Я пражыў у Батумі два гады і перыядычна мяне там цешыла намаляваная на грамадскай прыбіральні парачка. Было штосьці шчырае і цёплае ў іх абмалёўцы. Бачылася гісторыя чалавека, які замест налеплівання стандартных літар ці форм абраў творча рэалізавацца.

А потым парачку знішчылі, зафарбавалі, завандалілі, забілі бяздушнай зелянінай.

Я больш не ў Батумі, але фарбы дапамаглі мне рэканструяваць выяву, часткова ажывіць замазаных.

P.S. Для большай батумістасці дадаў ў карціну гарызантальныя адтуліны як у іншай знакамітай батумскай пары: Алі і Ніно.

«ტუალეტი»
(палатно, акрыл)

⚡Новы фармат слоўніка

Асноўную частку жыцця маё сэрца б'ецца ў рытме хіп-хоп і калі прыйшла ідэя зрабіць слоўнік вершаваным, я ўчапіўся за яе ўсімі шчупальцамі душы.
У гэтым фармаце ёсць усё, чаго мне не хапала. У гэтым фармаце няма ўсяго, што ў папярэднім фармаце мяне стопарыла.
Насалоджвайцеся і чакайце новых старонак.

Паскорыць стварэнне слоўніка на Patreon

Гуляючы ў шахматы заўважыў повязь, што час ад часу праяўляецца ў розных партыях. Гэта повязь пешкі са сланом. Пешка – не самая баявая фігура, але разам са сланом яны ствараюсь моцную счэпку. Пешка падтрымлівае слана, слон падтрымлівае пешку. На розных дошках, на розных узроўнях, на розных турнірах яны знаходзяць адно аднаго і узаемаўзмацняюцца трывалым хватам.
Захацелася без усялякіх пабочных сэнсаў ўвасобіць гэтую повязь у фарбах. І вось.
Назва карціны «Ты мой дом». Гэта выраз бяспекі, абазначэнне спакою, унутранага міру і даверу. Самае запаветнае што можна пачуць, самае значнае што можна сказаць.

«Ты мой дом»
(палатно, акрыл)
50х50