ሱሪ የሚለብሱ፣ሜካፕ የሚቀቡ ወ.ዘ.ተ እንዲህ አይነት ሴቶች  የማይረቡ ርካሾች ናቸው❓

ያው ታውቃላችሁ የጌታ ፍጡር ሁሉ ክቡር ነው የሰው ልጅ ደግሞ እጅጉን መልካም ነው። ይህን ርዕስ ለምን ማንሳት ፈለኩ መሰላችሁ አንዳንዶቻችን ትንሽ ወደ ቤተክርስቲያን ቀረብ ስንል ያለፈው ማንነታችንን እንረሳና እኛ ድሮ እንሰራው የነበረውን ኀጢአት  ወይም ያልሰራነው ሊሆን ይችላል ሲሰሩት ስንመለከት መፍረድ እንጀምራለን ልናዝንላቸው ሲገባ እናዝንባቸዋለን ሱሪ የሚለብሱ፣ ሜካፕ የሚቀቡ ሴቶችን በቃ በጥላቻ እናያቸዎለን ግን ታውቃላቹ ሱሪ የሚለብሱ ከኛ የተሻለ ስብዕና ያላቸው አሉ ( ሁሉም ሳይሆኑ አንዳንዶች ማለቴ ነው) እኔ ሴቶች ሱሪ ቢለብሱ ምንም ችግር የለም ጌታን ያስደስታል ማለቴ አይደለም ማስተላለፍ የምፈልገው ንቀታችን እንተወው  እና እንዴት እንዲያቆሙ እናግዛቸው ነው። ሱሪ መልበስ ከአንዲት ኦርቶዶክሳዊት ሴት አይጠበቅም ነውር ነው 😡 አንበል። ልክ ነው ግን አባባላችንን እናስተካክል። "እህቴ መልካም  ነሽ ስብዕናሽ ደስ ይላል ከኔ የተሻልሽ ነሽ ደግሞ ይሄን ነገር ብታስተካክይ እጅግ ደስ ይላል አምላክሽ ባንቺ ይሰበካል ወንድሞችሽን ከማሰናከል ትተርፊያለ 😍 በእውነት ይሄን ለመተው እንድትችይ ጌታ ይርዳሽ፣ ክርስቲያን እንደመሆናችን ከሌሎች ሰዎች እንለያለን በአለባበሳችን፣ በአነጋገራችን ፣በአመጋገባችን፣ በአረማመዳችን በሁሉ ነገራችን  አርአያ ልንሆን ይገባል። እህቴ መተው ይከብድሽ ይሆናል ኃጢአት ለኛ ጣፋጭ ነው  ግን ኃጢአትን እንድንጠላ ጌታ ይረዳናል። ብቻ ፋላጎት ኖሮን ጌታን ፈቃዴን ሰጥቼሀለሁ አስችለኝ እንበለው እሱ ፈቃድ ከሰጠነው ሀይልን አቅምን ይሰጠናል" በቃ እንዲህ ተስፋ የሞላው ድንቅ ቃል እንንገራት መጀመሪያ ግን የምቶዱላቸውን ፀባይ አስቀድማችሁ ንገሯት ያው በጎው ሲቀድም መልካም ነው። እንደው ግን በሴቶች ተጠቅሜ ተናገርኩ እንጅ ምን አልባት ፀጉሩን ከሚገባ በላይ የሚያሳድግ ወንድ በቃ አረማመዱ ሁሉ ነገሩ ዱርዬ የሚመስል ለሆነ ልጅም ሊሆን ይችላል ስትመክሩ አካሄዳችሁን ጌታ በሚወደው መንገድ ይሁን ተጠቀሙት ከናንተ የተሻለ ስብዕና ሊኖረው ይችላል ልጁ ማንም በምንም ክፉ ኀጢአት ውስጥ ቢሆን እንዘንለት እንጂ አንዘንበት🙏🙏🙏

"...........እነሆ፥ የተወደደው ሰዓት አሁን ነው፤ የመዳን ቀን አሁን ነው"
--2ኛ ቆሮ 6፥2

አንብቡት አጭር አስተማሪ_ታሪክ ነው

አንድ ወጣት የዩንቨርሲቲ ተማሪ ከፕሮፌሰር አስማሪው ጋር መናፈሻው ላይ ቁጭ ብለው
ያወራሉ፡፡ አስተማሪው ከተማሪዎች ሁሉ ይህን ተማሪ በጣም ስለሚወደው እንደ ጓደኛው
አድርጎ ነው ሚያየው፡፡

✨ ፊት ለፊታቸው ጫማውን አውልቆ የመናፈሻውን ጽዶችና ሳሮችን
የሚያስተካክል ሰራተኛ አለ፤ተማሪው የጽዳት ሰራተኛውን እያየ ለአስተማሪው “ቲቸር ዛሬ
አንተም እኔም ደብሮናል፤ ለምን ያኛውን ሰውዬ ትሪክ አንሰራውም❓ ያወለቀውን ጫማ
ደበቅ እናርግበትና ጫማዎቹን ሲያጣቸው እንዴት እንደሚበረግግ እኛም እዛጋ ደበቅ ብለን
እንመልከተው” ይለዋል፡፡አስተማሪውም“ወጣቱ ጓዴ ምንም እንኳ ቢደብረን ድሃዎችን
እያሰቃየን እኛ መደሰት የለብንም፡፡

✨ ባይሆን እኛ ገንዘብ አለን በገንዘባችን የበለጠ ደስታን
ማግኘት እንችላለን፤ ሂድና ቀስ ብለህ ሰውዬው ሳያይህ ባወለቀው ጫማዎች ላይ ገንዘብ
ከተህበት ና፤ ከዛም ተደብቀን የሚሆነውን እናያለን” አለው፡፡ ተማሪው አስተማሪው እንዳለው ቀስ
ብሎ የሰውዬው ጫማ ላይ በርካታ ገንዘብ ከቶበት መጣና ከአስተማሪው ጋር ደበቅ ብለው
የሰውዬውን ሁኔታ መከታተል ጀመሩ፡፡ሰውዬው ፅዳቱን ጨርሶ ኮቱን ለበሰና ጫማውን
ለማድረግ ሲታገል ይቆረቁረውና ጎንበስ ብሎ ጫማውን ሲያራግፈው ብሮችን ያገኛል፡፡

✨ ሰውዬው ደነገጠ!! ዙሪያውን ቢያይ ማንም የለም፤ ደግሞ ደጋግሞ ቀኝና ግራ ሲመለከት
ማንም ሰውየለም፡፡ ሰውዬው በአግራሞት አንገቱን እየነቀነቀ ገንዘቡን ኪሱ ውስጥ ከከተተው
በሗላ ሁለተኛ እግሩ ጫማውን ለማድረግ ሲያነሳ በተመሳሳይ ገንዘብ ያገኛል፤ሰውዬው
አላመነም!!በጉልበቱ ተንበረከከ አንገቱንም ወደ ሰማይ ቀና አደርጎ ጮክ ብሎ “ጌታዬ
የሚስቴን መታመም አውቀህ ነው አይደል፤ካንተ ሌላ ማንም እንደማይረዳት አውቀህ ነው
አይደል!!

✨ የልጆቼ ዳቦ ማጣታቸውን አይተህ ነው አይደል!! ምስጋና ይግባህ ጌታዬ” አለ፡፡
ተማሪው የሰውዬውን ሁኔታ ሲመለከትልቡን ነካው አይኑ እንቧ አቀረረች፡፡

አስተማሪውም
“ቅድም ካሰብከው ታሪክ ይልቅ አሁን የተሻለ ደስታ እንዳገኘህ አልጠራጠርም”
አለው፤ተማሪው እንባውን እየጠረገ “ፕሮፌሰር እስከዛሬ ካስተማሩኝ ሁሉ እንደዚህ ያለ
ትምህርት አስተምረውኝ አያውቁም፤ በህይወቴ የማረሳውን ትምህርት ነው ያስተማሩኝ፤
እውነትም ከመቀበል መስጠት የተሻለ ነው” በማለት መለሰላቸው፡፡

✨ ለሰዎች የደስታ ምንጭ ከመሆን በላይ ምን የሚያስደስት ነገር አለ❓
       
አስተማሪ ትምህርቶች ለማግኘት ቴሌግራምተቀላቀሉ
 "...........እነሆ፥ የተወደደው ሰዓት አሁን ነው፤ የመዳን ቀን አሁን ነው"
--2ኛ ቆሮ 6፥2

☞︎︎︎ አንተ ሰው  ይሔንን ጹሑፍ አንብብ

ከዓለም አታላይ እንቅልፍ ይነቃል 👇👇

ሰው የሆነ ሁሉ ያንብበው
ሰው ሆይ እሞታለሁ ብለህ ታስባለህ❓
ለመኖር ብለህ ትዋሻለህ
ለመብላት ብለህ ትሰርቃለህ
ለእርካታ ብለህ ትዘሙታለህ
ሀብታም ለመሆን የማትፈነቅለው ድንጋይ የለህም
እኖራለሁ ብለህ ግንብ ትገነባለህ ቤት ትሰራለህ
አውቃለሁ ብለህ ትማራለህ
እወልዳለሁ ብለህ ታገባለህ አልመች ሲልህ ትፈታለህ
በእግሬ አልሄድም ብለህ መኪና ትገዛለህ
ሚስት ከቤት እያለችህ ከውጪ ትመኛለህ
አንድ ወልደህ ከሆነ ሁለተኛ ታስባለህ
ዲፕሎማ ካለህ ለዲግሪ ትማራለህ
ድግሪ ካለህ ለማስትሬት ትማራለህ
ማስትሬት ካለህ ለፒአች ዲ ትማራለህ
አንድ ቤት ካለህ ሁለተኛ ቤት ታስባለህ
አንድ መኪና ካለህ ሌላ መኪና ያምርሃል
ክፍለ ሃገር ካለህ አዲስ ለመኖር ታስባለህ
አድስ አበባ ከሆንክ አውሮፓ አሜሪካ ትመኛለህ
አሜሪካ ከሆንክ ሌላ ፕላኒት ለማየት ትጓጓለህ
ትንሽ ስልጣን ካለህ ትልቅ ስልጣት ትመኛለህ
የቀበሌ ሊቀመንበር ከሆን የወረዳ አስተዳደር ለመሆን ታስባለህ
የወረዳ አስተዳደር ከሆንክ የዞን ሀላፊ መሆን ያምርሀል
የዞን ሀላፊ ከሆንክ የክልል ርእሰ መስተዳድር ለመሆን ትሮጣለህ
የክልል እርሰ መስተዳድር ከሆንክ ሚንስቴር ለመሆን ታስባለህ
ሚንስቴር ከሆንክ ጠቅላይ ፕሬዝዳንት መሆን ያምርሀል
ዲያቆን ከሆንክ ቄስ መሆን ያምርሃል
መነኩሴ ከሆንክ ጳጳስ መሆን ትፈልጋለህ

☞︎︎︎ ወዳጄ ሆይ የምትሞትበትን ቀን ታስባለህ❓

☞︎︎︎ መቼ ነው የምሞተው ብለህ ታወቃለህ❓

አንተ እኮ 🫵የዛሬ ነህ የነገን አታውቅም
ግን ስለ ነገ ብዙ ታስባለህ

ወዳጄ ሆይ ከፈጣሪህ ፊት የሚያስቆምክ ስራ ሰርተሃል❓

በየት በኩል ነው የምቆመው ብለህ ታውቃለህ❓
በግራ ነው ወይስ በቀኝ የምትቆመው ስራህ በየት ነው የሚያቆምህ❓
ሞት ሳይቀድምህ ዛሬውኑ ወስን
እየተዘናጋና ለሥጋ ብቻ ስትኖር ለነፍስህ ሳትኖር እንዳትሞት
ለመጽደቅም ለመኮነንም የስራህ ውጤት ነው
መልካም ከሰራህ የጽድቅ ልጅ ነህ
ክፉ ከሰራህ የኃጢአት ልጅ ነህ
በምድር ያለው ነገር ሁሉ ከሞት አያድንም
ዝናህ ሀብትህ እውቀትህ ስልጣንህ ሁሉ ምድራዊ ነው

"...........እነሆ፥ የተወደደው ሰዓት አሁን ነው፤ የመዳን ቀን አሁን ነው"
--2ኛ ቆሮ 6፥2

꧁  ይ🀄 ላ 🀄ሉ ꧂

https://www.tgoop.com/eotcy

ሆሳዕና ማለት ምን ማለት ነው ❓
በሆሳዕና ለምን ቀለበት እናስራለን ❓
በሆሳዕና ጌታችን ለምን በአህያ_ላይ ተቀመጠ❓
በሆሳዕና ለምን ዘንባባ አነጠፉ ❓

እና ሌሎች በደንብ ይነበብ ሼር!

☞︎︎︎ ሆሳዕና ማለት ምን ማለት ነው❓

ሆሳዕና ማለት፦ የዕብራይስጥ ቃል ሲሆን ትርጉሙ ‹‹እባክህ አሁን አድን አሁን ባርከን›› ማለት ነው፡፡በሰሙነ ሕማማት ጸሎተ ፍትሃት ጸሎተ አስተስርዮ ስለማይፈጸም ጸሎተ ፍትሃትና አስተስርዮ
የሚደረገው በዚሁ ዕለት ነው::

=> በሆሣዕና ዕለት በእጃችን እደ ቀለበት ማሰራችን የምን ምሳሌ ነው❓❓
1.ጌታ ለአዳም የሰጠው ቃል ኪዳን ለማስታወስ፡-ከልጅ ልጅህ ተወልጄ አድነሃለሁ ያለውን የተስፋ ቃል ለማስታወስ፡፡
2.ጌታ ለእመቤታችን የገባላትን ቃል ኪዳን ተምሳሌት ነው።
3.ጌታ ለእስራኤላውያን የሰጣቸው ቃል ኪዳን ተምሳሌት ነው።
4.ጌታ ለአዳም ከሰይጣን ግዛት ነጻ እንዳወጣው ሁሉ እኛም ከሰይጣን ግዛት ከመከራ ሥጋ ከመከራ ነፍስ ከክፋት ከኃጢአት አውጣን ማረን ለንስኃ ሞት አብቃን ከቤትህ አትለየን እንደ ቸርነትህ ይቅር በለን ስንል ለጌታ ዳግም ላናጠፋ ቃል የምንገባበት ነው፡፡

☞︎︎︎ ጌታችን በዕለተ ሆሳዕና ለምን በፈረስ ላይ አልተቀመጠም❓❓
ትንቢቱንና ምሳሌውን ለመፈጸም ነው፡፡ "
አንቺ የጽዮን ልጅ ሆይ፥ እጅግ ደስ ይበልሽ ፤ አንቺ የኢየሩሳሌም ልጅ ሆይ፥ እልል በዪ፤ እነሆ፥ ንጉሥሽ ጻድቅና አዳኝ ነው፤ ትሑትም ሆኖ በአህያም፥ በአህያይቱ
ግልገል በውርጫይቱ ላይ ተቀምጦ ወደ አንቺ ይመጣል።(ትንቢተ ዘካርያስ 9:9)

☞︎︎︎ በአህያ መቀመጡ፦

• ትህትናን ለማስተማር
• የሰላም ዘመን ነው ሲል
• ለፈለጉኝ ሁሉ የቅርብ አምላክ ነኝ ሲል በንጽህና በየዋህነት ለሚኖሩ ምዕመናን አድሬባቸው እኖራለሁ ሲል፡፡

• አህያዎች ትሁታን ናቸው ረጋ ብለው ነው
የሚሄዱት፤በቀላሉ ትወጣበታለህ፤በቀላሉ
ትይዘዋለህ፤እንደፈለክም ታዝዋለህ።
ጌታችን ወደ ኢየሩሳሌም ሲገባ ዘባባ የመነጠፉ ሚስጢር የምን ምሳሌ ነው❓
1.ዝንባባ፡- ይስሃቅ በተወለደ ጊዜ ደስ ብሎት አብርሃምን ዘንባባ ይዞ እግዚአብሔር አመስግነዋል፡፡
2.ዝንባባ ደርቆ እንደገና ሂይወት ይዘራል፡- የደረቀ የምታለመልም አምላክ ነህ ሲሉ ነው፡፡
3.ዝንባባ የሰላም ምልክት ነው፡- የሰላም አምላክ ነህ ሲሉ ነው።
4.ዝንባባ የደስታ መግለጫ ነው፡- አንተ ደስ የምታሰኝ ሃዘናችንም የምታርቅልን አምላክ ነህ ሲሉ ነው፡፡
5.ዝንባባ እሾሃማ ነው፡- አንተ ህያው አሸናፊ አምላክ ነህ ሲሉ ነው፡፡
6.ዝንባባ እሳት አይበላውም ለብልቦ ይተወዋል እንጂ፡፡ ጌታም አንተ ባህሪህን የማይመረመር ነው ሲሉ ነው፡፡
ህዝቡ ከልብሳቸው ሌላ ስንት አይነት ቅጠንል አነጠፉለት ምን ምን??

☞︎︎︎ ልብሳቸውን ማንጠፋቸው፡-
ለክብሩ መግለጫ ነው፡፡
ሌሎችም ሦስት አይነት ቅጠል አነጠፉለት ዘንባባ፤የቴመር ዛፍ፤የወይራ ዛፍ አነጠፉለት፡፡
☞︎︎︎ ትልቅዋ አህያ በምን ትመሳለለች ውርን ጭለዋስ❓
ትልቅዋ አህያ የኦሪት ምሳሌ ነው።
1.ትልቅዋ አህያ ሸክም የለመደች ናት ህገ ኦሪትም የተለመደች ህግ ናትና፡፡
2.የእስራኤል ምሳሌ ነው፡-ትልቅዋ አህያ ሸክም እንደለመደች ሁሉ እስራኤልም ህግ ለመፈጸም በህግ ለመራመድ የለመዱ ናቸው፡፡
3.የአዳም ምሳሌ ነው፡- አዳም ሸክም የበዛበት ነበርና።

☞︎︎︎ ውርጭላዋ
1.በህገ ወንጌል ትመሰላለች፡-ምክንያቱም ወንጌል ኢየሱስ ክርስቶስ የመሰረታት የሰራት አዲስዋ ህግ ናትና፡፡
2.በአህዛብ ትመሰላለች፡-ትንሽዋ አህያ ሸክም የለመደች አይደለችም እንዲሁም አህዛብም ህግህን የመቀበል የመቀበል የለመደ አይደሉም፡፡ ለህግህ አዲስ ናቸውና፡፡
3.የእመቤታችን ምሳሌ ናት፡- የዓለም ሸክም አቅልላለችና በእመቤታችን ትመሰለላለች፡፡ እመቤታችን ድህነተ ምክንያታችን ጌታን የተሸከመች ንጽህት እንከን የሌላት እናት ናትና፡፡
Join🙏🙏🙏

https://www.tgoop.com/eotcy
https://www.tgoop.com/eotcy

🔴ማክሰኞ የትምህርት እና የጥያቄ ቀን

ይህ ቀን ጌታችን መድኃኒታችን ኢየሱስ ክርስቶስ ሰኞ በተናገረው ባደረገው ላይ አይሁድ ጥያቄ ያቀረቡበት እርሱም መልስ በመስጠት ያስተማረበት ዕለት ነው በዚህም ምክንያት የጥያቄ እና የትምህርት ቀን በመባል ይታወቃል፡፡

ሰኞ ቀን ጌታችን በረገማትን በለስ  መድረቅ ሐዋርያት ሲደነቁ እምነት ያለው ሰው ሁሉን ማድረግ እንደሚችል ያስረዳበት ዕለት ነው፡፡
‹‹ ማለዳም ሲያልፉ በለሲቱን ከሥርዋ ደርቃ አዩአት ጴጥሮስም ትዝ ብሎት መምህር ሆይ፥ እነሆ፥ የረገምሃት በለስ ደርቃለች አለው። ኢየሱስም መልሶ እንዲህ አላቸው፦ በእግዚአብሔር እመኑ እውነት እላችኋለሁ፥ ማንም ያለው ነገር እንዲደረግለት ቢያምን በልቡ ሳይጠራጠር፥ ይህን ተራራ ተነቅለህ ወደ ባሕር ተወርወር ቢል ይሆንለታል። ስለዚህ እላችኋለሁ፥ የጸለያችሁትን የለመናችሁትንም ሁሉ እንዳገኛችሁት እመኑ፥ ይሆንላችሁማል ለጸሎትም በቆማችሁ ጊዜ፥ በሰማያት ያለው አባታችሁ ደግሞ ኃጢአታችሁን ይቅር እንዲላችሁ፥ በማንም ላይ አንዳች ቢኖርባችሁ ይቅር በሉት። እናንተ ግን ይቅር ባትሉ በሰማያት ያለው አባታችሁም ኃጢአታችሁን ይቅር አይላችሁም። ››ማር 11፥20-26 እያለ ያስተማረበት ዕለት ስለሆነ የትምህርት ቀን ይባላል

ሌላው ይህ ዕለት ጌታችን  ሰኞ ዕለት  ካደረጋቸው ነገሮች ተነስተው አይሁድ ጥያቄ ያቀረቡበት ዕለት ነው
‹‹ ወደ መቅደስም ገብቶ ሲያስተምር የካህናት አለቆችና የሕዝብ ሽማግሎች ወደ እርሱ ቀረቡና በምን ሥልጣን እነዚህን ታደርጋለህ? ይህንስ ሥልጣን ማን ሰጠህ? አሉት። ኢየሱስም መልሶ፦ እኔ ደግሞ አንዲት ነገር እጠይቃችኋለሁ፤ እናንተም ያችን ብትነግሩኝ እኔ ደግሞ እነዚህን በምን ሥልጣን እንዳደርግ እነግራችኋለሁ፤ የዮሐንስ ጥምቀት ከወዴት ነበረች? ከሰማይ ወይስ ከሰው? አላቸው። . . . ›› /ማቴ 21 ፥23- 27/
https://www.tgoop.com/eotcy
ይህ ጥያቄ ጌታችን ሲያደርጋቸው የነበሩ ተአምራትና ድንቅ ድንቅ ሥራዎች የካህናት አለቆችን ስላስቀኗቸው ጌታችንን ከሮማ መንግሥት ባለ ሥልጣናት ጋር ለማጋጨት የቀረቡት ጥያቄ ነበር ጌታችን በቤተ መቅደስ የነበረውን ገብያ ስለበተነው የነጋዴዎቹን  መደባቸውን ስለገለበጠ ነጋዴን ማባረርና መደብን ማስለቀቅ መንግሥታዊ ሥራ ነውና በማን ሥልጣን አደረከው ብለው ጠየቁት ጌታችን ‹‹በራሴ ሥልጣን›› ቢላቸው ጸረ መንግሥት አቋም አለው በማለት ከሮማ መንግሥት ዘንድ ለማሳጣት ነበር ዕቅዳቸው
ጌታችን ግን የፈሪሳውያንን ጠማማ አሳብ ስለሚያውቅ ‹‹የዮሐንስ ጥምቀት ከየት ነው? ከሰማይ ነው ወይስ ከምድር?›› ሲል ጠይቋቸዋል፡፡ ጌታችን ፈሪሳውያን ላቀረቡለት ጥያቄ ቀጥተኛ ምላሽ አልሰጠም ምክንያቱም ጥያቄው ለከሳሾቹ ዓላማ መሳካት አመቺ ሁኔታን ስለሚፈጥር ጥያቄውን በጥያቄ መልሶላቸዋል፡፡ እነርሱም ‹‹ከሰማይ ነው›› ቢሉት ‹‹ለምን አላመናችሁበትም?›› እንዳይላቸው፤ ‹‹ከሰው ነው›› ቢሉት ደግሞ ሕዝቡ ዮሐንስን እንደ አባት ይፈሩት፣ እንደ መምህር ያከብሩት ነበርና ሕዝቡ እንዳይጣሏቸው ስለፈሩ ‹‹ከወዴት እንደ ሆነ አናውቅም›› ብለው መለሱለት፡፡ እርሱም ‹‹እኔም በማን ሥልጣን እነዚህን እንደማደርግ አልነግራችሁም›› አላቸው ከዚህ ታሪክ የተነሳ ይሄ ቀን የጥያቄ ቀን ይባላል፡፡
🟢 @eotcy 🟢
🟡 @eotcy 🟡
🔴 @eotcy 🔴

ረቡዕ የምክር እና የዕንባ ቀን

  ይህ ቀን የምክር ዕለት፣ የዕንባ ቀን ተብሎ ይጠራል በዚህ ዕለት አይሁድ ጌታችን መድኃኒታችን ኢየሱስ ክርስቶስ ላይ ሲመክሩ ቆይተው  ሊቀ ካህናቱ ቀያፋ ባቀረበው ሐሳብ ስለተስማሙ ይሙት የሚል ፍርድ የጸናበት ቀን ነው ከዚህ የተነሳ ዕለተ ምክር ተብሎይጠራል፡፡   
   @eotcy
ሊቀካህናቱ እና ፈሪሳውያን ሕዝቡን ሰበሰቧቸውና ‹‹ እነሆ ይህ ሰው ብዙ ተዓምራት ያደርግ ጀመር ምን ብናደርግ ይሻላል እንዲሁ ዝምብለን ብንተወው ሕዝቡ ሁሉ ያምንበታል›› ተባባሉ፡፡ ሹመቱ በዚያ ወራት የሆነ የካህናት አለቃ ስሙ ቀያፋ የሚሉት ‹‹እናንተ ምንም ምክር አታውቁም አንድ ሰው ብንገድል አይሻልምን? ሕዝቡ ሁሉ በእርሱ ምክንያት ከሚጠፋ›› ዮሐ 11፥49-50 የሚል ሐሳብ አቀረበ፡፡
እንዲህ ማለቱ ክርስቶስ ለሕዝቡ ቤዛ እንደመጣ አውቆ ሳይሆን እግዚአብሔር በተዓምራት አናገረው ልክ በሆሳዕና ዕለት ድንጋይ በተዓምራት እንዳናገረ መንፈስ ቅዱስ ጌታችን ኢየሱስ ክርስቶስ ወደ እዚህ ዓለም የመጣው ለሕዝቡ ቤዛ እንደሆነ ስለሕዝቡ ሁሉ እንደሚሞት በተዓምራት አናገረው ከዚህ ቀን ጀምሮ ካህናት ጌታቻንን ሊገድሉት መከሩ፡፡
@eotcy
    ይህ ዕለት ከአስራ ሁለቱ ሐዋርያት አንዱ እንዲሆን የተጠራው ይሁዳ  ጌታን አሳለፎ ለመስጠት ከሊቃነ ካህናት ጋር የተማከረበት  ጌታን አሳልፎ ለመሥጠት  በሠላሳ ብር የተሰማማበት ዕለት  ነው ፡፡
‹‹ በዚያን ጊዜ የአስቆሮቱ ይሁዳ የሚባለው ከአሥራ ሁለቱ አንዱ ወደ ካህናት አለቆች ሄዶ። ምን ልትሰጡኝ ትወዳላችሁ እኔም አሳልፌ እሰጣችኋለሁ? አላቸው እነርሱም ሠላሳ ብር መዘኑለት ከዚያችም ሰዓት ጀምሮ አሳልፎ ሊሰጠው ምቹ ጊዜ ይሻ ነበር።›› ተብሎ እንደተጻፈ ማቴ 26፡-14-16
@eotcy
በተጨማሪም ይህ ዕለት ጌታችን መድኃኒታችን ኢየሱስ ክርስቶስ  በስምዖን ዘለምጽ ቤት ተቀምጦ ሳለ ማርያም እንተ ዕፍረት (ባለ ሽቶዋ ማርያም ) የሦስት መቶ ዲናር  መልካም መዓዛ ያለው ሽቱ  ገዝታ በራሱ ላይ ያፈሰሰችበት ዕለት ነውና የመልካም መዓዛ ቀን  ይባላል ፡፡ ኃጢአቷን ይቅር  ይላት ዘንድ በእግሩ ሥር ተደፍታ በዕንባዋ ስላጠበችው የዕንባ ቀንም ተብሎይጠራል ፡፡
ስለዚህ ይህን ቀን ስናስብ የማርያም እንተ እፍረትን ንስሐ ተቀብሎ ምህረትን የሰጠ  ጌታ ኃጢታችንን ይቅር ይለን ዘንድ በንስሐ እና በዕንባ ወደ እርሱ እየተመለስን መሆን አለበት ፡፡
Https://www.tgoop.com/eotcy

𖣘 በሕማማት የሚጸለዩ ጸሎቶች ምን ምን ናቸው❓
𖣘 በሕማማት ወቅት የሚሰሙ የምንላቸው ከሌላ ቋንቋ የተወሰዱ ቃላት ትርጉም❓
𖣘 የ41 ስግደት ምን እየተባለ ነው የሚሰገድ❓እና የመሳሰሉ ጥያቄ መልሶች፦

፨ ጸሎት

በሕማማት የሚጸለየው በአብዛኛው ውዳሴ ማርያም እና መዝሙረ ዳዊት፤ የነቢያት ጸሎት ሲሆን የጌታን መከራ መስቀል የሚያነሱ መጻሕፍት ይጸለያሉ፡ ሕማማተ መስቀል፣ ድርሳነ ማሕየዊ የመሳሰሉ። መልክአ መልኮች፣ ድርሳናትና ገድላት የማይጸለዩት ዋናውን ጸሎት በጌታ ሕማማና መከራ መስቀል ለመስጠት ስለሆነ ነው። በአጠቃላይ በቤተክርስቲያን የሚነበበው ንባብ (ግብረ ሕማም) ዋናው የጸሎት ክፍል በመሆኑ ያንንም መሳተፍ ትልቁ ጸሎት ነው።  ( በዚህ ሀሳብ ላይ በሌላ ጹፍ እንመለሳለን)

፨ በሕማማት ወቅት የሚሰሙ የምንላቸው ከሌላ ቋንቋ የተወሰዱ ቃላት ትርጉም:-

በግብረ ሕማማት ውስጥ ወደ ግእዝም ሆነ በኋላ ወደ አማርኛ ሳይተረጎሙ የተቀመጡ የዕብራይስጥ፣ የቅብጥ እና የግሪክ ቃላት ይገኛሉ፡፡ የእነዚህ ቃላት ትርጉም የሚከተለው ነው፡፡

𑁍 "ኪርያላይሶን"

ቃሉ የግሪክ ሲሆን አጠራሩ “ኪርዬ ኤሌይሶን” ነው፡፡ “ኪርያ” ማለት “እግዝእትነ” ማለት ሲሆን “ኪርዬ” ማለት ደግሞ “እግዚኦ”ማለት ነው፡፡ ሲጠራም “ኪርዬ ኤሌይሶን” መባል አለበት፡፡ ትርጉሙም “አቤቱ ማረን” ማለት ነው፡፡ “ኪርያላይሶን” የምንለው በተለምዶ ነው፡፡ ይኼውም ኪርዬ ከሚለው “ዬ”ኤላይሶን ከሚለው ደግሞ “ኤ” በመሳሳባቸው በአማርኛ "ያ"ን ፈጥረው ነው፡፡

𑁍 "ናይናን"

የቅብጥ(ጥንታዊው የግብጻውያን ) ቃል ሲሆን ትርጉሙ “መሐረነ፣ ማረን” ማለት ነው፡፡

𑁍 "እብኖዲ" 

የቅብጥ ቃል ሲሆን ትርጉሙ “አምላክ” ማለት ነው፡፡ “እብኖዲ ናይናን” ሲልም “አምላክ ሆይ ማረን” ማለቱ ነው

𑁍 "ታኦስ"

የግሪክ ቃል ሲሆን ትርጉሙ “ጌታ፣ አምላክማለት ነው፡፡ “ታኦስ ናይናንማለትም “ጌታ ሆይ ማረን” ማለት ነው፡፡

𑁍 "ማስያስ"

የዕብራይስጥ ቃል ሲሆነ ትርጉሙ “መሲሕ” ማለት ነው፡፡ “ማስያስ ናይናን” ሲልም “መሲሕ ሆይ ማረን” ማለት ነው

𑁍 "ትስቡጣ"

ደግ (ቸር) ገዥ ማለት ሲሆን "ትስቡጣ ናይናን" ማለት ቸር ገዥ ማረን ማለት ነው።

𑁍  "አምንስቲቲ ሙኪርያቱ አንቲ ፋሲልያሱ"

የቅብጥ ቃል ሲሆን ትርጉሙም “ተዘከረነ እግዚኦ በውስተ መንግሥትከ- አቤቱ በመንግሥትህ አስበኝ” ማለት ነው፡፡

𑁍  "አምንስቲቲ መዓግያ አንቲ ፋሲልያሱ"

የቅብጥ ቃል ሲሆን “ተዘከረነ ኦ ቅዱስ በውስተ መንግሥትከ  ቅዱስ ሆይ በመንግሥትህ አስበን” ማለት ነው

𑁍 "አምንስቲቲ ሙዳሱጣ አንቲ ፋሲልያሱ"

የቅብጥ ቃል ሲሆን ትርጉሙም “ተዘከረነ እግዚአ ኩሉ በውስተ መንግሥትከ፤የሁሉ የበላይ የሆንክ ወይ በመንግሥትህ አስበን” ማለት ነው፡፡

፨ የ41 ስግደት ምን እየተባለ ነው የሚሰገዱት❓
አንድ ክርስቲያን በጾም ጊዜ ከጸሎት በኋላ የጌታን መከራና
ለእኛ ያሳየውን ፍቅር እያሰበ ከሐጢያቱ ብዛት ከአምላኩ
ይቅርታ ያገኝ ዘንድ 41 ጊዜ እንዲህ እያለ ይስገድ፡-
12 ጊዜ ---- እግዚኦ መሐረነ ክርስቶስ
12 ጊዜ ---- በእንተ እግዝዕትነ ማርያም
𑁍 መሐረነ  ክርስቶስ
12 ጊዜ ---- ኪራላይሶን (አቤቱ ማረን)
5 ጊዜ ---- ሳዶር፣ አላዶር፣ ዳናት፣ አዴራ፣ ሮዳስ (አምስቱ የጌታ ችንካሮች)

ሐሙስ የምሥጢር እና የነጻነት ቀን

ይህ ዕለት ብዙ ምሥጢር እና ታሪክ የተፈጸመበት ዕለት ስለሆነ በብዙ ስሞች ይጠራል ጥቂቶቹን ከምክንያታቸው  ጋር እንዲህ አቅርበናቸዋል

☞︎︎︎ ጸሎተ ሐሙስ:- የዓለም መድኃኒት ኢየሱስ ክርስቶስ ሥጋን የተዋሐደ አምላክ መኾኑን ለመግለጥና ለአርአያነት ጠላቶቹ መጥተው እስኪይዙት ድረስ ሲጸልይ ያደረበት ቀን ነውና ‹ጸሎተ ሐሙስ› ይባላል (ማቴ. ፳፮፥፴፮-፶፮)፡፡

☞︎︎︎ ሕጽበተ ሐሙስ:- ጌታችን በዚህ ዕለት የደቀ መዛሙርቱን እግር በፍጹም ትሕትና ዝቅ ብሎ አጥቧል፡፡ ይህም ኢየሱስ ክርስቶስ የዓለምን ዅሉ ኃጢአት ለማጠብ የመጣ የንጽሕና፣ የቅድስና አምላክ መኾኑን ያጠይቃል፡፡ ስለዚህም ዕለቱ ‹ሕጽበተ ሐሙስ› ይባላል፡፡ ይህን

☞︎︎︎ የምሥጢር ቀን :- ከሰባቱ ምሥጢራተ ቤተ ክርስቲያን አንዱ ምሥጢረ ቍርባን በዚህ ቀን ተመሥርቷልና ዕለቱ ‹የምሥጢር ቀን› ይባላል፡፡ ይኸውም ጌታችን ኅብስቱንና ጽዋውን አንሥቶ ‹‹ይህ ስለ እናንተ በመስቀል ላይ የሚቈረሰው ሥጋዬ ነው፡፡ እንካችሁ፤ ብሉ፡፡ ይህ ስለ እናንተ ነገ በመስቀል ላይ የሚፈስ ደሜ ነው፤ ከእርሱም ጠጡ፤›› በማለት እርሱ ከእኛ፤ እኛም ከእርሱ ጋር አንድ የምንሆንበትን ምሥጢር  ለደቀ መዛሙርቱ የገለጠበት ቀን በመኾኑ የተሰጠ ስያሜ ነው፡፡

☞︎︎︎ የሐዲስ ኪዳን ሐሙስ:- መድኃኒታችን ኢየሱስ ክርስቶስ መሥዋዕተ ኦሪት ማለትም በእንስሳት ደም የሚቀርበው መሥዋዕት ማብቃቱን ገልጦ፣ ለድኅነተ ዓለም ራሱን የተወደደ መሥዋዕት አድርጎ ያቀረበበት ዕለት በመኾኑ ይህ ዕለት ‹የሐዲስ ኪዳን ሐሙስ› ይባላል (ሉቃ. ፳፪፥፳)፡፡ ‹ኪዳን› ማለት በሁለት ወገን መካከል የሚደረግ ውል፣ ስምምነት፣ መሐላ ማለት ነው፡፡ በዚህ መሠረት ጌታችን ለአዳምና ለልጆቹ ዅሉ ዘለዓለማዊውን ቃል ኪዳን በራሱ ደም የፈጸመበት ዕለት ስለ ኾነ ይህ ዕለት ‹የሐዲስ ኪዳን ሐሙስ› ተባለ፡፡

☞︎︎︎ የነጻነት ሐሙስ:- ይህ ዕለት ለኃጢአትና ለዲያብሎስ ባሪያ ኾኖ መኖር ማብቃቱ የተገለጠበት፤ የሰው ልጅ ያጣውን ክብር መልሶ ማግኘቱ የተረጋገጠበት ቀን ስለ ኾነ ‹የነጻነት ሐሙስ› ይባላል፡፡ ጌታችን ስለ ሰው ልጅ ነጻነት ሲናገር ‹‹ከእንግዲህ ወዲህ ባሮች አልላችሁም፤ ባርያ ጌታው የሚያደርገውን አያውቅምና፡፡ ወዳጆች ግን ብያችኋለሁ፤›› በማለት ከባርነት የወጣንበትን፤ ልጆች የተባልንበትን ቀን የምናስብበት በመኾኑ ሊቃውንቱ ‹የነጻነት ሐሙስ› አሉት (ዮሐ. ፲፭፥፲፭)፡፡
ስለዚህ ይህን ዕለት ከኃጢአት እና ከዲያቢሎስ  ባርነት  በእግዚአብሔር ቸርነት ነጻ መውጣታችንን የምናስብበት ስለሆነ የተከፈለልንን ዋጋ አስበን ዛሬ ከታሠርንበት የኃጢአት ሠንሰለት በንስሐ ነጻ ሆነን ልናስበው ይገባል፡፡
https://www.tgoop.com/eotcy
https://www.tgoop.com/eotcy
https://www.tgoop.com/eotcy

ምሴተ ሐሙስ እና ጉልባን ምን አገናኛቸወ❓

ጉልባን ከባቄላ ክክ ከስንዴ ወይንም ከተፈተገ ገብስ እና ከሌሎችም የጥራጥሬ እህሎች ጥሬውን ተከክቶ እንደ ንፍሮ ተቀቅሎ የሚዘጋጅ ሲሆን በዕለተ ሐሙስ የዕለቱ ሥርዓተ ጸሎት እና ስግደት አልቆ ቅዳሴው ተከናውኖ ከተፈጸመ በኋላ ምእመናን ወደ ቤታቸው ሄደው የሚመገቡት ነው  ይሄውም ስለ ሦስት ነገር ይደረጋል

፩ የኦሪትን ምሳሌ ለመፈጸም
@eotcy
እስራኤላውያ ከግብጽ ባርነት በዘጠኝ መቅሰፍት በአስረኛ ሞተ በኩር መውጣታቸውን እናሳታውሳለን በመጨረሻው ሞተ በኩር ግን ፈርኦን እነርሱን  ማስቀረት አልቻለም ነበር  እሥራኤላውያንም ተቻኩለው ሲወጡ በቤተ ያለውን እህል ያልተፈጨውን ንፍሮ ቀቅለው የተፈጨውን ቂጣ ጋግረው በልተው ነው ጉዞ የጀመሩት ፡፡ ይህንን በዓል ( ፋሲካን ) ሲያከብሩ በግ አርደው ያልቦካ ቂጣ ጋግረው ንፍሮ ቀቅለው ከባርነት በወጡ ዕለት የነበረውን ሁኔታ ያስቡ ዘንድ ታዘዋል ፡፡ዘዳ 13፡-1 
እኛም አስቀድሞ በሙሴ ላይ ህገ ኦሪትን የሠራ ህዝቡንም መርቶ ከነዓን ያስገባ እርሱ እግዚአብሔር የሰውን ሥጋ ተዋሕዶ በሥጋዌ መገለጡን በማመንና ጌታ ራሱ አዲሱን ኪዳን  ከመሥራቱ አስቀድሞ  ከደቀ መዛሙርቱ ጋር በዓለ ፋሲካን እንዳከበረ ሁሉ  እኛም ሐዲስ ኪዳን የተመሰረተባትን ዕለት ስናስብ  ቀድሞ የነበረውንና ለሐዲስ ኪዳን ጥላ (ምሳሌ) የሆነውን ሥርዓት ለመታሰብያ እናደርጋለን፡፡
ሌላው እስራኤላውያን ጉልባን በልተው ግብጽን ተሰናብተው እንደወጡና ወደ ተስፋይቱ ምድር እንደገቡ እኛም ከሰሙነ ሕማማት በኋላ የመከራውን ዘመን ተሰናብተን አማናዊውን ሥጋና ደም ተቀብለን ርስት መንግስተ ሰማያትን ለመውረሳችን ምሳሌ ነው ፡፡

፪ የሐዘን ሳምንት መሆኑን ለመግለጽ
@eotcy
እንደ ሀገራቸችን ባህል ንፍሮን  ዕንባ አድርቅ ይሉታል ብዙ ጊዜ ለለቀስተኞች ይዘጋጃል ምክንያቱም ሞት ተናግሮ አይመጣምና በድንገት ሲመጣ ለእንግዳ መሸኛ ቶሎ ሊደርስ የሚችል ምግብ ንፍሮ ስለሆነ ለለቅሶ ቤት ይሰራል ስለዚህ ክርስቲያኖችም በክርስቶስ ሞትና በድንግል ማርያም ኃዘን ምክንያት ኃዘንተኞች ስለሆንን  ይህንን ለማመልከት ጉልባን እናዘጋጃለን

፫ የጌታን መከራ እና ሕማም ለማሰብ

ጌታችን መድኃኒታችን ኢየሱስ ክርስቶስ እኛን ለማዳን ብሎ ከተቀበላቸው ሕማማተ መስቀል መካከል አንዱ ሆምጣጤን መጠጣቱ ነው በጸሎተ ሐሙስ ይህንን መሠረት በማድረግ የሚዘጋጀው ጉልባን አንዲህም ቂጣ ጨው በዛ ተደርጎ ይጨመርበታል ጨው ውኃ የሚያስጠማ በመሆኑ የጌታን መጠማት ያስታውሰናል፡፡
******

ውድ የዚህ ቻናል ተከታታዮች የኦርቶዶክስ ተዋሕዶ ያልተበረዙ ስርዓቶች ሁሉም ሰው ያውቅ ዘንድ ካነቡ በኃላ ለሌላው ማስተላለፍ አይርሱ
@eotcy

መልካሙ አርብ

ጌታችን መድኃኒታችን ኢየሱስ ክርስቶስ የተሰቀለበት አርብ መልካሙ አርብ ተብሎ ይጠራል ከጌታ ስቅለት በፊት በተለይም በሮማውያን ህግ የወንጀለኛ መቅጫ ምልክት የነበረውን መስቀል ጌታችን በደሙ ቀድሶ የምህረት፣ የሕይወት አርማ፣ የዲያቢሎስ ድል መንሻ ስላደረገው፤ በሞቱ መልካሙን ሕይወት ስላገኘን በዚህ ስያሜ ተጠርቷል የስቅለት አርብም እየተባለ ይጠራል ለዓለሙ ያሰበውን ቤዛነት ሊፈጽም ጌታ በመስቀል ላይ መሰቀሉ ይታሰብበታልና በመሆኑም በዚህ ዕለት የስቅለቱ መታሰቢያ አጎበር ተዘርግቶ ከርቤ /የሞቱ ምሳሌ/ እየታጠነ ስቅለቱን የሚመለከት ምንባባት በውርድ ንባብ ሲነበብና ሲሰገድ ይውላል፡፡
https://www.tgoop.com/eotcy
አይሁድ ክርስቶስን ሐሙስ ማታ በይሁዳ መሪነት ከያዙት በኋላ እያዳፉና እየጎተቱ በሰንሰለት አስረው ወደ ቀያፋና ሐና ግቢ ወሰዱት፣ እስከ ሦስት ሰዓትም አላሳረፉትም ሲያሰቃዩት አድረዋል፣ በራሱም ላይ ሰባ ሦስት ስቊረት ያለው ወደ ሦስት መቶ እሾኾችን የያዘ የእሾህ አክሊል ጎንጉነው ቢያደርጉበት የራስ ቅሉን ቀዶ ገብቶ እስከ ልቡ ዘልቋል። እንደምን ጭንቅ ነው? እንዲህም አድርገው ደግሞ እያፌዙ ርኲስ ምራቃቸውን ይተፉበትና በዘንግም ደጋግመው ይመቱት ነበር። እየተፈራረቁ ያለ ምንም ርኅራኄ ቸሩን አምላክ ሥጋው እየተቆረጠ እስኪወድቅ ድረስ ስድስት ሺህ ስድስት መቶ ስድሳ ስድስት ጽኑዕ ግርፋትን ገርፈውታል። የገረፉበትም ጅራፍ በላዩ ላይ ሥጋን እየጎመደ የሚጥል፣ ሕመሙ አንጀት ሰርሥሮ የሚገባ በስለት የተያያዘበት ነበር።

በኋላም አላሳረፉትም እንዲህ አድርገውትም በሊቶስጥራ አደባባይ ያንን ዕርጥብ መስቀል አሸክመው ወደ ቀራንዮ ወሰዱት። እርሱ ግን ይህን ኹሉ ግፍ ሲያደርሱበት አንድም አልተናገረም ነበር። በቀራንዮም በአምስት ጽኑዕ ቅንዋት (ሳዶር፣ አላዶር፣ ዳናት፣ አዴራ እና ሮዳስ) ቸንክረው ዕርቃኑን ሰቀሉት።
https://www.tgoop.com/eotcy
በዚህች ቀን ድንግል ማርያም ልቧ በሐዘን ተሰበረ መጽናናትንም አልፈለገች ነበር፤ ወዳጁ ቅዱስ ዮሐንስም ፍፁም ለቅሶን አለቀሰ እናቱንም እናት ትሆነው ዘንድ በእግረ መስቀሉ አደራን ተቀበለ። ቅዱሳት አንስት በፍጹም ሀዘንና በዋይታ ዋሉ። በስልጣኑም ቅድስት ነፍሱን ከቅዱስ ሥጋው ለየ። ሰባት ድንቅ የኾኑ ተአምራትንም አድርጎ አምላክ መኾኑን ገለጠ።አስራ አንድ ሰዓት በሆነም ጊዜ ዮሴፍና ኒቆዲሞስ ከታላቅ ክብርና ሐዘን ጋር ቅድስት ሥጋውን ከመስቀሉ አውርደው በክብር ገንዘው በአዲስ መቃብር ቀበሩት

"አደምን የፈጠሩ እጆቹ በመስቀል ቀኖት ተቸነከሩ ወዮ በገነት የተመላለሱ እግሮች በመስቀል ቀኖት ተቸነከሩ ወዮ የማይሞተው ሞተ ሞትን ይሽረው ዘንድ ሞተ ሙታንን ያድናቸው ዘንድ ሞተ የምትወዱት ሰዎች ፈጽሞ አልቅሱለት፡፡"
                   ቅዳሴ ዮሐንስ አፈወርቅ

꧁  ይ🀄 ላ 🀄ሉ ꧂

https://www.tgoop.com/eotcy

👉13ቱ ሕማማተ መስቀል

1ኛ. ተአስሮ ድኅሪት (ወደኋላ መታሰር)
2ኛ. ተስሕቦ በሐብል (በገመድ መሳብ)
3ኛ. ወዲቅ ውስተ ምድር (በምድር ላይ መውደቅ)
4ኛ. ተከይዶ በእግረ አይሁድ (በእግረ አይሁድ መረገጥ)
5ኛ. ተገፍዖ ማዕከለ ዓምድ (ከምሶሶ ጋር መላተም)
6ኛ. ተጽፍዖ መልታሕት (በጥፊ መመታት)
7ኛ. ተቀሰፎ ዘባን (ጀርባን በጅራፍ መገረፍ)
8ኛ. ተኰርዖተ ርእስ (ራስን በዱላ መመታት)
9ኛ. አክሊለ ሦክ (የሾህ አክሊል መድፋት)
10ኛ. ፀዊረ መስቀል (መስቀል መሸከም)
11ኛ. ተቀንዎ በቅንዎት (በችንካር መቸንከር)
12ኛ. ተሰቅሎ በዕፅ (በመስቀል ላይመሰቀል)
13ኛ. ሰሪበ ሐሞት (መራራ ሐሞትንመጠጣት

👉አምስቱ ችንካሮች

ጌታችን ኢየሱስ ክርስቶስ የተቸነከረባቸው 
አምስቱ ችንካሮች

1 ,ሳዳር በሚባል ችንካር ቀኝ እጁ ቸነከሩት
2, አላዶር በሚባል ችንካር ግራ እጁን ቸነከሩት
3, ዳናት በሚባል ችንካር ሁሉቱን እግሩ ቸነከሩት
4, አዴራ በሚባል ችንካር መሓል ልቡን ቸነከሩት
5, ሮዳስ በሚባል ችንካር ደረቱን ቸነከሩት

     👉 አምስቱ የእመቤታችን ሀዘናቶች

1 ,ኛ ከአምስቱ አንደኛ አይሁድ እንዲገሉት በቤተ መቅደስ ስምኦን ትንቢት በተናገረ ጊዜ ነው ።
ሉቃስም ምዕራፍ 2፥ 34- 5

2, ኛ ሁለተኛውም ሦስት ቀን በቤተ መቅደስ ባጣሁህ ጊዜ ነው ።
የሉቃስ ወንጌል ምዕራፍ 2 ፣41 -48

3, ኛ በሥስተኛው እጅህን እግርህን አስረው በጲላጦስ አደባባይ የገረፉህን ግርፍት ባሰብሁ ግዜ ነው።
ዮሐንስ ወንጌል ምዕራፍ 19 ፣1

4,  በዕለተ አርብ እራቁትህን ቸንክረው በሁለቱ ወንበዴ መካከል እንደሰቀሉህ ባሰብሁ ጊዜ ነው። አለች
ዮሐን ምዕራፍ 19 ፥17 -22

5, ኛ ወደ አዲስ መቃብር ውስጥ እንዳደርህ ባሰብሁ ጊዜ ነው።

ዮሐንስ ወንጌል ምዕራፍ 19፥ 38 42

ከብርሃነ ትንሳኤው ያድርሰን የእግዚአብሔር ቸርነት የእመ ብርሃን ምልጃ አይለየን አሜን

➪ ቀዳም ሥዑር (የተሻረች ቅዳሜ)

የዐቢይ ጾም የመጨረሻዋ ቅዳሜ ብዙ ስያሜዎች አሏት፦

☞︎︎︎ ቀዳም ሥዑር፡-
በዚች ዕለች ከድሮው በተለየ መልኩ የጌታችንን መከራ በማሰብ በጾም ታስባ ስለምትውል የተሻረችው ቅዳሜ ትባላለች፡፡ የማትጾመዋ ቅዳሜ ስለምትጾም ስዑር /የተሻረች/ ተብላለች በዓል መሻርን አይመለከትም በቀዳም ሥዑር ሌሊት ሥርዓቱ የሚጀመረው በመኀልየ ሰሎሞን ምንባብ ነው፡፡ ማኀሌቱም እዝሉ እየተቃኘ እየተመጠነ፣ እየተዘመመ እየተመረገደ እየተጸፋ ያድራል፡፡ ጥዋት አቡን መዋሥዕት ውዳሴ ማርያም ዜማ ተደርሶ ወለመልአከ ሕይወትሰ ሰቀልዎ በሚለው ሰላም ይጠናቀቃል፡፡በዚህ ዕለት ልብሰ ተክህኖ የለበሱ ካህናትና ዲያቆናት ቄጤማ ተሸክመው ቃጭል ሲያቃጨሉ መታየታቸው ዕለተ ትንሣኤውን ለሚናፍቅ ምእመን ትልቅ ብስራት ነው፡፡

☞︎︎︎ ለምለም ቅዳሜ፡-
ካህናቱ ለምእመናን ለምለም ቀጤማ የሚያድሉበት ዕለት ስለሆነ በዚህ ተሰይሟል፡፡ ቀጤማውንም ምእመናን እስከ ትንሣኤ ሌሊት በራሳቸው ላይ ያስሩታል፡፡ በቀዳም ስዑር ቀሳውስቱና ዲያቆናቱ ቃጭል /ቃለዓዋዲ/ እየመቱ ገብረ ሰላመ በመስቀሉ ትንሣኤሁ አግሃደ የሚለውን ያሬዳዊ ዜማ በመዘመር፤ ጌታ በመስቀሉ ሰላምን እንደሰጠን እና ትንሣኤውንም እንደገለጠልን በማብሰር፤ ቄጤማውን ለምእመናን ይሰጣሉ፡፡ ምእመናኑም በቤተ ክርስቲያን አገልግሎት የሚውል ገጸ በረከት ያቀርባሉ፡፡ ቄጤማውንም በራሳቸው ያስራሉ፡፡ ይህም አይሁድ ጌታችንን እያሰቃዩ ሊሰቅሉት ባሉ ጊዜ የእሾህ አክሊል ጭንቅላቱ ላይ ያሠሩበትን ድርጊት የሚያስታውስ ነው፡፡

(የቀጤማው አመጣጥና ምስጢርም ከአባታችን ከኖኅ ታሪክ ጋር የተያያዘ ነው፡፡ ምድር በማየ አይኅ /በጥፋት ውኃ/ በጠፋችበት ወቅት የኖኅ ታማኝ መልእክተኛ ርግብ የውኃውን መጉደል ያበሰረችው ቀጤማ ይዛ በመግባት ነው፡፡ ዛሬም ለሐዲስ ኪዳን ክርስቲያኖች የኃጢአት ውኃ ጐደለ፣ የኃጢአት ውኃ ጠፋ በክርስቶስ ሞትና ትንሣኤ ነጻነት ተሰበከ ታወጀ በማለት ካህናት ቄጠማ ይዘው ምእመናንን ያበሥሩበታል፡፡)

☞︎︎︎ ቅዱስ ቅዳሜ፡-
ቅዱስ ቅዳሜ መባሉ ቅዱስ የሆነ እግዚአብሔር በጥንተ ተፈጥሮ ፍጥረታትን አከናውኖ ከፈጠረ በኋላ በዚህ ቀን ከሥራው ሁሉ ያረፈበት ነው፡፡ በዘመነ ሐዲስ ደግሞ የማዳን ሥራውን ሁሉ ፈጽሞ በሥጋው በመቃብር ሲያርፍ፣ በነፍሱ ሲዖልን በርብሮ ባዶዋን አስቀርቷታል፡፡ በዚያ ለነበሩት ነፍሳትም የዘለዓለም ዕረፍትን ያወረሰበት ዕለት ስለሆነ ከሌሎቹ ዕለታት የተለየ ዕለት ለማለት ቅዱስ ቅዳሜ ተብሏል፡፡

(ስምዐ ተዋሕዶ የስምዐ ጽድቅ ልዩ እትም ዘሰሙነ ሕማማት ሚያዝያ 2004 ዓም)                     
                        
╭══•:|★✧♥♥♥✧★|: ══╮
                      @eotcy
                      @eotcy
                      @eotcy
╰══•:|★✧♥♥♥✧★|:  ══╯

በእኛ የሰለጠነው የሞት ኃይልና ሙስና
በጌታችን በመድኃኔዓለም ተሽሯል።🙏 ከእንግዲህ በክርስቲያኖች ላይ ሞት ስልጣን የለውም።

ከትንሣኤ ጀምሮ ለ50 ተከታታይ ቀናት ክርስቲያን የሆንን ሁሉ እንዲህ መባባል ይገባናል !!!

ክርስቶስ ተንሥአ እሙታን (ክርስቶስ ከሙታን ተነስቷል)
በዓብይ ኃይል ወሥልጣን(በታላቅ ኃይልና ሥልጣን )
አሰሮ ለሰይጣን (ሰይጣንን አሰረው)
አግአዞ ለአዳም  (አዳምን ነጻ አወጣው)
ሰላም
እምይእዜሰ (ከእንግዲህ )
ኮነ (ሆነ)
ፍስሐ ወሰላም(ደስታና ሰላም)።

እንኳን ለብርሃነ ትንሣኤው በሰላም አደረሳችሁ!!

@eotcy
@eotcy

ከትንሳኤ እሁድ በኋላ ያሉ ዕለታት ስያሜ፡-

ሰኞ- ማዕዶት ይባላል፡- ማዕዶት ማለት መሻገር፣ ማለፍ ማለት ነው፡፡ በዚህ ዕለት በፋሲካችን በክርስቶስ ትንሣኤ ከድቅድቅ ጨለማ ወደ ሚደነቅ ብርሃን፣ ከሞት ወደ ሕይወት፣ ከሲኦል ወደ ገነት፣ ከሃሳር ወደ ክብር መሻገራችንን እናስባለን፡፡

ማክሰኞ- ቶማስ ይባላል፡- በዚህ ዕለት ቶማስ ጌታን አይቶ ማመኑ፤ ጌታዬና አምላኬ ብሎ መመስከሩ ይዘከራል፡፡ ዮሐ. 20፡27-29

ረቡዕ- አልአዛር ይባላል፡- በዚህ ዕለት ትንሣኤና ሕይወት የሆነው ጌታ ኢየሱስ አልአዛርን ከሞት እንዳስነሳው እናስባለን፡፡ ክርስቶስ የሞትን ስልጣን የሻረ የሕይወት ራስ፤ የመቃብርን ሥርዓት ያጠፋ ትንሣኤ፡ በድልም ያረገ ንጉሥ መሆኑን እንመሰክራለን፡፡

ሐሙስ- አዳም ሐሙስ ይባላል፡-
በዚህ ዕለት ለአዳም የተሰጠው ተስፋ እና የተገባለት ኪዳን እንደተፈጸመ አዳምና ልጆቹ ነጻ እንደወጣን እናስባለን፡፡

አርብ- ቅድስት ቤተክርስቲያን ይባላል፡- በዚህ ዕለት ቤተክርስቲያን በክርስቶስ ሞትና ትንሣኤ ስለመመስረቷ ይሰበካል፡፡ ክርስቶስ ስለ እርሷ ራሱን አሳልፎ ሰጥቶ ቤዛ ሆኖ በደሙ አንጽቶ በትንሣኤው ድል ሰጥቶ እንዳከበራት ይነገራል፡፡ ቤተክርስቲያን ስንል ሕንፃውን ሳይሆን አማኞችን ነው፤ ክርስቶስ ለሕንፃ አልሞተምና፡፡

ቅዳሜ- ቅዱሳት አንስት ይባላል፡-
በዚህ ዕለት ቅዱሳት አንስት የክርስቶስን አካል ሽቶ ለመቀባት ጨለማ አቋርጠው ወደ መቃብር መምጣታቸውና ትንሣኤውንም ቀድመው ማየታቸው ይሰበካል፡፡

እሁድ- ዳግም ትንሳኤ ይባላል፡- በዚህ ዕለት ክርስቶስ ለሦስተኛ ጊዜ ለደቀመዛሙርቱ ተገልጦ ሰላምን መስበኩ እና ሥልጣንን መስጠቱ ይሰበካል፡፡


እንኳን ለብርሃነ
         ትንሳኤው በሰላም
                        አደረሳችሁ ::

#ሼር
https://www.tgoop.com/eotcy

የእናት ምልጃ ፊት አያስመልስ አንገት አያስቀልስ

በማቴ 15÷21-28 ላይ አምልኮተ እግዚአብሔር ከማያውቁ አህዛብ መካከል የሆነች ኃጢአተኛ የነበረች አንዲት ከነናዊት ሴት ወደ መድኃኒታችን ኢየሱስ ክርስቶስ ቀርባ ጌታ ሆይ የዳዊት ልጅ ሆይ ማረኝ ልጄን ጋኔን ክፉኛ ይዞአታል ብላ ጮኸች። ይቺ ሴት ለልጅዋ አማላጅ ሆና ወደ ጌታችን ኢየሱስ ክርስቶስ ፊት በመምጣቷ እንደዳነችላት ተገልጧል። እስኪ አስተውሉ በጌታ አንደበት ውሻ የተባለች አህዛባዊት የሆነችው ይህቺ ኃጢአተኛ ሴት ለልጇ አማላጅ ሁና ድኅነት ካሰጠች ሰማያዊ ንጉስ እግዚአብሔር ፍፁም ንጽሕናዋን ቅድስናዋን የወደደላት ቅድስት ድንግል ማርያም እንዴት አታማልድም ተብሎ ይነገራል❓ እንደት የእናት አማላጅ አትሆንም ተብሎ ይነገራል❓

እሷኮ በመልአኩ ቅዱስ ገብርኤል አንደበት ደስ ይበልሽ ጸጋን የተመላሽ ሆይ ጌታ ካንች ጋር ነው አንቺ ከሴቶች ሁሉ የተባረክሽ ነሽ.. ሉቃ 1÷28 ተብላ የተመሠገነች የከበረች እግዚአብሔር እናት ናት።

በእርግጥ እውነት ነው አዎ እመቤቴ አታማልድም እነሆ ከዛሬ ጀምሮ ትውልድ ሁሉ ብጽዕት ይሉኛል ያለችው ትውልድ ለሆኑት እንጂ ላልሆኑትማ እንዴት ልታማልድ ትችላለች❓ የምትመሰገነውስ ትውልድ ነኝ ብሎ ለሚያምነው እንጂ ለማያምነውማ እንዴት ሁኖ ይቻለዋል።

የእናት ምልጃ ፊት አያስመልስ አንገት አያስቀልስ መባሉ እውነት አይደለምን❓

የእመቤታችን የእናትነት ፍቅሯን በልባችን ጣሟን በአንደበታችን ያኑርብን
#ሼር

@eotcy
@eotcy
@eotcy

+ ድንግል ማርያም የሊባኖስዋ ድልድይ +

በቤሩት በክርስቲያኖችና ሙስሊሞች መካከል እጅግ ብዙ ልዩነቶች አሉ::  ከየትኛውም ፖለቲካዊና ማኅበራዊ ሕግ በላይ ግን ሙስሊሞቹንና ክርስቲያኖቹን  አንድ የሚያደርግ የጋራ ጉዳይ አለ:: ክርስቲያኖች ከሙስሊሞች ጋር እየተጋፉ ሰልፍ ይዘው የሚውሉበትና የሚጎበኙት ታላቅ ሥፍራም አለ: : ሁሉም አንድ ስም ከአፋቸው በፍቅር ሲጠራ የሚውልበት ቀን አብረው የሚያከብሩት በዓል አለ:: ይህች ሁለቱን ታላላቅ ወገኖች የምታስተሳስር ድልድይ ማን ናት? ዓላማ ይዞ እንደተሰለፈ ሠራዊት የምታስፈራ ይህች ማን ናት?

#ቅድስት_ድንግል_ማርያም !!!!

የሊባኖስ ክርስቲያኖች በቅዱስ መጽሐፋቸው በቅዱስ ገብርኤል የብሥራት ቃለ ብሥራት ወልደ እግዚአብሔር ኢየሱስ ክርስቶስን የወለደችው ቅድስት ድንግል ማርያም እጅግ ትወደዳለች:: የሊባኖስ ክርስቲያኖች  ቅዱስ ገብርኤል ያበሠረበትን ዕለት በታላቅ ደስታ ያከብራሉ::

የሊባኖስ ሙስሊሞች ደግሞ በቅዱስ ቁርዓናቸው መልአኩ ገብርኤል ለማርያም ነቢዩ ኢሳን እንደምትወልድ እንደነገራት ይገልጻሉ:: ይህ ብሥራትም በቁርዓን ሁለት ቦታ የተገለጸ ሲሆን አንደኛው ሱራህ 3 አል ዑምራን እና ሱራህ 19 ሱራህ አል መርየም ላይ ነው::  ሙስሊሞቹ እንደሚያብራሩት በቅዱስ ቁርዓን በስም የተጠቀሰችው ብቸኛ ሴት ማርያም ብቻ ናት:: የማርያም ነገር በቅዱስ ቁርዓን 30 ጊዜ የተነሣ ሲሆን እርስዋ የተጠቀሰችበት መጠንም ቁጥርም ከነቢዩ መሐመድ እናት እኅቶችና ሚስትና ሴት ልጆች በላይ ነው:: በዚህ የተነሣ በሙስሊሞቹም ዘንድ ያላት ሥፍራ የክብር ሥፍራ ነው::

በዚህ ምክንያት በሊባኖስ የገብርኤል ብሥራት በዓል (Feast of annunciation) ቀን ማርች 25 ከዓለም በተለየ መልኩ የክርስቲያኖችም እና ሙስሊሞችም በዓል ቀን ሆኖ በብሔራዊ በዓል ቀን  ይከበራል:: ሊባኖሳውያን ሙስሊሞችና ክርስቲያኖች በብዙ ነገር ይለያያሉ:: አንድ ነገር ላይ ግን ይስማማሉ::

ማርያምን በመውደድ!

ዲያቆን ሄኖክ ኃይሌ
ለግንቦት ልደታ


@eotcy

+++ አበው ስለ እመቤታችን እንዲህ አሉ +++

@eotcy
[ በቅድሚያ እንኳን ለእመቤታችን ቅድስት ለልደታ ማርያም ዋዜማ አደረሳችሁ:]

@eotcy
"አምላክ ከንጉሥ ሔሮድስ ሴት ልጅ ቢወለድ ኖሮ አልጋ ወራሽ በሆነና ባልተሰደደ ነበር። እርሱ ግን የድሆች ልጅ የሆነችውን ድንግል መረጠ" አባ ጊዮርጊስ ዘጋስጫ
@eotcy
"ታላቁ ተራራ ሆይ ታናሽዋ ብላቴና የተሸከመችህ ራስህን በሚቻላት መጠን አድርገህላት ነው ፣ ታላቁ እሳት ሆይ ታናሽዋ ብላቴና ተሸክማህ ያልተቃጠለችው ኃይልን ትችል ዘንድ አጽንተሃት ነው "  ቅዱስ ኤፍሬም ሶርያዊ
@eotcy
"ይህ ዓለም የእግዚአብሔርን ልጅ በቀጥታ ከእግዚአብሔር አብ እጅ ለመቀበል የተገባ ሆኖ ስላልተገኘ ፣ ዓለም ከእርስዋ ይቀበል ዘንድ አንድያ ልጁን ለድንግል ማርያም እናት ትሆነው ዘንድ ሠጣት" ቅዱስ አውግስጢኖስ
@eotcy
"ሔሮድስ የማይያዘውን ይይዝ ዘንድ ተነሣ ፣ ዓውሎ ነፋስንም በቤቱ አስገብቶ ሊዘጋ ታገለ" አባ ጊዮርጊስ ዘጋስጫ
@eotcy
"ጌታ ሆይ እናትህን ማን ብለን እንጥራት? እናት ብቻ እንዳንላት ድንግል ሆና አገኘናት ፣ ድንግል እንዳንላት ልጅ ታቅፋ አየናት። ጌታ ሆይ እናትህን ለመጥራት እንዲህ የሚያስቸግር ከሆነ አንተን ከቶ ምን ብለን እንጠራሃለን??"  ቅዱስ ኤፍሬም

꧁  ይ🀄 ላ 🀄ሉ ꧂

ይህን ባሰብኩ ጊዜ.....

    https://www.tgoop.com/eotcy

🌹ልደታ ለማርያም🌹፦ ከዕሴይ ሥር በትር ትወጣለች
በኦርቶዶክሳዊት ተዋሕዶ ቤተ ክርስቲያን ግንቦት አንድ ቀን (የግንቦት ልደታ) የእመቤታችን የቅድስት ድንግል ማርያም ልደት የሚከበርበት ዕለት ነው፡፡ ይህ ዕለት ቅዱስ ኤፍሬም በውዳሴ ማርያም ‹‹የመመኪያችን ዘውድ፣ የንጽሕናችንም መሰረት›› ያላት ወላዲተ አምላክ ድንግል ማርያም የተወለደችበት ነው፡፡ ነቢየ እግዚአብሔር ኢሳይያስ ‹‹ድንግል ትጸንሳለች፤ ወንድ ልጅም ትወልዳለች (ኢሳ 7፡14)›› ብሎ ትንቢት የተናገረላት ያቺ ድንግል በዚህች ዕለት ተወለደች፡፡ ይህች ቀን ልበ አምላክ ክቡር ዳዊት ‹‹ የወርቅ ልብስ ተጎናጽፋ ንግሥቲቱ በቀኝህ ትቆማለች (መዝ 44፡9)›› ብሎ የተናገረላት ንግሥት የተገኘችባት ዕለት ናት፡፡ ቅዱስ ዮሐንስም በራዕዩ ‹‹ፀሐይን የተጎናጸፈች፣ ጨረቃን የተጫማች፣ አስራ ሁለት የክዋክብት አክሊል በራሷ ላይ ያላት (ራዕ 12፡1)›› ብሎ የመሰከረላት የብርሃን እናቱ ድንግል ማርያም የተወለደችባት ቀን ናት፡፡ የእርስዋም ልደት እንደ እንግዳ ደራሽ  እንደ ውኃ ፈሳሽ ድንገት የተከሰተ ሳይሆን አስቀድሞ በትንቢት፣ በምሳሌና በራዕይ የሰውን ልጅ ድኅነት በጉጉት ሲጠባበቁ ለነበሩ ቅዱሳን ሲገለጽ የነበረ ነው፡፡
      እንኳን አደረሳቹ🙏🙏🙏
@eotcy
@eotcy
@eotcy