( ١) غيّر حياتك .. او رتبها
الخطوة الاولى (1)
من #30خطوة_للسعادة

استغل اي مناسبة وخليها بداية جديدة ..
يوم ميلادك .. فرصة رائعة
بداية السنة هجرية او ميلادية ..
بداية وظيفة جديدة ..
بداية علاقة جديدة .. حب او زواج او صداقة ..
بداية رمضان ..
واحسنهم رمضان .. شهر التغيير والتطهير ..
رمضان .. احلى حاجة بتحصل في السنة
رمضان .. شهر تغيير العادات
رمضان .. شهر التمرين عالعبادات
رمضان .. شهر ضبط النفس والتحكم في الشهوات
رمضان .. وقفة مع النفس
كل ده يخليه اجمل فرصة لتطوير وتحسين حياتك و اعلى طاقة ايجابية ودافعة نفسية
متسيبوش يعدي عليك وانت زي ما انت ..
انتهز الفرصة اللي ربنا مديهالك .. وقرر تعيش سعيد ..
اعدل المايل .. قدر المستطاع ..
صلح اللي تقدر عليه في حياتك وذاتك وعلاقاتك ..
رتب حياتك ونفسك ووقتك من تاني ..
فرمت كل حاجة حواليك ..
حط نقطة لكل موضوع عايز يتحطله نهاية ..
وابدأ من جديد من اول السطر ..
ركز وامسك ورقة وقلم ..
وانوي من جواك تستمتع باي شيء حواليك و كل نعمة في ايديك وتسعد بيها ..

اكتب قدامك بخط كبير ..
" قررت ونويت التغيير .. قررت ونويت أبدأ من جديد "
" قررت ونويت اعيش سعيد واستمتع بنعم ربنا الجميلة وهداياه العديدة "

و اكتب وحدد عايز :
١- تغير ايه ؟
٢- تجدد ايه ؟
٣- ترتب ايه ؟
اكتبهم قدامك عشان تكون محدد و تفتكرهم وانت بتطلبهم من ربنا في دعائك .. اطلب وملكش دعوة هتحصل ازاي .. ازاي دي بامر الله ..
وربنا الكريم باذن الله هيدلك وينورلك بصيرتك ..
وهيعرفك الطريقة والتوقيت المناسب ويديك الامكانيات كمان .. بس انت ابدأ .. وهتشوف ..

دي #مهارة ..
والمهارات والافكار كلها بتعتبر ادوات ..
ممكن نجمع ما بينها
وممكن نختار منها ..
بعد ما نوزن الامور كويس نختار التصرف المناسب في الوقت المناسب .. مش نعيش بشعارات وخلاص ونطبقها على اي موقف والسلام ..
وهي دي الحكمة ( ومن يوءت الحكمة فقد اوتي خيرا كثيرا )
وافتكري دايما :
#السعادة_قرار ..
محدش يقدر يحرمك منه لو خدته ..
بس محتاج حماية لان ممكن حد يبوظهولك بعد ما تخده فلازم تتعلم ازاي تحمي قرار السعادة بتاعك .. وتحافظ عليه .. عن طريق #_train_your_brain

" السعادة قرار و وعي .. ثم تدريب وممارسة حتى تصبح تلقائية " ..
وده اكيد بياخد وقت بس يلا نبدأ ..
خد القرار .. و تابعنا خطوة بخطوة ..
كل خطوة هنتكلم عن فكرة جديدة تغير حياتنا وتظبط تفكيرنا وتعودنا عالايجابية وتدربنا عالسعادة وباذن الله مع الوقت يوم بعد يوم هتحسي بالفرق ..
في انتظار مشاركاتكم وتفاعلاتكم واسئلتكم ..
وكل عام وانتو افضل وانجح واسعد .. #عيشهابسعادة مع #اسراءهارون
#رمضان2019
اعادة نشر من رمضان 2016
#Train_your_brain
#repost
#للاستشارات_الخاصة_01016447440 watsapp

للمتابعة عالتليجرام 👇

https://www.tgoop.com/EsraaHarounLifecoaching

( ٢ ) عيش كل لحظة ..
الخطوة الثانية (2 )
من #30_خطوة_للسعادة

كل لحظة بتعدي عليك قيمتها عالية اوي من عمرك .. يكفي انها لا تعوض .. مش هترجع تاني ..
عيش اللحظة و استمتع بيها ..
عيش دلوقتي ..
سيبك من اللي حصل امبارح شوية ..
و طنش اللي هيحصل بكرة شوية ..
مش هيجرى حاجة .. عارف ليه ؟ لان كلو مكتوب ..
كله بامر الله وامر الله كله خير ..
حدد هدفك واشحن همتك وخطط ورتب وخد بالاسباب ..
خلاص خلصت تخطيط ؟
اوك اسعى بقا : توكل على الله وابدأ التنفيذ ..
خلاص بدأت السعي والتنفيذ ..
ريلاااااااكس بقا ..
انت كدة عملت اللي عليك و كل اللي في ايديك .. الباقي بقا بتاع ربنا القادر الحكيم العليم بالخير ليك .. استمتع بقا وعيش اللحظة ..
وزي ما كان دايما يقولنا الله يرحمه معلمي و ابويا التاني حبيبي د ابراهيم الفقي في جملته الختامية لاي محاضرة
" عيش كل لحظة كأنها اخر لحظة في حياتك " ..
فعلا حسها كدة .. ساعتها لا هيهمك اللي قبلها ولا اللي بعدها ..
محتاج تتدرب على ده وتفكر نفسك بيه كل شوية لحد ما يبقا عادة باذن الله ..
انا هنا والآن ..
لو لحظة احساسها سعادة استمتع بيها لاقصى درجة ..
لو حزن عيشه شوية اديله حقه و انت واعي انه جايلك برسالة .. اقرا الرسالة واشكره عشان ياخد حقه ويمشي ..
لو اللحظة انتظار يعني انت منتظر شيء يحصل او ماشي في هدف ولسة موصلتش يبقا عيشها بالدعاء و التسليم لله والتعبد بانتظار الفرج ..
وهكذا ..
ادي لكل لحظة حقها .. injoy the trip

دي #مهارة ..
والمهارات والافكار كلها بتعتبر ادوات ..
ممكن نجمع ما بينها .. ممكن نختار منها .. وهي دي الحكمة ( ومن يوءت الحكمة فقد اوتي خيرا كثيرا )
وافتكر دايما :
#السعادة_قرار ..
محدش يقدر يحرمك منه لو خدته ..
بس محتاج حماية لان ممكن حد يبوظهولك بعد ما تخده فلازم تتعلم ازاي تحمي قرار السعادة بتاعك .. وتحافظ عليه .. عن طريق #_train_your_brain

" السعادة قرار و وعي .. ثم تدريب وممارسة حتى تصبح تلقائية " ..
وده اكيد بياخد وقت بس يلا نبدأ ..
خد القرار .. و تابعنا خطوة بخطوة ..
كل خطوة هنتكلم عن فكرة جديدة تغير حياتنا وتظبط تفكيرنا وتعودنا عالايجابية وتدربنا عالسعادة وباذن الله مع الوقت يوم بعد يوم هتحسي بالفرق ..
في انتظار مشاركاتكم وتفاعلاتكم واسئلتكم ..
وكل عام وانتو افضل وانجح واسعد .. #عيشهابسعادة مع #اسراءهارون
#رمضان2019
اعادة نشر من رمضان 2016
#Train_your_brain
#repost
#للاستشارات_الخاصة_01016447440 watsapp

للمتابعة عالتليجرام 👇

https://www.tgoop.com/EsraaHarounLifecoaching

يمكن البوست ده يصدم بعض الامهات اللي فاكرين ان التربية بتخلص او مستنيسنهم يكبروا عشان ارتاح او فاكرين المراهقة اخر المشاكل في التربية 🙈 ..
معلش سامحوني واستحملوني .. انها الحقيقة يا سادة ⁦☺️⁩ ..

اوقات ولادنا يقعوا في غلطات بنشوفها كبيرة وبنتخض .. زي ان حد منهم يجرب سجاير او حشيش او يتعلق ببنت او تتعلق بولد او تقلع الحجاب او لو مش لبساه ترفض تماما تلبسه او يقطعوا ويفرطوا في الصلاة او يبدأوا يتكلموا في افكار الحادية .. مع اننا بنكون ربينا بكل ما فينا واجتهدنا و طلع عينينا كمان ..
بيجيلنا احباط ونستغرب اومال لو مكنتش ربيت كويس ولا كنت سيبتهم بدون توجيه كان حصل ايه !!!
وابدأ زي المجنونة ادور على اسباب يمكن صاحبه ده ايوة مش برتاحله يمكن صحبتها دي وزتها يمكن كذا يمكن كذا .. وبننسى نقطة مهمة اوي وهي ان اللي معندوش استعداد لحاجة مش هيروحلها .. وان التحريض ده لو فيه تحريض اصلا مش هيأثر لو مكنش الشخص نفسه من جواه عنده استعداد .. يعني متدوريش برة ولادك .. الموضوع جواهم ..
الحقيقة اننا مش مدركين ان الاخطاء عموما طبيعة بشرية والاستجابة للفتن محدش كبير عليها .. ده احيانا كتير الشخص يروح للخطأ برجله تماما بدون اي فتنة ولا اسباب ولا دواعي ..
احنا كآباء بناخد بالاسباب اكيد ونبعدهم ونحوط عليهم بس رب الاسباب بيكون له تدبير اخر .. لحكمة بالغة ..
من اوضحها .. الحساب ..
مش اولادك اصبحوا مكلفين دلوقتي وبيتحاسبوا ؟!!
ايوة .. مش من العدل و الله هو العدل .. ان ابنك او بنتك يتحاسبوا على سلوكيات اكتسبوها منك بالسليقة و اثناء التربية وبالتعود او عشان اتضرب على مخالفتها او عشان لحينا عليه يعملها ..
لابد يكونوا هم بيعملوها بكامل ارادتهم وبوعيهم .. مختارينها يعني .. مش متبرمجين عليها .. مقررين يعملوها بنية و لسبب .. مش متعودين عليها وخلاص .. واللا ميبقاش الحساب والتكليف له معنى ..
ده غير اننا بنبقا متخيلين ان الهداية بايدينا وان طالما خدنا باسبابها خلاص لازم تتوجد وكأننا احنا المسيطرين ..
وكأننا بنشترط .. انا قدمت حاجة لازم اشوف نتيجتها .. وكأن الدنيا ماشية بورقة وقلم ..
فتحصل حاجات زي كدة رسالة من ربنا تقولنا انك لا تهدي ولكن الله يهدي .. تأكدلنا ان القلوب بين اصبعين من اصابع الرحمن يقلبها كيف يشاء ..
نقطة تانية مهمة برضو ان ولادنا احيانا بيكونو بيعيشوا مرحلة معينة فاتتهم فبيعيشوها متأخر بشكل مختلف .. غالبا بتكون مرحلة التمرد ومحاولة اثبات الذات .. ومرحلة الفلترة .. ان الشاب بيبدأ يفلتر الاوامر اللي خدها دي بدون اقتناع او اتبرمج عليها او حصل الحاح عليها كتير فاضطر يعملها عشان يخلص من ضغط الالحاح و خلاص .. كل ده يرجع يفرزه من تاني ..
المرحلة دي بتكون بعد المراهقة .. يعني قد تمر المراهقة هادية نوعا ما بدون مشاكل كبيرة ونتفاجيء بعد ما يعدوا العشرين انهم اصبحوا اشخاص تانيين فين البنت الرقيقة الخضوعة ؟ فين الولد المطيع الخلوق ؟!! هم موجودين .. بس متغيرين .. نسيوا يتمردوا فهيتمردوا شوية وراجعين ..
وناس تعدي العشرين وتوصل لتلاتين ونظن انهم عدوا و يوصلوا للاربعين كمان ونتفاجيء بصورة من صور التمرد او اللي بنطلق عليها المراهقة المتأخرة .. و هي بكل بساطة الطفل الداخلي في كل منا عايز حاجة فاتته ..
اومال تربيتي راحت فين ؟
ما راحتش .. موجودة
تربيتك لو سليمة بتربي عقلية سليمة ونفسية سوية وشخصية ليها مهارات .. دي اهم حاجة لازم تكون موجودة عشان ترجع الشخص من اي تمرد او خلل او تسنده وهو بيمر باي ضغط نفسي او drop من اي نوع ..
تربيتك لو بحب غير مشروط بتنشيء محطات امان يقدر لما يتوه ومهما تاه يرجعلها يقدر لما يفوق يتمسك بيها ..
عشان كدة مينفعش مهما كان ومهما عمل مينفعش تسيبيه او تتخلي عنه او تقسي عليه .. انتي ام .. ودور الام مبينتهيش لاخر نفس فيها .. ومهما كان عمر ولادها ..
مينفعش ترفضيه ولا تتجاهليه ..
لازم تحتويه و تحتضنيه ..
ازاي وانا مش طايقاه .. هي دي المشكلة ( انك مش طيقاه ) .. دي مشكلة في تفكيرك لابد تتظبط ..
وعشان كدة بشرحلك الوضع .. عشان تتفهمي اللي بيمر بيه و تستوعبي ان العوارض دي كلها ليها جذر جواه وان الامر عميق ومحتاج دعم و احتواء وان مينفعش اسيبه لوحده تايه او بيصارع فتنة او بيعافر مع نفسه .. لازم اكون جنبه .. جنبه اولا بحبي .. بحب كتييييير ولين وحنية ودفا .. ثانيا بتوجيهي واتكلم واحاور بس بهدوء وتفهم .. وافهمه اني مش راضية و اكيد زعلانة عليك او عشانك اني اشوفك بتئذي نفسك او تغضب ربنا عليك بس انا جنبك .. وقبل ده كله وبعده بدعائي ليه ..
وافتكري الحب قبل كل شيء ..
الرسول صلى الله عليه وسلم لما جاله واحد بيقوله ااذن لي في الزنا ومع انه طلب صعب ولو حد طلبه دلوقتي في زماننا المنفتح ده من امه ولا ابوه هيلطشه قلم ويقوله انت بجح امشي ومتورنيش وشك ⁦☺️⁩ ..تخيلوا بقا ده كان رايح يطلبه زمااان ومن مييين🙈 ؟!!! من الرسول .. ومع ذلك اول حاجة الرسول

عملها وقبل ما يكلمه انه قاله ادنو مني و ضمه ليه .. طمنه الاول انه بيحبه وجنبه ومتعاطف معاه و فاهمه .. وبعدين بدأ يفهمه انه طلبك مينفعش .. بمنتهى الرفق والحنية والهدوء .. وبعدها دعاله ..
الشخص ده كان صحابي على فكرة يعني خيرة الخيرة .. يعني حتى الصحابة مروا بالفتن ؟ حتى اللي اتربوا جنب الرسول وفي اشد البيئات التزاما ؟ ايوة .. يعني ده بيحصل في احسن العائلات .. مفيش انسان مهما كانت ظروفه وبيئته كبير انه يقع .. ولو ربيناه جوة مسجد و الرسول جنبه و الصحابة مجتمعه .. لان دي سنة الحياة ..
الموقف ده درس بليغ لازم نحطه قدام عينينا .. ونرحم نفسنا واولادنا ونتعامل بهدي النبي في احتواء الاخطاء والمخطئين .. لسبب بسيط ان كلنا ذووا خطأ .. وخير الخطائين التوابون ..
حابوا عليهم دايما وساندوهم .. كلمة منكم في وقت معين ممكن تفرق .. حضن بسيط ممكن يكون هو اللي ناقص عشان يملا قلوبهم .. لمسة او لفتة حنية ممكن هي اللي ترجعهم لرشدهم ..
ربنا يحفظنا واولادنا جميعا ولا يؤلم قلوبنا عليهم ابدا وينجي الواقع منهم ويهدي التايه ويسعدنا بصلاح احوالهم دايما يارب
#اسراءهارون

https://m.facebook.com/story.php?story_fbid=2897973830234903&id=816408068391500