غمض عينه موجوع باوعلي حجه بتعب
-شوفي يوسف خاف جوعان يابه الولد من اجه الهسه على فد.وكفه

-اي حبيبي هسه اشوفه غطيته..لزم ايدي
يباوع بعيني ..
.اذا ميت شسوين

-اسم الله عليك لاتحجي هيج فدوه يومي گبل يومك.....ابتسم بطرف شفته

-محروگ گلبي على هايه راح طفلها ورجلها بسجن اتخبل اذا نحكم

-بس ديربالك على روحك حتى تگدر تتصرف مو تعبان وتفتر اذا وكعت انته واصهب بسجن شسوي انا

-اليوم عدنا كعده ونشوف وين تصفه اذا تنازلو كلش سهله طلعته ماعليه دليل بس لازم يتنازلون

-الله كريم...عفته ونزلت جوا لكيت عمه تسويلهم اكل ساعدتها ..الفجر يوسف راح وكالهم ارجع بس عدي دوام اليوم

الصبح ذياب قفل الا يروح يشوف اصهب بجيت وتوسلت انته تعبان. بس صير زين وروح ولاقبل اخذوه وراحو ..كل الوقت خايفين مامرت ساعه ورتاحينا بيها فيروز المحتاره البناات يتصلن يبجن شنو عايفينا وحدنا هنا رغم ليث بقه يمهن بس متخبلات

نزلت شهم وايهم جوا علمود اكدر اشتغل وماضل كلساع صاعده اخاف على البطني
نزلت حليبه جاي احمي ماي لترمز مالته ودخلت نور

.يله بسرعه طفي الطباخ خلصتي الغاز
فيروز:: شوفي انا روحي مفرفحه ولصراحه مابيه حيل اعارك والا وحق من انزل الحق اكتلج كتله عمر ماتنسنينها الا انسيج الحجي شلون.
هزت ايدها بضحك ..وروز تباوع ساكته كالت

-خايبه كلابج جا غير اشهرج.وخزيج بت امج وتمدين ايدج عليه

روز:: طفيت الطباخ عوفيها فيروز تولي طلعت من المطبخ تضحك.خليت ماي بترمز حيل حار تعالي كعدي يم شهم خلي انضف ..الديوان ويا عمه لان الناس تلتم هنا العصر ويرحون على هذوليج

-اكعدي انتي يمهم انا اروح ويا عمه
-سكتت كعدت يم شهم وايهم بصاله عفت الترمز مفتوح على جهه اريد الماي شويه يبرد
ابتسمت الايهم يحاول يضحك شهم وجهال نور من بعيد يباوعوله. .سكتت بگلبي حسره. ضحكنا ورتاحينا شهر وهسه طلع من عيونا..
صاحت عمه روز نطيني المكرافه ..

كمت هستوني دخلت للمطبخ اريد اخذها من يم سلة الزبل وصرخ شهم موجوع رجعت اركض لمحت نور دخلت الغرفتها. كلبي راح وانا اشوف الترمز منجفي على رجله وهوا مفرفح شلته ...يممه ابني صررخت فيروزه اجت تركض ابجي متهستره احترررك ابني احتررك ..اخذته عمه من اديناا اباوع الجف رجله من يم اصابيعه صار احمررر كلش وهوا يبجي مفرفح گلبي نمرد
خليتله عصاره تبرد رجله سكت وشهكه بصوته فيروز مخليته بحضنهاا. دارت على ايهم خازرته

فيروز::-ايهمم انته البديت الماي عليه ..خزرته اخوفه ختل بضهر روز ..همس خايف لاا عمه اشر على غرفة نور فكيت عيني اباوع الروز هزت راسها اي

.لهنا حدج طفل ماسلم منج. اطيت شهم الامه وكمت اليوم لو انا لو نور. جريت عودة المكناسه من عمه افتح اباب غرفتها قافلته ..اطلعييي نور لووو ابوج يجي مايطلعج من ايدي اليوم

-ولييي لج.ولي لا اطردج بشارع والله اشوف ياكواد يلفيج

-بت الكلب اطلللعي احاجيج ..عاطت عمه

.لا على بختج فيروزه مهناا بگبره حرام عليج

-ضربت الباب برجلي اغلط.وسب ..درت اباوع الجهالها خانسين خايفين ..نووور والله اذا ماطلعتي احرك جهالج مثل ماحركتي شهم
بجو الاطفال خايفين ..راسا فتحت الباب هيه وامها

دفعتها للغرفه جسمي تعبان بس الحركه البروحي تفقدني بلبدايه ماكدرتلهن لان ثنينهن لمن عمه كامت تتعارك ويا خلود لزمت نور كطعتها دكطع ..

على الصياح ولصريخ اجو بيت عمو مهدي سهام.ومروه فكنا وهنه حسهن يلعلع نور تصيح. هسسه اطلعن من بيتي هسه دخل عمو مهدي ورزلها وغلط عليه

دار على عمه كالها
مادكعدين انتي مره شكدج شكبرج تعاركين جنج زعطوطه كالتله عمه رحم الله والديك وسكتت بقه كاعد بصاله ..وهنه وسهام بغرفتهن ومروه يمناا

كون اكضها وحدنا محد يمنا الا اخليها جنازه
اباوع الشهم وروحي تحترك حرك رجله البيضه صارت حمرره بس ماطككت مجان كلش حار الماي وروز مكابلته وتبجي ...كله منج متوازيه تخلين الماي يمه

-بس رحت اجيب المكرافه شدراني
.دسكتي على اساس ماتدرين بيها شنو من بشر.

نزلت مقهوره على عمه وعمو مهدي دك اقامه بصاله كوا يريد يصير رجال وهوا محد معترف بيه وين صاير كلما يشوفنا يصيح انا هنا كاعد اريد وحده يطلع حسها ..

لمن اجو الولد طلعت لساحه نزل ذياب وشهاب لازمه يساعده ..سوده بوجهي كون انته المحد يلحك مشيتك على الخطوه كوه تعين جدمك

.وصل يمي عاگد حواجبه بوجع ..
ها ذياب شصار
.ماصار شي اليوم الكعده والله كريم

.دخل كعد بصاله يتناقشون السامعينه يردون فلوس يله يتنازلون بس هوا ماثابت عليه دليل ويخافون يصعد محكمه ..ويلزمون عليه دليل ذياب مخليله محامي. طلعت نور وخلود من جحرهن يتسمعن

كال عمو
شهني اليردونه ويتنازلون
ذياب:: الله كريم ختصير الكعده ونشوف شكد يطلبون ادفع كلشي المهم يتنازلون ويطلع اصهب لو اشوف ابيع هذا البيت هم اطلعه

نور:: ياااا واالله يابيت هذا التبيعه عيني البيت باسمي شحده اليوصله. ويااريت باسرع وكت تلمون غراضكن وطلعون بررا ..وهاا ازيدك من الشعر بيت رافعه عليكم قضيه اي واحد يمد ايده عليه ينسجن اشتكي عليه.وينسجن

فيروز::الكل ساكت مصدومين بكلامها وامها تأيدها نتر اصف
-شجاي تليصين انتي

-ابوي مسويلي وكاله من كبل وهسه درته باسمي واعرفنكم جلاب وتطكوني سويت بيان اي واحد يمد ايده عليه اشتكي عليه

فيروز::كام شهاب بهمه يريد يضربها لزمه بطرس محد مصدك حجيها صيح عليها اصف ..دخلت خلود للغرفه وشمرت عليهم نسخه من طابو البيت خلتهم وسط صدمه ..دفرها شهاب للغرفه كالها خلي اموتج.وانسجن ميخالف

طلعوها من ايده جنازه وياريت لو تسكت كل هذا وهيه تصيح اطلع برا ماريد اشوفك ابيتي
والله اسجنك ويا اصهب

.طلع شهاب من البيت يسب بابوه وعمه تبجي وتتحسب على نور وخلود باوعلي ذياب مصدوم
كال حتى انا الي بيه شني عمي شلون يسوي هيج

.نور تصيح اطلعو من بيتي والله اشتكي وعمو يكلها انجبي وسكتي وين يرحون. مو بس البيت باسمها الارض كلها. اصف كابلها مفرفح يحلف كل دين يتبرا منها دكله وتبرو وجعلني لاشفتكم بعد ماريدكم

عيشتنا حاله من الصدمه صاح ذياب تعالي صعديني فوك احس بطني راح تنفجر

وكفت بصفه. مشيته. كوا يتحرك كال جا
روز وين
.بغرفتك فوك
.دخلنا للغرفه باوعلها عيونها مورمه وشايله شهم تفتر بيه عود خزرتها حتى ماتحجي ايهم طفر اول ماشاف ذياب كاله
.ذياب شم احترك

.باوعلها ذياب عاكد حواجبه
روز::بجيت. مدنكه عاف فيروز واجه بسرعه خايف همست مختنكه برجله شويه ..طلع رجله يياوعلها نتر شلووون حجتله فيروز السالفه اخذه من. ايدي يبوس بيه

فيروز::تمدد شويه ذياب والله موزين عليك عوف شهم مابيه شي جيبه اخذته منه ..تمدد على فراشه محتار..نزلت اسويله شوربه ولولد متخبلين يكسرون الگلب

اصف خابر على رجل نور بلكي ترد منه كاله جاي هسه افرك حلكها. صدك. شويه واجه دخلوه الولد لديوان بطرس واصف وعمه كاعده يمي تحمد برجل نور ماراح يرضه على سوالفها هسه يگلها اطلكج ..عود جاي نحجي وكبت العيطه بالديوان راحت عمه تركض. وانا وراها
لزمو رجل نور كطعوه وهوا يصيح البيت باسمهاا انتم اطلعون برا اليمد ايده على مرتي مايلوم الا نفسه.

صعد بسيارته وراح كعد اصف على حيله بساحه مصدوم
لج يمه هذاا النگول عليه زين هذا النگول يخاف ربه علمود الفلوس والبيت شفتيهه شسووا

طلعت خلود صاحت حدكم الباجر تلمون مواعينكم وتشيلون ماريدن اشوفنكم لاتخلونا نسجنكم

روز:: اصف يصيحلكم ذياب ..كام فرك وجهه بعصبيه باوعت العمه العيونها ورمن من القهر كتلها حتى انتي يريدج. صعدنا يمه. كال

-باجر نرد للبصره ماحسبنا عمي يسوي هيح سالفه بس الضاهر خلود غاسله عقله عدل

اصف:: الله يرحمه ابوي اكبر كوا*د

-انجب. يله انجب وسد حلكك اخذ السياره هسه بيعها ابيش ماجان وردلي

فيروز::بدت الناس تجي تجمعو بديوانا.نوب راحو الهذوليج ..كعدنا بصاله ادينه على خدنا شوكت تفض.ونخلص عمه كالت فرغن غرفجن ولمن كل غراضجن هسه يجون يحملونهن بعتهن ماخليهن لخليده
سويت مثال ماكالت عزلنا كلشي اطلع غراض اصهب وروحي تلوب اريد الزم دموعي ماكدر
يروحي انته .. بالاربعه ونص اجت مريه وياها سيارتين حمل ..صعدت شافت الغرف تعاملت وياها وباعت حتى غراض غرفتها لان حتى لو تاخذهن للبصره ماعدنا مكان. كل الغراض الباعتهن صارن خمس ملايين رغم هنه الغرفه الوحده بمليونين.ونص وبثلاثه واكثر ..حملوهن.وعمه دموعها تجري ومابلسانها بس حسبنا الله ونعم الوكيل انشعل ونطفي من اشوف نور تضحك.رغم.والله وجهه مورم من الكتل

كافي عمه لايصعد ضغطج
-شذنبهم.ابوهم هيج.يسوي بيهم يخلي هاي الخايسه تطردهم انا من يمي مفرفحه شلون گلوبهم همه ماوكفت بعينها وكفات اصهب الها

.الله كريم لاتهتمين تعاي. اخذتها الغرفتها بس الزوليه ممدوده وغراضها لامتهن على جهه عفتها وصعدت يم روز ..تعزل بالغراض ..

روز:: شلون هسه فيروز
-الله كريم بس خلي اصهب يطلع وكلشي ينحل
-خابري نرجس جونيش مريضه ماخذينها لدكتور وبان فلاونزا كلش.

-استغفرالله ربي وتالي يالله وتاالي ..خابرت نرجس كالت يم العياده صايره هوسه
سديته منها وخابرت بان اكلها شبيج.

دكلي مريضه عليكم لان عفتوني

.نجبي.وصيري زينه موعندج صخام امتحانات
-ااي تعالو انا من اشوفكم ارتاح وكدر ادرس من ترحون كلكم احس روحي صدك يتيمه بس اذا انتم يمي احسكم اهلي ماضوج

-بان فدوه كلبي ماعايز قهر فدوه ديربالج على نفسج بس يطلع اصهب نجي كلنا حتى عمه ولولد

-وبطرس

-جا بطرس مو من الولد

-هههه همزين يعني شوكت تجون
-مادري يله ادرسي عفيه سديت التلفون منهاا..اجت روز يمي ..ها وينهم
-نامو شهم بس اطخ شي برجله يفز..تعالي ننزل يم عمه لاتتخربط خطيه

فيروز: :اريد اكول لذياب بس استحي كليله انتي مايگدر يروح يم اصهب ويتصل بس اسمع صوته راح اموت روز

-اسم الله عليج انا اكله بس خلي يجون ان شاءالله تخلص اليوم ويطلع اصهب

-ان شاءالله نزلنا من الدرج نسمع بت نور تبجي. بلمطبخ وصوت نور وخلود ..باوعنالها

خلود كاعده على جهه تصكع بشعر الولد ونور مخليه طشت كدامها وريحت النفط تخنك. لعبة نفسي من المنظر .فاتحه شعرها وشعر بتها تخلي نفط وتمشطه بطشت ولبنيه تبجي ..كعدنا بصاله يم عمه وعينه عليهن. كلساع ساطره البنيه راشدي شلون ترفع راسها والنفط ينزل على هدومها اييعع اطيح الدود من شعرها بطشت وتصكعهن.وتسوي احييييه هيج كون اصكع ناس واموتهم .كالتلها عمه
.حررام عليج البنيه كسرتي ركبتها الدوا بخمسمية دينار شذنبها غطيتيها بنفط
.ماعليج غير انضفهاا اندري منين جابته النا من اجينا هنا صار بينا من خيستجن
-كامت البنيه تبجي اجت يمنا ..مانكسر خاطري عليها بس روز اخذتها للحمام تغسللها ونور تصيح عليها سبحيهااا عدل لج اجر كعدتكم ابيتي..كوم ولك ختسبحك انته هم
.اجه الوليد وكف بلباب ..وهيه تمشط بشعرها رجع يم امه كالها استحي عمه تسبحني
انا من يخلصن اسبح بس انا مابيه دود بس انتن بيجن
-اي ميخالف اسبح بيك ريحه
-كامت خلود تمشط بشعر نور بطشت كون اصورهن ونشرهن ..يضحكن بحقاره وعلى اعصابي ساكته .طلعت روز البنيه لفتها بلبطانيه يم الهيتر....عمه جاي دكلها هاي هيه معليج لاتمشطينها .. وكبت النار وصرريخ اشوف نور تركض كدامي مشتعل راسهاا وخلود اديها ثنينهن گابات..ركضنا مفزوعين مانعرف شلون نطفيها جريت البطانيه. وهيه تركض منا وتجي منا مدري شلون لفيت راسها بيه شكد ماكرهه وموت منها بس منظرها هزز گلبي..خلود من حلات روحها حطت اديها بسطل الماي . ركضت عمه على بيت عمو مهدي ..ونور بس تصرخ. من وجهه لابقه شعر لاشي وخلود تبجي من اديها
اجه سعد عيونه حمر.ويمشي صفح شارب وريحته تكتل اخذوهن هوه.وسهام .. .اباوع بلمطبخ مصدومه هنه كاعدات شلون نار الطباخ لاحتهن كالت عمه لا لمحت نور. وكفت وكبت وخلود جاي اطفيها.وهيه اديها بيهن نفط وكبت

.رجعتت اتصل على الولد محد يجاوبني للغروب يله اجو شايطين واعصاب اهل محمد ماقابلين يتنازلون ولايردون فلوس حسيت النفس مايوصل الريتي اباوع لذياب مختنگه ..فرك وجهه يباوعلي ..ودك تلفونه ..جاوب وطلع بساحه ..عمه تبجي ..على اصهب ..وسولفتلهم على نور حلفو مايرحون ولو يعرفون ميته مالهم شغل بيها ..

رجع ذياب مصدوم يباوع بحيره كالهم
ذياب:: ابوه كبل شويه يجر الحجايه جر ويصيح مانتنازل نريده ينحبس وهسه يگلي 100مليون وتنازل بس طلع العشيره من الموضوع

-عكدت حواجبي ابوه مو مجلوط مدري مات
-كلشي مابيه الله وكيلج انا المجلوط

.كعدو محتارين خابرو المحامي كالهم. اي دليل عليه ماكو بس سالفة التحقيق.جر.وعر بيها
مجنه نفهم حجيهم ..وهوستهم. ..لليل اجت بس خلود. ..لافه اديها وتبجي وتدعي عليناا تفلت على الولد
كله منكم نور احتركت كالها اصف

.جا احنا كايليها خلي يصير بيج كمل هيه خايسه

-اطلعو.يله من بيتي. ماريد اشوفنكم
-غلسنا منها وسهام دخلتها الغرفتها نور منومينها مستشفى وضاله يمها خالتها شكد عيب احتركت لان غاسله شعرها بنفط

.عفتهم وصعدت فوك من صدك بجيت كلبي يوجعني حيل ..بس اتخيل حياتي بدونه شنو اسوي. وشيصير بيه. شكد لازم اخسر بعد حتى ارتاح بحياتي. مادري بروحي شوكت نمت حسيت على ادين روز من كعدتني

.هااا كعددت على حيلي مفزوعه مغطيتني ابيش الساعه
-ب8 الصبح البارحه لكاج ذياب نايمه غطاج ماقبل اكعدج
-شصار
-راحو يبيعون كلشي
-شيبيعون
-شهاب يبع قطعته وذياب واصف سياراتهم واني وانتي وعمه ذهبنا وفلوس الغرف ويا العدهم

-شهم شلون صار
-زين بس نور متشوهه وجهه يگولون
-جعلها بلموت
-لاا فيروزه حرام ..كومي يله ننزل جوا. اخذتها ونزلناا يم عمه خلود رجعت يم بتها ورجل نور وده اخوه على جهاله اخذهم. عمه اخذت ذهبنا ونطته العمه شيماء تبيعه ..ولولد تأخرو نتصل ومايجاوبون ..

بقيت اتصل على شهاب لمن رد
وين انتم
.ليش شكو
ذياب ليش مايجاوب ...سكت ماحجه بلعت ريكي خايفه..شهااب ذياب بيه شي

-لاتخافين بس تخربط.واخذته للمستشفئ. مو رجلج واحد يشلع الگلب بشر يگله اكعد تتخربط مايسمع الكلمه ...

.عفيه شهاب عليك الله مابيه شي
.كلشي مابيه هسه راح نجي والله

.سديت التلفون منه روحي تلوب فعلا يشلع الكلب اكو واحد مضروب طلقتين ويطلع لو يمه بان جان كالتله تقلد سلمان خان

فيروز:: الضهر ويا الصلاه اجت خلود ونور ودلال وياهن عزا بعينها ليش طلعتها فاتن مايحجن ويانا. نور وجهه ماينشاف ودلال التمشيها ..صاحت خلود تشمتن وكيفتن عبالجن ماتت كلشي مابيها ..سكتنا مينحجي وياها شي مريضه والله مو صاحيه ..

لمن رجعو الولد وعمه لمو الفلوس. ياخذون ابوه يتنازل وينطونهن اله كعدو على الحديده مليون مابقه عدهم وسياراتهم باعوهن كلهن بقت بس سيارة بابا بلبصره شهاب الجان ناوي يبني قطعته باعاها عمه كومه ذهب عدها كله راح وفدوه بس كون يرجعلي اصهب ...اشويه وراحو علمود الدعوه ..

خلود ودلال اخذهن حيدر ابن دلال الواحد يسوي علاج طبيعي خاص بلحروق.وهوا اصلا مو دكتور مدري شلون يأمنن هيج. ..ويا الصلاه يله رجعو

كال ذياب هاي هيه تنازلو هسه صارت سهله يوم يومين يطلع
.باوعتله عيوني مدمعه. بلع ريكه
.بس لاتخليني اشوف دموعج وحگ عيوونج كلشي يهون

-مسحت عيوني اهز براسي لا ما ابجي ..اجه يوسف جايب فلوس تخبل من لگاهم بايعين سياراتهم... بورا العشا ..من رجعن نور وخلود ..نصدمنا بسيارة شرطه ..طلعولها الولد وخلود طلعت من الغرفه تصيح هيج يله اطلعون من البيت

.دخل شهاب متخبل يريد يكتل خلود ويوسف لازمه تنسجن يمعود اركد ..من صدك صدمتنا
خابرو على محمد ابن عمه شيماء اخذو سيارته وسيارة يوسف بيك اب ...وطلعنا من العماره بليل عايفه وراي كل حياتي عايفه روحي هناا غمضت عيني والف حسبه ابالي. ..اسمع يوسف وذياب يحجون ويطلع وسهله بس كل هذا وانا گلبي رايح اريد الايام تمشي بسرعه بس اريد اشوفه گدام عيني

.وصلنا ب10:30 البيتنا ....دخلت لصاله ذياب مرتجي عليه فكت عينها بان تبجي حضنته تشهك وهوا مغمض عينه موجوع ..لماهن بحضنه ..يطمنهن...شهاب ركض البنته يبوسها ويشمها وليث يصيح والله بعد فلا ابقه ويا نسوان حتى طبخ خلني اطبخ

روز:: شبيج بعدج ضايجه فيروز..كالج ذياب لو باجر لو عگبه يطلع اصهب لاتنقهرين..هزت راسها ساكته ..كمت فرشت للولد بدوانيا ..ميتين قهر من نور بس ليث يضحكهم ..ويوسف شويه غير جو عليهم ...فرشت العمه والبنات بصاله وشهاب ونرجس بغرفة البنات .

.فتت الغرفتنا لكيت ذياب ينزع بقميصه سديت الباب مرتجيه عليه من اباوع الصدره وبطنه ملفوفات گلبي ينقبض.وغصب عني ينزلن دموعي سحبني الحضنه..اشش كافي دموع بعد ماريد اشوفجن تبجن كافي
.بسته بركبته ارجف ..اموت بدونك والله امووت

اسم الله عليج... روزايتي عمشتي كافي هاي اني كلشي مابيه. تعالي عقميهن الي

-مسحت دموعي تمدد وجعني گلبي حيل من. منظرهن رجعت لفيتهن اله مبتسم على رجفة ايدي ودموعي ..مادري بيج هلكد تحبيني

.خليت ايدي على رگبتي ..وسحبت نفس بحسره..ويا النفس انته من احس بيك متأذي النفس الاسحبه يوجع گلبي

-اروح فدوه الگلبج تعاي دنكي خلي اشمج
-دنكت رگبتي الوجهه باسني وشمني تذكرت الحمل ...ابتعدت كتله انا حامل

-هههه عاشت ايدي. شهم ماصارله خمس اشهر
-ابتسمت كال
.خوماتراجعتي
.لا والله ...تمددت يمه حسره بگلبي شگدها شلون راح نعيش ذياب

-مادام ماكاعدين بشارع وبيتنا ملك ..وعدنا وضيفه نعيش بخير لاتفكرين ..صح نتبهذل لان بيتنا صغير بس تنحل ان شاءالله

-الله كريم غمضت عيوني مفتقده هلأمان من فتره بس اريد انام براحه ..

فيروز:: متغطيه بلبطانيه واباوع بصوره وحده وحده مفتقدتك حيل شلون جنت اكول اكدر بدونك اكبر جذابه انا لاشي بدونك ..سحبت رجلي من حسيت احد داس عليها وخرت الغطا
اشوف بيان واكفه منحرجه...وين موليه دستيني

-اسفه مادري شسمه اصف جوعان ..رفعتلي حاجبها حتى وهيه ضايجه ماتفوتها همست خوش وكليه عدل ..طلعت كلبي يدك سريع عبالك راح اشوف صاحبي مو رجلي..اتختل من ذياب. فتت للمطبخ سد الباب ..حضنته. ..مشتاقتلك
.وانا ميت عليج. بله فكي ايدج خلشوف وجهج
.فكيت ايدي من رگبته. نزلت مبتسمه كرص خدي كال
.مو حاله هاي الجو بارد اريد مرتي ادفيني شنو انا بمكان وانتي بمكان.
تعال يمنا بصاله
.اي والله اجي بس كون امي نايمه استحي منها
.اي نايمه ..اخذته من ايده.الضوا خفيف شاف فيروز تتگلب ضربني على راسي يأشر عليها بدون صوت خاف تفز بعدنا ماواصلين فراشي كعدت على حيلها وكفنا نباوعلها وهيه تباوعلنا هزت ايدها اوكفت

.كبور جنكم حراميه
اصف:: ترا بارده اريد ادفه
-احضن الهيتر وتدفه
-لا عدي مرتي
-انطمر بالمطبخ
-ثلج
بيان:: كرصته يسكت ابتسمت فيروز وطلعت

.تمددت بحضنه دافنه وجهي بصدره ورجليه فوگ رجليه كال
-ادري اخطبوط انتي خليني اشوف ابوس اشم جا هيج هيه
-ابتعدت اضحك سد حلكي
.خرب يومج راح دكعدين امي وهيه منا محروك گلبها تطردني وعلي

-جا انته ليش ما محترگ كلبك من السوته نور
-لا طبعا محروك حرك بس ..احس ربي عاقبها وعاقب امها وخليها تتهنه. بلبيت احنه هم مانريده واصهب باجر عگبه يطلع والحمدالله على كل حال.

-خوش دفيني بردت..ضميت وجهي بركبته اضحك من يكزبر جسمه لو يرجف وهوا يغلط بصوت ناصي. لاتسوين هيج ماكدر ..ضم وجهه برگبتي ونام ..

فيروز:: كعدت بطارمه رغم الجو ثلج بس كلبي نار جريت نفس بغمج بس اريد العبره والحسره الخانكتني تروح. ..نص ساعه مرت احس جسمي يرجف ..رجعت اباوع بتلفون اكلب بالفيس وبحسابه جان مايمر ساعه اذا مافتح فيس .. اباوع بدون عقل ..طلع مقطع اغنيه لحسين الجسمي فگدتك يا اعزز الناس من اول كلمه سمعتها نرزلن دموعي

.طلعتها على اليوتيوب ..وكعدت اسمعلها
هيج صايره ضعيفه هيج دمعتي بسهوله تنزل
غمضت عيني وباالي كله يم كلمات الاغنيه
فزيت من حسيت احد گعد يمي ...مسحت دموعي بسرعه ...بعدك كاعد

ذياب-لاجنت نايم.وفزيت ..
-جريت التلفون طفيته سحب راسي على صدره بهدؤ
-ليش تبجين موحلفتلج يطلع ..ماتثقين بحجايتي
-بلعت ريكي مختنكه ..اثق بس ذياب انا تعبت احس بعد ماعندي طاقه تتحمل والله احس گلبي خلص مابقت مصيبه ما مرت على راسي اخر خساره طفلي

-يجي غيره ليش هيج شايله الدنيا على راسج
عليمن كليلي ..عليه شو انا بخير وكلشي مابيه على اصهب والله العظيم يوم يومين ويطلع يوسف باجر يرد للعمارة وانا بس اكمل الدوام اروح. بعد شكو على البيت بس نلم فلوس ونبني تحملن جم شهر لان محد بينا عده فلس

-عسئ مانگعد بخيمه بس.كون كلنا سوا وبخير مامهتمه للبيت والله ..كال تعالي يله بردت عبر ايده على جتفي ..يريد يوصلني لفراشي.وانا منحرجه لان ادري اصف.وبيان جوا فتح باب الصاله ..تمددت.باوع البان مخليه كتابها يم راسها ضحك ودار يدور على بيان غمضت عيني فشلانه من شفته شلون مركز باوعلي كال منو

-زوجها ..عوج.راسه يسوي ايبااه ..دفره برجله فز اصف
-كووم لك.كووك
-حتى هنا لحكتني الله اكبر...وحگ الزهره مرتي مررتي مو صاحبتي شبيك.حضي المصخم.يجيبك عليه

بيان::بقيت جوا البطانه كلبي يدك سريع من الفشله. مسويه نفسي نايمه ..رجع اصف نام حاضني يگل لذياب ما ما اكوم ..دنك ذياب يجر بيه بس ثنينهم يضحكون خنك خاف تفز عمه
دفعت اصف فشلانه ماريد يحضني. لمحني ذياب كاعده كال

-هنا الحجي ام خنيس نطمر يله ب3اكعدكم والله
اصف:: ديله عسئ ما ب2 بس ولي مني

فيروز:: باوعلي ذياب يضحك كل هلسالفه سواها علمود يضحكني فات الغرفته ورجعت لفراشي فزيت من حسيت حركه بلمطبخ ..كعدت ويا روز ...الساعه ب3:30راح يرحون. لدوام. صباح الخير

روز::صباح العافيه. شكعدج
-هوا كوا نمت. حضرت وياها ..دخلت راسي لصاله بان ماكو بفراشها ...بان وين

-مادري غير نايمه
-مشيت للغرفه مالكيتها..لفيت شالي عدل.وفتت لدوانيا بطرس موجود اشرتله اجالي .خازرته وين بان..بلع ريكه ساكت

بطرس::شنو.وين بان غير نايمه ..دخلت للبيت كلبي يدك سريع وينها تعاي شوفي الغرف فاتت فيروز للغرفه جاي اصيح على ذياب وشوف واير الهيتر داخل للحمام دفعت الباب طاير گلبي فكيت عيني مصدوم ..كل عقلج
كاعده بالحمام ادرسين ..مخليه الهيتر كدامها و وتدرس بدون صوت وكفت خجلانه وفيروز تهمس برزاله ادرسين بلحمام تخبلتييي

بان:: جا كلكم نايمين ماكدر اشغل الضوا..وين اروح اطير ..فيروز غمت كصتها وبجه شهم راحت تركض ..وبطرس يباوعلي مبتسم ..دخل للحمام وسد الباب رجعت ليورا ..وخر والله اصيح لذياب

-شدكليله
-اكله يريد يبوسني
-انا جاي ادرسج ماريد ابوسج ليش هيج تحجين تردين ابوسج
-خزرته ساكته هوا انا كل ما اشوفه يقشعر بدني وتذكر البوسه...وخر خلي اطلع يله ..صار على جهه مشيت اريد افتح الباب سحبني من ايدي على الحايط. فكيت عيني حيل. بطررس
همست عينه على شفتي
.عيونه
.شتريد

.ابوسج
.بلعت ريكي ساكته اباوع بوجهه ونفسي يرجف رفع عينه العيني همس امنعيني ..سكتت ارجف كلي. تقرب بهدؤؤ خله شفته على شفتي باسني وبتعد جريت نفس. ..اغلط على نفسي ليش ما امنعه ليش حابه هلشعور

-دخيل الله ودخيل عيونج اذا خدرت

-دفعت ايده من خصري دنكت اريد اشيل الهيتر واطلع ندك باب الحمام وصوت ذياب يهمس منو هنا..همس بطرس خرررب وكتك

.دمعن عيوني خفت من ارتباك بطرس دك الباب حيل رفعت ايدي ارجف فتحت الباب الكتاب ولهيتر بيدي فك عينه حيل مصدوم. ورفعن حواجبه بصدمه من شاف بطرس وراي

.هاي شنوو
بطرس:: وحق هذا الله الفوگي وفوگگ جانت تدرس هنا واني وفيروزه ندور عليها عبالنا مدري وين هاي كل السالفه لايروح بالك بعيد

بان:: دنكت ساكته اذا يسويلي بز ابجي. كال ذياب
.بان ..اطلعي.وانته ابقه ..
اخذت الهيتر والكتاب وطلعت ركض. اجت فيروز ..تسئل شكو

فيروز:: امداج وخري رحت للحمام فتحت الباب ..ذياب لازم بطرس جوا الماي البارد
ضحكت على منظرهم كاله
.كل ما الكاك يم بان اسبحك بماي بارد
بطرس: : ماصارت هاي بعد اسوي شي يستحق اتسبح عليه

فيروز:: ضحكت غاصه وذياب تخبل غط راسه بالانجانه ..طلع يرجف ..تفل عليه
.تف عليج اجيتي وياي اخذيها وطلعي الا تخلينها يمي

.طبك وجع ليش تتحارش. باختي
.مو متحارش بموزنيلا هيه كلها كلها بان طيرة الفطره

.ومنو هاي موزنيلا
.ماعرفها هيج اسم اجه على بالي وحجيته
.سكتت منه اضحك راح يبدل ..جاي اجيبله منشقه نرجس وشهاب كاعدين يسولفون ويضحكون...يارب ماناقصنا غير اصهب ياارب احنا هنا وهوا وحده هناك

.تريكو الولد وطلعو الدوامهم.ولبنات راحن الاخر امتحان عدهن عمه خطيه بعدهي مقهوره وحقها محد يكدر يلومها اول شي ابنها مسجون ثاني شي نطردت من بيتها

كعدتنا يمها تذكرني بامي من جانت تشعل الصوبه وحنا داير مدايرها هسه هم كاعدين.بس اليختلف يمنا جهال شهم وجونيش وايهم ..خو جونيش ماطاحت من حضن عمه

بالعشره ونص ندك الباب كمت افتحه كالت بان اني فتحت الباب هاا مجاوبه
دخلت.وراها بيان كالن اي.مجاوبين مبتسمات جاي اسد الباب وندفع فكيت عيني شاهكه من شفت اصهب كدامي فات وسد الباب مبتسم
حضنته ابجي

-ااخ ولج.جسمي.مهدود
.ابتعدت ابوس.بوجهه. ودموعي تصب وبان تضحك ..همس
.كافي حبيبي البنات منا

مسح دموعي دخل لصاله يباوع العمه كاعده وجهال يمها منا ومنا ابتسم بس لمحته بجت ماكدرت دكوم كعد يمها حضنها يبوسها.وهيه تبجي
.يمعودات لو محكوم سنه سنتين شتسون

ام اصهب:: انا مالي گلب يحمل فراگ.واحد بيكم ربيت.وتعبت ومن تالي تروحون من كدام عيني اموتن

-اسم الله عليج حجيه الج طولة العمر
فيروز:: جابتله روز ماي اخذه منها يباوعلنا بحسره كال
من.وراي مابقالجن شي

روز:: المهم سلامتك خويه كلشي يتعوض

ام اصهب::شفت اختك شسوت
-والله يا يمه الصوج.بابوي من.سولفلي ذياب كلبي راد يوكف من القهر جا احنا بتعبنا وبفلوسنا فلشناه وبنينا ..شنهي يوكل نور على يا اساس ..بس هاي هيه وحگ موت الاخذه انا من هليوم متبري منها لا اختي ولا اعرفها لو اعرف الجلاب تنهش بلحمها مايرف گلبي بعد عليها

فيروز:: كوم حبيبي اسبح.ورتاح الله كريم هز راسه ساكت فات للحمام دخلت اجيبله ملابس دك تلفوني ..ذياب ابتسمت جابوته
-هااا رجعلج مثل ماوعدتج
-الله يخليك.ويديمك خيمه النا
-بعد روحي بنيتي يله يابه ديربالج عليه ولاتقهرينه ترا كوا متحمل وكلبه يوجعه

.ان شاءالله سديت التلفون منه اخذت ملابسي دكيت عليه الباب همس بتعب
.تعالي مفتوح
.فتت للحمام كاعد بس.بشورت علكت الملابس
اباوعله صافن ..اصهب
همم رفع عينه الي تحسرت
.روحي عمري لاتفكر بشي. هاي هيه نبدي من نقطة الصفر بحياة بعيده عن خيون ونور وسهام وكل الماشفنا منهم غير المشاكل

.هز راسه ساكت رفع عينه ميت قهر همس
.بس والله انا ماقصرت وياها بشي حتى على الولد ماجنت اقبل يضربونها. حتى من جانت عد زوجها. كل راس شهر اوديلها مصرف وكل عيد اشتري ملابس الها والجهالها
هسه حتى من گالولي احتركت احس گلبي حجر ماهتميت ابد

.هاي هيه انسه اعتبر البيت انباع علمود نطلعك. ونور ميته

-.وانتي هم صارت عندج جلطه هم طفلنا ..راح ...ولولد شهاب بايع قطعته واصف وبطرس وذياب كل فلس عدهم حطوه صفو حتى سياره ماعدهم ولج يرحون لشغل بسيارة عمي عامر كلهم واحنا جنه كل ثنين بسياره

-كعدت كدامه. حاضنه.وجهه ابين اديه ..نطيني شي واحد من العديتهم مايتعوض

.ترا بس الموت ماكو شي يعوض مكانه والف الحمد والشكر كلنا بخير .وكل خساراتنا بسلامتكم هيه ربح ..ابتسم بتعب ..خله ايده ورا راسي وتقرب باسني يهمس
.احبنج ريحانة روحي
.اعشگنك بلسم روحي .

.فتحت الماي وسبحته يضحك يگولي كل يوم اسوي نفسي تعبان ومريض حتى تسبحيني ..طلعت من الحمام قبله نرجس وروز يتغامزن ....دخلت للمطبخ اريد اسويله اكل ما مهتمه

نرجس:: عاد خليه يرتاح شبيكم مستعجلين
-درت عليها شنو ضحكت هيه.وروز
.وجع شبيجن ترا بس سبحته غيرر ميته انا ليش يروح بالجن لبعيد

روز:: ندري ندري نريد نضحكج..صدك فيروز ..شلون انام السالفه اتضحك ..البارحه اكول لذياب انخلي فيروز واصهب ياخذون غرفتنا يكول لو تموتين

.ههههه مانريد انام بدوانيا
نرجس:: انا وشهاب بغرفتنا هههههه
بيان::وانا واصف بسطح صدك تحجن هههههه

فيروز::ضحكت كملت اكل اصهب كعد يم عمه شهم بحضنه وجونيش بيده وايهم حاضنه من وراه منظرهم يخبل يلعبهم ويضحك ويا عمه
كعد ياكل وكلما اتذكر سالفة النومه اضحك ..
كعد ليث عيونه مورمه رزلته عمه يسهر كالها

.جا لاشغل لاعمل عاد نسهر ويا البنات. شلونك اصهب الحمدالله على سلامتك

-انجب من باجر اطلع دورلك شغله
-ولعباس طلعت قبل بيوم عود ادور شغل الشارع متروس بنات ضليت امشي وارقم جبت تلاثه

-ليش تخليني اخذ تلفونك
-اخذه اضل اصاحب بسطوح هسه انا احب البنات انتم ليش تضوجون

-كلتبن لك عرض العالم شنو تحب البنات
-تغار لان ماتكدر تصاحب حقك تخاف اذا انته متزوج القبضاي

فيروز::خزرته اضحك اليوم محد يكدر يضوجني ..جاب تلفونه واجه يمي طلع رقم واتساب ومحادثه. عززززا بعينك ..لا ليث عيب
جوارينااا يعرفونه شلون جبته

-ههههههه جبته شعليج
-غميته بكصته جبح هلوجهه هسه لو حلو ميخالف على شنو.تصاحب

.عزيزتي اهم شي الاخلاق وجمال السان

روز::ابو جمال السان روح جيبنا معجون عفيه
با وعلي رافع حاجبه

-هوا انا ما مطيح حضي ومخرب هيبتي غيرج كلساع وصاحت جيب بيض جيب معجون جيب بهارت الخدامه مالتكم كله صووج ذياب بطل يصيحلج عمشه

فيروز:: ركضت ورا روز بجفجير طلع يركض ..مرات احس ليث الكوميدي الوحيد بهل عائله صاحتلي روز غاصه من الضحك هيه والبنان بلمطبخ مدمعات ..شكو شبيجن ..رفعت التلفون بيان تريد تراويني محادثه وتضحك ماتكدر اخذته من ايدها اضحك. اقرا وحلكي مشكوك. اصف كاتبلها

افرشيلنا بلمطبخ يمعوده هم قابل اذا ماكو حتى لو بسطح ونتغطا بهواي بطاطين ترا طك كلبي لو انا اكلج شتسوين اطردي نرجس من الغرفه خلي يأجرونها النا بسبوع يومين يلكعبه عريس محروم والله

-باوعت البيان اضحك ..صدك لج..انتو من العرس مو هزت راسها اي خجلانه..خطيه الرجال طاحضج

روز::والله انا عندي حل صدك..فيروز انتي واصهب نامو بدوانيا واصف وبيان بصاله هاي
ونرجس وشهاب بلغرفه.وعمه وبان وليث وبطرس نفرشلهم بلموزع من نسد الباب ونشغل الهيتر يصير دافي ترا

-يتخبل ذياب بطرس ينام بنفس المكان يم بان ياخذ بان ينومها يمكم وميخليها
-ههههههه

بيان:: صفنت ساكته ومبتسمه كلبي ينغزني صح تعودت على بوساته وحضنه بس من اتذكر السالفه يقشعر بدني ..سوينا غدا وضحكنا واصل الوين رغم جان ذاك البيت كلش جبير ..بس ابد مافرحنا بيه ورغم هذا البيت كلش صغير وماعدهم لاسيارات ولافلوس نضحك ..المه شكد حلوه...ل2 يله اجو الولد

دمعن عيوني من كام اصهب حضن ذياب وعيونه مغرغرات ..وعمه تدعي.الله يحفظهم البعض ..كعدو مختنكين وصوتهم مبين خانككته العبره..رحنا صبيا الغدا
وكعدنا نسولف ونضحك من جد كعدتنا ماتتعوض..بكل مال الدنيا

بان::كمت من مكاني باوعلي ذياب كعدت يمه خازره بطرس
ذياب::شبيج
-كل ما اسويلي حفره بلتمن يخربها...ضحكو بصوت عالي ..خزرت بطرس بزعل انا بطني قبل گلبي عبالك احبك اخليك تاكل من صحني

فيروز::لاصتها ورب الكعبه...اصف طلع التمن من خشمه.ولولد يضحكون سكته دار عليها ذياب كالها

.اذا مرة الثانيه كتيله كدامي احبك ماسويلج شي بس اطيح حضه
بطرس::خاب. دسكت ولعباس ماسامعها هستوني سمعتها اسكت اسكت عوديها طيرة الفطره
ذياب': انجب كلها بان لاتضل تطلعلها القاب

اصهب::ريحانتي انطيني كلاص ماي

فيروز::باوعت لاصهب غاصه شهاب كبل باوع النرجس سوالها بوسه وكالها تينتي واصف كال البيان احبج شيرازيتي ...

متنا ضحك وذياب يصيح
هوا انااا حماااار انا زمال مادرري بيكم كو.اويد وزوجتهن الكم همزين لحكت على بان بطلت مازوجها البطرس

بطرس: : جا هيه تفتر تفتر وترجع على بطرس هلمسكين انته وين تلكه نسيب مثلي

فيروز:: بس شربو الجاي نامو بقينا احنا بصاله
اباوع البيان جابت خيط حفيتها ودخلت سبحت وخلت مكياج ..شجعتهاا اصف يستاهل ادلله مو بس تكشخله محد تعذب بالحب كده

لليل قبل لا احنا نحجي عمه كالت افرشن هنا وهنا ..فرشتلنا انا.واصهب بدوانيا لان السالفه مطوله مو مال يوم ويومين ..رحت البيان.واكفه ويا روز بلمطبخ مستحيه ..باوعي هيه مو اول مره صح وحقج تخجلين بس انتي تعودتي عليه
صارلج شكد تنامين بحضنه وشوفي شكدد صبر وياج.وتحمل خطيه ترا كل رجال
يحب من صدك راحته بحضن اليحبها لاتحرمين اصف من هلشي

بيان::دنكت ساكته مادري ليش من صارت صدك تراجعت وترددت تذكرت ليلة زواجنا ومعاملته الي ..بقن يحجن وياي بساعه ولبيت هدؤ

..فتت لصاله كلبي يدك سريع قفلت الباب اباوعله بفراشه نايم على بطنه. سحبت نفس
ليش هلكد متوتره مو يوميه انا بحضنه ..طفيت الاضويه ..نزعت دشداشتي بقيت بسيت نوم الف مره اتردد البسه ..رجعت اريد البس الدشداشه وتذكر حجاية فيروز ..تمشيت بخطوات ثگيله..كلبي يريد يطلع من مكانه ..سحبت الغطا وتمددت بصفه ساكته.غمضت عيني من نگلب همس
.تأخرتي
. احم جنت يم البنات ..مد ايده يريد يحضني استغرب ملمس ملابسي. رفع ايده يتحسس زنودي جريت نفس روحي راحت. سحبني الحضنه متحسر
.بيان اسسف واتمنئ تنسين اول مره تقربتلج بيها لو بيدي امحيها ورجع حرمت نفسي وحرمتج منها. ...همست مختنكه...احلف ماترجع تعاملني هيج ..
.وحگ عيونج الضيعني ماتنعاد ..انسيها لاتذكرينها اعتبري هاي اول مره ابينا. شيرازيتي
.همم عضيت شفتي متقلصه كلي تقرب يبوس خدودي عفت شفتي باسني بهدؤؤ ونزل يبوس ركبتي وجوا ربكتي لمساته هادئه وبكل لمسه يهمس احبج شيرازيتي. ياراحتي. .يسحب ملابس بهدؤ دنك الشفتي. يهمس بوسيني احضنيني لاتستسلمين بس الي خليج وياي
عبرت ايدي على ركبته. رفعت راسي ابوس صدره تنهد بحسره ..وزع بوسات متفرقه ..حسيتت بوجع بس خفيف ..دلغمت من اتذكرت موضوع الاطفال وهوا يبوس .بيدي ويهمس بصوت ناصي...بس هلمره
.ماحسيت بوجع قوي
.جا شبيج ضجتي
.لا حضنته احبك اصف. حضني بقوه يبوس براسي
.احبنج. ...

.....
فيروز::مرن كم يون اصهب احسه الهسه مطالع من صدمة نور دائما مقهور وضايج وحتى ذياب احسه مختنك بلمدينه الولد بدو يطلعون ويا ولد بيت خاله شهلاء حموينها وزوجها تصادقو
رغم احس اصهب ضايج وذياب مختنك بس حياتنا حلوه
بان وبطرس وعركهم اليخرب ضحك يكلها ماتعرفين تحبين زعطوطه وهيه تنجن اعلمك اذا تريد علحب ...
حب بيان واصف الهسه يله بدو يعيشونه بادق تفاصيله يرجع من الدوام يطلعون يفترون وترجع متونسه ويافرحتي من اشوف ضحكتها

نرجس وشهاب اليتعاركون لان يكلها بعد اسمي بنتي تينه يغور بيها وهيه متخبله عليه وتغار بشكل بحيث مكالمه مايحجي بعيد عنها حتى لو ويا مديره بشغل يحجي يمها وهوا مكيف بغيرتها
اما روز وذياب موضوع اخر ..كلساع اسويلهم كبسه لو الكاهم بطارمه لو بالمطبخ ذياب كرهني كد ما اطلع بوجهه

ليث المابطل مصادقات وجذب اذا اطلع للحمام بليل الكاه كاعد بطارمه بيده كلاص جاي وتلفونه على اذنه جاي وجذب ساعه يكلهن انا بلحشد ساعه مدير اعمال ساعه معيش اهلي وانا بس هلواحد المصيبه بس وحده تضوجه يكلها انا اجدي بتقاطع يتيم. ابوي مات بحرب ايران وامي ازوجت وعمامي شمروني تقبلين بيه ..هاي هيه ولي يله بربوك بعد لاتخابرين ولد مودكولين اهلي ما مقصرين وياي ليش تخابرين ولد ..انجبي انجبي بربوك ...بلوك الجهرتج تذكرين من كتلج جنج كمر جذب بلعباس شكلج يسد النفس ....اي عيني احذفهن احذفهن بس ولي يله.الوصخه شهر ماتسبحين شعر اديج اثخن من شاربي

-هاي مره طلعت وسجلته كعدت اصبح اسمعه للبنات ميتين ضحك ..ولود مجازين ماكعدناهم من وكت ..بس ذياب راح لسوك ..لمن اجه جايب كومه معقمات وكلور وكمامات ..خايف من كورونا بدت تنتشر

واكف على راسنا مادخلن شي لثلاجه اذا ماتغسلنا ..صار بس روح اكعد احنا نغسله

.لا اغسلنه وانا اروح ماكعدتي رجلج
.لاعيني تعبان خليه يرتاح ضربني على راسي يقلد عليه. راح كعد يم عمه. بان وبيان كاعدات مقابيله يدرسن بيان دكلها ماكو دوام المن ندرس وبان دكلها انا اصيرلج مدرسه.وناخذ تحاضير مثل المدرسه ..جانت مخبله مال دراسة

مرات تنام ب8 وذياب يتخبل اذا لكاها نايمه بدون عشا شلون خليتنها تنام ومامتعشيه يروح يجبلها من المطعم.بس الها عود يحرك بگلبنا لان خليناها تنام يكعدها ياكل هوا وياها وترجع تنام تكعد ب3 تروح الاصف وبيان دكعدها سحل غصبا عليها تخليها تدرس

بطرس كلش وكف وياها بهلفترا. اشوفه كل حجيه.وياها عن الدراسه.ويجبلها ملازم واسئله يمكن خاف يأثر عليها وماطلع معدل
..
وهيه حتى تغيرت من كد ماتدرس حيل تعبت
الولد خافو على عمه لان همه يداومون ماكعدو من شغلهم.وهيه صحتها موتمام ضغط.وسكر خافو يجبولها كورونا جانو كلش متشددين كمامه وجفون..ويغسلون بطارمه يله يدخلون للبيت لمن اجو بيوم وجوهم مايكصها السيف كلنا خفنا نسئل شكو

صبينالهم تغدو اصهب ماقبل ياكل راح لدوانيا رحت وراه تمدد ايده على راسه
.رحت الحضنه ساكته ماله خلك حتى يحضني
حبيبي شكو
ماكو شي
.سكتت .محتاره ..عبر ايده على خصري تحسر بقهر. همس

.نور بايعه البيت والكاع ضحك عليها رجلها
.ختولي واذا باعت شعليك
.انقهر فيروزه كاعنا وتعبنا والمكان النولدنا وتربينا بيه
.بس مارتاحينا بيه. خيولي
.ولج انا مصدوم رجلها جان خوش رجال ليش هيج تغير
-الفلوس تغير

-بايع البيت وبانيلها مشتمل يم بيت اهله هيه وامها هسه يومين ويطرد امها وتاكل تبن

.طبها مرض
.مرضين هاي هيه
.لاتضوج..تنهد بقهر..طلعانه روحه ..تقربت ابوسه بصدره غمض عينه مستلسم. بسته بركبته بلعت ريكه. ابتسمت. بعدك ترجف يمي
.شفتي شلون هههه والله بلمسه منج احس نفسي اشتعل وانطفي
.حضنته اضحك. وهاي اول مره يتقربلي بعد ما. سقطت

..
روز::متت من القهر على عرس يوسف صار سكته لاحفله ولاشي ولا رحنا. لان اساسا حضر بس الولد جانو يرحون الشغلهم اباجات الدوام
بطني بدت تكبر وشهم.وايهم شالعين گلبي ايهم
يحب شهم بس يغار
بيان عينها دائما على بطني ردتها تحس بكلشي اصيحلها دائما اخلي ايدها على بطني ابنج هنا
لو اكلها المفروض على كل يوم تنطيني الف شايله ابنج ابطن كلمات من احجيهن احس بفرحتها مرات انتبهه حتى اصف يباوع البطني
اول شهر كلها خايفه من كورونا نوب ضربوها عرض الحايط محد اهتم

كل حياتنا ماشيه حلوه.وتمام.عمه بدت تتعود ابد مانخليها تشتغل تكعد وجهال يمها .وخاله شهلاء تجي تسولف وياها وفرحانين بهلشي .. كالو عرس بطرس وبان بس تنجح من السادس
.واحنا من هسه متحضريله ..رغم كالو بيناتنا لان حضر وممنوع.

كبر شهم وكبر البطني وياه ثگلت حركتي ..كالت فيروز نروح لدكتوره انا هم اشك بنفسي حامل
اخذنا بيان ويانا علموود تشوفه بسونار
وذياب واكفلنا بلباب كمامه جفوف معقم لاتلامسن لا تلزمن اي شي..اخذناا ويوصي
خلصن بسرعة ..دخلت لدكتوره سوت سونار
بيان تباوع ودموعها على خدها تكسر الگلب كالت بيج بنيه..ضحكت بيان كبل كالت شسميهاا
.مادري بعد ثلث اشهر اشهر اختاريلج اسم انتي واصف

فيروز::خلوني انا اسميها شبيكم..عيبت عليه بيان تضحك فرحانه ودموعها على خدها
بدون تحليل ادري بدروحي حامل بس ردت اتأكد رجعنا ويا ذياب يضحك كال

.هاي بعد سنه من صدك البيت مايكفيناا. .متحلفات انتن
.اي اني بس اجيب احبل مرة الخ
.عاادي يابه هيج كون يصيرون فد 16طفل وكلهم يصيحون خالو

.ههههه انا اخلي نص بنص نص يصحلك خالو ونص عمو ..رجعنا للبيت..بيان تكمز اصف. حتجينا بنيه
اصف::هههههه شبيج.ولج
بيان::شنسميها خلبت ايدي بحلكي افكر وهمه يضحكون عليه مايدرن احس نفسي انا الحامل بيها حبيتها وهيه بعدهي ابطن روز كال اصف

.نسميها شيراز

.باوعتله مبتسمه ولولد يصفگوله.حضنته اضحك وذياب يصيح

الا كدااامي الا كدددامي ابتعدت وهمه يضحكون صاحت بان
تعاالي يله ادرسي
كعدت يمها. ادرس.وضحك حيل فرحانه ..

نرجس::حبي يمكن انا هم حامل. فك عينه حيل ضحكت جذب جذب اريد اصدمك

.لا بداعتي مو هسه شنو انا من جونيش ضجت اخذتج مني

.اي احسن حتى بعد لادكلها تينتي ..دنك عليها يبوسها .تينة ابوها فدوه اروحلهاا عيبت عليه وكمت ويا البنات نحضر العشا ونباوع من الشباك فيروز واصهب بطارمه ..يسولفون نوب حضنها ضحكنا حيل باوعلنا اصهب وبتعد منحرج.فيروز تأشرلنا بيدها انا الجن ..دخلت تضحك

-جلبات شبيجن
.اوجع الا بطارمه
.بكيفناا. اكلجن ليش احسهم ضامين علينا شي شو امس لكيتهم يسولفون بدوانيا من اجييت يمهم سكتو ومساع هم اسمعهم بطارمه يحجون من شافوني سكتو

روز::يجوز على الدوام شبيج
.مدري ..سكتت مرن هلكم شهر وبدت بان وبيان يمتحنن..تعقدن خو بان صارت تخوف النهار كله كتابها وتفتر وذياب وبطرس ينگلون عليها حلويات الكه بطرس كاعد وياها قبل لايروح الدوامه من اصعب الفترات المرت علينا ..فترت امتحاناتهن ..الحد اخر امتحان رجعن كبل نامن منا للخمسه العصر من اجو الولد كعدهن ذياب

بدلو وطلعهن يتونسن ويغيرن جو اخذوهن على الشط لان المدينه مقفوله.. تعبن حيل بكل خطوه ادعي ربي مايضيع تعبهن .روز على ابواب ولاده وانا ماقبلت اسوي سونار وشوف بنيه لو ولد.شو عجبني ابقيه هيج ..لمن رجعو ..بديت ارجع اشوف بطرس يتقرب البان بس بحدود ..الكاهم كاعدين يسولفون لو متمدد على رجليها احسها تغيرت بدت تفهم تغار وتتعارك وياه ..اذا تأخر ما اجه ماتنام والمصيبه الاكبر ماتستحي من ذياب اذا كاعد ناكل ..تشيل من ماعونها تنطي البطرس هاك حبيبي لو دكله احبك كدامه تخليه يشيط ولولد يضحكون عليه

بفترة.كورونا ملل وكلش قليل طلعه كلشي محضور. اشوف بيان بهلفترا حتى شغل بلبيت قليل تشتغل نهار كله بتلفون..خفت مادري ليش
اجيت بيوم لكيتها متمدده تلفون بيدها وعيونها تصب
عززا شكوو
غطت وجها بيدها تشهك وتهمس. ماتت رويده
صخااام يارويده
.بت شدن
.ياااشدن بت الاوادم خبلتيني
.اعصابي ضلت ترجف هبطتني تالي طلعت تقرا قصه ..اجن البنات يضحكن عليها ..نزلنا البرنامج كلنا وقرينا نفس القصه الهيه قرتها ...كلنا منسدحين ونقرا لا نشتغل لا مسوين غدا. صاحت عمه

-كومن ولجن راح يجون ازلامجن ونتن تبحوشن بتلفون مادكومن
.شافتنا كلنا دموعنا تصب تخبلت شنهي شكو ..كعدنا سولفنالها القصه ..طلعت لطارمه شويه ورجعت بيدها الماسحه...كومن. الشغلجن احسلجن
كمنا نركض ونضحك .وكل سالفتنا بالقصه
كالت بيان نراسل الكاتبه تكتب قصتنا بلبدايه ترددنا بعدين تواصلنا ويا ايلول وقررنا نكتبها

.اتصلت عمه شيماء تحجي وياعمه كملنا الغدا صاحت تعالن اسمعن
ام اصهب::رجل نور طارد خلود وراده ويا اخوتها حال الضيم حالها
.ونور ضحك عليها ماخذ الفلوس والبيت البانيه الها يم اهله طلع بسمه مو باسمها وماكله تبن دكول عمتجن صايره خدامه الشريجتها

فيروز:: خاف دكولن حرام بس والله هسه احس ارتاح كلبي..ربي لايراويها الراحه مثل ماعذبتنا
مدري على شنو نزلن دموعي وانا اتذكر العشناه
سكتت من شفت بان وبيان يلوجن. على اساس اليوم نتائج ...وكلش خايفات ..رجعو الولد من شغلهم. سامعين بنور وماهتمو سكتو
ثاني يوم مجازين وعلى اساس ذياب دوام بس من شاف روز موجوعه اخذ اجازه ..انشرن النتائج ..وكعدنا كلنا انا من يمي ارجف وباوع البنات كعدن يدعن خايفات واكثر واحد حسيته خايف ذياب ..ماقبل يطلع النتيجه هوا ...شهاب يدورها ..كال بان وسكت اخذ كلبنه نتر ذياب

احجييي يابه وكفت كلبي انااا

شهاب ::هههههه بطله دكتورتنا والله 99;

فيروز::شهكت بان تبجي. وبيان مغمضه عيونها تدعي كالها

.87 بيان

حضنهن ذياب يبوسهن ويكلهن يرفعة.راسي حتى نتيجة بيان جانت كلش مفرحه النا.
وروز الرعنه مالكت وقت تولد بيه غير بهليوم
اخذنها للمستشفئ بيان.واصف ويانا
من اسمعها تصرخ اخااف ..لمن ولدت خلو البنيه بلخدج كالو شويه تعبانه اباوع اصف وبيان مكابلين غرفة الخدج وكاعدين يكسرون الگلب

ساعات ونطونياها ..اصف شايلها وبيان تبجي
اخذها ذياب بس كبر باذنها ونطاها الهم. ومن هليوم سجلوها باسمهم ..بيان ماقبلت تخليها على حليب تخلب روز ترضعها وتاخذها يمها وكلش هواي تعوفها بحضن روز عود روز دكلها لا اخذيها خلي تتعود عليج بس ماتقبل دكلها اصلا اخليها دكلج ماما ...

كلنا فرحانين راح نحضر العرس بطرس وبان فجاءه ذياب كال مو هسه اصبرو مجنه فاهمين شي ومن نسئل مايحجون ..اجو بيوم كالو تعالن
شكو وين مندري. صعدنا ويا ذياب وهمه اجو ورانا ..مشت السياره هواي الحد ما وصلنا المنطقه زراعيه ..نزلنا يم بيت عالي طابقين الضحكه مرسومه على وجوهم كال اصهب

بيتنا الجديد
.باوعتله مبتسمه جذذب
ذياب::والله العظيم بيتنا ..اداينا ورواتبنا هلجم شهر وشترينا

.دخلنا للبيت فرحانات موكلش جبير بس كلش حلو وغرفه على عددنا ..صاله وديوان صغار مرتبات يابه الفرحه الاني بيها مسايعتني ...باسرع وقت فرشناه ونتقلنا بيه بس خاله شهلاء ضاجت حلفلها ذياب كلما تريد تجي يمر هوا يجبها النا ....بدينا نحضر العرس بان وبطرس. اشوفها طايره من الفرح وهيه الماقبلت تسوي حنه صارت ام بيت وتخاف على فلوس رجلها ..بيوم عرسها عندي وجع موطبيعي. اباوعلها ودموعي ينزلن

بان:: عفيه لاتبجين شو انا وياجن بنفس البيت قابل وين رايحه..مسحت دموعها ..كالت
.هاي اخر وحده من بنات جنيش تودع العزوبيه
.سكتت متوتره ..حيل حبيته البطرس بس حيل خايفه من حجي فيروز وروز ..مجانت اكو زفه مجرد سيارتين. وبيت خاله شهلاء وكم شخص كلش صغير عرسنا بحيث بس غطيت زنودي وبقينا سواا موكلمن وحده ..لمن صعدني البنات للغرفه لا عاد لهنا وكافي

.اخذني وياجن بطلت
روز:: دنجبي اليوم يومك يابطل
-بااعيلها فيروز تخوووف بيه
فيروز::شبيج كله جذب اصلا ولاتخوف معليج بيها

-كامن يردن يطلعن جلبت بيدها ارجف كالت ولج فضحتينا ترا يطلكج ..عافني وطلعن. قفلت الباب ركض ركض بدلت. لبست دشداشه وكفت كدام المرايه امسح بلمكياج ...ندك الباب خرطت العافيه
.اوكف هسه اجي

ولج افتحيلي الباب يمعوده
.اوكف شبيك هسه
.بان مو وكت قفلاتج

.لا تلح شبيك ..باوعت وجهي مابيه ولاقطرة.مكياج سحبت نفس بغمج.وفتحت الباب ..دخل يباوعلي فاك حلكه

.هاي ليش هيج
.هزيت راسي اعصاب مادري شبيه. شكو. ابتسم قفل الباب يضحك
.ليش معصبه
.شعلك انته

.خرب ضحك
.انلام من اكول طيرة الفطره
.سكتت اباوعله ونصي جابو العشاا..شويه فكيت اكلت براحه ضحكت وياه وسولفت نسيت الموضوع. ..

كملنا وكفت كدام المرايه اخذت كلنس امسح بعيوني بعد بيهن كحل وحجي وياه منطلقه عبالك فيروز كدامي
والله قوي هذا الكحل تشلعن عيوني وهوا مايطيح..سكتت بلعت ريكي من حضني من خصري ..بطرس
.عيونه
.سكتت مقشعر بدني من شواربه الصارو بركبتي.
سحبني لجربايه

.جريت ايدي منه تقرب حضني
.تخافين مني بان
.بلعت زيكي حاضنته ما اخاف اصلأ اأمن بحضنك
.ليش هيج تسوين اجمل ليله بعمرنا هاي
.سكتت طفا الاضويه تمددت بحضنه ..تقرب يبوسني ....ضحك همس
هوا انتي من بوسه تموعين ادري بيج
جريت نفس واحس بكل لمساته بس مدفعته.
بهلساعه ملكني روح وجسد. ..ضعت بيده بهدؤؤه بغزله..احس ودعت بان الطفله ..من اجمل ايام عمري ..كمل وبتعد باسني بكصتي
.الف مبروك دكتورتي
.فيروز:: رغم بساطت عرس بان بس جان اجمل عرس بينا كلنا لان كلنا فرحانات ..ثاني يوم زواجها ..ولدت ولد سماه اصهب علي ...

يتبع

#ثأرهم_وبنات_المسيحيه
تكملة البارت الاخير

فيروز:: رغم بساطت عرس بان بس جان اجمل عرس بينا كلنا لان كلنا فرحانات ..ثاني يوم زواجها ..ولدت ولد سماه اصهب علي ...بدت الحياة تضحكلناا

بان نقبلت طب عام ..بيان ماقبلت تقدم بهلسنه ورادت تنتظر على السنه البعدها لان تريد تربي بنتها

جانت فرحة ذياب بيها متنوصف بحيث من طلع قبولها يهوس فرحان
نرجس ورا شهر من زواج بان طلعت حامل
ذياب يكلهن تردت اترسن البيت لازم نشتري بعد قطعه
المنطقه الاحنا بيها كلش حلوه وهادئه ...بيوم من الايام دزو بيت خيون على اصهب وذياب خيون بيه كورونا وحالته خطره ذياب حلف مايروح لو مو يموت اصهب راح ...ورجع عيونه ناطات

جدي جاسم ومرتضئ ابن خيون الي نقتلو واخذو ام اصهب وام ذياب فصليات علمودهم
خيون الداز ناس يكتلون جدو جاسم مايدري بابنه مرتضئ وياه. .وكل هلحقد لان نكتل ابنه مرتضئ وهوا نيته جانت يكتل بس جدي جاسم ....بعدها بايام سمعنه بيه توفه محد من الولد راح ..ولا اهتمو اله ..

ذياب كان نعم الاخو سند وقوه. بكل وقت اصهب الزوج الي كل بنت تتمناه لا قصر وياي ولا قصرت وياه ..بيان واصف طايرين ابتهم ياخذونها ويطلعون وحيل حلوين سوا .....

الختام

#ثأرهم_وبنات_المسيحيه(الاصليه)

بارت هدية



مساء الخير .....

مشتاقين يابه

اول انساان ينطيكم عيديه ااني. 😁❤️
استمتعو ابارت العيد ......
aylol الكاتبه
ins: t8_fe3

.................

فيروز::يوم اجازة الولد نصير ادميات انام من وكت حتى نكعد من الصبح لان يوم واحد بالاسبوع تصيرلهم اجازه كلهم سوا وباقي الايام بيهم مبيت بيهم يرجعون بالاربعه لو بالخمسه العصر

بس صارت ب12 همه راحو الغرفهم واحنا واكفين بالمطبخ وحده تتحدا الثانيه

ام اصهب::شتخططن ولجن

فيروز::التفتنا عليها نضحك ..عمه روحي نامي باجر وراج تحضرين فلم يجننن

ام اصهب::انتي لو دكعدين وتكفينا من افلامج هسه يكضج ذياب ويكتلج من ورا سوالفج

فيروز::افاااا ونا مرة ابو علوش شحدده

ذياب::ياهو الشحده

-التفتت عليه فازه والبنات غصن من الضحك

فيروز:: بس اريد اعرف انته شنو فلمك شلون تحس راح ينحجي عليك وتجي فهمنييي خاف شايل خرزه ولا مره بحياتنا حجينا عليك اذا ماتسمعنا

رفع ايده كفخني على راسي يضحك جر علوش من ايدي يبوسه ويدغدغه وبت نرجس تتمرغل بالگاع لان ماشالاها
اخذها يبوس بيها نوب اخذ شيراز وشهم كلهم يردونه يخربون ضحك نزلهم

وبان رفعتله اديها

بان::بعددد اني ماشلتني ماعندي طفل اني طفل روحي شيلني

ضحك حييل جراني الحضنه يضرب بجتفي ويبوس بشعري

-دكتوررتي انتي دكتورة ذياب رفعة راسه بنيتي

بان::وخرت من حضنه لازمه وجهه بيدي ....دخلي ابوووسك يا احله اخو دكتوره انته ...بسته حيل وفات بطرس من باب المطبخ هوا وليث صاح

بطرس::هاي شنو حبي شو من اكلج بوسيني دكليلي عندي دراسه وهاي من وراي شووفي يمه شوفي جنتج

بان::درت عليه خازرته لان مزاعلين سكت صاح ليث على عمه

ليث::شني هيام اليوم سهرانه شعدج ختف مصاحبة وماندري كليلنا كليلنا احنا نخطبه الج

ام اصهب:: انجب متانيه ترد للبيت خافنك عبالك مادري بيك تضل ل3 بشارع

ليث::هههههه مو مره ضيم مايفوتج شي بعد هيام طركاعه

فيروز:: اباوع اليث ميته ضحك وعمه وذياب يرزلون بيه وهوا يسويلي بيده سهله سهله عباله اني مفتنه عليه

كتلهم تصبحون على خير غمزت للبنات اخذت علوش وصعدت وروز راحت تنوم ايهم

لكيت اصهب يرتب بالعاب علوش ابتسمت

راحاله علوش شالاه يبوس بيه جريت ايده
يله ماما تعال نام

اصهب::ريحانتي ؟؟






فيروز::رفعت عيني مبتسمه ..لان ادري بيه مايقبل اصيحله علوش يريدني اكله علي ..ها حبيبي

اصهب:: علمتيه على اسم علوش حتى من اصيحله علي ماينتبهلي ...

فيروز::اخذته من ايده ..حبي تعودت ماكدر بعد ..راح لجربايه ويصيح اويلي منج
ضحكت. وهذا الحمار مايقبل ينام كعدت العب وياه
التفتت الاصهب

فيروز::صهوبي ابو علوشتي طلب

اصهب::عيونه كلبه جاج طلبج كولي أمري

فيروز::دهررر كون خاب احبنك شلون راح يخليني اكوم اغتصبه بهل كلام العسل

اصهب::اتغزل بعد ودكومين

فيروز:'لا لا مو وكتها ابنك كاعد نرجع الطلبنه حبيبي
عندي لعبه اريد نلعبها

كعد على حيله يباوعلي بابتسامه يرفع بحاجبه

اصهب:: اذا لعبه بيها سوالف مال كبار نلعب ماحب سوالف الجهال

فيروز:: عيبت عليه بحلكي ..كاتلتك سوالف الكبار

شوف عزيزي

العبة دكوووول لازم انته تصير فيروز واني اصير اصهب ليوم واحد تعيش شخصيتي واعيش شخصيتك.

اصهب::فشرررتي وولك شوو هاد الحكي

فيروز:: جم مره كتلك لاتباوع باب الحاره

بس دخيلو شو لابئلك الحكي الشامي يابعدي

اصهب::دكوومي بداعت عطوب ام زكي تعالي

-ههههه ضحكت اباوع العلوش مندمج يباوع بالايباد ..صعدت تمددت بحضنه ..

اصهب::انتي تدرين شكد انا احبج شكد اعشكج شكد اموت بطاري هواج ااخ ياعشگ صباي

انتي فارشه ومتربعه بنص گلبي

شطب الريحان الساكن بروحي

-ضحكت العب باصابيعه وهوا يبوس بخدي
شوف شوف يتغزل بيه واني كوا كاضه نفسي ماريد اغتصبه

-عليتي. كلبي بس السان. بيج خير كومي

-غطيت وجهي باديه واصيح اخجل اخجلل

جر اديه بايد وحده والثانيه لازم وجهي بيها. دنك باسني بشفتي وابتعد يضحك كال

-هاي السوالف. قبل تخجلين هسه منيلج الخجل

-اي وعلي قبل لا اجيب علوش جنت اخجل هسه صايره اكبر فويسده

حضني حيييل يبوس ويصيح

-احله فويسده شافتها عيني اموت على الفويسده

فيروز::دفعته مني خازرته ..فيروززه شسالفه الف مره كتلج الفاظ مو حلوه لاتتلفظين بيها

اصهب::دخلت بدور شنو منو كالج العب ما العب اني

-شنو ماتلعب حبيبي شبيك عفته ونزلت يم علوش بزعل يريد ام كناكير تضحك عليه وعلي اخليه يلعب غصبا عليه غير متراهنات






نزل يمي تمدد وخله راسه على رجليه مطنشه رفع ايده يلعب بصدر الدشداشه يبتسم

اصهب::اني شلون ويا زعلج شلون كليلي شسوي واكدر اخليج زعلانه

فيروز::ماتكدر ابتسم وعض شفته

اصهب::هاي هيه يابه نلعب شورانه

-ههههه شوف يوم كامل واذا نسيت وصرت اصهب سبوع مانام بنفس الغرفه
يعني من اصيح عليك فيروز راسا دكلي ها اذا ماكتلي. ها معناها نسيت دورك ونزاعل

-هاي شلج بيهااا

-هاي بعد هيه هيج العبه كام من يمي ماقابل ..ولاقتنع ..

روز::ايهومي ينام يم عمه بغرفتها بالالف ياويل يله اقتنع جان الا يمي بس لازم اروح يمه الحد ماينام يله ارجع الغرفتي حتى لو شهم يبجي وايهم يريد ينام مالازم اعوف ايهم لان يتخبل ويتحسس من كلشي.

نومته ورجعت . بدلت وكعدت يم ذياب اكلك ذياب ...رفع عينه من التلفون يباوعلي

.همم.كولي....ورجع عينه لتلفون

-شنو باوعلي من احااجيك شبيك ..قفل التلفون شمره يمه

ذياب:-عفته يااابه غردي احجي

-ابتسمت وكعدت.عدل ...بس لاتجذب .رفعلي حاجبه

..شبيك.قصدي.يعني احجي الصدك

ذياب::-يابه دحجي هسه انتي بدون تجفص حتى ما اتصير بالنعل

-ابتسمت ركصتله حواجبي شوكت حبيتني
.صفن بوجهي ضحك.وعض شفته اخذ التلفون وراح تمدد

.غابت ابتسامتي صيحت واباوع على شهم خاف يفز...والعباااس اذا ماتحجي .... احجي شبيك ..كمت كعدت.يم.بطنه وهوا مغلس كوا لازم ضحكته

.انته شبيك تخبث ...

ذياب:-هااا رجعنا لتجفص والله كله صوج فيروزه

-تخبث هاي مو غلطه عادي ...

خله ايده على شواربه مايريد يضحك.واني فرفحت اريده بس يحجي لان فيروز تصيح اني اكثر وحده حب اصهب الي قديم احسن منجن كلجن وتعاندنا وياها ..
وكل وحده تحدت الثانيه بسالفه

-شبيك يابه احجي الا تحرك كلبي

ذياب-ههههههه من اول جرة اذن وراشدي

-رفعت حاجبي وهوا ميت ضحك ...انته تضحك عليه احجي عدل شبيك والله تقهرني والقران ولاتضوج عليه وبس تقهر بيه اني صوجي اني حماره اسولف.وياك ..

كمت من يمه زعلانه جراني من ايدي يضحك ويصيح لج بس لاطنكرين ولج هوا انتي ماتنطين مجال

.دفعت ايده خازرته ..وخر اعضك عضه الجلب مايعض مثلها

ضحك حيل ...
ذياب::والله يابه مجربج حشه الجلب من عضتج

لماني بحضنه بقوه يبوس بخدي.واني طنكرت






وخر شعري من اذني باس اذني يهمس بصوت ناصي

من اول مره جريت هل اذن وصارت ورديه ابين اصابيعي
من اول راشدي ونصبغ خدج وردي اثر ايدي

تذكرين وقتها لحظات اتندم.شي بداخلي مايقبل.بتصرفاتي كرهت روحي من وراج لان اعيش بتناقض اريد اذيج.واضوج اذيج

-دفعت ايده من خدي.اباوع بوجهه...يعني هسه اني اكلهن حب ذياب بدا من اول جرة اذن وراشدي شنو هاي تريدهن يضحكن عليه

-المنو.دكولين

-الفيروز. ..عكد.حواجبه مافاهم

-مو باوع هيه.دكول اني اكثر وحده بيجن زوجي يحبني لان من الطفوله

ذياب:-شااايفه اذا كضيت فيروزه هسه الا اكطع النعااال على راسها يوميه مطلعتلي سالفه وتضحك على عقلج

-دفعت ايده ..دوووخر.وخر مني ااي طبعا لان اطلع سوالفك ماترضا عليهاا ولعباس انته فد واحد لووتي احجي يله لو دكلي شوكت حبيتني لو اطلگني

ذياب::اهو طنگر الثور الاحمر

-طلگني

-ماطلگج شسوين

-معليه طلگني طلگني هسه طلك يله

-ابد ما اطلگ

-حطيت ايدي بحلكي وعضيتها ..اااخ لو يرجع بيه الزمن من امددداه الحضي ازوجتك اشفت بيك اني اشفت اكلك شوكت حبيتني دكلي من اول جرة اذن لاحب مثل الناس لاغزل مثل الناس

اشفت بيك.بس اريد اعرف اشفت

رفعلي حاجبه يغمز

ذياب:: شفتي المحد شايفه عجبج وقتنعتي ...

-خاب شبيك انته احجيلي شي محد.حاجي اريد اغور بيه فيروزه

حط ايده على كصته كال

-كليلها مانحجي نخاف من الحسد ...الله باليني بيها ..مرتي هويشه واختي شيطانه ..وانا الي الله

يابه احبنج اعشگنج من غمج گلبي

ضحكت وتمددت بحضنه ابوس بوجهه يله يله لاتضوج هستوا دار عليه يريد يبوسني وندك الباب ..

كمت بسرعه فتحته صارت بوجهي بيان بيدها شيراز

بيان::هااج بتج
-هااي شنو مو البارحه عندي

-حبااابه بس اليوم مو باوعي هيه.ماتنام هسه واصف تعبان يريد ينام ويريدني وهيه ماتقبل تنام وتعرفين اصف لو يموت بوسه مايبوسني كدامها شويه واجي اخذها

-اخذتها منها شلتها ابوس بيها وبيان.تحجي همس تخاف ذياب يسمعها ..لازمه ادين شيراز تبوس بيهن وهيه فد.لوتيه تدلع لان كلنا نحبها ومدلله. سديت الباب كعد ذياب على حيله صاح جيبيها

اخذها من ايدي يبوس بيها يشم ركبتها.
.يابعد روح ابوج
تضحكله ماتفرق الكل عدها بابا حتى اعمامها تصيحلهم بابا واحنا كلنا ماما ..بوسها ذياب ورفع عينه يباوعلي مبتسم






ذياب::همزين دكلي بابا جا متت لو كايلتلي عمو

-هههههه كعدت يمهم وهيه مجلبه بركبته حييل تحبه
اذا رادو يضوجونها يوكفون ثنينهم ذياب واصف يشيلها ذياب واصف يكلها تعاليلي تروحله يرجع ذياب يكلها تعالي ترجعله وتحتار ابينهم.

بس اكثر شي متعلقه ابيان تتخبل عليها

اخذتها من ذياب بوستها حيل وخليتها بحضني انومها تغمض وترجع تفتح تضحك وذياب مكابلها يباوع بوجها لمن نامت خليتلها فراش

ورجعت لذياب حضني حييل
.حبيبي سؤال ..رفعت عيني اباوعله ..اريد اسئل دنك على شفتي باسني .

مشمش وجنيش نياتي العسل الاربعه وعشرين ساعه اكل بخدودهن ..دخل شهاب للغرفه الخاولي على راسه
نعيمآ حبيبي

-نعيميش كلبي ضربتيني بوري موكلتي انومهن واجي وراك اسبحك

-هههههه مانامن شسوي ...كعد يمهن بوسهن
..عفته يمهن ورحت اسبح احله شي بشهاب
ابد ماعايفني وحدي يساعدني بالبنات دائما
حتى لو يرجع من الدوام تعبان يكلي عوفيهن بعد اني اديربالي عليهن ارتاحي

.رجعت للغرفة لكيته منومهم ابتسملي
-بس فهمني ليش ينامن بحضنك بسرعه واني يشلعن كلبي

-ههههه مادري المفروض انتي تعرفين الجواب بما انو بس توصلين الحضني تنامين اخس من بناتج

-مخدرات مو حضن ضحكت اريد امشط شعري كعد على حيله كال تعالي ..
كعدت كدامه يمشطلي وبكل مره يمشط شعري اتذكر ليلة عرسنا واضحك ....احبك شهابي

-يبعد روح شهابج تينتي سمرتي
-تمددت بحضنه اباوع وياه بتلفونه وصلته رساله من ذياب كاتبله

*شهاب شجاي تسوي

-شهاب راسا كتبله
نايم بحضن اختك ليش

ذياب
*ك......عرضك كواد ..سمعت صوت السيارة شوف ليث خاف طلع بلوحدة وين وله

*تتوهم اذا شاك انته كوم اني ماعوف حضن اختك

نرجس:راسا اختفت صورة ذياب من الوتساب حضر شهاب وهوا ميت ضحك ..ضربته على صدره ليش تقهر اخويه ..جر ايدي الشفته

-خرب روح اخوج على هيج اخت ساحله كلبي

...
فيروز::بس نام اصهب طلعت للمطبخ جوعانه كـ العاده المعتاده لازم الكه ليث ..يلف بلمطبخ ويحجي ويضحك بتلفون






لكيته مطلع جبن وجاي يحمي بالجاي اول مادخلت كتله
.هاا شجاي تسوي..كمزز سد التلفون ودار عليه

ليث::اطوف حول الكعبه...شجاي تشوفين ثول

-ثول ثولك مامليت يوميه تاكل جبن الريوك ..كعدت على الميز ..صبلي جاي وياك. عوج حلكه

-تردين تاكلين وياي ها
-هزيت راسي اي صاح
-هنه جبنات لحكتيني عليهن جنج زعطوطه

-جا انته زعطوط تاكل جبن

-اسهل شي

-اكلك صدك شنو جبن اني مشتهيه بيتزا تروح تجيبلنا ..ركصلي حواجبه

-تحلمين
-حباب
-ابد

-روح واكلك منو البنات اليحبنك ....باوعلي مضيك عينه لان ناصبين عليه دائما نكله اكو بنات يحبنك وهو متخبل كللي منو نكله مجموعة بنات نسولفلهن سوالفك وحبنك ومن اكله على شغله ومايقبل يسويها اكله روح واني اكلك منو البنات

ليث::وعلي اكبر جذابه لا اكو بنات يحبني ولاشي

-وعلي اكو مو جذب ..جر الخبزه من يمه خلاها كدامي متت ضحك

-حطي ايدج على الخبزه وحلفي اكو بنات يحبني

-ههههههههه وداعت اصهب شتريد بعد ..ضحك كيف الوصخ

ليث:-زين شلون شلون حبني يعني شايفاتني ناشره صورتي انتي هنه وين يعرفني

-لا ايععع لو انشر صورتك يتفلن عليك بس اني احجيلهن سوالفك الخايسه تضحكهن وحبنك

ليث::اه وعلي شحلاتني بس شاربي يسوا راسج

-شلون شارب جنه لمة عفطيه ينشال بعلج ابو الربع حتى حلاق ماتحتاج ...

ضحك.يمسح على شاربه صار حباب. كال

-دسولفيلي شبيج وينهن البنات اليحبني على يابرنامج احجي بالله

-روح جيب بيتزا واني احجيلك

-على احسابج وانتي تبوكين مفاتيح السياره
-خمسه منك وخمسه مني

-خوش ديله استعجلي لايعزلون
-رحت ركض للغرفه ابوك من محفظة اصهب لان المصرف الينطيه الي اجمعه واصرف منعنده فد قاطته المسكين

.طلع ليث واني كاعدتله بطارمه شويه...وطلع ذياب كمت وكفت كال عاكد حواجبه

-ليث طلع بالسيارة؟

-سئلني وعيونة تتفحص هزيت راسي ااي وبتسمت ...باوع والله اشتهيت بيتزا ودزيته يمكن اتنسه
فك عينه ضحكت

-بلوحدة هسه فيرووزه صدك جذب ياخويه ماتدرين بيه ارعن واثول

-شسوي بعد اشتهيتها تصير بطفل. اجه يمي يسئل بجديه

صدك حامل للج

هزيت راسي لا حبيبي اتشاقه .اجه كعد يغلط على ليث واني اضحك خطيه نعسان ومايكدر ينام الا يرجع ليث. مخلي
ايده جوا خده ساكت راسا فز مثل التذكر شغله
وكفخني على راسي حيل ويضرب بمتني
ويصيح






-كفيني شرررج لاتلعبين بعقل عمشه ويوميه مطلعتلي سالفة خبلتيها عليه

ههههههه اوكف بسخنفهمك ذياااب كافي تضرب جريت ايده اضحك وهوا يضحك ويصيح.والله خبلتيها

رفعت ايده لفيتها على جتفي ودخلت بحضنه لماني حيل وباس شعري ضحك

الهايشه

ضحكت وفتحت ايده بست باطنها اموت عليك ترا اني جراني حيل الحضنه نسولف ونضحك
طلع اصهب فاتح تك عين عكد حواجبه صوته نعسان

اصهب:-سالمين شنو نزلت عليكم حنية بنص اليل كاله ذياب

-ااي عندك اعتراض .اجه كعد بصفي من الجهة الثانيه جراني من حضن ذياب وذياب مايفكني ضحكت بصوت عالي سد حلكي ذياب ويصيح لج صوتج بطارمه احنا.

دفع ايد اصهب حيل ويكله
وخر يابه ماتريدك شكد لزززكه

-لزمت ايد اصهب. لا ذياب لا زوجي ابو علوشتي اصهبي شلون ماريده فك ايد اصهب من ايدي وجرني الحضنه حاضني بثنين اديه ويصيح انجبي انجبي واصهب يهز بيده يضحك

اصهب::اخذها يابه اخذها شكد ربع ساعه نص ساعه تحضنها اني طول العمر

-اصهب كام يغلس من ذياب يكلي ولج احسه صدك يضوج ويغار ابد مايشاقه مرات يغلس ومرات يحرك كلبه

-شوية.وسمعنا سيارة طبكت بالباب ضحكت اتخيل شكل ليث من يجي ويلكاهم منتظرينة بساحة. وكف ذياب متحضر نسمع ليث يسولف ويا واحد ويضحك ويكله الله وياك حبيبي صار صوت هورن والسيارة تقفلت

فتح الباب مبتسم ما منتبهلهم دخل وسد الباب والبيتزا بيده اول مالتفت شهك.ورجع ليورا فاز صاح

اعوذ بالله من وجوه الشياطين هاي كلكم منتظرين البيتزا

ذياب: :انا جم مره كتلك ورا 12ممنوع تطلع وخاصة بالسيارة انته ماتوب

ليث::ديله غير اختك جوعانة فوك ما اشتريلها
سوي زين واشمر بالشط يابه فلا يجي بعينكم شي شني على اساس هسه اني طالع بالكزز كلها كلها النترا فد مندله هسه هيه مانين عليه حسره طلعت بيها تكضولي الباب مو عيب عليكم شبيكم ماشايفين سيارات
ترا ساكتلكم اني

فيروز::غصيت من الضحك اكلهم بلسانه وهمه واحد صافن بوجه الثاني عاط بيه اصهب

-ومرض لو ما احمار مانكضلك الباب

ليث::هسه احجو الصدك تخافون عليه لو على السيارة

ذياب::على الوادم التمشي بالبشارع انته تموت طبك مرض ندفنك بصف ابوك ونرش عليك ماي ورد والسياره تتعوض

فيروز::اخذت البيتزا منه اضحك دخلو وراي للمطبخ يرزلون بيه كعدو على الميز شافو اكل صحصحو. بعد...غسل ذياب وفات الغرفته وليث دايس على رجلي من جوا الميز خاف اكوم واعوفه غاصه من الضحك كوا اكل






كام اصهب غسل كال راح اصعد ماتجين صاح ليث
-لاا خلي تاكل بعد المن رحت جا ...عافنا اصهب وصعد

ليث::يله احجي
-شحجي شبيك

-اهو فيروزه لاتضلبين تمضرطين مو اطيتج مجال ناس تحبني ليش مادكليلي منو همه
ولج والله اصير عاقل وثكيل بس اشوف

-هههههههه انته تصير ثكيل تكدر؟

-احاول مو بيدي اني يمهن اضعف ياخي حلوات شايفه من دكول الو بصوتها الناعم مايبقه ثكل
انسحل سحل

-ههههههههه
-احجيلي واطيخ خمسه وعشرين

-اممم باوع اكو مجموعة بنات ابرنامج معين احنا حجيناالهن قصتنا شلون رحنا للعماره وعرفناكم وكذا وحجينه سوالفك فـ انته جنت تضحكهن وحبنك. ....مخلي ايده جوا خده يستمعلي باهتمام

-كملي
-!هاي هيه
-حلوات هنه شايفتهن انتي شكد عمرهن من يامحافظه زين اطيهن حسابي

-رفعتله حاجبي اضحك والله لو تموت شال ايده غماني ترس بكصتي كمت وكفت

-اي خايس مو صوجك عفته ومشيت اريد اروح الغرفتي وهوا يصيح وراي

-عليج العباس كليلهن هوا هم يحبجن كلجن وعلي كلجن يحبجن

-ووولي ابو البنات
-ولت روحج بدريه القبضاي ام ااسبالات مره مزوجه وعدج ولد وتسبلين منكعه المخده كبر

-وكفت بصاله هاي مره جنت ماخذه علوش لتلقيح ورجعت تعبانه نمت بصاله وشافني مسبله على المخده غير فضحني من الله
يفضحه .

..شوووف ولحسين اذا ماتبطل تعايرني احجي كل سوالفك الاصهب ابو الطلعات لنصااص اليالي ابو السطوح هاااا هاا اطلع خياساتك

-نزع نعاله عفته ورحت للغرفه اضحك ليث حيل حيل قريب منعندي مايضم علي شي رغم شكد نتعارك بس فد اعزه

...
روز::فكيت. عيني الصبح على دكات بالباب على كيف كمت بسرعه لكيت بيان بوجهي

-صباح الخير
-صباح النور شمكعدج
-اريد بتي مانايمه بعدني

-رجعت للغرفه شلت شيراز نطيتها الها حضنتها على كلبها تشمها حيل
ليش ماجيتي عليها البارحه موكلتي شويه واجي اخذها

-استحيت من ذياب يله تصبحين على خير هههه اروح انام وباوعي عمه راحت لسوك كالت بس اعجنن راح اجيب سمج واذا تردن سون مركه وتمن لليريد

-ماشي كلبي روحي كعدت ايهم علمود دوامه ب9 يروح بدلتله ودخلت للمطبخ اسويله ريوك كال

روز اروح وياج انا

-وين حبيبي
-الخالو يوسف راح تروحين
-رجعت عليه ابوس بخدوده اي يروحي تروح.وياي ياكلبي انته ضحك مكيف

-وشم

-باوعتله بزعل يعرف يلفظ اسم شهم بس يكله شم ..خبيث ..ايهومي موكتلك كول شهم






-ههههه انسه
-ريكته وهوا يسولفلي لمن راح للمدرسه اوكفله بلباب يصعد بالباص واقرا اية الكرسي مثل ما جانت ماما تسوي ويانا.

لمن كعدو الولد والبنات تريكنا بس بان بالجامعه وليث بالسوبر ماركت
كاعدين ناكل اني وفيروز ثنينا مدينا ادينا على الخاشوكه البكوب ذياب وثنينا عفناها

شالاها ذياب نطانياها صاحت فيروز

فيروز::هاااا ذيااب هاااا هاي مرتك ودكلي احبج اكثررر منها هااا لو تحبني اكثر جا انطيتني الخاشوكه الي بالاول

روز::ضحكتت اخوط بكوبي وذياب صفنت الصبح بعدهي بيه ماله خلك يجاوبها واصهب حاضن فيروز ويكلها يله يله لاتضوجين

فيروز::وخر لا وخر اعتررف ذياب تحب منو اكثر انا لو روز ..رفع حاجبه مضيك عينه هزز ايده هوا ماله خلك روحه واني لطشتله والجلبه روز بصفه تتغامز

ذياب::خو انتي كولي تحبين منو اكثر انا لو روز

روز::هااا راح تختارين اخوج عليه؟ دارت فيروز على اصهب تهمس شورطني وذياب قفل

ذياب::هسه تختارين اني لو هيه

اصهب::ما اسمحلك تضغط عليها هيه حره احتمال ماتريد تجاوب حتى ماتجرح مشاعر واحد منكم

فيروز::مثل ماكال زوجي العزيز طبطبت على كتف اصهب وهمه يضحكون
اصف::حل حصروج حصرة الجلب. حتى بعد تبطلين سوالفج

روز::ضحك وسوالف تجنن جمعتهم كلش حلوه
جاي انضف احنا

وهمه كاعدين بصاله وجهال يمهم شهاب ونرجس اخذو مشمش يلقحونها
لمن اجت عمه من السوك صاحت جيبن صينيه فتحت السمج بيها

اصهب::خوش سمجات ابيش
-ب35الف
ذياب::ضاحكين عليج لو مكعديني اني رايح جايبلكم

روز::اباوعلهم يداهرون وياها شلعو كلبها نوب صعدو لسطح يردون يشونهن فوك

ل12:30كلها رجعت ايهم ونرجس وشهاب وليث الارعن صعدلهم يكلهم اريدهن شوي عدل مو تخربونهن كتلوه ونزلوه

خابرنه بان نتوسل بيها تعوف اخر محاضره وتطلع وهيه قافله ماعوف محاضرتي لمن قنعها بطرس وراح يجيبها

.على ما كملو شوي مرمرونا ونزلو مدخنين وريحتهم كلها دخان وسمج وكفت فيروز تتعارك ويا ليث لان يكلها الا العب روحكم واكل وحدي

فيروز::وعلي بس تحجييي اكلهم مصاحب بت الرجال ابو السوبر ماركت

روز::شهكت عزززا بعينك تشتغل عنده ومصاحب بنته فك عينه حيل مصدوم

ليث::لا والعباااس تتبله عليه صح انا ساقط وابو بنات بس ماخون الخبزه واصاحب بت الاشتغل عنده لان اصلا ماعنده بنيه هوا

فيروز::كيفك بعد يصدكوني مايصدكونك سوالي بيده سهله وراح متت ضحك

نرجس::عليج الله صدك مصاحبها؟
فيروز::لا هههههههه جذب ولج اعتقد حاب صدك صاير خوينس وبس يتختل مني






بيان::هيه وحده من الثنين لو حاب صدك لو عنده جذبه جديده ويخاف تسمعينه

روز::صبينا وكعدنا ناكل عاقلين والله حتى الولد مايتحارشون بيه لان بس يضوجونه واحنا ناكل يسويلهم اععععع بصوت مقرف يكومنا من السفره كلنا

ارفع عيني بس اباوع وارجع ادنك ميته ضحك كلمن يسوي لفات الزوجته لان احنا نوكل الجهال
عود همه يصيرون حنينين يسوون لفات وينطونهن من جوا ليجوا بس بان مفضوحه لان ابددد ماتمد ايدها على سمجه وتاخذ لو تموت
لو دكله خليلي خضره بالفه لو طرشي وذياب كلساع مسوي احم احم وهيه مرتجيه على رجل بطرس لا احساس ولاضمير

لمن حجه ليث نتبهناله كلنا

ليث::عندي موضوع وياكم وياريت تاخذونه بجديه

ذياب::مسلت عزيزي

فيروز::باوعلي وكالهم بجديه طبعا فيروز تدري بسالفه. سكتت منتظرته يكمل لغوته

انتم تعرفون الرجال الاشتغل عنده بالسوبر ماركت فوك السوبر هاي شقه وفارغه بعدهي
والرجال جاي يدور على مره

بطرس::وانته قررت تتحول وتزوجه هاا؟؟

ليث::هسه خلينا ناكل تبن ونكمل ..اني صارلي شكد اشتغل عده وعلي خوش زلمه صح عده سن مكسور ومن يكوم ضهره يعزف موال بس بعده بيه روح التزوجه يطلعها سنه سنتين ليكدام وهم يسجل الشقه والسوبر باسمها

فـ اني مسولفله علينا وعلى عائلتنا وخطب هيام مني والصراحه هيام انا اطيتج كلت بعد مهنا شبع ماي ورد والسلطانه هيام بعدها جنها بت ال16 خلي ازوجهم اكسب بيكم اجر واخذ الشقه والسوبر ماركت

فيروز::اباوعلهم كلهم يهتزون ضحك سكته وعمه تخبلت ترزل بيه وتصيح ولك اصهب ولك شوف المفلوك يريد يزوجني تااالي عمري كالها اصهب وهوا كوا حابس ضحكته

اصهب::مابيها شي يمه بس مو هذا يولي اندورلج رجل كعيدي نجييبه ويانا

فيروز::متنا ضحك وعمه خطيه ترزل بيهم وذياب يصيح
عليناااا خيولن اصلا كيفتي خدودج وردن خلص الغدا وصبينا جاي وهمه لازمينها تحشيش كالهم ليث

ليث::شوفو وعلي اني خوش افكر بس انتم ماتستثمرون افكاري

شهاب::والله لو ماتفكر. وتعب عقلك فد مره احسن

فيروز::جاي نغسل بالمطبخ اني وبان شفت رجليها بيهن شعر ..عيبت عليها شنو هاي بان ليش ماتسوين رجليج

بان::يوجعني ومالحك
-ميخالف هسه ماعندج شي اصعدي الغرفتج سويهن يله

بان::بطرس صعد نام مطفي الضوا باجر اسويهن
-انجبي تضلين يوميه باجر ...اقتنعت وصعدت

كعدنا بصاله صايره ملاطم واحد ناصب على الثاني نص ساعه مرت ونزلت بان تبجي وكف ذياب مصدوم وهيه بعدهي على الدرج تشهك وتصيح ذيااب
وكفت مصدومه






وذياب بس يريد يفهم شبيها مغطيه وجها وتبجي

بان::بطررس عضني

فيروز::فكيت عيني مصدومه الجو تكهرب بس صوتها وصوت ذياب بالصاله شالت جف ايدها تراويه. طبع سنونة بجفها صاير

ذياب::يشاقه وياج لو تعاركتو شبيج
-تعاركنا

فيروز::وخرها ذياب من حضنه يريد يصعد البطرس. ونزل هوا اعصاب لابس برمودا ورجليه متروسات شيره بعده بنص الدرج ويصيح تعااالي شيليها لج عاط بيه ذياب

-شبيك وياها ارعن

-بس انتبهو الولد الرجليه نفجرو من الضحك غميت كصيتي وحجي بكلبي يلهايشه كتلج سوي رجليج مو رجلين بطرس. وهوا يشيل روحه ويركعها منفعل ويصيح وهيه بحضن ذياب لازمه ايدها وترد عليه

بطرس::تقبلهااا انته كلي تقبلهاا تنام.وتفز على واحد يهلس برجليك ترضاها

وذياب::وهرررش حتى هرش جا تعضها هيج واذا هلست رجليك شصار على حورهن هسه هنه

بان::باووع باوع سنونه مطبوعات راح تصب دم ايدي

ذياب::ليش تسويله شيره انتي شعليج بيه

فيروز::مسحت دموعها تريد تحجي بجديه من تسمع بطرس يصيح ويحجي عليها هيه هم تصيح كالت لذياب

بان:-جا من رجلي يصيرن على رجليه يضوجني

سد حلكها ذياب بيده ويسويلهاا اشششش
اششش لاتشرحيلي بس كليلي شنو التردينه هسه اكتله اذبحه اصلخه بس لاتشرحيلي السبب

-هزت راسها اي...واحنا مختنكين من الضحك على شكل بطرس وشكلها. كعد على بايات الدرج يباوع برجليه ويصيح شلون اشيلها هسه هاي وليث لطشله يريد يشيلعها

بطرس::هسه من اكوم اطيح حضج احد يكلي ليش

ذياب:: اه هيج انته سبع اصلا انته شلون تعضها مالك مره يمي بعد طلك يله طلك

بان::لااا شنو يطلك

ذياب::هااا جا شتردين
-عضه انته مثل ماعضاني

ذياب::مشكوره خويه رحم الله والديج نوب اني اعض جلب انا شنو

فيروز::يمه نشكت بطني من الضحك لزمو بطرس وخلوها تشيل الشيره من رجليه غصبا عليه غير خبص البيت بالصريخ. نوب كعدت مطنكره عليه فوكاها هيه الزعلانه ولطشت الا تخلي ذياب يعضك يله اصالحك وذياب كلساع غام روحه

وبطرس يشرح ويرجع اليورا يريد يقنعها هيه الغلطانه وهيه دكله اااي بس انته عضيتني
كالها اطلعج وافرفرج ضحك عليها وصالحها

.....
روز::للعصر ذياب هستوا غفه ركضت بدلت الشهم والايهم لبست بشت اسود وبيه شريط نيلي كلش مرتب كملت ورحت كعدته فك عينه عاكد حاجبه
يله عمرري كوم مو كلت نروح لسوك






.ياسوك

-يله ذياب راح نتاخر جريته من ايده كعد يفرك بعينه يباوعلنا ثلاثتنا مبدلين كدامه نطيته قميص نيلي كوم البس يله

ذياب::مارريد هذا اطيني غير شي
-لاا هذا حلو والله وكاويته ..كام غسل ورجع ماعاجبه باوع الشهم وايهم لابسين نفس لون قميصه..رجع شمره عليه

-ماريده
-دكض البس يله شنو ماتريده ..استغفر ربه وجر القميص يلبس ويحجي علي ماعاجبه
اني ادري بروحه ويا لسوك تشيب الكلب بس مضطرا

-طلعنا لصاله فيروز توكل بعلوش يم عمه

فيروز::مسيطرررره حمشيك مسطرررا غمزت الروز اضحك وذياب يتلفت ابيني وبينها. ...دنك يباوع الحذائه ورجع باوعلي كال

فهمج كفايه مووو

.ضحكت حيل ديله رووحو روحو جيبولي شي وياكم
....

..الحد يوم روحت روز لبغداد صدمتنا بيان من كالتلها اخذي شيراز وياج

روز::بيان ليش هيج جاي تسوين اني ابقه خمس ايام وانتي يوم ماتفاركينها شلون اخذها وياي

-ميخالف اصبر بس خطيه لازم تاخذينها وياج يعني احس لازم تعرف اخوالها

روز::سكتت محتارا وهيه عيونها مدمعه هزيت راسي اي شويه واتصل يوسف كال الساعه ب11 اني يمكم وكبل نطلع ....سديته منه اتصلت على ذياب

-الو ها حبيبي شلونك
-هلا يابه الحمدالله عزيزتي انتي شلونج
-ذياب يوسف اجه واح نروح

-هسه ليش ماتضلين على الاجازه نروح يوم ونجي
-لا مو متفقين احنا شنو بعد ..
-شكد اضلين
-ذيااب ترا اتفقنا خمس ايام شبيك

-هواي والله هواي يومين واجيج
-شبيك يعني ليش تكلب عليه صار سنه مارايحه
-خووش خوش روحي ديربالج جا وايهم مو عنده مدرسه

-عمه اخذتله اجازه .وباوع شيراز راح اخذها وياي
-هاي شنو نوب غير شغله هاي اخذينا كلنا وياج بعد عليمن

-اني شعليه بيان دكلي اخذيها ..سديته منعنده وركض بدلنا لمن اجه يوسف بيان بدلت الشيراز لازمتها وكاعده عيونها حمر ومختنكه بعبرتها

.بيان والله ماريد اخذها وياي والقران خاف عبالج اني اريدها وياي لو شي عوفيها عندج انتي امها لاتسوين هيج تصرفات
.هززت راسها لا ساكته

اخذتهم وطلعت حاضنه شيراز على كلبي وادري بالخبله الوراي راح تخلصها بجي
ويوسف يضحك بيهم متخبل على ايهم لان هم يكله خالو وذياب كلساع يتصل وين.وصلتو لو يتصل على يوسف ويكله اشتريلهم هيو لاتخليهم جوعانين

يوسف::خبصتنا بيهم يابه دطير
روز::ضحكت اخذت التلفون منه .كال يوسف

-اكلج هذا رجلج شيقصد كل مايحجي وكال انته واختك طلعت السالفه عدكم وراثه






-ههههههههههه ضحكت حيل ويوسف مافاهم شي كتله مادري استحيت اكله قصده ثنينا نجفص لان يوسف هم مرات يجفص بالحجي ويا ذياب

.لمن وصلنا بغداد علوش كاعدلنا بالباب

علوش::واخيرا وصلتو صار كومه منتظركم

-بوسته اضحك لك صاير شاب .. ..
مرة.يوسف كلش حبابه عايشين وياها عبير وعلوش
......

بيان::متمدده عيني بالسكف لا اصف ولا شيراز اليوم ابات وحدي الولد مبيت ..رغم روز كلساع تدزلي صورها بس ماكتفيت تندمت لان دزيتها
اباوع بصورها واضحك فرحانه بعيد الميلاد صورها هيه وخالها الصغير ل11بليل دخلن اخواتي وجهالهن وعمه للغرفه كعدت امسح بعيوني وهنه يصيحن انام يمج

كعدنا سولفنا وضحكنا كدرن شويه يغيرن عليه فرشن بغرفتي ونامن بس اني شنو الينوم عيوني
وجهه الصبح يله كدرت انام...
......

روز:: ثاني يوم نايمه بغرفة عبير حسيت ايد حاضنتني دفعتها مختنكه نكلبت رجعت حضنتني ولفت رجليها على رجليه .فزيت اتلمس بيدها مو ايد عبير درت عليه فازه

فتحت عيني على وسعها اشوف ذياب حاضني ومغمض لاف رجله فوك رجلي ..عززززا..اتلفتت بالغرفه لا عبير ولا الجهال يمي ..صخااام ولك ذياب شجابك

دغيته بجتفه حيل. فتح عينه وجرني الحضنه حيل

كوووم شجابك فهمني

ذياب::جاابني الشووك اشتكت لكم اشتكت

-لااا مستحيل انته مو صاحي عفيه اكعد صدك تحجييي ..اسمع ضحكة شيراز برا واحس بعدني ما مستوعبه ..دفعت ذياب من جتفه فتح عينه وكعد على حيله ..

-شبيج بت الحلو

-سكتت اركز بالصوت اليحاجي شيراز كمت على حيلي هاااي بياان

-ااي جبتهم واجيت هيه واصف لاهمه يكدرن يفاركون بتهم.ولا اني اكدر افارك عمشتي

-جراني الحضنه دفعته اريد الطم مارجع تراا متفقين خمس ايام غمض عينه واني اتحركن
ذياااب مارجع

-باجر نرجع
-ماااا معليه متفقين احنااا
-بعد شويه نروح نزور والفجر نرجع وبعد ماتجين الا ليله وحده

-ااجي من البصره البغداااد علمود ليله وحدده اشكك هدووومي معصبه مخليه اديه كدام وجهه واصيح وهوا يحجي ابرودد
-شكيهن شكيهن اروح فدوه لليشك اهدومه

-خليت ايدي. على كصتي يمممه راح تموتني انته مو طبيعي مووطبيعي مستحيل راح تجلطني

عفته وكمت سلمت على بيان واصف رفعت ايدي بوجهم احذرهم. بضحك بعد من اطلع لاتلزكون بتكم وياي شنو ابتليت اني صحكو ثنينهم يبوسون بيها ويلعبونها ....

وفعلا بس تغدينا طلعنا تونسنا وزرنا للفجر رجعني للبصرة سحل اني ميته حركه وهوا يضحك مكيف ..

وكل شويه يباوع بالمرايه ويغمز خزرته مره مرتين وضحكت مرات يقهرني يضحك على اعصابي مرات اني اقهره يوم نتزاعل ويوم نتصالح يوم بدون سبب اطنكر وماريد احاجي الحد ماتصير صدك وازعل..وفيروز تفتر وتبسمر بذياب تشلع كلبه غصبا عليه يجي يصالح

.ذياب رغم عصبيته بس ابد مارجع رفع ايده على ووحده بينا لا اني ولا اخواتي من نشوفه اعصاب نسكت عنه حتى لو يحاجينا بس نباوع بوجهه ساكتين يهداء وحده

هواي شغلات جان فارضهم علي واني ما مقتنعه بيهم
من كعدت وياه وحجيت بسياسه كدرت اقنعه واغيرهن...

فيروز الاخت المثالية رغم فصلاتها وتحشيشها نعدت من ليث صارت خمسه بالمية من حجيها بجدية والباقي تحشيش
عشق اصهب الها الفاضحه. من يزعل منها وتريد تصالحه جانت اقسه عقوبه يعاقبها يجبرها تقراله قران وهيه تخجل تقرأ بصوت. انقه واصدك حب ...

الولد الحاسبتهم حسبة اخوي يوسف
جمعاتهم وضحكتهم سوالفهم
جفصات بان وعركها ويا بطرس مرات يستفزها يتمالخون من الروس كدامنا شكد تعانده بس تعشقه من يروح مبيت اكثر من يوم تتخبل ومتقبل تنام بالغرفه وحدها ذياب يجيبها يمنا يكابلها ويكعد ناصب عليها
دكتورة ومزوجه وانتي تخافين تنامين وحدج

اصف وبيان وشيرازهم اجمل عائلة بالبيت رب العالمين عوضها عن كل ذرة تعب والم بحب اصف الصعب ينوصف

نرجوسة وشهاب وبناتهم وهدوئهن كلش مسالمات ابني اوكح منهن بس هنه عاقلات احسهن مطياته على كد عقله

ايهومي اليحتار ابينهم وصايره خبصه عليه مايعرف هوا عم منو منهم وخال منو من يسئلونه الولد هسه شهم شيعودلك يكلهم اخوي
وذياب شيعودلك...هم اخوي ..

عمه وحنيتها الي ولا مره بحياتها وكفت ويا ولدها ضدنا كلمتها الشهيرة دائما دكول احنا نسوان البعضنا قابل اوكف وياهم عليجن

اما دراستنا السنة التجي نرجع نكمل ...

هيج عايشين حياتنا اني وكل اخواتي
كل شخص منا لكه الانسان المناسب اليكمل وياه حياته رغم مستحيل ننسه مر الايام العشناها سابقآ بس رب العالمين عوضنا بايام حلوه تغطي على الشفناه بالعماره .....

ايلول::اتمنى من كل كلبي يديم سعادتكم ويحفظكم البعض ......

حبايبي متابعيني الحلوين ريحاناتي طلبتو مقتطف عن حياتهم ونزلتلكم بارت... ولهناا انزل الستاره ونطلع من روايتهم متمنيلهم حياة سعيده .💕

تردون قصة 🥰