مش غلط تقول ( أنا تعبت
او زهقت
او طاقتي خلصت )
انت بشر

#خواطر_قد_تصل

لا تقل فعلت ولكن قل يسّرها الله لي.
إن الله يحب العبد الشاكر
#خواطر_قد_تصل

خلّي حياتك تدور بين التلات جمل دول حياتك هتتغيّر:
١- " قدر الله وما شاء فعل"
٢- "قل لن يصيبنا إلا ما كتب الله لنا"
٣- " وما أصابك لم يكن ليخطئك"
#خواطر_قد_تصل

احساس رائع لما تعرف ان مفيش وجع ولا ألم ولا فقد ولا حزن بنعدّي عليه إلا وربنا بيجازينا خير على صبرنا عليهم
#خواطر_قد_تصل

مش من حق حد يحكم انت تستاهل اللي انت فيه ولا لأ.
ما تستناش رأي حد في خطواتك لأن خطواتك محدش مشيها غيرك

#خواطر_قد_تصل

لمّا بتشقّ طريقك في اتجاه محدش مشي فيه من اهلك او أصحابك قبل كده محدش يقدر يحكم ابدًا على تعبك وكفاحك ..
انت حرفيًا بتنحت في الصخر عشان توصل وعشان تقف على رجليك صح.
لمّا بتقع الكل بيلومك ولما بتوصل قليل اللي بيفرح بيك.
لمّا بتقفل على نفسك اوضتك عشان ترتب خطواتك وتذاكر او تشتغل محدش بيبقى فاهم انت بتعمل ايه وطوّلت ليه وإزاي مفيش انجاز ملموس.
اللي معاه حد يساعده ويشاور ليه فين الصح وفين الغلط لا يستوي مع اللي نحت بضوافره لحد ما وشّه اتعفّر من التراب عشان يوصل.
#خواطر_قد_تصل

اسمحلي اقدملك نصيحة ذهبية لو عاوز يعني:
الدنيا مش مثالية، الدنيا بتحب المتحرك وبتكره الثابت وتعزّ المجتهد وتدّي المتراخي على وشّه.
صدّق كده وما تزعلش على شيء فاتك واهتم باللي جاي وخلي من اللي فات درس وبطّل ندم ونواح وفي قولٍ آخر (بطّل صياح)
#خواطر_قد_تصل

أكتر حد بحبه هو اللي نصحني بذوق ، وفي السرّ ، وساعدني
#خواطر_قد_تصل

يغيّر لك طريقًا كنت تراه الأفضل فتستعجب كيف كان اختيارك

انت مش مدرك يمكن كتير من النعم اللي معاك عشان كده نفسك في حاجات كتير مش معاك
هل تصدق ان قوت يومك اللي معاك وانت اخدته for granted مش مع غيرك.
شغلك
اهلك
عيالك
رزقك
منصبك
صحتك
حتى نضافة قلبك
حاجات كتير من كتر ما هي في حياتك انت واخدها for granted
ومش مدرك قيمتها وطمعان في غيرها وحاسس انك محروم
احنا غلابة اوي في ملك الله ومش فاهمين حاجة وبنزعل لما بنتحرم والحقيقة ان ربنا عالم جوانا ايه وايه ينفعنا وايه يضرنا.
نحمد ربنا عاللي معانا وندعيه يرزقنا باللي مش معانا ونرضى لو مكتبهوش لينا
#خواطر_قد_تصل

معنى التسليم لله
انك تكون في ورطة بس عارف انك خارج منها ، ازاي وامتى مش عارف.. بس انت عارف انك خارج منها بتصريف الله للأمور ودا المعنى الحرفي لجملة ( لا حول ولا قوة الا بالله)

#خواطر_قد_تصل

اللي يطلب منك حاجة تقدر تعملها : اعملها
بس بقولك ايه: اعملها بإتقان وحرفنة
اعمل الشغل في أجمل صورة
ربّك بيحبّ اللي بيعمل حاجة يعملها بإتقان
وربّك كريم بيكافيء المحسن أضعاف إحسانه
#خواطر_قد_تصل

ما تستناش الوقت ولا الظروف ولا المكان عشان تبدأ
ابدأ مفيش حاجة بتستنى
ومش لازم الظروف تتهيأ عشان تبدأ
ابدأ انت وبعدين الظروف هتتهيّأ
#خواطر_قد_تصل

تعامَل مع العالم حواليك بشكل واقعي
خلي عندك بدل الخطة اتنين
ومتحكيش الخطتين لأي حد
#خواطر_قد_تصل

حلو اوي لو حلمت ووصلت
وحلو اوي لو ما وصلتش وصبرت
وحلو اوي لو صبرت وبعدها فرحت

اسندوا بعض يا جماعة
الكبير يسند الصغير
والأستاذ يسند التلميذ
والمعلم يسند الصبي
الدنيا صعبة
والبرّ لا يبلى

اكتشفت مع الوقت ان في ناس ممكن متشوفش انت بتعمل ايه عشانهم.
ممكن كمان ناس تانية تنكره.
وممكن ناس تالتة تقولك انت ما عملتش كفاية.
وناس غيرهم ممكن يطنشوك اصلًا كأنك مش موجود.
في ناس بقى مكانها في رأي الشخصي عمق صفيحة الزبالة ودا بينصح ازاي تعمل عشان تاخد رضاه من خلال وجهة نظره هو الشخصية.
وعلى العكس بقى ان في ناس بتشكر في العلن وناس تانية بتشكر في السر وناس تالتة لا في العلن ولا في السر بس بيدعيلك في صمت وسكوت.
النهاية ان المؤمن مثاب على كل الناس دي دون ان يدري فاللهم ارزقنا حسن النية وتحمّل أذى الناس.

(ومن مشى مع أخيه في حاجةٍ حتى يقضيها له ثبَّتَ الله قدميْهِ يومَ تَزِلُّ الأقدام)

النفس ضعيفة جدًا جدًا so fragile
كلمة ترفعك السما وكلمة تنزل بيك الارض.
كلمة تزقك لأدام وكلمة تخليك مش طايق نفسك.
فن التعامل مع الناس مش سهل لكن ليه قواعد واحكام بتقول خليك سهل خليك ليّن خليك طيب خليك صبور خليك متعاطف خليك متفهم خليك متسامح خليك بسيط.
النفوس لما بتنكسر مش بتتصلح للأسف بالذات لو النفوس دي ملهاش حرية الاختيار او التصرف او حتى الهرب.
ألسنا أحق بقلبٍ سعيد!
#خواطر_قد_تصل

(ولا تنسَوْا الفضل بينكم)
لو زعلت مع حد بتحبه بلاش تفتكر الموقف الوحش بس افتكر كل الخير اللي كان بينكم
افتكر لما كنتم سند وعون لبعض
متخليش الشيطان يطلعك برا حدود العشرة الطيبة
امشي وأبعد لو عايز بس اوعى تنسى انه كان بينكم عيش وملح
#خواطر_قد_تصل