جاء رجل إلى رسولنا الحبيب ﷺ ♥️
بعد أن رأى بعض الغنائم وقد مَلأت الوادي ..

فقال الرجل :
مَن يملِك هذه إنه لَذو حظٍّ عظيم !

وكان رسول الله يملكها مِن فَيء مَنّ الله به عليه .

فقال له رسولنا الكريم ﷺ :
أيَسُرُّكَ أن تكون لكَ ؟!

قال الرجل :
نعم يسرّني ذلك .

قال رسول الله ﷺ :
فإنها لك .

قال الرجل :
أتهزَأ بي ؟!

قال رسولنا الكريم ﷺ :
لا ،
وإن شِئتَ فسُقها وانظر مَن يمنعك !

فساقها الرجل وانطلَق بها ، و دخل على قومه
وقال :
يا قوم ،
ادخلوا في دين مُحمّد فإنه يُعطي عطاء
مَن لا يخشى الفقر ♥️

كان حبيبنا المُصطفى
أجوَد الناس وأكرمهم حتى قال قائل :
"ما قال لا قطّ إلا في تشهُّده" !♡

فاللهم أحيِنا وأمِتنا على سُنّته، واحشُرنا في زُمرَته و ارزقنا شفاعته، وأورِدنا حوضَه هانئين مُطمئنين ومُكرَمين برؤية وجهك الكريم .

ممكن نصلّ عليه !♥️
#السيرة_النبوية
🌿..

قالت :
أنا كنت بصاحِب الأولاد وعندي أصحاب كُتار ،
بتونّس معاهم ونطلع سوا عادي ..

كلما أقرأ أو أعرف أكتر عن حُرمة
الموضوع ده ، قلبي بيألّمني و بحِس بالذنب !

الحمدلله اتعرّفت على صديقة طيّبة الأخلاق ♡

حكيت ليها وقالت لي :
ما تكسِري الحواجز بينك وبين الرجال وتقولي عليهم
أخوي وصحبي بالبساطة دي كده .

حتى لو هو محترم ومُهَذّب ، في الآخر دي معصية
وإحساس الوحشة
اللي في قلبك دليل على إنك ما مُرتاحة !

والبنات ما شوية يعني
واللي صحبتهم وعُشرتهم حلوة كُتار الحمدلله ♡

ولو بتكوني مبسوطة بالونسة مع الأولاد و الرجال ،
أسألي نفسك :
كيف أكون مرتاحة بمعصية رب العباد ؟!

ودايماً اتذكري إنه :
إذا الناس ما شايفة ، ربنا شايف كل صغيرة وكبيرة
حتى الونسة بالتلفون من ورا الشاشات !

والبنوتة اللي بتكون خاتة في بالها مُراقبة ربنا ليها
في الصغيرة والكبيرة ،
أكيد حقّها ما حيضيّع عنده جل جلالُه ♡

وكلما تجاهدي وتقوّمي نفسك وقلبك
حتكوني مختلفة عن لمّن تطاوعي قلبك عادي
كلما يجي يميل .

ويا حبيبتي :
"إن سلعة الله غالية"♥️
ولا مرحباً بسعادة تجلب الذنوب ومعصية الله !

فاللهم كل عفيفة تغلق على قلبها وتخشى الله ، فصُنها وطَمئن فؤادها وقُرّ عينها ، قِها وبنات المُسلمين من الشرور جميعها ، وارزقنا حياة الطيّبات الصّالحات .

ممكن نصلّ على الحبيب !♥️
#تيسير_الصادق
🌹🌿

ياجماعه !
بجد سبحان الله الواحد مرات بتصرف تصرفات وهو مافاهم فيها اي شي وبيتعامل مع ناس هم زاتهم مافاهمين نفسهم ولا عارفين تصرفاتهم دي صح ولا غلط !

مثلا ، كم واحد فينا عايش بشخصية المنقذ! اللي هو الصاحب الجدع البقيف مع كل الناس ويسند كل الناس بكل الطاقه والقوه العندو ! ، وهو نفس الشخص اللي لما يحصل ليهو شي ويحكيهو للناس ديل نفسهم ما بيدوهو اهتمام زي ماهو بيعمل ليهم!

الانا فهمتو بعد مده انو ممكن الناس ديل نفسهم ما متزكرين قصتك ومعاناتك الحصلت ليك لانك ماقعد تحكي عنها بستمرار زي ماهم بيحكو قصصهم ،ف بالتالي قصتك اتنست عادي !
لكن الماعادي انك لسه مستمر تقيف بنفس الشموخ معاهم حتى في الوقت اللي انت بجد ماقادر تسمع فيهو صوت نفَسَّك انت خليك من اي شي تاني !

المصيبه انو البنعملو ده ما اسمو جدعنه او رهابه ،ده اسمو ظلم لنفسنا لاننا جينا عليها شديد بسبب اننا كل مره بنمثل اننا تمام ونتعامل عادي ونحنا ما تمام ابدا ..

بختصار .
ماف زول قال ليك ابقى كعب ، بس انا بقول ليك لما تكون ماطايق نفسك ،ياريت ماتجي عليها ، وعلى فكره مافيها شي لو قلت لأصحابك انك تعبان وماقادر تتكلم معاهم هسي وتسمع قصصهم ،بس تهدا بترجع ليهم .
وهم بجد لو كانو بيحبوك واصحابك فعلا حيتفهموك جدا ، لانو الصداقه الحقيقيه هي انك تتقبلني حتى في اسوء حالاتي اللي (ما بتجي عليك ) ودي نقطه مهمه جدا !

ومافيها شي لو كنت من غير اصحاب ،ولا انك تكون مع اشباهه اصحاب .

وبس .

#فقرة_دروس
#اتعلمت_شنو
#لينا_عوض

"هنالك شيءٌ ما شاعريّ في طبيعة العلاقات الفاشلة التي خُضتها ،تبيّن لي أنني في كل مرة يُلقى بقلبي ومشاعري على قارعة الطرقات وتُغلق الأبواب في وجهي أجدني اعود إلى بابه بيقينٍ أنه لا يُغلَق أمام المنكسرين والحيارى مُطلقاً، أعودُ مطأطة الرأس،منهكة ، يائسة، حزينة، مُحطمة وخائفة وقد كانت للرب مسحةٌ إلاهية سحريةٌ عميقة تمسح على قلبي حتى تشفى جراحي، لم يغلِق بابه في وجي ابداً ، كانت تلك العاطفة والسكينة التي تغمرني بقربه ما كنت ابحث عنه بين البشر بغباء.

تيقنتُ الآن أن لا أُنس الا أُنسه، ولا حياة طيبةً الا برضاه ، و أن لا أحد يستحقُ حُبيّ الكامل إلا هو🤍 . "

#تنزيل_صابر

قال :
مشيت أزور صحبي عيّان ، وأنا راجع كان في جيبي
قروش قدر حق المواصلات بالضبط !

ركبت المواصلات الأولى و بالي مشغول
ياربي حنكمّل الشهر كيف ؟!

لمن الكمساري طَقطَق للقروش ، جيت أدفع
قال لي :
الزول الورا داك دفع ليك ..

اتلفتت لقيته زميلي من أيام الجامعة سبحان الله ، ما
اتلاقينا من يوم التخريج إلا في اللحظة دي !

سلّمت عليهُ
و شكرته شديد لأنه حقيقة جات في وقتها ♡

نزلت عشان أركب المواصلات التانية
البِتوصّلني بيتي ،
سمعت بوري و زول بناديني بي اسمي ..

لقيته جارنا و ركبت معاهُ و أنا مخلوع من الصُدفة
الجابته
في اللحظة دي بالذات عشان يسوقني معاهُ !

لمن وصلنا شكرته و مشى على بيته
وانا ماشي على بيتي و رجعت تاني أفكّر ، القريشات
ال في جيبي ديل حأكمّل بيهم الشهر كيف ؟!
ولا الأسبوع ده بس كيف ..

تلفوني ضرب
لقيته زبون كان عايز يشتغل شغل قبل كم شهر و حصل ليهُ
ظروف و لغى الموضوع ، لمن اتصل
قال عايز يكمّل الشغل ..

و بعد أقفل الخط حيرسّل لي العربون بنكك !♡

ما قدرت أمسك روحي
عيوني رقرقَت و لمن وصلت باب البيت دموعي جرت براها
من استشعاري لعِظمة ربنا و قُدرته ❤️

في ثواني أموري اتدبّرت
أنا اللي كنت طول الطريق بفكّر حأعمل شنو ، أجيب أكل
لأولادي من وين ، أجيب لأمي حق العلاج بي وين !

ربنا دبّرها ..
و سهّل لي أمري كله في كَسر من الزمن ، سبحان الله
و الحمدلله دائماً و أبداً ♡

#بيوت_متطمنة

فاللهم اجعل الدنيا بين كفَّيّ وليس في قلبي، سَخّر لي الدنيا ومَن عليها والسماء وما بينهما لسُروري ونعِيمي، أن تفتح عليّ فَتح المُهتَدِين فلا ألهَث خلف الفانية وأنسى أمر الآخرة، تامّة التوكّل واليقين مكتوبة لي الجنة .

ممكن نصلّ على الحبيب ؟! ❤️
#تيسير_الصادق
💕🌹

اللهم السلامة مما نخشى
والأمن من ما نخَاف
ولا نقولُ إلا حسبُنا الله نعم الوكيل💔

في ودائع الرحمن
أهلنا وأصحابنا ، ولايتنا ، مدينتنا ، جامعاتنا ، قُرانا ، بيوتنا ، ممتلكاتنا
في ودائع الرحمن
أرواحنا ، مخاوفنا ، وقلوبنا
في ودائع الرحمن
ولا حول ولا قوة إلا بالله💔

أمس في عز مانحن مقلقين مافي حد قدر ينوم كويس لأنّو الواحد مامطمن ومامرتاح وكلما عاجزين جِدًا لكننا نملك الدعآء بيقين ..
فحقيقي في عز كل الضيق دا الواحد محتاج دعم معنوى، حاجة تشيل قلبه كله كده بره وتمسح عليه عشان يكون كويس على الأقل بس كويس!!

فلمَّا رن المنبه لوقت القيام أنا يادوب كنت نمت..
قفلت المنبه وكملت أنا نعسانة شديد ويادوب النوم جاء أصلًا، فليلة ماحتفرق يعني!!
النوم طار مِن عيني!!
لوهلة حسيت إنّو أنا في القبر طيب وحينور لي شنو؟!
جاء في بالي اليوم بكون كئيب ومتضايقة فيه كيف بلاسبب لمايكون فاتني القيام قبلها! ..
ليلة عند ربّنا مابتفرق لأنّو هو سبحانه الغني!
لكن إنت بتفرق عندك والله!!
في الدعم، في المواساة، في التخفيف، والتهيأة لليوم الحيواجك ..
وفي ليالي القبر الموحِشة!

قسمًا بالله مش لسه الوضع كمّا هو والواحد بواجه نفس الظروف والأقدار الصعبة!..
لكن أنا نفسيًا أحسن بكتيييير مِن أمس!
شفت شعور إنّك مطمن شديد؟! مرتاح مِن جوه؟!
سكت الضجيج الذي كان!

فسبحان مَن جعل كل هذا الأنس والراحة فيه ..
حقيقي لما أقول للأبد مافي راحة ذي قيام الليل دي ماشعارات ولا تطبيل!
دي واقع ناس كتاار جِدًا ..
هم ما أقل في ظروفهم منك، ولا حياتهم ظابطة ومرتاحين مِن كبد الحياة الدنيا!
لكن لو هم كويسين فهم كويسين بقيام الليل، لو هم مطمنين فهم مطمنين به! ..

الواحد مستعد يفقد أي شئ، إلّا أن يفقد قيام الليل!

ماعارفة ممكن أوصف لك كيف؟ ولاأقول أكتر مِن كده شنو يخليك تتمنى لو كل الأوقات قيام ليل!!..
ويخليك تحرص كل الحرص ألا تفوتك ليلة واحدة!

في ظل كل هذا الحروب والضياع..
الضيق والشتات ..
ماأظن في وقت أنسب مِن دا عشان تبدأ فيه جادي قيام الليل بمجاهدة نفسك!
والله لو تعلم إننا في حاجة له أشد مِن الطعام والشراب!!

والله المستعان!

#ترتيل_الخزين

زكريا عليه السلام كان بيدعي ربنا
وبقول :
{ وَكَانَتِ امْرَأَتِي عَاقِرًا فَهَبْ لِي مِن لَّدُنكَ وَلِيًّا }

-لاحظوا قال : عاقراً فهَبْ لِي !

عقلك حيقيف مندهش = إنها عاقر ما بتلِد وطوالي
دعا ربنا وقال ليهُ { هَبْ لِي } يعني ارزقني ..

إندهاش عقولنا على قدر اليقين اللي دَعى بيهُ !♡

الآية فيها المَانع (عاقر) + وفيها المَرجُو (الله تعالى)
= من غير أي فاصل بينهم !

ياربي كان بيسأل ربنا ويدعي بأي قلب
وأي يقين وأي إطمئنان ، عشان تجي الملائكة وتبشّره
وتقول ليهُ :
{ يَٰزكريَا إنَّا نُبَشِرُك بِغُلٰمٍ } ♡

مهما بلغ بينا القلق والتوتّر ،
نهدّي نفسنا ونخلي قلوبنا تقتنع تماماً إنه :
"الدُعاء هو النجَاة" !

طيب نحنا خايفين ؟!
{ وَهُوَ مَعَكُمْ أَيْنَ مَا كُنْتُمْ }♡

نحنا مُحبَطين ؟!
{ أَلَّا تَخَافُوا وَلَا تَحْزَنُوا وَأَبْشِرُوا }

ما شايفين أي أمل ولا بُشارة خير ؟!
{ فَمَا ظَنُّكُم بِرَبِّ الْعَالَمِينَ } 🥀

نتّفق كلنا الليلة نقيم الليل ، و ندعي وقلوبنا متيقّنة إنه ربنا حيستجيب
ويصلح حال بلدنا الحبيب بإذنه تعالى ♡

الدعاء ما بيجتمع مع الشقاء يخوانّا ..
{ وَلَمْ أَكُن بِدُعَائِكَ رَبِّ شَقِيًّا }

فاللهم جبراً يتعجّب له أهل السماء والأرض، اجبُر بخاطر الشعب السوداني ويسّر أمره، ألا نضلّ ولا نتوه ولا نشقى، عليك توكّلنا فلتُصبِح قلوبنا على فرحٍ وجَبرٍ وخير .

ممكن نصلّ على الحبيب !🥀
#تيسير_الصادق
..

قالت :
أمبارح حسّيت حزن العالم ده
كله في قلبي ، صداع و إحساس ما مفهوم وجاتني طعنة
لدرجة قلت لأخواتي
ورّوني دي أعراض زبحة ولا شنو ؟!

لمّن ما قدرت أتصرّف ، بقيت راقدة وبقرأ قرآن ♡

تاني فتحتُه في التلفون والحمد الله
قلبي هدأ شديد بعد كده ، وحتى الأعراض
كلها راحت !

عاينت للساعة لقيتُه الثلث الأخير من الليل ،
الشيطان يقول لي
أرقدي انتي ما قادرة ويوم واحد ما حيفرِق في شي .

قلت يا بت هوي ، ربنا بتنزّل في السماء الدنيا
كيف تفوّتي اللحظات دي وانتي صاحية ♡

مما وقفت في المصلاية كنت ببكي لحدي ما سلّمت !

بعد صلّيت أمي جات تشوفني بقيت كيف
وقعدنا نتكلم شوية ، قالت لي :
مهما يحصل ومهما نفقِد من حاجات في الدنيا دي
ما نزعل عليها ..

البيت والقروش والعربات
بتتعوّض يا بِتّي ،، الحمدلله على العافية
والوطن استودعناهُ الله الذي لا تضيع ودائعه ، إن شاء الله
الغمّة حتنفرج بدعواتنا ، نحنا شعب طيّب
و دعواتنا دي دعوات مُضطرين ♡

لكن عارفة البِستحِق نزَعل عليهُ شنو ؟!

إننا نفقد الإيمان واليقين وحُسن الظن بالله تعالى
"الله يحفظنا ويحمينا ويثبّت قلوبنا"

الحمدلله على إبتلاءات الدنيا ،، إختبار وحسنات
للناجح فيها بالصبر الجميل ♡

فاللهم إنا أعوذ بك من فواجع الأقدار ، ومن فَقد الأهل وحزن القلب وحُرقة الشعور ، أكتب لنا أياماً جميلة نسعد بتفاصيلها واغمرنا بخيرك الذي لايفنى ، علَيك توكّلنا فأنت حسبنا ونِعم الوكيل.

ممكن نصلّ على الحبيب !🥀
#تيسير_الصادق
🥀..

قبل الفجر اتصلت بي صحبتي
تبكي بحُرقة ، والكلام ملخبط ما فهمت أي شي !

اتخلَعت ..
يا بت قولي بسم الله ، في شنو كدي روقي وفهّميني
مالك ؟!

و هي زايدة في البكاء ..

لمّن أبت تسكُت قلت أشغّل آيات من القرآن ،
تشغّلي شنو
يا تيسير القرآن كله جميل ، قلت سورة يوسُف ♡

سِمعَت التلاوة سكتَت بقت تسمع و تتنهّد
بعد شوية صوتها اختفى تماماً !

بعد التلاوة تمّت ، قالت لي :
نحنا نزحنا من الخرطوم
فقدنا كل شي وجينا مدني عشان نستقِر ونرتاح شوية ، لسه
ما صدّقنا روّقنا الدعامة يجو بي جاي ؟!

وخلاص العبرة خنقتها دايرة تبكي تاني ،
قلت ليها :
يا حبيبتي ، كله حيعدّي بإذن الله
أنا متفائلة شديد والله ، ضاقت كده عشان يجي الفرج
إن شاء الله تعالى ♡

سألتها انتو وين هسي ، قالت لي في قرية جنب سنار
طيب ناس بيتكم بخير
قالت لي
اي الحمدلله بخير كلهم ، لكن عشان نصل هنا
بعد تعب شديد .. الحمدلله

اتذكّرت قصة سيدنا موسى عليه السلام
وقعدت أحكيها ليها
"هي عارفاها لكن الواحد فينا لحظات الضِيق
بكون ما مركّز ولا بتذكّر الحاجات اللي بتدّيهُ أمل"

سيدنا موسى عليه السلام تِعِب من المشي
و الحر و الجفاف ..

كان ماشي و مهموم
من إنه يجي زول يقتله أو يأذيه !

وما كان عنده بيت يسكن فيهُ
ولا زوجة ولا أسرة يتقوّى بيها ، ولا عنده شغل بالإضافة
لإحساس عدم الأمان و عدم الإستقرار والخوف !

وهو في الحالة دي دعا ربنا وقال :
" رَبّ إِنِّي لِمَا أَنْزَلْت إِلَيَّ مِنْ خَيْر فَقِير " ♡

و بسبب الدعاء ده
ربنا رزقه
بيت وزوجة وشغل ، و اتطمّن و حسّ بالأمان ❤️

دعا ربنا وهو في أصعَب موقف ،، لكن قلبه كان مليان
باليقين وعنده حُسن الظن بالله تعالى

حصل شنو ؟!
حياته اتغيّرت تماماً = من حال لحال (١٨٠ درجة زي ما بنقول)

عشان كده يخوانّا
ما نيأس مهما يحصل لينا ، وما ندّي القلق فُرصة فينا
ونقعد نفكّر حالنا حيتصلّح كيف !

ربنا قادر يصلّح كل شي في لحظة ♡

و الإبتلاء ده حصل خلاص ، لكن السؤال هو :
نحنا تقبُّلنا ليهُ وتعامُلنا معاهُ كيف !

نرضى و نحمِد ربنا
(أيوة الحمد في السراء والضراء ) ، و نستبشر خير
ونسأل الله الجَبر والعوض الجميل في أيامنا
اللي جايّة ♡

حتتيسّر ؟!
أيوة بإذن الله ..

متين ؟!
ما عارفة لكن قريب إن شاء الله ♡

بتقولي كده ليه ؟!
لأنه يقيني بالله عظيم ماليهُ حَدّ !
"اللهم بارِك"

فاللهم ثبّت قلوبنا وانثُر فيها السكينة والأمان ، برحمتِك ولُطفِك أكرِمنا وآتِنا سُؤلنا ، عليك توكّلنا فانصُرنا بإجابة الدعاء .

ممكن نصلّ على الحبيب !❤️
#تيسير_الصادق

ح تعرف روحك سعيد كيف؟!

إذا إنت جوا الإبتلاء ولسه متمسك بالله عز وجل وما فكيت الطريق..!

لسه صابر!
ولسه بتحمد الله عز وجل!
ولسه مستني الفرج!

وانك تستنى الفرج من الله عز وجل وحده ده في حد زاتو شئ عظيم جدا !

واقرار واعتراف انه لا إله إلا هو❤️

.....

ربنا يفرج همومنا وييسر أمرنا يارب العالمين ❤️!

_لكاتبته.

صحبتنا طلعوا من الخرطوم بدري مشوا بيت جِدّهُم في الجزيرة ..

قبيل قالت لي :
لمّن سِمِعنا بسقوط مدني ما كان عندنا جاز للعربية
بديت أصلّي
على الرسول ﷺ بالصيغة الإبراهيمية ، ما تمّت ٥ دقايق
اتوفّر لينا الجاز
من الجيران بطريقة تحيّر سبحان الله !❤️

طلعنا من الجزيرة في حالة قلق وخوف ، وأمي عندها دواء
كان مفروض يصلنا يوم السقوط ده زاته ..

قلت لأمي وأبوي وأخواني
صلّوا على الرسول ﷺ
ربنا يكفينا همّنا و يسهّلها علينا إن شاء الله ♡

مرّينا بأهلنا في الطريق نزلنا عندهم ، بدون سبب
طلّعوا لينا الدواء
اللي محتاجاهُ أمي ، قالوا الدواء ده نحنا ما دايرنّه
لو بتعرفوا أو حتلاقوا زول محتاج ليهُ .
طبعاً اتخلعنا !

الحمدلله رب العالمين ♡

قبل ما ندخل القضارف جانا اتصال من صاحب أبوي
قال لينا :
في بيت جنبو فاضي للإيجار ،
وقبلها بدقائق كنا
بنتكلّم عن إنه كيف حنلقى بيت للإيجار في الوقت ده !
"وسعرُه رهيب شديد"

الحمدلله كما ينبغي لجلال وجهه وعظيم سلطانه ♡

فاللهمّ صلّ على محمد وعلى آل محمد كما صلّيت على إبراهيم وعلى آل إبراهيم ،وبارِك على محمد وعلى آل محمد كما باركت على إبراهيم وعلى آل إبراهيم إنك حميد مجيد .

ممكن نصلّ عليه !❤️
#تيسير_الصادق
🥀🌿

بإذن الله تعالى ♡..

السنة الجاية زي المواعيد دي ، ننشُر كل الحصل
لينا في السنة دي ونكتب معاها :

[ ضاقت بينا وفُرِجَت ، أيام مُرّة ومرّت ، الحمدلله على الجبر بعد الصبر ، قلّقنا شديد ومرقنا من بيوتنا لكن رجعنا ليها آمنين وقلوبنا متطمّنة ] ..

ممكن نصلّ على الحبيب !♥️

لسه ما سجّلت في #البناء_المنهجي ؟!

🌼🌼

استعِن بالله ولا تعجَز ،
توكّل على الله و ابدأ طلب العلم . إن لم تستطِع الإشتراك ، أرسِله لغيرِك ولك الأجر بإذن الله 🌼


افتتاح التسجيل في الدفعة الخامسة من برنامج البناء المنهجي

https://forms.gle/CmB3M71H57ya61589

..

لماذا علي أن أنضم إلى برنامج البناء المنهجي؟

لأنك في البناء المنهجي:

🌼 لا تتعلم الدين فقط .. بل تتعلم حب الدين، حب القرآن، حب رسول الله والصحابة الكرام

🌼 البرنامج لا يعطيك الفكرة فقط، بل يعلمك أيضا كيف تفكر، فتميز الصح من الخطأ، والمهم من الأهم، والسيء من الأسوأ.

🌼 تتعلم كيف تعيش الدين في واقعك، فتجده مُوجّهًا وقت الشبهة، وحماية وقت الفتنة، وعونًا لك على صعوبات الحياة

🌼 تتعلم أن المؤمنين إخوة، وأن ما يجمع المسلمين أكثر مما يفرقهم، تتعلم فقه الخلاف وأدب الخلاف

🌼 تعرف صديقك، تعرف عدوك، تعرف ثوابتك فتقف عندها، تتعلم شعائر الله فتعظمها، وتجعل من نصرة الدين قضية حياتك

🌼 يذكرك مرارًا بتزكية نفسك، ويذكرك ان العلم وسيلة لغاية عظمى، ألا وهي مرضاة الله

🌼 تجد فيه اخوة على الدرب، تأنس بهم ولو من خلف الشاشات، تشعر أن الدنيا بخير رغم كل ذلك الظلام حولك، وتشعر أنك لست وحيدا رغم شعور الغربة الذي قد يحيط بك.

🌼 البناء المنهجي يهدف لتربية مسلم متزن سويّ، سليم العقيدة، سليم الخُلق وسليم العمل، يهمك إن كنت أبًا/ أمًا لتكون قدوة لأولادك، ولتربيهم كما يحب الله، يهمك إن كنت مصلحًا، مربيًا، داعية، لتأخذ منه التكامل والمنهجية والاتزان والقيم قبل ان تأخذ العلم.

🌼 برنامج مجاني، فيه كل ما يعين الطالب ليجتاز بنجاح من ملخصات وتفريغات مكتوبة وصوتية وتمارين، يمكن للمشغول الالتزام فيه لحسن تنظيمه، وتقسيم مواده لكميات يومية قليلة لا يعجز عن انجازها صاحب عزيمة رغم انشغاله ..

ممكن نصلّ على الحبيب ؟!💛

#البناء_المنهجي
#نعم_البناء_المنهجي

على حِس فرحة الأعراس في وسط أحزان الحروب♥️!

في واحدة من أغاني الدلّوكة الشهيرة في أعراسنا
بنقول فيها

يا "عروسنا" الله أدَّاكِ
تاني ما بتمُرقِي براكِ؛
"عريسك" القيافة معاكِ
عديلة .. عديلة!

كواحدة بتحب فِكرة "القوامة" الغُنيَة دي والبيت ده تحديدًا قاعد جوَّا قلبي كده ده💘..

لطالما خفف عني ثقل الحياة شعور إني في يومٍ ما حا أمشي دروب الحياة دي مع رفيق يهون عليّ خطاي رغم المشقّة
زول يكون مسؤول عني وقيِّم عليّ

ما أكون خايفة في يوم أطلع براي وأجي راجعة براي وأشيل تقيل براي
ما أشيل هم المضايقات أو هم المصاريف أو أي هموم تانية كانت ح تزول تمامًا في وجود "رَجُل"

وزي ما قالت آلاء وجيه:
"أحبُّ معنى اللجوء، الاحتماء، الاستتار، التلحُّف بأحدهم، أن أسير في حِماهُ راغبة مُختارة، غير مقهورةٍ ولا مجبورة، وُجداني مُطمئن أنني أُعوِّل على سند إن مالت الدنيا لا يميل لأنه موثوق.. وإن مَلَّت الدُنيا لا يَمَل لأنه مسؤول، وأنا مسؤوليته.. أحبُّ فكرة أنني مسؤولية أحدهم".

فكرة القوامة ح تظل دومًا وأبدًا فكرة آسرة بالنسبة لَي وشعور أتمناهُ لنفسي ولكل عزيزة عليّ
فيا رب،
ترزقنا بمن يُرضي شعورنا، ويقوم بشؤوننا، ويكرمنا ويكرم أهلنا، ويكون قيّم علينا بكل ما تحمله القوامة من معنى

وأن يُقَال لنا قريبًا ..
يا "عروسنا" الله أدَّاكِ
تاني ما بتمُرقِي براكِ؛
"عريسك" القيافة معاكِ😂♥️

#صفية_مصطفى

مِئة يومٍ!

‏«سَلَامٌ عَلَيْكُم بِمَا صَبَرْتُمْ ۚ فَنِعْمَ عُقْبَى الدَّارِ»

الواحد كان مخطط إنو حدث زي ده يقعُد ويكتب ليو بي روَاق لكن قدر الله

قبل حوالي تلاتة سنوات كده
حياتي اتغيرت من زولة عندها بلاي لست في التلفون اسمها "غسيل العدة" كلها عبارة عن أغاني
لي واحدة بتنتَظر متين تقيف في حوض العدة عشان تفتح بلاي لست جديد تمامًا اسمو "تسجيلات شيخ أحمد السيد" ..وللهِ الحمد♥️
تسجيل ورا التاني
وسلسلة ورا التانية

الإنسان وجد في تغيير نفسو، وإنشراح في صدرو، وبلاغة في كَلِماتو، واِنتِقَاء عالي على مستوى العلاقات ابتداءً من "بتتابع منو وتقرا لي منو" وانتهاءً بالأصحاب

واسأل أي زول دخل في برنامج #البناء_المنهجي
لو حضر دروس بالعدد منو وما كمَّل دراستو
ح يقول ليك التغيير الملحوظ اللي حسَّا بيهو هو في نفسو

أنا أي زول لقيتو ثابت في عز المِحَن المارّين بيها دي
اكتشفت إنو يا إما علاقتو بالقرآن اتحسَّنت، يا إما داخل في واحد من برامج شيخ أحمد السيد المعرفِيَّة دي وأشهرها البناء المنهجي

زمان قرّونا في المدرسة "طلبُ العِلمِ فريضة على كل مسلم"
وخصوصاً في زمننا ده
لو ما اتعلَّمتا عشان تنفع نفسك وغيرك
فحسبُك بس إنك تتعلم عشان ترفع الجهل عن نفسك وعشان الخَم والسُّواقة الزمن ده بقو يلاقوك في أي ملف!

لو باقي ليك في عُمرَك ساعة بَس
سجّل فيها في البناء المنهجي وما حا تندم

وبالمناسبة
التسجيل بقفل بكرة

وختامًا..
لا وقتَ للانهيار
اغرس فسيلتك وأنتَ تبكي😁♥️ ..

نتلاقى في البناء يا شباب، الرابط في أول تعليق🥳

#البناء_المنهجي
#تجارب_البناء_المنهجي_السودان
#صفية_مصطفى