نوحيه للأحباب( لمن يحملون )


يشلعون الگلب لمن يحملون
علينه أحبابنه ما ضن يرجعون
❥━──➸➽❥💔❥━──➸➽❥💔
علينه ما أضن ردت الأحباب
شالو للگبر ضمهم الأتراب
من اليوم صارو ويلي غياب
عليهم حگي أعمي موگ الأعيون
❥━──➸➽❥💔❥━──➸➽❥💔
وسفه اليمنه چانو فارگونه
ليش أتبعدو عنه ونسونه
لا سيرو علينه أو صابحونه
فرگاهم ثگيل أهواي يدرون
❥━──➸➽❥💔❥━──➸➽❥💔
وكت أوداعهم للحيل هادود
ذوله أهل الكرم والطيب والزود
يا وسفه شخصهم صار مفگود
ننذل من بعدهم چيف يرضون
❥━──➸➽❥💔❥━──➸➽❥💔
آه يحبابنه حملتو عنه
طعم المر بعدكم والله ضگنه
ما ننسى سؤالفنه أو سمرنه
ليش أعلى الترب رحتو تنامون
❥━──➸➽❥💔❥━──➸➽❥💔
يشلعون الگلب آه يالأحّبه
فرگاهم علينه أثگيل صعبه
يا كاس الصبر ضيعنه شربه
مدري وأبجفاهم نصبر أشلون
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

الثلاثاء / ٩ من شهر جماد الأول
الموافق / ٢٠٢٤/١١/١٢



قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://www.tgoop.com/joinchat-AAAAAETnrgEL48UNnwdxcQ

قصيدة لمولاتي فاطمة الزهراء
حال مولاتي السيدة زينب

#جديد _حصريآ 🔥

✧────⊱◈◈◈⊰─────✧

ودعتني الجانت تضمني بحضنها
ودعتني. وانــة ماشبعــانة منـــها

راحت الشمعة بنزلنه
من بعدها ياهـو ألنـه
ودعتني. ودعتني

✧────⊱◈◈◈⊰─────✧

الراحت امها من الزغر شلها بعمرها
تعيشــه كلــه باليتـــم آآه يـــاقهرها
ثگيلة فرگــه الــوالدة تكسر ضهرها
هسة وياهــا بدة يـــحارب دهـــرها
ماخذتني وماترد للبيت چنها
ودعتني وانـة ماشبعـانه منها


✧────⊱◈◈◈⊰─────✧

جانـــت الخـــيمة التـلم البيـت كله
وهسة دون اعيونهــا مااريد أدخله
انشلت ايــده العالوجـه نيشان خله
ضربة البسمار توجــع ماهي ســهله
عايفتني وعايفة بالـروح ونها
ودعتني. وانة ماشبعانه منها

✧────⊱◈◈◈⊰─────✧

راحـــت الماجنــت افاركـــها ثواني
بالچــفن من طــولها اتمــدد عماني
امي وردة وبيـــده كاطعـــها زماني
كعدي يم صوت الحلو زينـب تراني
سامعتني. وسامعة الونة الاونها
ودعتني. وانـة ماشبـعانه منها

✧────⊱◈◈◈⊰─────✧

بيها اول ضــربة من دنياي صارت
من كسر أضلاعها ودمعـاتي سالت
جابعـد شيصيـر من زهرتنـه ماتت
بس خذوها ويا الجنازة روحي راحت
مرمرتني. من رفعني الابو عنها
ودعتني. وانــة ماشبعانة منها

✧────⊱◈◈◈⊰─────✧
تمت

خادمه أهل البيت العلويه فضيله هاشم الموسوي

ماذكرناه في عشره أيام.  رأته العقيله في يوم واحد 🚫 لا أجيز حذف الاسم وغير مبري الذمه من يتلاعب بالقصائد 🚫

أشتركو فيها فضلآ وليس أمرآ تجدون فيها كل ما هو جديد لشاعرتنا المبدعه

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://www.tgoop.com/joinchat-AAAAAETnrgEL48UNnwdxcQ

فزاعيه الام البنين ع

نصف بحرالوطويل
مفاعلين مفاعيلن


سفره وهالحضرناها
نقره الفاتحه بيها


فاطم هيه تسمعنه
تلبي كل حوايجنه
غير أولادها شعدنه
ظيم لصار كاظيها


تحضر فاطمه الشده
ليطلب منها مترده
خصوصادمعته بخده
اصعب شده تكظيها


امراد من يدها توزع
لو نندبها هم تفزع
ثوب حزانه وننزع
رحمة الله ندريها


مديناها هالسفره
كلمن حاضر تنظره
على دمعات وتشكره
عالوجنات يجريها


عدها لمعضله سهله
اهلا بيكم تكله
لمايل بيدها تعدله
لباري بهاي مغنيها



خادمة الزهراء والسيده رقيه ع
✍️الشاعره ام زهراءالفاطميه
لايجوزحذف الاسم أسم الكتاب لبيك
يازهراءبتاريخ الثلاثاء/2024/11/112
٩جمادي الاولى سنة هجري ١٤٤٦نسالكم
الدعاءلي ولوالدي🙏🙏 اللهم عجل
لوليك الفرج 🙏🙏

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://www.tgoop.com/joinchat-AAAAAETnrgEL48UNnwdxcQ

((وزن الفائزي))
قصيدة ثقيله للزهراء عليها السلام..
لسان حال السيدة زينب تقول..


البيت ماينطب بعد عگب الحنينه..
هاليوم كلبي من الألم زايد ونينه..

⊹✿◌‌‌◌‌‌◌‌‌◌‌‌✿⊹​​​​

حملت بالليل ومشت ماردت النه
والبيت ضل يوحش عكب أم المحنه
ودعنة أيام الفرح من ماتت أمنه

الياخذة الموت بعجل شيردة لينه..
هاليوم كلبي من الالم زايد ونينه..
✍🏻ضحى البلوشي
⊹✿◌‌‌◌‌‌◌‌‌◌‌‌✿⊹​​​​

ودعنه أيام الفرح والبيت خالي
ليلية أصيح بحسرتي يمه تعالي
ردي يزهره بروحتج بس هم صفالي

يل جنتي خيمه النه وسند ردي علينه..
اليوم كلبي من الألم زايد ونينه..
✍🏻 آلــــّعــلّويِـــه آلّمٌوسويِــــۿ

⊹✿◌‌‌◌‌‌◌‌‌◌‌‌✿⊹​​​​

من راحت أمي من وكت آه ياعمرهه
ماخاف الله أبن الدعي لمن عصرهه
أيتام خلتنه ومشت يوجر قهرهه

الحالها يبجي الصخر بجي الحزينه..
هاليوم كلبي من الألم زايد ونينه..
✍🏻 ام مصطفى الاسدي
⊹✿◌‌‌◌‌‌◌‌‌◌‌‌✿⊹​​​​

الموت ماخذ ضحكتي وشيردها إليه
جن ماي صافي اطشرت من بين أديه
والتمشي أمه بهل السفر ما بيها جيه

وحتى العرش ناح وبچه يمه لبچينه..
هاليوم كلبي من الألم زايد ونينه..
✍🏻العلويه الاء
⊹✿◌‌‌◌‌‌◌‌‌◌‌‌✿⊹​​​​

للموت ياوسفة بعجل رحتي ييمة
مكسور ضعلج فاطمة وبالكلب هضمة
يمة المباني موحشة بلياج ضلمة

ضلينه من بعدج تره نصفك بدينه..
هاليوم كلبي من الألم زايد ونينه..
✍🏻ضحى البلوشي
⊹✿◌‌‌◌‌‌◌‌‌◌‌‌✿⊹​​​​

تمت القصيده بأقلام شاعرات رابطة قرابين الطف لا نجيز حذف الأسماء..

(اللهم عجل لوليك الفرج)

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://www.tgoop.com/joinchat-AAAAAETnrgEL48UNnwdxcQ

نعي للوالده


اشلون افرح واكيف من يجي العيد
والاگي العيد مثل الناس فرحان

اشلون اگطع ونيني واگطع النوح
واذب الثوب الاسود والبس الوان

وانه امفارگ امي وامي يعني الروح
واعز مخلوگ عندي واجمل انسان

يگولون العدل ينسه اليموت ابساع
يايمه اليگول انساچ غلطان

وي گلبي اسولف بيچ كل يوم
وگبل وياچ اسولف كان ماكان

احط راسي بحضنچ وانسه الاهموم
بهموم الوكت عفتيني غرگان

بس انتي الحنينه ومثلچ الگه امنين
مثلچ لاخوات اتصير لاخوان

شذكر من صفاتچ والحنان البيچ
يالكلچ محنه وللصبر عنوان

يالصوتچ عذب تارس عليه البيت
وطعم خاص بخبزتچ تشبع الجوعان

يالملگاچ جنه وفرگتچ نار
شريد احچي وشگول اعليچ حيران

ياعز وتچيه وبيت معمور
وچفچ لليطيح ايصير عوان

يانسمت عذيبي بشهر تموز
والعباس گلبي اعليچ لهفان

اروحن للنجف من احن واشتاگ
اونن حيل واكسر خاطر الدفان

واصيحن ياگبر طلع امي اشبيك
صخر مبني الگبر والصخر مالان



✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://www.tgoop.com/joinchat-AAAAAETnrgEL48UNnwdxcQ

قصائـداستشهاد الزهراء عليها السلام
#الليالي الفاطميه

حــافــرالبسـمـار بضـلـوع الـبتـول
بـاﭼـر الـرب الـعـلا شنهـو التـگول
▁ ▁ ▁ ▁ ▁ ▁ ▁ ▁ ▁ ▁ ▁ ▁ ▁ ▁

بـاﭼـر الـرب العـلا شنـهـي العـذر
شـنهـي ردك تـنـسئـل عـن العـصـر
يشـهد اعلـيـك الظـلـع البــي حـفــر

شنهــي للبـاري جــوابــك والـرسـول
▁ ▁ ▁ ▁ ▁ ▁ ▁ ▁ ▁ ▁ ▁ ▁ ▁ ▁

شنـهـي ردك وانـتـه هـزيـت السـمـه
وشـنهــي عـذرك بالقيـامـه الفـاطـمه
لـيـش مــاشفـت العـيــون امـألـمــه

زهـره الله لـيـش مــاخـذها الذبــول
▁ ▁ ▁ ▁ ▁ ▁ ▁ ▁ ▁ ▁ ▁ ▁ ▁ ▁

لــيــش مــارحمــت زيــدت ألــــم
وكسـرت ضلعيــن مـاواحــد سلـــم
رافـگـت عـدوان مــابـيــهــم رحــم

دفــعو البـاب عليــها ام الفــحــول
▁ ▁ ▁ ▁ ▁ ▁ ▁ ▁ ▁ ▁ ▁ ▁ ▁ ▁

ليــش حـقــدك نـبــتـتــه بـالـضــلع
مـاگلـت بـنـت الــرســول وتنـفـجـع
لــيــش يـابســمار نــزلـت الــدمــع

والالــم بالروح ضـل بيــها يـجــول
▁ ▁ ▁ ▁ ▁ ▁ ▁ ▁ ▁ ▁ ▁ ▁ ▁ ▁

مـايـفــيـد اويــاك ابــدا كـل عـتـب
وبعملتــك ظلع مــن روحـي انشـعب
يـبـقـه حـد يـوم القـيـامــه ملتـهـــب

والــوجــع بالـگـلــب ابــدا مـايـزول
▁ ▁ ▁ ▁ ▁ ▁ ▁ ▁ ▁ ▁ ▁ ▁ ▁ ▁
تمت بعون الله تعالی
کلمات یاسمین الشموسي
نسالکم الدعاء


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://www.tgoop.com/joinchat-AAAAAETnrgEL48UNnwdxcQ

قصیده بـ عنوان یالمحلیه زماني
لـ یاسمین الشموسي

یالمحلیه زماني
افراگچ موتاني
اخذ حیلي الحزن وتبده حسرات
مامحسوب میت بس علي مات
هدل جفني تراني
یالمحلیه زماني
ــــــــــــــــــــــ
ساکت والحچي یجرح وثگل اجبال البگلبي
اعثوگ اهمومي ماتنلاح
ومعباره صعب دربي
فَهَگْنه وفرهداچ البین
انباگ ابذمته تعبي
ناگوط الحزن چمل بعدچ یم حسن عتبي
لثگ فوگ الحزن والهم والفراگ
ابذمتمن یزهره اعیوني تشتاگ
الحزن بعدچ شراني
یالمحلیه زماني
ـــــــــــــــــــــــــــــ
افراگچ یم حسن غمّج ماخذ بالگلب حفنه
موحیل القلع خیبر
یتناشغ بالف صفنه
یالعشت ابهواچ اسنین عادک چا سوه متنه
اَنه وسجادتچ والون معازیب الحزن صرنه
کحله انباگت ابلیل من العیون
علي والیل بس همه الیشیعون
غیابچ دوهاني
یالمحلیه زماني
ــــــــــــــــ
اهدیب المایهاب الموت افراگچ فرگس اضلوعه
ونته یم حسن بالیل السابع جار مسموعه
سردال الحرب حیدر
صارت راحته ادموعه
التگوي العزم راحت وخلت حیدر بلوعه
زلمه وحوک ضل یبچي اعله فرگاچ
یالمضیعه العشگ داریني بهواچ
الوکت بعدچ عماني
یالمحلیه زماني
ــــــــــــــــــــــــــــ
العاشگ لو یجسه افراگ یغازل بالبچي اعیونه
دوالیب الحزن بالیل تفرع شوگ بضنونه
ظمني ابروحک من اشتاگ اشذنب گلبي وتجافونه
تجاعیدي انقرن بالشیب و کسري ما یوصفونه
جرح یطعن جرح واجروحي اغماج
خنگه و گمت اقص حتی من الریاج
عطرچ ودعاني
یالمحلیه زماني
ــــــــــــــــــــــــــ
ساکت والدمع یفضح یغث جفني ویاذیني
حچي ابگلبي فلا ینگال تلسع ناره تچویني
عفه عله الدنيه من بعدچ
يالرحتي وتركتيني
تفرهد عشي  نص اليل وبعدچ بردن اسنيني
عايش بس احس الدنيه گبري
تره اخلافچ ابد ما يسوه عمري
حنانچ هل جفاني
يالمحليه زماني
ـــــــــــــــــــــــــــ
تمت بعون الله تعالی


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://www.tgoop.com/joinchat-AAAAAETnrgEL48UNnwdxcQ

قصيده الام البنين ع


ام عباس... رفعت راس ... من ربت نشامه
نذرت عين ...وي جفين ... فدوه للامامه

تعلم يوم الطفوف
لأبنها يطيحن جفوف

عدهه اخبار... بالأقدار... من حيدر علامه
➖➖➖➖

نذرت روح لحسين والعين اونضرها
تدري بسهم تنصاب من يوكع كمرها
اه يايوم الطفوف علم عدها بخبرها
هاذي ام البنين الله يا صبرها

ياذيج المسيه
وصتهم وصيه

بالمظلوم ... غالي سوم .. فدوه للأمامه

ام مرتضى الحواسي
➖➖➖➖➖

تدري بيوم الطفوف.... تفكدهم سويه
عدها اخبار بيهم... من حامي الحميه
ضحت اربع اولاود... فده لابن الزجيه
رفعت بيهم الراس... هالحره الوفيه

نذرت كل الأولاد
فدوه لأبو السجاد

لتقصرون .... أنطو عيون ... فدوه للأمامه

✍️ ام حسين العامري
➖➖➖➖➖➖

ربت والنعم هاي
سباع وكفو منهم

فدتهم لأجل الحسين
والزينب أختهم

تشهد كربله اليوم
لأبو فاضل شهمهم

شجاعه ورفعت الراس
درس اخذوه من امهم

وصتهم على حسين
ماقصرو الطيبين

أهل الجود.... كلهم زود ....فدوه للأمامه

✍🏻 ام زينب الأسدي
➖➖➖➖➖➖

هاي ام الكمر هاي نتعلم صبرهه
وكفت ساعة اوداع يصدلهم نظرهه
عدهم صار معلوم وهزوهه السمرهه

هوسو دون الحسين وامهم سر گلبها

أبشري وتكر عيناج
عهد ماضايع أرباج

كون تشوف٠٠٠ذب اجفوف فدوه للأمامه

العلويه ام ناصر الياسري
➖➖➖➖➖➖

تون لحسين ضلت مايطفي جمرها
ليل نهارهه تنوح لمن خلص عمرها
امصاب الاربعه يهون لون راجع ذخرها
عله أبن زاچيه دوم حسرتها بصدرها

تنعاه كل مسيه
اه يبن الزجيه

تعمي لعين ....لأجل حسين .. فدوه للأمامه

العلويه ام ناصر الياسري
➖➖➖➖➖
عمت ضي النواضر...تنطر للمشه وراح
بقت تنطر يرد يعودون... وتعود الهه الأفراح
من گالولها حسين...ضل فوك الثرى وطاح
جسمه نطحن بالخيل... ومكطعينه برماح

صاحت واحسينآه
يبني عليك ألف آه

صحت الروح... للمذبوح ... فدوه للأمامه
ام ✍️ علي الموسوي
➖➖➖➖➖
تمت بأقلام شاعرات رابطة احزان العقيله
غير مبري الذمه من يحذف اويغير اويتلاعب بالكلمات او يحذف اسماء الشاعرات وينسب الكلام له


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://www.tgoop.com/joinchat-AAAAAETnrgEL48UNnwdxcQ

خادم الزهره وأظل أتباهه ..
              وأبقه دوم على العهد وياهه ..
          يالزجيه  .. يالزجيه
.....................................
انه خادم وابقه رافع راسي ..
فاطمه انتي الهوه البنفاسي ..
أغلى من اخواني وهلي وناسي ..
ونبض كلبي حيدري وعباسي ..
دوم مأساتج تعيش ويانه ..
             ياأساس المذهب وعنوانه ..
        يالزجيه .. يالزجيه
......................................
هالهويه بحب علي مختومه ..
وبصمة العباس سبع الحومه ..
وبيهه دمعه عالوجه مرسومه ..
عالذبيح السلبوله هدومه ..
للزجيه خادم وتدروني ..
               دوم ماينشف دمعهه اعيوني ..
       يالزجيه .. يالزجيه
....................................
انه مابطل ابد وناتي ..
عالوجن حفرن نهر دمعاتي ..
عالزجيه الطاهره مولاتي ..
ادري بيهه تقضي كل حاجاتي ..
خيرج مغطيني حد الهامه ..
                       نظره يامولاتي لللطامه ..
يالزجيه .. يالزجيه
..............................
الليله عالزهره لطم وقرايه ..
وكلنه نحضر مجلسج وفايه..
كوثر انتي والشرب من مايه..
غرف منج  مكرمات هوايه ..
مكرماتج فاطمه مشهوده ..
                       اي وحك الكطعوله ازنوده ..
يالزجيه .. يالزجيه
.................................
الحضر مجلس فاطمه هنياله ..
لابس اسود واللطم يحلاله ..
الليله تجري دموعنه هماله ..
جن شهر عاشور هل اهلاله ..
هالليالي الفاطمه نحييهه..
                      أبوصالح ندري حاضر بيهه ..
يالزجيه  ..  يالزجيه
.................................
الليله حتى المنبر يهل الدمع ..
عالزجيه الطاهره وكسر الضلع ..
كل موالي الليله خل يعلك شمع ..
من قره الرادوود نبجي ونستمع ..
الخدمه كلمه والعرف معناهه ..
                          هامته بعلو النجم علاهه ..
يالزجيه .. يالزجيه
.....................................
الزجيه عاشت بوجداني ..
ابد مافارك اسمهه الساني ..
ابقه للموت أبغض المرواني ..
ألعن الاول وأسب الثاني ..
الظلم بضعة طاهه والوج ناره ..
                             بصدر كل شيعي غرز بسماره ..
       يالزجيه  ..  يالزجيه
......................................
حيدر مطر العبادي


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://www.tgoop.com/joinchat-AAAAAETnrgEL48UNnwdxcQ

ام جعفر:
هوسات نخوه لام البنين ع طور مسلم الوائلي



اجيت اعاتبج ها يا ام البنين
مهظومه تراني ودمعي بالعين
ابابج واكفه وماظن تقصرين
وانتي ام الكرم دومج تعزبين


وحيل مابيه.   وانه من اجيتج


حزنانه وتهل دمعاتي ما بيه
وانتي اسمج اعرفه وزين طاريه
حيرانه وعليج اليوم اذب حملي
نضره ابداعت الكافل يبدويه

يا ام الوفه اطينه.  من جف الكرم



اجيت الباب بيتج نضره الي فدوه
مابيه واجر. حته النفس كوه
عندي اعتاب يمج والحجي هواي
وانتي ام الكرم بيج العزم يكوه


وانتي ام الهلا.    وام العزوبيه



كريمه وبيج راسي دوم اشيلنه
يا ام عباس وانه امراد اطلبنه
وفيه وبالكرم اي وصفو بيج
وزود البيج من اسنين اعرفنه

وما تسدينه.   بابج من نجهبه



وعندي اهموم بس يمج تره اشكيهه
وادري اباب بيتج كلهه تكضيهه
سوالف والهظم ما ينحجي هواي
وعكب بابج اهمومي وين اوديهه

وين اوديهه.    اهمومي والهظايم



لخادمة الزهراء العلويه ام جعفر
غير مبري الذمه من يحذف ألأسم و ويآخذ آلكلام وينسبه له م



قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://www.tgoop.com/joinchat-AAAAAETnrgEL48UNnwdxcQ

ام جعفر:
رقمي اثنين:
قصيده حول أم البنين



يمته اتعود  ليه اردود. وتشيل النعش يبني

لو موجود.  راعي الجود.  جا ما يعتذر مني



دفان الولد لو صار  ويشيل النعش بيده
وابد ما يعتذر لامه  عزيز  الربته اتريده
حسافه الغمض اعيونه  يجي ليهه تره بعيده
وماشفنه اليموت يعود  ويسمع ساكن البيده

يمته تعود  بيك الزود  وتشيل النعش يبني



منتضره وأجر حسرات  واحسبلك تجي عليه
ويمه ياالولد يبني    انازع والحزن بيه
وينك يا نضر عيني  تعود عله امك اشويه
مابيهه وكظاها الظيم   اتموت الكلهه حنيه

يمته تعود  تلبس سود  وتشيل النعش يبني



حك عله الولد معروف  امه ويحضر وياها
ابساعات المنيه اتريد  ابنهه اليكعد احذاها
وزاتوت ابنعشهه يصير  حته انكول جازاها
ليش امك يبو الغيره   محد شيع وجاها

يمته اتعود ظل ممدود  وتشيل النعش يبني



ظل عله الترب نايم.  ابنهه وما وصل ليهه
وتناطر جيته الغالي. وبلكي يلحك عليهه
تنازع والدمع يجري.  ولا واحد علم بيهه
هظيمه امك تكله ابني. يبو فاضل تخليهه


يمته تعود. ابكلب ممرود. وتشيل النعش يبني



انمرد كلبي واكولن وين.  ابو فاضل يجي وينه
ويشيل ابايده تابوتي. ويجيب اوياه ابو سكينه
واشوفنهم كبل لاموت.  واشوف ابني البچت عينه
تمنيتك الي تحضر.  واخبرك روحي موزينه

يمته تعود.والي مريود واتشيل النعش يبني



لخادمة الزهراء العلويه ام جعفر
غير مبري الذمه من يحذف ألأسم و ويآخذ آلكلام وينسبه له م



قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://www.tgoop.com/joinchat-AAAAAETnrgEL48UNnwdxcQ

ام جعفر:
هوسات حول أم البنين



حك من الولد لو ماتت امه ابساع
يوصل والنعشهه يحشم الها اسباع
ويكلهه ييمه ارباج ابد ما ضاع

(اليوم انشيع//ونرد ارباها)



انرد ارباج واجب والسهر كله
وبيدين الولد ندري النعش يحله
دفان الكبرها وحته يندله


(ايروح وياها/وزاتوت اتريده)



بس ام البنين الما حضرهه احد
من الاربعه وعباس هم ما رد
تنازع بالمنيه وعل ظنه تنشد

(اتريد الطارش //يوصل ويجيبه)




تنشد والدمع بالعين ظل جاري
وتكول الولد ما سمع بخباري
اثاري الموت سابكني عليه ثاري


(اعيونك نامت//وامك شالت يالهيبه)



نامت عينه وسفه كبل عين امه
وظلت ناطره وبعيد مو يمه
ثجيل افراك ابنهه وشثكل همه


(اتون وتعاتب//والموت احذاها)


لخادمة الزهراء العلويه ام جعفر
غير مبري الذمه من يحذف ألأسم و ويآخذ آلكلام وينسبه له م



قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://www.tgoop.com/joinchat-AAAAAETnrgEL48UNnwdxcQ

ام جعفر:
هوسات نخوه حول ام البنين




مو كلتي النخاني ابضيج احضرنه
ومو كلتي المريض ابساع اطيبنه
وانه اباب بيتج جيت ادكنه

اذاني الوكت يا ام البنين هواي
واخبرج من طحت محد وكف وياي
بس انتي الوفيه واحس بيج احذاي



(انتي ام الغيره//وكل تعبان تكومينه)




ها يا ام البنين وبعد سمعيته
صيتج بل طوايف منعرف صيته
وانه اليله يمج طلب طلبيته


غثاني الوكت والوكت ما يرحم
وانتي المعتنيج عله الجرح مرهم
اسولفلج حجي والحجي الما ينظم




(البابج نكصد//وانتي تعرفينه)



مرهم لجرح ادري من اجيب اسمج
واحنه من زمان ام الوفه نعرفج
عندي سويلفه وتكضيهه رايدتج


تدرين الكلب مجروح بيه اهموم
وانه وداعتج متعنيه الج هليوم
كالولي اليطيح ابابج انتي يكوم

(ايكوم الطايح// يتوچه عليهه)




يتوچه عليهه الگال ما بيه
والعده وجع والعلته مخفيه
بس ينخه ويدك بابج يبدويه


كل هم الكلب منه تزيحينه
الكاصد مجلسج راضي ترجعينه
كفو منج وفيه وندري تنطينه

(انتي.الكاصدلج//حاشه اتردينه)




وانه الكاصدج وانه البجيت دموع
لايذ من اجيتج والكلب موجوع
انخه ابسفرتج والوجع يحني اظلوع


چفي ابسفرتج مديته وانه انخاچ
يل ما قصر وادري وفي طرواچ
ما فشليتي ابد وطيتي ابيمناج

(اتخيل وجيتج//وانتي الوفايه)



لخادمة الزهراء العلويه ام جعفر
غير مبري الذمه من يحذف الاسم وياخذ الكلام وينسبه له م



قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://www.tgoop.com/joinchat-AAAAAETnrgEL48UNnwdxcQ

قصيده للزهراء عليها السلام

وزن عگيلي

ـــــــــــــــــــــــــــــ

تشييعج هاليوم نحضره

كل مأتم باسمج يالزهره

ـــــــــــــــــــــــــــــ

باسمج يم حسين انادي

ونعزي يالبضعه الهادي

بارض وسهل وجبل اوادي

ونبجي بآهات نجر عبره

ــــــــــــــــــــــــــــ

انجر الحسرات وننعالج

ازغيره وشنهو التهيالج

تتمنه الشيعه من ابدالج

تتلوع مثلج كل مره

ـــــــــــــــــــــــــــــ

اتحملتي الام وماگلتي

ومصايب ياما اتحملتي

تاليها مهضومه رحتي

يم حسين ومتي بحسره

ـــــــــــــــــــــــــــــ

من بعد الهادي مظلومه

وگضيتي ايامج مهضومه

من كسر اضلوعج مالومه

وصبرج من يحمل يالحره

ـــــــــــــــــــــــــــــ

ياصبرج ياهو اليدنيله

واهومج يالزهره اثگيله

يم طه روحي واشكيله

من ظلم الطاغي وهالزمره

ـــــــــــــــــــــــــــــ

من هاي الزمره الملعونه

والمر من بعدك ضوگونه

والحقي بويه يمنعونه

وضلموني وضلموها العتره

ـــــــــــــــــــــــــــــ

تمت بعون الله للشاعره خادمة الامام الحجه عجل الله فرجه ام منذر الحجار ✍️✍️✍️



قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://www.tgoop.com/joinchat-AAAAAETnrgEL48UNnwdxcQ

موشح للزهراء عليها السلام ( ناصب چادره )


صبح الكرار ... ناصب چادره
تهمل عيونه ويون عالطاهره


صبح الكرار مهضوم وحزين
من امس لليوم يجهر بالونين
صاح ضيعناچ يم گلب الحنين
وحيلي وياچ اندفن بالمگبره
صبح الكرار ... ناصب چادره


حيلي وياچ اندفن جوه التراب
يم حچي المعدول وافراگچ عذاب
ماتهنيني بحياتچ والشباب
ياحسافه الموت عمرچ گصره
صبح الكرار ... ناصب چادره


ياحسافه اثمنطعش عمرچ گصير
حاربوچ الگوم ماعدهم ضمير
نكروا شوصه النبي بيوم الغدير
غيره مابيهم يدفعون المره
صبح الكرار ... ناصب چادره


ذوله ماعدهم حميه ومرجله
من مصايبهم دفنتچ ناحله
رحتي للهادي ودمعتچ هامله
والضلوع امهشمه وامكسره
صبح الكرار ... ناصب چادره


امكسره اضلوعچ مشيتي يالبتول
اوياچ سلميلي اعله ابن عمي الرسول
حيدر الكرار گليله يگول
سلبوا حگي الجموع الغادره
صبح الكرار ... ناصب چادره


سلبوا حگي ولاذكروا عهد
باعوا الكلمه والانصاف انجرد
چا شگله حسين عنچ لو نشد
بس يون ولاگدرنه انصبره
صبح الكرار ... ناصب چادره


ماسگتنه ولاگدرنه انسكته
يمه من ايصيح تكبر ونته
بكربله الظلام تگطع رگبته
والشمر للشام ياخذ منحره
صبح الكرار ... ناصب چادره


✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://www.tgoop.com/joinchat-AAAAAETnrgEL48UNnwdxcQ

نعي الزهراء عليهاالسلام

وزن النعي مستفعلن مستفعلاتان


يمه يزهره خذيني وياج
ابجي واون ورايده حذاج
نامت عيونج صعب ملكاج


لغيبه طويله آيام وسنين
والموت يمه ماخذج وين
ياروح بتج يم لحسين


والفكدت امهاالليل متنام
غبتي ييمه وصعبه الايام
فكدج كلتني وخله الآم


يايوم كولي لرجعه يايوم
زود فراكج بيه لهموم
سهرانه افكر كاعده دوم


مشتاك كلبي حيل خلصان
ميته عليج وجسمي نحلان
نيران وسط لروح نيران


كلش حزينه وكاظيه الروح
كثرلبواجي الصوت مبحوح
متروسه ظيم وآه وجروح


خادمة الزهراء والسيده رقيه ع
✍️الشاعره ام زهراءالفاطميه
لايجوزحذف الاسم أسم الكتاب لبيك
يازهراءبتاريخ الاربعاء/2024/11/13
١٠جمادي الاولى سنة هجري ١٤٤٦نسالكم
الدعاءلي ولوالدي🙏🙏 اللهم عجل
لوليك الفرج 🙏🙏


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://www.tgoop.com/joinchat-AAAAAETnrgEL48UNnwdxcQ

السلام عليكم ورحمة الله وبركاته بفضل الله تعالئ متوفرحالياديوان لبيك يازهراء الجزءالرابع في مكتبة دار الزهراءفي البصره الحجزعلى هذه الرقم لتلبية طلبكم

07801310890
دارالزهراء

خاص الى مولاتي الزهراء وسفرة ام البنين ع بفضل الله تعالئ
يتضمن من القصائدالثقيله والسريعه في جميع الاوزان المكتوبه والاحان والاطوار ببركت محمدوال محمدعليهم السلام 🙏🙏ونسألكم الدعاءوالتوفيق من الله تعالئ الي والكم ياطيبون اللهم عجل لوليك الفرج 🤲🙏🙏

https://www.tgoop.com/AAAAAFCTP6mH2egqJ1qA