РАССОМ ТУЗ ПРОЗЕЛИТИЗМ ҲАҚИДА

Самарқандлик мулла ҳукуматнинг гендер тенглигига шак келтириб хотинларни камситгани учун жазоланди. Бу тўғри. Қаттиқроқ жазоласа ҳам бўларди.

Шу ўринда Ўзбекистон конституциясидаги битта гапга диққат қаратиш зарур. Конституцияда "ҳеч бир мафкура ҳукмрон эмас" деб аниқ ëзилган.

Бу дегани мулланинг гапи худди бошқа юзлаб инонч ва сиғиниш группалари қаторида "унинг фикри" деб қабул қилиниши керак.

Ҳинд руҳонийси "мол гўшти еманг" деса ëки яҳудий рабби "сутгурунчга эт солманг" деса, Жуббали Аҳмад "Қази еманг" деса ëки веганни ашаддийси фақат "дарахт тагига ўзи тўкилган шаптолини ейиш жоиз" деса бу гапларга "уланинг фикри" деб қараш ва констититуция дунëвий қонунларимизга кўра яшашимиз лозим.

Бу ҳолатни, айниқса, ИИВ тизими ходимлари қулоғига исирға қилиб осиб олиши керак.

Ўзбекистон - бу шариат давлати эмас. Ўзбекистон - дунëвий қонунлар амал қилинадиган давлат.

Бу қонунларга кўра, прозелитизм яъни динга чорлаш, одамларни дини ва жинсига кўра айириш тақиқланади.

Масалан, битта муллла "хотинлар яримта бўлади. Уларнинг иккаласининг гивоҳлиги битта эркакка тенглашади," дейди.

Демак, бу дегани хотин киши судда ҳакамлик қила олмайди. Илмий кашфиëтларга экспертлик қила олмайди, ҳатто доктор бўлиб диагноз ҳам қўя олмайди деганидир.

Шу боис мулла, поп, раввин, коҳин, лумба-юмба сектаси шомони бўладими ўз пропагандасини юритганда рамкадан чиқмаслиги жоиз.

Айниқса, мулллалар ўзларини қиëматга қози, жаннатга путёвка берадиган тур оператор ва нима яхшию нима ëмон дейдиган ягона эксперт бўлиш ролидан воз кечиб тинчгина ибодатини қилишликлари лозим бўлади.

💬Telegram |📱Facebook |
🐦Twitter |📱Instagram | ▶️YouTube

ТОШКЕНТДА КЎПАЙИБ БОРАЁТГАН “ОБОДОНЧИ” ТИЛАМЧИЛАР

Тошкент кўчаларида айрим аёллар "Ободонлаштириш ходимлари" қиёфасида тиламчилик қилиб юргани аниқланди.

Чилонзор тумани Ободонлаштириш бўлими ходимлари мурожаат қилиб, аслида улар ҳақиқий ходим эмаслиги, улар ҳақиқий ходимларга иснод келтираётганини айтишди.

Тошкент кўчаларида гўёки "Ободонлаштириш ходимлари" қиёфасида, автоулов эгаларидан пул сўраб тиланчилик қилаётган айрим аёллар аниқланди, дея хабар бермоқда Чилонзор тумани ҳокимлиги.

Ҳокимлик эълон қилган видеорепортажда ободонлаштириш ходимлари мурожаат билан чиқиб, чорраҳаларда айрим аёллар ўзларини ободонлаштириш ходими сифатида таништириб, чорраҳаларда автомобиль эгаларидан пул сўраётган аёллардан бу ишидан қайтишини сўрашди.

💬Telegram |📱Facebook |
🐦Twitter |📱Instagram | ▶️YouTube

РАССОМ ТУЗ: «БИРАВДИ ПУЛИНИ САНАГУНЧА ЎЗЛАРИНГ ИШЛАБ ПУЛ ТОПИШ”

Тошкентдаги тўйда 45 минг дўлларлик тўрт дастахонга тортилди.

"Шу тўртти пулига битта қашшоққа эшик аберса бўларди?" деб маслаҳат берди жумбул жамоат.

Тасаввур қилинг, шу тўртни пулига Сергелидаги бир қашшоққа бир хонали уй аберилди.

Кейиб у қашшоқ эртасигаëқ бу уйни сотиб, қиморга тикиб, яна қарзам бўп қоларди.

Худойим билиб уни қашшоқ қилиб қўйибди. Чакида халта билан урсанг ҳам оқармийди, деган тоипа бу.

Мана қўлингизга қаранг беш бармоқ беш хил. Бу дунëда ҳаммани тенг қиламан деб, бойларди молини олиб, камбағаллрга берган СССР деган давлат охири гадой бўлиб ўлиб, йўқолиб кетди.

Коммунизм - инсон табиатига зид нарса. Нега бир одам тер тўкиб пул топсину пулини битта паразит ишëқмас, дангаса, қашшоқ, худо урганга обориб берсин? Нега?

Истаса, 45 минг долларга тўрт есин, истаса том, истаса ом солсин. Хозяйин - барин. Биравди пулини санагунча ўзларинг ишлаб пул топиш пийпл.

💬Telegram |📱Facebook |
🐦Twitter |📱Instagram | ▶️YouTube

ТОШОБЛ СУДИ 29 ЯШАР НАМАНАГАНЛИК ВАХШИЙНИ УМРБОД ҚАМАДИ

Одам шаклидаги бу яратиқ бир оиланинг 5 нафар аъзосини ўлдирган ва уларни уйи билан бирга ёқиб юборган.

Ўлдириб ëқиш билан бирга ўз қурбонларини не ҳолга солгани суд ҳукмидаги мана бу жумлалардан билиниб турибди.

1995 йилда Наманган вилоятида туғилган З. С. Ўзбекистон Жиноят кодексининг 97 (қасддан одам ўлдириш), 118 (номусга тегиш), 134 (қабрни таҳқирлаш), 164 (босқинчилик) ва 173 (мулкни қасддан нобуд қилиш ёки унга зарар етказиш) моддаларида назарда тутилган жиноятларни содир этганликда айбдор деб топилди.

Бу ҳайвон 26 июль куни Янгийўл тумани Нурафшон кўчасида жойлашган хонадонни ëқиб кулга айлантирган.

Ундан олдин 5 нафар одами (1991 йилда туғилган эркак, 1999 йилда туғилган аёл, 2021 ва 2022 йилда туғилган бола ва 2018 йилда туғилган қиз) зўрлаб, қийнаб, хорлаб ўлдирган.


💬Telegram |📱Facebook |
🐦Twitter |📱Instagram | ▶️YouTube

СОЛИҚ ҚЎМИТАСИДАГИ ЧИГАЛЛИКЛАР


Солиқ қўмитасининг 2024 йил 16 июлдаги 228-сонли буйруғига асосан, туман ва шаҳар солиқ инспексияларида штат жадвалларида Бош ҳисобчилар ва сектор ходимлари 0.5 ставка қилиб белгилаб қўйилди.

Қўмита томонидан штатлар жадвалидаги ходимлар нотўғри тузилган. Маҳаллабай тизимига ўтганимиздан кейин ёрдамчи таркибида бўлган солиқ бўйича инспекторларнинг қиладиган иши қолмаган. Компьютер техниклари компьютер тузатишни билмайди. Сабаби инспекциядаги бошлиқнинг котибалари қисқартирилганида техниквазифасига ўтказилган. Шунинг учун нима қилишларини билмай, фақат телефон ўйнаб, ғийбат қилиш билан овора.


Сектор ва бухгалтерия шўбаларини бир ставга қилишларини сўраймиз. Aсосий сабаб Aдлия вазирлигининг 2010 йил 22 декабрдаги йўриқномасига асосан ва моддий жавобгарликка масъул бўлгани сабабли Бош ҳисобчилар 0.5 ставкада бўлиши мумкин эмас. Секторда иш кўлами кўп ва раҳбарнинг асосий юзи ҳисобланади. Шу боисдан кераксиз ёрдамчиларни ва биринчи бўлимларни қисқартиришлари керак.


💬Telegram |📱Facebook |
🐦Twitter |📱Instagram | ▶️YouTube

СОЛИҚ ТИЗИМИДА АДОЛАТСИЗЛИКНИНГ ОХИРИ БОРМИ!?

Солиқ қўмитаси томонидан KPI баллик система ходимларга нисбатан белгиланган. Ажабнарлиси шундаки, боқиманда қарзлар режа қилиб бериляпти. Бу боқиманда қарзлар судга, суд МИБга берган.


Суд ва МИБ томонидан ундирилмаган солиқ қарздорлигини бутун бошли солиқ ходимларининг бошига бало қилишмокда. Ахир солиқ қарздорлиги солиқ идораси томонидан ундирилмагандан кейингина судга берилади.


Суд мажбурий ижрода турган солиқ қарздорликларини ваколатли орган ҳам ундириб бермаяпти. Ваҳоланки, улар ундиролмаган солиқ қарзини қўмита режа қилиб беряпти. Режа беришсин, боқиманда қарздорликни эмас!


Бир йилда бир мартагина бериладиган картошка пули ҳам ҳалигача берилмади. Нима қилайлик, оила боқишга қийналиб кетдик...


💬Telegram |📱Facebook |
🐦Twitter |📱Instagram | ▶️YouTube

ЯНГИ ЎЗБЕКИСТОНДА ЭСКИ СОВЕТ САРҚИТИ – САБЗАВОТ ПЛАНИНИ ТЎЛДИРИШ ФЕРМЕР ЗИММАСИГА ЮКЛАНДИ

Ассалому алайкум, ҳурматли Элтуз. Сизларга Фарғона вилояти Данғара тумани фермерлари номидан мурожаат қиляпмиз.

Данғара тумани прокурорлари фермерлар билан мажлис ўтказиб ҳар биримизга 10 тонна картошка сотиб олиб, сўнг январда сотиб сабзавот планини бажариш мажбуриятини юкламоқда.

Прокурор жуда қўпол оҳангда жеркиб, сенсираб мажлис ўтказди. Биз чорвачилик, паррандачилик ва балиқчилик билан шуғулланадиган фермерлармиз. Бизга картошка планининг нима алоқаси бор?

Энг паст нав картошканинг килоси 3000 минг сўм, 10 тонна картошка 30 миллион сўмга тушади. Бир қараса бизга бетон ариқ қуйиш мажбуриятини юклашади, яна бир қараса мана бунақа озиқ-овқат плани бўйнимизга илинади.

Биз ўз хўжалигимиз режасини тўлдиришни ўйлайликми ёки сабзавот планини тўлдирайликми?

Прокурор ҳам юқоридан келган топшириқни бажаради, биламиз. Эртага картошка планни топширмасак бунинг ҳам ноқонуний бўлса-да "жавобгарлиги" бор.

Қачонгача фермерни қақшатиб план тўлдирилади? Мақсад фермер хўжаликларини батамом тугатиш, фермерларни ишдан бездиришми?


💬Telegram |📱Facebook |
🐦Twitter |📱Instagram | ▶️YouTube

БАТТОЛ ҲОЖИ

Фарғона вилояти, Данғара туманининг норасмий ҳўжайини Тўлқин ҳожи Арзиметов ҳисобланади. Унга ҳам ё хушомад ва ё одат бўйича Ҳожи ака деб мурожаат қилади. Умуман, Фарғонада устамон, беюз, пултопар кимсаларни ҳожи ака дейишади. Ҳожи, бу — унвон.

Озроқ ишингиз юришса, бас, эл назарида ҳожисиз. Айримлар семиз қўйиниям ҳожи дейди.

Демак, бизнинг Ҳожи ака минг хил хийла-найранг билан тадбиркорларни чўктириш билан овора.

Ҳожи ака туман департамент бошлиғи Дониёржон Аъзамов билан тил бириктириб тадбиркорларни қийнатяпти.

Илгари туманда тадбиркорлар сони салмоқли эди. Ҳожи аканинг найранглари сабаб кўплаб тадбиркорлар ҳисоб рақамини Қўқон шаҳрига кўчириб кетди. Ҳозир туманда саноқли тадбиркор қолган.

Демак, Ҳожи ака билан департамент Тўлқин аввал тадбиркорларни текширгандек бўлади, ўзича нимадир топади. Улар кетиши билан тадбиркорни текширувчилар босади. Текширувчилар эса асоссиз ва ваҳимали хато топишга уста.

Йирик тадбиркорларни чақириб сўраш керак: солиқ бошлиғи ва департамент бошлиғи сизларга қандай найранглар қиляпти, деб.

Туман ҳокими Ш. Тожиҳакимов бу ишлардан хабардор, аммо Ҳожи акадан чўчийди. Ҳожи ака ўзидан ҳоким ясаб олган.

Қизиқ-да, қонунларни ҳурмат қиладиган тадбиркорсан. Тўсатдан ишхонангга солиқ ва департамент бошлиғи келади ва ҳамма жойни искалаб, ҳатто ҳожатхонагача текширади. Кейин эса текширувчилар гуруҳини жўнатади. Улар эса қилдан қийиқ ахтаради. Шу боис аксар тадбиркорлар ҳисоб рақамини Қўқон шаҳрига ўтказяпти.

Данғара туман солиқ инспекцияси ва департаменти бошлиғи тадбиркорлар учун ярамас муҳит яратишган.

Уларнинг мушугини "пишт" дейиш керак. Текширувлардан безор бўлиб данғаралик тадбиркорлар Қўқонга кетиб қоляпти.


💬Telegram |📱Facebook |
🐦Twitter |📱Instagram | ▶️YouTube

КАМБАҒАЛЛИКНИ ҚИСҚАРТИРИШ КОРХОНА ВА ТАШКИЛОТЛАР ҲИСОБИДАН БЎЛАДИМИ?

Элтузга етиб келган шикоятда Навоий вилояти Қизилтепа тумани ҳокими Беҳзод Бобомуродов ташкилот ва корхона раҳбаларга босим ўтказиб камбағалликни қисқартирмоқчилиги иддао қилинади.

Масалан, ҳоким бир корхонадан 5 та хонадоннинг шиферини янгилаб беришни талаб қилади. Бундан ташқари, ҳар бир хонадонга дарвоза ўрнатиш, қорамол бериш, томорқасига иссиқхона қуриш ҳам корхоналар зиммасига юкланган. Биргина томни шифер билан қоплаш ўртача 25 миллион сўмга тушади. Шу ва бошқа харажатларни корхона ёки ташкилот раҳбари ўз ҳисобидан қоплаши шарт.

Шунингдек, тумандаги корхоналар "Янги Қизилтепа тонги" ва "Дўстлик байроғи" газеталарига мажбурий обуна қилиниши таъкидланмоқда.

Камбағалликни қисқартириш корхона ва ташкилотлар зиммасига юкланар экан, бу соҳага ажратилган бюджет маблағи қаерга сарфланяпти? Жиноий топшириқлар яна бир жиноят орқали бажарилмаслигига, бу талабларни амалга ошириш учун ташкилот ва корхона раҳбарлари коррупция, ўғрилик қилмаслигига кафил йўқ.

Эски Ўзбекистонда ободонлаштириш, ҳайрия, чет эллик меҳмонларни кузатиш, обуна ва ҳатто сайлов харажатлари ҳам фермерлар, тадбиркорлар, турли корхона ва ташкилотлар зиммасига юкланар эди.

Бу борада шаклан Янги Ўзбекистон мазмун моҳиятига кўра эскисидан унча узоқлашмаган кўринади.


💬Telegram |📱Facebook |
🐦Twitter |📱Instagram | ▶️YouTube

УЧҚЎРҒОН ҲОКИМИНИНГ ХУРМАЧА ҚИЛИҒИ

Наманган вилояти Учқўрғон тумани ҳокимининг хурмача қилиғи жонимизга тегди.
Бугун якшанба — дам олиш куни бўлгани ва ёмғир тинмай ёғиб турганига қарамасдан, тумандаги барча раҳбарлар кўчат экишга жалб этилди.

Аёл киши бўлганимизга қарамай, биз ҳам ёмғирда кўчат экишга мажбурландик.

Эрталаб соат 8 да йиғилиб, соат 13:00 гача ёмғирда туриб расмга тушишга мажбур бўлдик.

Инсон Учқўрғон туманида қачон қадрланади?

Ҳоким чирмада чалса, чиманда ўйнашга мажбур бўлишимиз шартми?

💬Telegram |📱Facebook |
🐦Twitter |📱Instagram | ▶️YouTube