دفعتى السمحه🫶🏻🤍

تعالوا نهدرزوا اشويا ليا زمان ما هدرزت معاكم
شوفوا معايا توا تقريبا قطعنا نص المشوار وكلنا صارلنا توليراس من الامتحانات وقعد امر طبيعى والغريب لما يقعد مافيش امتحان🤍😂

شوفوا اللى حطيتها حطيتها فالجزئيات مش مشكله المهم طلعت بمعلومه ان شاءالله حتى عرفت الماده ع شن تحكى المهم درت انجاز
اى شي حطيتوه فالورقه واى نتيجه تجيبها افتخر بيها لانها بجهدك وتعبك والاهم توفيق ونصيب من ربي ف اللى من ربي يا مرحبتين بيها وربُّ الخير لا يأتى الا بالخير🤍
مهما زعلت ثق وتأكد انه خير من ربي🤍
توا خطتنا كالتالى:
اليوم وبكرا وبعده راحه عليش
عشان تلقى جهد للجاى لان اللى عدا كوم واللى جاى كوم ثانى
اللى دار غلطه فالجزئى يصلح توا الكوره مازالت ف ملعبك تقدر تقلب الموازين وتنجح وبتفوق ومن الدور الأول ف اللى علينا انديروها توا نتوكلوا عالله ونبدوا من جديد🤍

وزى ما ديما نقوللكم العيب مش فالطيحه ولا التعثيره ولا الدرجه الضعيفه العيب فاللى تعثر وما عرفش يصبي العيب فاللى تعثر ووقف وقال انا مش قدها وما نقدرهش ونسى ان ف رب كريم يعطى بلا حساب 🤍

رحمه ربي واسعه تريحوا يومين بيش نردوا بقوه واندفاع للمعامل الضربه الكبيره🤍


وربي يوفقنا ويارب زى هالايام السنه الجايه نكونوا ف رابعه كلنا يارب🤍.

#موفقين

انا ليا يومين ضاربه الحوله ع قروبات الدفعه بس مش من جدكم علقتوا طووول اللى يسال يبي شيتات واللى يبي تسجيلات قصدى راه الانسان عنده طاقه معينه صدقونى بلا راحه مستحيل تعطى جوده ١٠٠% تريحوا نفسك عندها عليك حق وبعدها لاحقين

السلام عليكم
نطلب منكم طلبتنا الأعزاء تزويدنا بنسخة ورقية من عروضكم التقديمية التى جهزتموها
تسلم للدكتور المشرف او للاستاذة خنساء زوبي أمينة المكتبة بالقسم

بطاقه طايحه في جامعه ليعرف صاحبها يتواصل مع معرف هضا@alsadeq20

يا عرب نكديه وماتبوش تطلعوا من مود القرايا😒😂
راه بكرا اخر معمل ف الباثو وديروا افرحنى عشان حيكون اخر معمل ف معامل ثالثه ويارب يكون اخر معمل ف مسيرتنا البيسك كلها🥺❤️

⁣💌 وصلتك رسالة جديدة
⏱ وقت الرسالة: 2025/01/25 - 08:44:40 PM
----
السلام عليكم ..ياريت تحكي على الهجوم المستفز والdislike اللي يديرو فيه الطلبه في قناة high table ..قصدي عيب هما قررو هالقرار وشهادة لله ماقصرو معانا من اول السنه فلازم نحترمو رغبتهم بأنهم يبو ينضمو للمنصه ويكون عندنا مرونه شويه
----

- تبرع لإستمرار عمل بوت صارحني 🎁

للأمانه كنت نرجى فالوقت المناسب عشان نحكى فالموضوع هضا بما ان انفتح

الدكاتره نشهدبالله ما قصروا معانا كلنا بدون استثناء سواء كشرح ك قرايه شيتات جامعه حل اسأله
تى بالله عليكم وين تلقوا انسان عنده ضميره لدرجه يسمع محاضرات الجامعه ويرد يشرحهن لكم بالله عليكم ماتقعدوش انانيين وسلبيين
راه الموضوع مش شرح والسلام
تخيل انت وقتهم وجهدهم وتعبهم كله
تخيل انسان يسيب قرايته عشان يشرحلك
ف لهم الحق انهم يديروا منصه قناه تيلى اللى يريحهم وبالعكس من وجهه نظرى منصه افضل من التيلى بمراحل كجوده وخصوصا اكاديميا بحكم تقدر تحفظ الفيدوا وتفتح باى نوع نت ف ليش الهجوم اللى ددرتوا والله موقف غير لائق بكل سامحونى فيها🤍

+اللى تضحك معليش كسرتها فيك وحولته تضحك ع خيبتك😒

⁣💌 وصلتك رسالة جديدة
⏱ وقت الرسالة: 2025/01/25 - 08:56:22 PM
----
ممكن مشكلتهم او الشيء لي ضايقهم هو انه كلنا نعرفو انه لحياه و لظروف جدا صعبه على الأغلبيه لعظمى كلنا ليبيين و نعرفو بعضنا و لواحد عنده اكتر من اخ او اخت يقرى و برضو محتاج مصاريف فلفكره في قنوات التيلي كانت مساعده لبعض انهم يلموا مع بعض اكتر من طالب و يشتركو فهي توجع شوي من الناحيه هذي , بس على قولتك هذوما برضو دكاتره تعبو و اجتهدو على روحهم و من حقهم يحصدو تعبهم و لحياه تبي و هما بشر زينا زيهم فياريت لكل يتقبل لفكره و ربي يفرج ع الجميع و تقدرو تعتمدو ع اليوتيوب و ربي يسهل للجميع يارب❤️
----

- تبرع لإستمرار عمل بوت صارحني 🎁

زملائي دكتوره فاتن بارك الله فيها بدت ف تنزيل شرح المعمل وهذي قناتها ❤️
https://youtube.com/channel/UC0xoFi038bATnh4Qr6AD-hg?si=O3ukawaVnJpmvJ0h

https://www.tgoop.com/Elgadi_Para

قناه القاضي

https://www.tgoop.com/Parasitologlab49


قناة دكتور أحمد الزليتني فيها شرح المعمل كامل و قال إن في سلايدات جدد انضافن السنه حيشرحهن فركزوا و اقروا من الجديد ما تعبوش ع الشرح القديم في القنوات الأخري

السلام عليكم

يا عيله نبي دكتور جراح فالجلاء
اللى يعرف حد يدزلى ضرورى

@Mrewa2509

#من_البريد

وخص نص مجموعه الاربع🌚👨‍🦯.

البنت الي كانت تقرا في مكتبة الفارما و نست شحنها ياريت اتواصل معايه @kim_dodohe

مساء الخير دكاترة الدفعة 0️⃣5️⃣ 🌸

نعلمكم عن فتح باب التسجيل في مادة ال Microbiology 🦠 - منهج الفاينال
على القناة الخاصة على التلقرام

منهج الفاينال يتضمن :- اغلبية منهج السستمك بكتيريا والسستمك فيروس يعني حوالي 50% من حجم المادة حيكون في قناة الفاينال 🔥

تتضمن القناة 👇

✅ شرح سلس ومبسط بفيديوات احترافية يسهل المعلومة من شيتات مرتبة ومنظمة وملونة مطابقة لمعلومات شيتات قسم جامعة بنغازي ومرجع المايكرو Jawetz and melnick 📚 في عدد اوراق اقل يسهل عليك المذاكرة والمراجعة.

✅ فويسات قصيرة للمراجعة خاصة بكل محاضرة تتضمن معلومات المحاضرة بالكامل في وقت قصير ..

✅ شرح أسئلة الاختبارات السابقة ومراجعات شاملة للكورسات 🔥

القيمة :- 150 د.ل (متضمن شرح المعمل)

مكان الاشتراك : كاش عن طريق 👈 قرطاسية سليمان رقم 2 الملاصقة لباب معهد التدارك مواعيد العمل في القرطاسية من 8 صباحاً وحتى 8 مساءً .

بعد الاشتراك ولتتم الاضافة تصوير الايصال المالي وارسالة للادمن @Dr_ahmedzelto

👈 للاشتراك عبر المصرف التواصل مع رقم الواتس 0926742653

مساء الخير دكاترة الدفعة 50 🌸

نعلمكم عن فتح باب التسجيل في مادة الباراسيتولوجي 🪱 - منهج الفاينال
على القناة الخاصة على التلقرام

- تفاصيل منهج الفاينال وضحناها في المنشور السابق
تتضمن القناة 👇

✅ شرح سلس ومبسط بفيديوات احترافية يسهل المعلومة من شيتات مرتبة ومنظمة وملونة مطابقة لمعلومات مرجع قسم جامعة بنغازي Markell and voge's 📚 في عدد اوراق اقل يسهل عليك المذاكرة والمراجعة.

✅ فويسات قصيرة للمراجعة خاصة بكل محاضرة تتضمن معلومات المحاضرة بالكامل في وقت قصير ..

✅ شرح أسئلة الاختبارات السابقة ومراجعات شاملة للكورسات 🔥

القيمة :- 100 د.ل (المعمل مجاني على التلقرام)

مكان الاشتراك : كاش عن طريق 👈 قرطاسية سليمان رقم 2 الملاصقة لباب معهد التدارك مواعيد العمل في القرطاسية من 8 صباحاً وحتى 8 مساءً .

بعد الاشتراك ولتتم الاضافة تصوير الايصال المالي وارسالة للادمن @Dr_ahmedzelto

👈 للاشتراك عبر المصرف التواصل مع رقم الواتس 0926742653

قنوات الفاينل للدكتور أحمد الزليتني ☝️☝️

السلام عليكم ورحمة الله وبركاته
يوم الخميس القادم الساعة 12 ستكون مراجعة امتحان الجزئي الثاني بقسم علم الجراثيم