هاوڕێیانی ئازیزم،هەر ڕەخنەیەک وە هەر پێشنیارێکتان هەیە بۆم بنووسن،دڵم نایە بەو شێوەیە ئێرە پشتگووێ بخەم بڕیامماوە دەست بە پۆستی بەردەوام بکەینەوە وە بۆ دووبارە بەردەوام بوون پێویستم بە سەرنجی ئێوەیە چی «تێکست»ـێک پۆست بکەین سووپاس بۆ ڕاو بۆچوونەکانتان🤍.

ئەوانەی دەنگتان بەم دەسەڵاتە دا ڕوو ڕەشی بەر دەرگای پەروەردگار دەبن،ئێوە بەژدارن لە برسی کردنی ئەو میللەتە!!

ڕۆحم،ئەم گۆرانییەی دەوێت..

درود بۆ دەنگت..

ای،چشمە توو شیشەیە عمر من..

به‌رامه‌ی پاش بارانی كه‌م ؛
له‌ لا ملی جوانت ئه‌ده‌م

ئه‌تكه‌م به‌ بووكی ئێواره‌ و
زه‌رده‌په‌ڕت له‌به‌ر ئه‌كه‌م

شه‌و جێی شیعرت بۆ ڕائه‌خه‌م
تریفه‌ی مانگت پیا ئه‌ده‌م

ئه‌ستێره‌ بۆت بجریوێنێ
فریشته‌ی خه‌و بتنوێنێ

نه‌رمه‌ با شه‌پۆلـی قژت
به‌ سه‌ر ڕووتـا ببا و بێنێ

خۆشه‌ویستیم بێته‌ خه‌وتـوو
سپێده‌ به‌ ئاگات بێنێ

ئه‌گه‌ر ئه‌م دونیا گوڵێ بێ
تۆی ئافـره‌ت ڕه‌نگ و بۆیه‌تی

هه‌ر كه‌سێكیش تـۆی خۆش ناوێ
دیاره‌ ڕقی له‌ خۆیه‌تی.

| ڕەزا محمد ،

-

چیرۆکێکە،بە کارەسات کۆتایی دێت..

بۆ چەند ساتێ ؛
پرچی ئاڵان لە ملمەوە
کە پرچ ڕۆیشت و خۆم مامەوە ،
وەختێ کە دەستم هەڵبڕی بۆ گەردنم
گوڵی لاولاو نووسان بە پەنجەکانمەوە.

- شێرکۆ بێکەس ،

به‌یانی‌ بوو وه‌ک ئێستا ؛
جوانترین سات بۆ ونبوون
تۆ له‌ چاوه‌ڕوانیی‌ مندا
منیش له‌ سۆراخی‌ هیچدا
به‌یانی‌ بوو وه‌ک ئێستا
نه‌ هه‌تاو بوو، نه‌ سێبه‌ر
نه‌ بێده‌نگی‌، نه‌ په‌یڤین
نه‌ كۆتایی‌ دیار بوو، نه‌
سه‌ره‌تا به‌ ته‌نیا رێیه‌كی‌
واڵا ‌و دوو جه‌سته‌ی‌ شه‌كه‌ت
دوو تارمایی‌ دره‌وشاوه‌ی‌
ساتێكی‌ ئه‌ودیو زه‌مان
له‌ودیو ساته‌كانه‌وه‌
بولێڵ ‌‌و چاوه‌ڕوانی‌ بوو
وه‌ك كوێر ده‌ستم ده‌گێڕا
چنگم پڕی‌ بۆشایی‌ بوو
پڕی‌ گومان ‌و ترس
پڕی‌ بێكۆتایی‌ بوو
له‌وسه‌ری‌ مه‌ودایه‌كانیش
تۆ دیار نه‌مایت
زه‌مان وه‌ستا ،
به‌یانی‌ بوو وه‌ک ئێستا..

- ڕەفیق سابیر ،

وتم چاوت ماندویی ڕفێن ؛
ئەڵێی چایی دوای بارانن
بۆ زاری تاڵ کوڵۆی قەن و
شەکرە وردەی شەکرەدانن.

| مەهشید ،

داگیرکەری،تۆپی پێ 🎉.

بۆ قاوەکەت ناخۆیتەوە ؛
بۆ قاوەکەت تەواو ناکەیت؟
ئەترسی قەرەجێک بێت و
بەختێکت بۆ بگرێتەوەو
بە ترسێکەوە بڵێت ؛
بۆ یەک نابن.

| جەمال غەمبار ،

ساڵی نوێتان پیرۆزبێت 🎉 ؛
-
ئەم شەو،کۆتا شەوی ساڵی «2024»ـە،
بۆمن ساڵێکی پڕ لە ناخۆشی و دژواری بوو
وە بۆ گەلی کوردستانیش بەهەمان
شێوە ئومێدەوارم ساڵی «2025»
پڕبێت لە پێکەنین و دڵخۆشی بۆ
هەموو خەڵکی کوردستان..

قسەیەک و هەزار مانا...

من و تۆ وەک خوڕه و هاژەی ڕووبارین ؛
شنەی پاکی شەماڵی گوێ کەنارین
له هەر جێیەک ئەوین ڕەشماڵی هەڵدا
لەوێ سەرگەرمی جێژوانی بەهارین
من و تۆ لەم هەواری سەرزەمینە
مەراممان چێژ و سەرمەستی ئەوینه
ئەوینش گەر به سۆز پێوانە بکرێ
به قەد مەودای هەموو عالەم بەرینە
که ئێمه وەک گزنگی خۆرەتاو بین
بەرەو ئاسۆ له گەڵ یەک تێکەڵاو بین
به سەر کاروانی کازیوەی شەبەنگا
ئیتر بۆچی مەیل پەرش و بڵاو بین.

| نەجمەدین_غوڵامی ،

ئەگەر هاتی ؛
ئەگەر هاتی بە دیتنی بە چاو
پێکەوتنێکی ڕووت خەم دەڕەوێ
ژەنگی دڵم تۆخ بەردەدا
ئەگەر هاتی
ئاواتەکانم یەک بە یەک
وەدی دێن
ناخی دڵم دەهاژێنیا
شەتڵی ئەوین دەڕوێنی..

| کەژاڵ شێرزاد ،