٢٣/أبريل
ما نسيتك لو سليّنا بهالحياة
‏و لو ضحكنا مع اللي يضحكون

‏أدعي الله في سجودي و كل صلاة
‏ينزل الرحمات لك مثل المزون

‏سامح ويا ما أحلى الرضى والتسامح
‏درب التسامح يجمع الناس بالناس

‏إن جيت لأصحابك بزين الملامح
‏لقيت من يلقاك في نفس الإحساس*

‏الظل ماحبه ولا " خفة الظل "
‏احب مالي في الحياه الحقيقه

‏نصف المجامل خدعه ونصفٍ الذل
‏ومغلفٍ كله " مشاعر رقيقه "

‏انا بشر .. طبيعي اصيب وازل
‏واحب واكره وابتعد في دقيقه

‏اللي يحب الكل ويصادق الكل
‏محدٍ حبيبٍ له ولا احدٍ صديقه

يا أغلى متاع النَّفس من كل الحياة الزايله
‏يا الجانب المشرق ويا ملْح الحياة وضيَّها 🤍

أحب الماضي من عمري وأحب الجاي به أكثر
‏ لأن اللي مضى يصنع سنين مقبلة تغنّي

‏أودع عامي وأفرح .. لأني كل ما أكبر
‏ أحب اللي مضى منه وأحب الجاي به منّي🕯️

‏لك النصيب الأكبر بعمري
‏لأنك أحد أسباب ميلادي

غيرت في عيني مفاهيم الحياه
حتى التناقض لاجل يرضيك اتحد

اسمي هو اسمي لا دعاه اللي دعاه
واسمي بصوتك : ما سمعته من احد

الإنسان يُثاب على طيب فؤاده

‏أنا لو عشت عمري أغلبه وحداني
‏ما أنزل راسي لـ حاجة عشان أربحها

‏أعرف الدوني و أعرف اللي وقف من داني
‏و أعرف أنفّس عن الأنفس و أعرف اكبحها

ما تعوّدنا المذله وتقديس الوجيه
‏ما تعوّدنا التخاذل ومقلاط الطرف

‏ولا طرحتنا سود الايام عادي ماعليه
‏مانطيح الا مطيحٍ على عز وشرف

‏مدامي في ذرى قلبك عن الصدمات والتقصير
‏ماعاد أخاف من طول الطريق وضيقةْ المسرى

‏أحبك .. والهوى فوق الكلام العذب والتفسير
‏ياوجهٍ فيه (مستقبل شعوري) ماغدا (ذكرى)..

‏عرفت إنك فرح قلبي وضحكات الليال وخير
‏يا حلم العمر مابعدك غرام .. وفرصةٍ أُخرى

‏أعوذ بوجهك النور الكريم اني اعيش إحساس
‏يظنون البشر بي خير واطلع غير ما ظنّوا

‏وألوذ بقدرتك عقب الرفاعة من طمان الرأس
‏ومن اللي لا تردّيت أعلنوا وان طبت ما أمتنّوا

طمن اللي عنده ان المحبه .. ما تشاف
‏لين يطلع لـ البكى طعم ، و النظرات صوت

‏انا خايف من فراقك .. ولا ودي تخاف
‏من فراقي لأن : ماهوب صايرٍ لين اموت

اعرف اصادق مثل ما اعرف اعادي
‏واعرف الضحكه مثل ماعرف الونه

‏ابشر اني دابل كبود حسادي
‏جعل فال كبود حسادي الجنه

‏لا تفتش فـ الصدور و لا تتبع كل عله
‏كل قلب و له ميول و كل عقلٍ و إتجاهه

‏و لا تكلف في قبولك و القبول اللي من الله
‏ ما تجيبه بـ الفلوس و لا تجيبه بـ الوجاهه

‏فقدت الغوالي لين ملّتني الاوجاع
‏"وطواري المفارق عقبهم ما توّترني"

‏انا اخاف بكره لا دفنوني في بطن القاع
‏"عسى من سترني فوقها تحت يسترني"

أشقى القلوب اللي ماتحتاج للمجهر
‏كثر ماتدفع ثمن ، طيبة نواياها

‏من سرع الأيام كن الناس ماتكبر
‏ياكثر مامرها الوقت ، وتعداها

‏"محتاج صوت المطر، والريف، والعزلة
‏والمبسم اللي له عيوني وترحَّابي

‏ما الله خلق من يساومني على الفرقا
‏من يأمن رضاي — لا يستأمن غيابي"

"يارب لو خاب التعب ماقصّر حدود الطموح
لا بُّد من يوم أنتهض وأجاور النجم بسماه"

آنا احب الحضور اللي «يعوّض كلّ زلاتي »
‏ولا آحب الغياب ولا أكون المنسي المفقود