يا صوت لا تلتحف صمتي ولا تصبر
‏قل ما تبي واترك الهقوة على الهاقي

‏والخطوة اللي عن آخر سكتي تقصر
‏ماهيب من طبع رجليني ولا ساقي

‏مانيب من عاش لا يربح ولا يخسر
‏ولا هو ضروري تكون افعالي: أخلاقي

‏حُرية الفكر .. هي أبسط حقوق الحياة
‏والعاقل اللي يعرف " حدود حريته "

‏من سكر أبواب قلبه لا تفتش وراه
‏من حقه يعيش بالدنيا خصوصيته

‏تعيش الأحلام في صدر الوسيع الرحوب
‏وتموت في جوف نفسٍ ضاقت أخلاقها

"ما تنسيني جمايلك دورات الزمن
‏لين راعي الجرح ينسى ملامح جارحه

‏معك للايام لذة ولـ اللحظة ثمن
‏أنت ضحك اليوم على دموع البارحه"

‏من الوطى لين السماء ومن الحدود الى الحدود
‏مساحة ما هي بـ توسع حلمي اللي ، برسمه

‏ياللي نظركم فوق متن الأرض قاصر ومحدود
‏حنا نظرنا ما بعد داجت على الأرض قدمه

"ولا تحزن على عثرات عمرك .. جعلها تفداك
‏تشوف القادم اجمل كل ما توقف على حيلك"

للسوالف معك لذة وطربه وانتعاش
‏لو تخربط فالسوالف أحب السالفه

‏في عيون اللي يحبك فهاوه واندهاش
‏والجوارح في وجودك غدت متخالفه

‏أنا ما جيت أمر دربك مرورٍ يشبه العابر
‏كثير الدرب من حولي ولا يستاهل مروره

‏أنا جيتك ضيَّا أمسك ونورٍ يشرق لـ باكر
‏وإذا أشرقت في صبحي تغنّي لـ جلك طيوره

‏يجي من ظهور اللي لهم طاله ونوماس
‏ضعيفٍ يفرط في شرف مجدهم كله

‏يا طيب السكوت ان صار مال السوالف راس
‏ويا حلو الكلام الصايب اللي على حلّه

‏ويا شين الجميل اللي دروا به جميع الناس
‏ويا زين الجميل اللي ما يدري به إلا الله
‏- جابر النشيرا

‏دايم الموت .. مايتعب ولا يجتهد
‏إن خذا ماخذا غير النفوس الخفاف

‏والقلوب اللي أبيض من بياض المهد
‏والوجيه الكريمه واليدين العفاف

‏مكانٍ ما هو يلّمك قفارٍ لو ملوه الناس
‏ولا يحيا ولا يزهر إلين تحط به رجلك

‏استرجع اللي صار في هذي السنة
‏وأقول يا ربي لك الشكر الجزيل
‏
‏اللي ابتدت بأحلام ما هي ممكنة
‏يوم انتهت ماهي على الله مستحيل

‏نطوي مع الأيام عـام ٍ ورا عـام
‏وتمر ساعات الفـرح فـي دقايـق

‏أيام راحت بالعمر مثـل الأحـلام
‏يوم ٍ بهـا زعـلان وأيـام رايـق

‏درست من دنياي وأتعبت الأقـدام
‏وبدلت عن بعض الطرايق طرايـق

‏يامخفي الظاهر ومظهر ماخفا
‏تمثيل دور المعجب يثير العجب

‏شرواي صعب تضايقه هرجة قفا
‏وسوالف الجهال ياخذها مطب

‏أنا العزيز اللي على عهد الوفا
‏معك ومع غيرك بتلقاني ذهب

رزقي على اللّي لا عطى شي ما منّه
‏و إلّا يديـن العرب تـعطي و منّانـه

‏لا شحّوا النّاس ربّك يعطي الجنّه
‏ما يغني إلّا كـريم الوجه سبحانـه

ياسيدة كل القلوب اللي تلفت للكمال💐

‏" يمدّ النور كفّي و أنت قدّك ناعم ، و ميّاس
‏و تهبّ الريح ، و أغصان الطرِيْق تْمل شارعها

‏أحبّك و الشتاء موْغِل ، و أحنّك والسّنين يْبَاس
‏أنا عينك أعَرْف إحساسها ، و أعشَق مطالعها

‏عسى ما لك ديارٍ في هواها يتعب العسّاس
‏يا وجهٍ في تفاصيله لقت روحي مرابعها "

‏ياكثر العفاف بوجهك الممتلي بـ أحلام
‏وأنا الحالم اللي في ابتسامتك ميلاده

‏عيونك ماهو يقدر عليها ولا عـوام
‏بحـر ، والبحـر ياكثر غرقاه بالعاده

‏وعنقك مدار الشعر والوصف والإلهام
‏وصارت بيوتي من حوالينه قلاده

‏ياوجه الرضى . . ماتقدر تزعّلك الأيـام
‏هذا الوجه كن الكون مجبور فـ اسعاده