اوعى تنسي اتنين
١- واحد تخلّى عنك
٢- واحد سَنَدك

#خواطر_قد_تصل

اقرأ من فضلك
الإنسان عبارة عن أثر
عبارة عن نشاط معيّن كان شاطر فيه وساب ما يدلّ عليه
اما حد من الناس بيموت بتدوّر هل كان مؤثر ولا لأ
بتعرف دا من كمية الدعوات اللي بتوصل ليه ومن كمية الحب والترحّم اللي بتبقى من نصيبه
لكن هو مشي خلاص.. ومش راجع
راح عند ربنا اللي كان عارف أثره الطيب
أنا بخاف جدًا اكون سايب اثر وحش او ذكرى سيئة
بخاف ميكونش نصيبي من الدعوات كتير عشان أثري الطيب مكانش كبير
بخاف اكون اسم ويتنسي
بخاف امشي من غير أثر
رحم الله كل اصحاب الأثر الصالح وجعلهم من أهل الجنة وألحقنا بهم على خير غير فاتنين ولا مفتونين

#خواطر_قد_تصل

مفيش وظيفة ولا مهنة هتحط فيها رجل علي رجل وتريح وتعيش في سلام نفسي.
الزووون بتاعت الراحة النفسية مش بتاعت الدنيا اصلا لان مفروض ان في احسن من الدنيا ومش معني كلامي اننا نيأس من المحاولة لاننا ممكن نوصل لشط من أربع شطوط:
شط الرضا
او شط الشهرة
او شط النجاح
او شط التغيير بس مع الوقت وبدون يأس
👈عيش بتحاول احسن ما تموت يائس وحزين

#خواطر_قد_تصل

من أسوأ الأدلّة على سوء طبعك ان الناس تخاف من غدرك

#خواطر_قد_تصل

‏﴿وَلَسَوْفَ يُعْطِيكَ رَبُّكَ فَتَرْضَىٰ﴾
سترضى ان شاء الله

#خواطر_قد_تصل

ومن تمام رضا الله عليك أن تتحرّى الحلال في علمك وعملك ورزقك وإجاباتك في الامتحانات

#خواطر_قد_تصل

تلات قواعد للحياة
١- مفيش أهم من صحتك
٢- الرزق جاي جاي
٣- مهما كان اللي معاك كتير لو انت مش راضي مش هتحس بسعادة

#خواطر_قد_تصل

العِلم ليس أن تَعلم
العِلم أن يصلَ علمُك

#خواطر_قد_تصل

مش بشطارتنا
لكن بتوفيق الله

#خواطر_قد_تصل

ونفضل ندوس عاللي يستاهل
ونعلّي اللي واكلها بالساهل

أقسم بربّي اني ما قعدت بين ايدين مريض ابدأ اكشف غير لما بقول بسم الله واني ما بدخلش عمليات غير لما بستعين بالله بالدعاء قبلها.
ازاي افتكر نفسي عالم وعلمي نقطة في بحر في تصريف الله وبين ايديه وازاي افتكر نفسي شاطر ونا لما بلقى موقف صعب بيقابلني بقول يا رب عونك .
الشخص اللي يفتكر نفسه مفيش زيه دون عون الله فاشل قولًا واحدًا والدكتور اللي فاكر نفسه علامة زمانه دون علم الله جاهل حرفيًّا.
ستر الله هو الفيصل بين الشخص الموفق والشخص العادي والشخص الفاشل.
فاذكروا الله في عملكم ولا تنسوا تقوى الله وبه فقط استعينوا تجدوا التوفيق👌

#خواطر_قد_تصل

ما حرمك من شيءٍ تريده إلا ليعطيك شيئًا يريده هو لك.
اختيار الله أفضل من اختياراتنا.

#خواطر_قد_تصل

صباح الخير
اوعى تحط حد في دماغك وتصمم تؤذيه لمجرد انه مجاش على هواك او معجبكش.
اوعى تنسى ان في يوم حق ترجع فيه كل الحقوق.
اوعى وانت استاذ جامعي تحط الطالب ند ليك.. اوعى وانت مدير تحط الموظف بتاعك ند ليك.
اوعى تحابي حد على حساب حد.
وتحسبونه هيّنًا وهو عند الله عظيم

#خواطر_قد_تصل

كل واحد ليه طاقة تحمّل ، لمّا بتخلص يا بيستسلم يا بينفجر
وانت وحظك بقى

#خواطر_قد_تصل

الدنيا صعبة أوي وبتخلص فجأة
نهدى على بعض إذا أمكن يعني

#خواطر_قد_تصل

شجعوا بعض
ساعدوا بعض
دنيا بتخلص وآخرة باقية

#خواطر_قد_تصل

أنا حياتي دي مليانة حاجات كانت حلمي وما حصلتش وحاجات ولا فكّرت فيها وحصلت وحاجات معرفتش قيمتها غير لما ضاعت وحاجات كنت شايفها جميلة لقيتها تافهة.
الشيء الثابت فيهم كلهم ان تقدير ربنا فيهم كلهم كان غالب وكان أفضل وكان أجمل من تصوري أنا.
(ليس لك من الأمر شيء)

#خواطر_قد_تصل

مش لازم أحلامنا تتحقق
ربنا أعلَم باللي ينفعنا وباللي يضرنا

#خواطر_قد_تصل

اوعى تشارك في فضيحة انسان حتى لو غلطان
ربنا يسترك لما انت تغلط
النصيحة غير الفضيحة والله

#خواطر_قد_تصل