تم نشر قصائد جددة بقناة الحجيه ام علي من اروع القصائد تعالو وياي لقناة الشاعرة الحجيه ام علي البصره تحصلون بيها كولشي جديد

ماعليج بس تشتركين من هنا


👇🏻👇🏻👇🏻👇🏻👇🏻

https://www.tgoop.com/ahzan2018

https://www.tgoop.com/ahzan2018

((سبي الثاني))


رحلةّ سبي الثـاني
مـســبـيه عنــواني
بـحـبـال وبــنـــاگه
وهم دمعي وازاني

صحراء .. جرداء .. مو عالمدن مرونه
يـــــا آه .. ويـلاه .. والــمـاي مايطونه

الحادي قسه أعلينه
يـــانـــاس مــلــيـنه
بهـيمـه ويـمــشـينـه .. للشام

هم تالي أطب ليها
هم روحي تسبـيها
والشــامت البــيها .. يشام

أخذ روحي .. ولا أوگـــف بديوان
أخذ روحي .. يرب الناس والجان

السبي الثاني ... السبي الثاني

"""""""""""""""""""""""""""'''

هـيمـه ودرب سكته
والــصــوت كــاتمته
بس أحچي أحچايه
الــسوط ضــايـگـته

أشرار .. كفار .. ذرةّ رحـم مـــابيهم
أولاد .. أحقاد .. والأصعب بحاديهم

وشمسّ الضهر حيره
لــلتــمـشي ويــسـيره
ومامش أهــــل غيره .. ضلام

وين العــرب راحوّ
اهل النبي طــاحوّ
عالحادي ماصاحوّ .. ضلام

سبي الثاني .. هـــذا الأشَدّ يــاناس
سبي الثاني .. أمشي مهبطه الراس

السبي الثاني ... السبي الثاني

"""""""""""""""""""""""""""'''

لــلـشــام طــبــيـــنه
مــحـــد يـــواســينه
شامت بصف شامت
يضــحك يصـد لـينه

ملــعون .. وعيون .. كــل الـحـقد ماليها
والحال .. بحبــال .. إيدي الجرح واليها

وعبدالله أبن جعفر
ويـــــاي وتـــحـــير
بنفس الحبل يعــثر .. وينوح

ويادمعته أعليه
ويگلي مســبيه
ياحيف علــويه .. وينوح

على الشجره .. صحت ياخويه بحساس
على الشجره .. بــغــصــنها خــلو الـراس

السبي الثاني ... السبي الثاني

"""""""""""""""""""""""""""'''

السجـاد وصيته
وبجـرحي دليته
گتله القصر عمه
مهدوم يـــاريته

وشلون .. بعيون .. هم تالي ويشوفوني
ماعـود .. بگيود .. ويــاويـلي ويسبوني

ضعني طوه أيامي
والـــمـوت گــدامي
وكل أهلي بحلامي .. سجاد

ياعمه غسلني
وبـليل شيعني
ولاتستمع وني .. سجاد

على متونك .. مو غربه اليشيعوني
على متونك .. ادري الناس عافوني

السبي الثاني ... السبي الثاني



عبد زينب
محمد الابراهيمي

لحن(سبي الثاني)
بصوت
ملا كرار البيضاني
بصره

((تستعد الريح))


تستـــــعد الريح
زينب من تصيح .. يامهدي

"""""""""""""""""""""""""""""""""""''''''''''

گمر ها یـبن الگمر
متعب عیون السهر .. عندي كل اخبارك

اشتبــه هــا يالولــي
علي لــو تشبه علـي .. كاشخ بفقــارك

انه عمتك وافتخر
وابتسم لمـن تمـر .. تلتقي ويه انصــارك

كون بعيونك تـصد
ينكسر سـوگ الورد .. يا عظيم اسـرارك


حتى الشمس لو شافتك هم تصبح اتهلي
توگفلك املاك السمه يا عمه و تصلــــي

والنجــوم اطيح
زينب من تصيح .. يامهدي

"""""""""""""""""""""""""""""""""""''''''''''

الدنيه منك ترتعش
واحد وبيك اثنعش .. يا هلا بنضراتــك

انه اشوفك و ارتجي
عمه للمجلس تجــي .. تلطم لعماتــك

تخضر دموع السمه
وگاید امــي فاطمه .. معدل بخطواتــك

گلبك شكد انصـدع
شيب بجفوفك طلع .. من تحس دمعاتك

ياخلگّ جرحك والنبي ودموعك تّنـدي
حتى الطيور الطايره هـم نادت المهدي

والجبـــال اسيح
زينب من تصيح .. يامهدي

"""""""""""""""""""""""""""""""""""''''''''''

عمه تدري بدمعتي
صارت بگــد گبتي .. وانته طال غيابــك

عـــــمه عبراتي تهل
الهسه غربه وبالهزل .. والاحبال مصابك

ظلمه صاير مرقدي
عمه ترضه لوحـدي .. وما تجيني احبابك

عمــه يا ابـــــــن النبي
متت من طاري السبي .. وچلبت بثيابك

بس لا يرد بيه السبي يــــاعمه وايامـه
يا عمه تدري معذبه من جيت احلامه

والدمــع تصريح
زينب من تصيح .. يامهدي

"""""""""""""""""""""""""""""""""""''''''''''

بصدرك شگد رافضه
چـــــــنه شباچ الرضا .. ما تمـــل زواره

الصاير علينه شرس
كــــون يتلقن درس .. براسه اهدم داره

جيشك بهمه اعتنو
عمه للمجلـس اجو .. تانو ادك غــــاره

هله بطولك يــــا شهم
انته( 100) اعله الزلم .. والبقيه صفـاره


ماخذ وسامك من علي يا شذرةّ الشذره
يادرة الله ومحبسه وگـــلادت الزهـــره

والاســـم توضيح
زينب من تصيح .. يامهدي

"""""""""""""""""""""""""""""""""""''''''''''

صرت اشم بيك الهوه
ودوم اشوفنك ضــوه .. من تمر بنفاسـي

بجيتك يحله الصبح
ولـــو بعيونك جـرح .. هله بجيت ناسي

ضيف اجاني ابن الحسن
واكنـــس بچفي الصحـن .. رَد عليّ عباسي

بوجنتي يجف الدمع
واشعل لجيتك شمع .. المهدي يا نوماسي

يا شرف ستري وخيمتي يا رايةّ الگبه
چنه محمد لو ضهر من يلبس الجبه

بوجنــتك تلميح
زينب من تصيح .. يامهدي

عبد زينب
محمد الإبراهيمي

لحن(تستعد الريح)
بصوت
ملا جواد الباوي
بصره

يـمه  زيـنـب  أنه امج
انه واخوانج  نشيعج

ويانه حيدر هم يون.........نشيع النعش بحزن

.............................................................

يمه جيتج ....مـا اهـمـاً بـالـكـسـر وبـضـلـعي الانـصاب
يمه ضلعي....يـروحـلـج فـدوه الـضلع والعصره بالباب
جيتج ابجي ....نـحطج بـوسـط ألكلب مو تحت التراب
بهاي العيون ....راح اشـوفج مـن بعـد مـا طال الغياب

فدوه ضلعي ما يهمني
جيتج اتچه اعله ابني

وانه ميته ليج احن......نشيع النعش بحزن

...............ً...................................................

وياي اخوتج....يـمه هـذا ابـنـي الـحسن ما همه سمه
وكف يمج ......من البواجي اعليج راح عيونه تعمه
والمصيبه .....يمه شرد احجي على حسين ابواليمه
دمعه بالعين ...يـكـلي بـعده ازرك  مـتـنـه  لا  نلجمه

اخوانج وحضرو وفاتج
ناحو   بشوفت   عباتج

حضرو بيوم الدفن......نشيع النعش بحزن

...................................................................

هذا حيدر .........شافج وظلت تصب  ادموع عينه
شاف الامتون......يمه ظل يلطم على راسه وجبينه
ظل يحاجيج ........كالج زينب يريت أحنه انسبينه
يالحبيبه ..............اثر متنج ريته صاير بويه بينه

حيدره نزلت دمعته
يوم شاهد متن بنته

وظل يأشر عل المتن.....نشيع النعش بحزن

...............................................................

نشيل نعشج........عل   جتاف  نخلي   تابوتج   يحره
وابو الاكبر .....حسين يمشي ومنحني مكسور ضهره 
يالغريبه............النعش  چن بي  نحس  خانگته عبره
وناده الحسين.....ما   نشيع  اله   عباس    اليحضره

لو حضر عباس اخوهه
بهيج لحظه  شيعوهه

ما غمض الهه جفن .....نشيع النعش بحزن
................................................................


ها يزينب...........شكد  عذاب  بدنيتج  يا   يمه   شفتي
بس مصايب......وعل المصايب والضليمه شكد صبرتي
فوك المتون........بالسياط   بطف    الحسين  انضربتي
بغربه موتج.......حتى  من  متي  غريبه  وما  خلصتي

بالكبر      ويهددونج
ما رضو تغفه عيونج

الناصبي يگدر يضن.....نشيع النعش بحزن





خادمكم حسين ابو عباس الكعبي
▪︎