tgoop.com/ehhhnb/11513
Last Update:
في ذكراى ولادة الحوراء زينب عليها السلام ...
على امها اخلاقها زينب وادبها
اشكثر جدها ابوالزهره يحبها
أخذها بيده مولوده من امها
وقبّلها النبي والصدره ضمها
وواهبها له زينب گال سمها
وسماها الأبي ابشور الوهبها
الوليد الثالث البنته نبينا
عزيزة فاطمه وحيدر ولينا
المثلها ام الحسن دايم تبينا
نربي اعيالنا أعله نجبها
وربت مولاتي في حجر النبوّه
مع اخوها الحسن وحسين أخْوه
يضمهم بيت واحد همّا مضوه
في حظن المعرفه ربي كتبها
بنيته المصطفى هذي الحفيده
بنت حيدر علي البطل الصميده
حبيبة فاطمه أمها السنيده
من اشرف عائله الطهره نسبها
حريصه امن الطفوله اعله العبايه
علاقتها معاها امن البدايه
تحبها الحوره حب ماله نهايه
لحد ماام الخدر أصبح لقبها
سترها والعفاف امها الزجيه
عبايتها وشيلتها الرضيه
بل امها كلها مولاتي الأبيه
اجمعت منها اشكثر حشمه ابكسبها
مطيعه الأمها كم زينب وبوها
تساعدهم ولو هم ماطلبوها
ومع اخوها الحسن وحسين اخوها
ابموده عايشه وحب ابقربها
لذا الها المؤمنات اتجي الوسيله
المكان الفي تجي زينب تجيله
وادب واخلاق تلم امن العقيله
وبلاغه بالتحدث في خطبها
وعلى العاده المكارم والهدايه
على هلها العقيله بالعطايه
تحقق بالمطالب لي مُنايه
كريمه ماترد كل من طلبها
✍️
علي الأحسائي
جمادى أول ١٤٤٦هـ
BY قناة الشاعر علي الأحسائي
Share with your friend now:
tgoop.com/ehhhnb/11513