BI14

- @ch_k_t

Boylarga ham pul kerakligini inobatga olsak, senga har vaqtda beminnat qarz beradigan odamning borligi juda ajoyib!

- @ch_k_t

Vodiyda "birinchi qor" degan hodisa yo'qolib, mavsum bo'yicha "bir dona qor"ga aylandi...

Sevishganlar uchun eng chiroyli uy yurakdir...

© Qish sonatasi

- @ch_k_t

Yog'masa yog'masin o'sha birinchi qor!

Sen har joyga borib qor ko'rishing mumkin, qadrdon xonang derazasidan ko'rinmasa, borib ko'rgan qorlaringni hammasi bekor...

Qamchiq to'la qor, uyga esa faqat loy yog'ar...

Sen o'sha malina terayotgan qizmisan?

- @ch_k_t

2x qilib umrimdan 2-3yil o'tkazib yuboray, qiziqish va qutqarilish sabab.

Yozolmay qolganimga ancha bo'ldi, sudralib uzoq yuribman. Endi ketsam yo yil ketaman yoki butunlay.

​​Ey siz, to‘yganlar,
Ey Siz, bashang olomon,
Yuzingizga sepaman so‘zlarimni...
Ha, hech narsa yo‘q menda, hech narsa.
Xotin — yo‘q,
Farzand — yo‘q,
Do‘st — yo‘q
Vatan — yo‘q.
Yo‘qotganlarimning alami-zahri,
Ko‘ksimdagi sanchiq olami,
She’riyatdan boshqa,
Hech narsa, hech narsa, hech narsa.

2007

© Rauf Parfi

- @ch_k_t

Uzun yo'lga tushib olganmiz, ketayapmiz hozircha oxiri yo'q...

​​Asli haq gap – biz dunyoga sig‘indi,
Go‘yo dunyo bizga qarshi yig‘ildi,
Boshimizga shuncha g‘avg‘o yog‘ildi,
Xudo bizni sinayotir, do‘stijon!

Ezg‘in-ezg‘in yuraklarda qotar qon,
Yoshga to‘lib yostig‘imda otar tong,
Mayli aybli bo‘laylik biz, yetar, jon,
Xudo bizni sinayotir, do‘stijon!

Bolam desam, otam menga kuyadir,
Men bolamni, onam meni suyadir,
Hayot shudir: umr tetapoyadir,
Xudo bizni sinayotir, do‘stijon!

Shukur, hali so‘ngan emas taftimiz,
Chidab-chidab yashamoqlik ahdimiz,
Biz o‘lganda qutularmi juftimiz?!
Xudo bizni sinayotir, do‘stijon!

Mayli, loyiq ko‘rishsinlar jazoga,
Kimni suysa, dard solarmish aroga,
Qoldirmayin bizni baxti qaroga,
Xudo bizni sevayotir, do‘stijon!

Bordir axir aytganimiz Xudoga!
Xudo bizni sevayotir, do‘stijon!

© A’zam Obid

- @ch_k_t

Ruhing uyqusi uchun she'r o'qi!

​​Tashna

Bugun ko‘rishaylik,
Yomg‘irni qara!
Suvga bo‘kkan mushukday shahar.
Osmon yaylovlari bulutga qaram,
Ko‘ngil – tashrifinga,
Yo‘q dema faqat.

Bugun ko‘rishaylik, xiyobonni qo‘y,
Soyabon ko‘tarib yurish ham mahol.
Yo‘qsul peshonamda g‘aribgina uy,
Unga ikki olam sig‘ar bemalol.

Hislar chiqsin, mayli, quyushqonidan,
Xo‘mray taqiqlarga,
Yelib kel, gulim.
Sen qahva ichasan oyna yonida,
Men unsiz chekaman,
senga termulib.

Bugun ko‘rishaylik, ikkilanma hech,
Urunma boshqa kun fursat topishga.
Piyoda yo‘lga tush – avtolar sotqin.
Nozik badaningga chippa yopishgan
jiqqa ho‘l libosda ko‘zimga botgin.
Dovdirab eshikka suyanib qolay,
Yomg‘irda ivigan qaro sochlaring
uchidan chakillab tomgancha sharbat
dildirab uyga kir,
Dood, iforingdan,
Shilq etib yiqilay, sarxushu sarmast.

Kel, hozir ko‘ksimning ichi to‘la ganj,
Yor, uni, yor! Uni,
Yorug‘ nurdanam.
Kechiksang befoyda, yomg‘ir to‘xtagach,
Aylanib qolaman sovuq murdaga.

Bugun ko‘rishaylik,
Yo‘q dema faqat...

© Jontemir

- @ch_k_t