Тошкент шаҳар ҳокимлиги 7 мартдан транспорт оқими фаол бўлган кўчаларда таъмирлаш ишларини бошлайди. Пойтахт маъмуриятининг маълум қилишича, тирбандликларнинг олдини олиш учун таъмирлаш ишлари транспорт ҳаракати энг кам бўлган вақтларда ташкил этилади. Ҳозирча қайси кўчаларда қурилиш-таъмирлаш ишлари бажарилиши номаълум.

TBC Bank омонатлари билан молиявий барқарорлик сари

Фарзандлар таълими, янги уй харид қилиш ёки оилавий бизнес бошлаш — булар ўзбек оилаларининг доимий мақсадлари бўлиб келган. TBC Bank омонатлари оилавий режаларингизни амалга оширишда ишончли молиявий ечим бўлиб хизмат қилади.

TBC Bank омонатлари жамғармаларингизни инфляциядан ҳимоялайди, фоизлар кунлик ҳисобланиб, ойлик тўланади. Бундан ташқари жамғармангизни исталган вақт тўлдириш ва ундан маблағ ечиб олиш имконияти мавжуд.

TBC UZ иловаси орқали бир неча дақиқада омонат очинг.

Ҳозирда 90 000 дан ортиқ ўзбекистонликлар TBC Bank омонатларига ишонишади. Сиз ҳам уларга қўшилинг ва барқарорликка эришинг!

Тўлиқ шартлар: https://go.tbcbank.uz/uzomonatinfo

Реклама

Чегарачи қизлар

Қирғизистон Боткен ва Қўқон ўртасида темир йўл қуриш ҳақида бошқотирмоқда. Бу мамлакатни 2030 йилгача ривожлантириш миллий концепцияси лойиҳасида акс этган. Лойиҳанинг бошқа тафсилотлари ҳақида маълумот йўқ.

8 март - Халқаро хотин-қизлар куни муносабати билан азиз аёллар учун махсус чегирма.

8 мартдан 31 мартга қадар agros.uz сайти орқали расмийлаштирилган қуйидаги онлайн полислар учун 10% чегирма тақдим этилади:

✅ КАСКО плюс

✅ Бахтсиз ҳодисалардан эҳтиёт шарт суғурта қилиш

✅ Спортчиларни бахтсиз ҳодисалардан эҳтиёт шарт суғурта қилиш

✅ Ҳомиладор аёллар ва уларнинг ҳомиласини суғурта қилиш

✅ Меҳмонхонада истиқомат қилувчи шахсларни комплекс суғурта қилиш

Ўзагросуғурта – йиллар давомида оқланган ишонч!

Реклама

Олма-ота аэропортида пичоқ билан қуролланган шахс аэропорт ходимини гаровга олган. Ўша ерда бўлган йўловчилардан бири гаровдаги ходимга ўзини алмаштириб, жиноятчини зарарсизлантиришга муваффақ бўлган. Тоқаев жасорат кўрсатган кишини давлат мукофотига тақдим этишларини сўраган.

"Қамчиқ" довони вақтинча ёпилди

Жорий йилнинг 7 март куни соат 15:00 дан А-373 халқаро автомобиль йўлининг "Қамчиқ" довони қисми автомобиллар ҳаракати учун вақтинча ёпилди.

Махсус техникалар ёрдамида довон йўлини қордан тозалаш ишлари амалга оширилади.

Транспорт воситаларининг ҳаракатига рухсат берилиши юзасидан қўшимча маълумот берилади.

Йўл ҳаракати хавфсизлиги хизмати

Жиноят ишлари бўйича Самарқанд шаҳри суди ўтган йили октябрь ойида Туркиядан Ўзбекистонга депортация қилинган Жафарова Ҳадича Мусаевнага узил-кесил 10 йилга озодликдан маҳрум қилиш ва 27 млн 856 минг сўмлик жарима жазоларини тайинлаган ҳамда маҳкумнинг кекса ёшини инобатга олиб, озодликдан маҳрум қилиш жазосини шартли жазога алмаштирган.

Чирчиқ давлат педагогика университети негизида Чирчиқ давлат университети, Тошкент давлат техника университети Олмалиқ филиали негизида эса Олмалиқ давлат техника институти ташкил этилади - президент қарори лойиҳаси

Бош прокуратура коррупциявий жиноятлар ҳақида "1161" рақамли “Ишонч телефони” ёки @bpantikoruz_bot телеграм боти орқали хабар беришга чақирмоқда.

“Мурожаатингиз тезкорлик билан кўриб чиқилади, унга қонуний муносабат билдирилади. Сизнинг хавфсизлигингиз эса тўлиқ кафолатланади”, дейилади хабарда.

Шавкат Мирзиёев 11-13 март кунлари давлат ташрифи билан Францияда бўлади.

Бош вазир матбуот котиби Бекзод Ҳидоятов:

“Ҳозир бутун дунёда инвестицияларнинг кўчиши кузатилмоқда. Президентимиз саъй-ҳаракатлари билан Ўзбекистонда иқтисодиёт ривожланяпти. Очиқ ва прагматик сиёсат олиб бориляпти. Мамлакатга кўплаб сармоядорлар кириб келмоқда. Албатта, бу ривожланаётган давлат учун нормал жараён.

Қолаверса, мамлакатимизга нафақат Хитой, балки бошқа давлатлардан, масалан, Германия, Франция, Туркия, Ҳиндистон, Эрон, Саудия Арабистони, Малайзия кабилардан ҳам кўплаб инвесторлар ҳамда тадбиркорлар келиб, фаолият юритмоқда.
Шу жумладан, ўзбекистонлик тадбиркорлар ёки мигрантлар турли давлатларда, хусусан, Хитойда ҳам фаолият юритмоқда. Ҳозир дунёнинг исталган мамлакатида ўзбек маҳаллаларидан тортиб, ўзбек тилида ёзилган номлари магазин ва миллий ошхоналаригача топиш мумкин.

Хитой масаласига келсак, аҳоли сони бўйича дунёда етакчи, ҳатто Ғарбий Европа, Шимолий Америкада катта диаспоралар бор. Лекин ҳеч ким уларнинг хавфи борлиги тўғрисида гапирмайди. Шундай экан бу борада ҳеч қандай хавотирга ўрин йўқ. Бу ҳуддики марказлашган ҳолда учинчи томоннинг манфаати билан бошқарилаётган манипуляцион компанияга ўхшайди. Шунинг учун юртдошларимиздан провокаторларнинг турли манипуляцияларига ишонмасликни сўраймиз.

Хитой Ўзбекистоннинг тарихий ва яқин ҳамкори ҳамда стратегик шеригидир. У бизнинг ҳудудий яхлитлигимиз ва суверенитетимизни ҳурмат қилади ҳамда қатъий қўллаб-қувватлайди. Ҳатто бу бўйича алоҳида шартнома ҳам имзоланган. Яъни, бундан ваҳима кўтаришга асос йўқ.

Яна бир мисол: Ўзбекистонда таҳсил олаётган талабалар орасида ҳиндистонликлар ҳам кўпчиликни ташкил қилади. Бугунги кунда, агар адашмасам, олти минг нафардан зиёд ҳиндистонлик айнан Ўзбекистон ОТМларида таҳсил олмоқда. Лекин бу дегани Ўзбекистонни ҳиндлар эгаллаб олади, дегани эмас-ку!

Қайтараман, Ўзбекистон аввалгидек ёпиқ давлат эмас. Одамлардан бироз тоқатли бўлишни, турли хил ёлғон ёки провокацион ахборотларга учмасликни сўраймиз”.

Манба

“Банклардаги омонатларни ҳимоя қилиш кафолатлари тўғрисида”ги янги қонун билан эндиликда давлат кафолатлари ҳар бир банкда 200 миллион сўмгача бўлган суммага татбиқ этилади. Бу қонун кучга киргандан кейин очилган янги омонатларга татбиқ этилади. Илгари очилган барча омонатлар эса суммасидан қатъи назар, тўлиқ ҳажмда кафолатланади.

Бундан ташқари, омонатларни қайтариш муддати сезиларли даражада қисқаради: 2025 йил – 20 иш куни, 2026 йил 1 январдан – 15 иш куни, 2027 йил 1 январдан – 7 иш куни. Агар омонатларингиз кафолатланиши ҳақида давлат ғамхўрлик қилса, Universalbank эса нафақат маблағларингиз хавфсизлиги, балки уларнинг кўпайиши ҳақида ҳам қайғуради. Universalbank – ишончлилик, барқарорлик ва жозибадор фоиз ставкалари билан ажралиб туради.

“Фойдали ҳамён – 24 ой” – барқарор даромад олиш учун энг қулай ечим.
“Инвест 8” – узоқ муддатли инвестициялар учун максимал фоиз ставкалари билан валюта омонати.
Омонатларни ҳимоя қилиш бўйича батафсил маълумотни Марказий банк расмий веб-сайти, finlit.uz платформаси ва Омонатларни кафолатлаш агентлиги орқали олишингиз мумкин. 📌 Universalbank омонатини 👉 илова орқали тез ва ишончли расмийлаштиринг.

Реклама

Наврўз ва Рамазон ҳайити муносабати билан Тошкент - Бухоро - Тошкент йўналишида қўшимча Afrosiyob тезюрар поезди ҳаракати йўлга қўйилади.

Абсурдга айланган кураш

Ҳар куни йўлларимизда юз бераётган авариялар оқибатида тўрт мучаси соғ фуқароларимиз, болаларимиз ҳалок бўляпти, қанча-қанча юртдошимиз бир умрга ногирон бўлиб қоляпти. Лекин ҳукумат йўл ҳаракати хавфсизлигини шу даражада дискредитация (ёмонотлиқ) қилдики, соғлом одам йўллардаги хавфсизлик ҳақида қайғурмай қўйди, ўринли таклифи, фикрларини билдиришдан тийилмоқда.

Сабаби шунча соғлом, адекват таклифлар қолиб, кимларнингдир чўнтагига қўшимча пул келтирадиган, ҳайдовчини тарбиялайдиган эмас, балки пулини шиладиган абсурд санкциялар пайдо бўлди. Бутун дунёда ўз самарасини берган, ҳайдовчини тарбиялашга, қилмишга яраша жазо муқаррарлигини таъминлашга қаратилган чоралар Ўзбекистонга келганда мантиқсиз, маънисиз ва ижтимоий тангликни яратадиган тизимга айланмоқда. Кинода кўрсатилганидек, санъат асари бизга келганда яна ўша тандирга айланиб қолмоқда.

Йўл ҳаракати хавфсизлиги хизмати ҳозирги ҳолатида самарасиз, ўзини ислоҳ қилишга қодир бўлмаган, 30 йилдан бери бир хил фалсафа асосида ишлаб келаётган, буйруқдан буйруққача ишлайдиган тизимга айланди. Тизим бошқаруви буткул ўзгартирилиши, фуқаровий кадрларга топширилиши ва ваколатлари қайта кўриб чиқилиши лозим. Ҳозир йўл ҳаракати хавфсизлигига гўёки ҳамма масъул, айни пайтда ҳеч кимда сиёсий масъулият йўқ. Бу тизим яна 10 йилдан кейин ҳам худди шу жойда депсиниб тураверади, фақат реакция қиладиган, айбдор тизим ва инфраструктура қолиб, жабрдийдани айбдор қиладиган бу кадрлар билан ҳеч нарсага эришиб бўлмайди. Комплекс ёндашув, ягона ва яхлит бошқарув керак.

Ҳар йили 500 мингдан ортиқ машина йўлларимиздаги транспорт воситаларига қўшиляпти, бундан буёғига вазият фақат қийинлашиб, мураккаблашиб бораверади. Шу сабабли йўл ҳаракати хавфсизлигига соғлом ақл ва бошқарувни қайтариш вақти аллақачон келган.

Шуҳрат Қурбонов “Миллий банклараро процессинг маркази” акциядорлик жамияти (Humo) бошқаруви раиси лавозимидан озод этилди.

Максимов Алексей Юрьевич "Миллий банклараро процессинг маркази" АЖ (Humo) бошқаруви раиси лавозимига тайинланди. У бунгача Octobank АЖ бошқаруви раиси ўринбосари лавозимида фаолият юритиб келаётган эди.

“Навоий азот” акциядорлик жамияти лабораториясида портлаш содир бўлган

Фавқулодда вазиятлар вазирлиги маълум қилишича, лабораторияда газ-ҳаво аралашмасининг чақнаши ҳодисаси рўй берган. Натижада ёнғин келиб чиққан.

Ҳодиса жойига 10 та ёнғин-қутқарув экипажи етиб бориб, ҳозирда ёнғинни бартараф этиш ишлари олиб борилмоқда. Жабрланганлар ҳақида маълумот берилмаган.

ФВВ қўшимча маълумот тақдим этилишини билдирган.

“Навоий азот” АЖда содир бўлган ёнғин бартараф этилди. Чақнаш оқибатида 1 нафар фуқаро ҳалок бўлган ва 11 нафар фуқаро тан жароҳати олган. Ҳозирда жабрланганларга тиббий ёрдам кўрсатилмоқда.

Ҳозирда ҳолат юзасидан терговга қадар суриштирув ишлари амалга оширилмоқда.

ФВВ

Бош вазир Абдулла Арипов хизмат автомобилини Mercedes-Benz`дан Malibu`га ўзгартирган.

Сенат раиси Танзила Нарбаева ва Қонунчилик палатаси спикери Нуриддин Исмоилов Chevrolet Tahoe автомобилида ҳаракатланмоқда.

Бош вазир ўринбосарлари Malibu, вилоят ҳокимлари эса Tahoe ёки Traverse автомобилларидан хизмат машинаси сифатида фойдаланмоқда.

Манба: Gazeta.uz/видео

Полковник Аюбхон Раҳматуллаев ички ишлар вазирининг биринчи ўринбосари лавозимига тайинланди. Бунгача у Андижон вилояти ИИБ бошлиғи лавозимини эгаллаб келган.

Полковник Улуғбек Ташходжаев ИИВ ҳузуридаги Миграция ва персоналлаштириш департаменти раҳбари лавозимига тайинланди.