‏الواثقين « يحدّدون » المسارات
‏مهما الظروف القاسيه تعترضهم

‏تحكمهم أحكام الشيم والقناعات
‏ما يحترون ( أحلامهم ) تفترضهم

‏«فترة الوصل معك وضحكتي وانتصاري
‏صنّفتني من أصحاب الصدور الوسيعة»
‏— محسن بن مترك

‏خلك على الوجه الأبيض وأصلح النيه
‏لا تقول هذي لأجل هذي مسويها

‏قل جعلها حسنةٍ تقضي على السيّه
‏الناس مهما تسوي صعب ترضيها

‏يالله بذكرٍ جميل وسمعةٍ حيه
‏والوقفه اللي تبيّض وجه راعيها

‏حشا لولا حلاك اللي رفع قدرك عن الباقين
‏أبد ماكان من شافك تطيح الناس من عينه

‏لا داخل العادة ، ولا خارج السرْب
‏بين الثنين ، اعرف شكل الحسافة

‏على يديك الله رماني من الغرب
‏ولا خذيت ابسط حقوق الضيافة

‏صدقني ان ماهي على البعد و القرب
‏ياللي تشوف العذر نصف المخافه

‏عنك المسافة لا خطاوي ولا درب
‏نقص الشعور اللي يزيد المسافه

‏من تخيّر دربك المهجور عن باقي دروبه
‏لاقيٍ بعيونك الثنتين ، مضياف وكرامه

‏يا ربّ عفوك ليا مرّ الزمان وسهيت
‏في مغريات الحياة... وفي ملذّاتها

يا الله عسى ما أَمر يوم مْن الايام
‏من دون أجر بمنكبي ينحسب لي

‏يارب رجعني من دروب الاوهام
‏و اذا دعيتك في دُعاء أستجب ليّ

‏علمني أقدر مقامات الآنام
‏ولا ساوي متعبني بمن تعب لي

‏ولا أفديه من عرضني لبرد الانسام
‏فاللي فبردي شب قلبه حطب لي

‏و لا يسرق احساسي هوى قلب و هيام
‏ و لا احب غير انسان قلبه مُحب لي

‏و اذا تنقيت لـ طموحاتي أحلام
‏يا رب ما أحلم غير بالمنكتب لي .

عيدكم مبارك يا أحبابي وكل عام وانتم طيبين🤍

‏عاد عيد اللي وجوده لذة العيد السعيد
‏ جعل زوله ما يغيب — وكل عام اعايده

‏أحبك ولو عادت جميع الوجيه أغراب
‏خذيتك أمان يشرد الخوف من طيبه

‏أشوف الحياه اللي مع الناس ملح وذاب
‏و أشوفك يقينٍ يقطع الشك و الريبه

‏أبيع السنين اللي بدونك بـ رخص تراب
‏وأساوم على اللحظه معاك انت باللي به

‏عفى الله عن صدرٍ من الوقت لو ينهار
‏مايشكي مُعاناته على بعيد وقريّب

‏ليا حس في حزنه توارى عن الانظار
‏ولا يوقع من همومه وضيقه قريّب

‏معه قلب ذيب ونفس طير وعزم واصرار
‏ومعه حسن خلقٍ لا يعذرب ولا يعيّب

‏لو تحطه الاقدار ما بين نار وغار
‏ماهوب متردي، كان ماهوب متطيّب

‏على العقول الواعية ذنب العقول الجاهلة
‏وأنا ما أجامل واحدٍ في حاجةٍ ماهيب فيه

عسى لاغبت عن عينك أوادع و القلوب نظاف
و أبشكر نجمةٍ تسهر تشوف أجمل ليالينا

‏يا ساعي بما فيه الكفاية - متى ترتاح
‏مع أهل القلوب الحاسدة لا تدوّرني

‏لو الله عطاك شويّ من نظرة اللمّاح
‏لقيت الشيَم من كل جانب تسوّرني

‏لاشفت العباد اللي تحرّك بدون أرواح
‏شكرت الله .. اللي بـ المبادي منوّرني

‏يا كم واحدٍ يفرح على صاحبه لا طاح
‏وأنا والله إن ( طيحة عدوّي ) تعوّرني

‏كل شي إلاّ شعور الحزن لا ينتابك
‏مستعد أرسم لك الأيام .. و ألوّنها

‏ولا تخاف إن الزمن يرخص مقام أهدابك
‏ الحرار تسافر و ترجع على موطنها

‏"ليه اشغل التفكير بـ الربح و الربح
‏عند اللي لوجهه اصلي صلاتي ؟

‏يارب ترزقني معَ طلعة الصبح
‏رزقٍ تغيّر فيه .. مجرى حياتي"

قبل تعطيني أقداري يارب الكون
‏يا ربي عطني " شعور الرضا فيها "

‏شفت في وجهك طهارة قلبّ ما ينعاف
‏ومعك مازادت أحزاني معك ياخفّة دموعي
‏فداك الشعر والشاعر وقافٍ ما عليه خلاف
‏وفداك القلبّ يوم انّه لدربك صار متبوعي