- الواحد خلاص وصل لمرحلة انه يبي يعدي يومه بأسهل طريقه معش فيه حيل للنقاشات ولا ف حيل للعتب ولا عنده طاقه انه يتناقش مع حد خلاص وصل لمرحله “البرود الكامل “ ذاق وتألم وشاف حاجات اكبر من عمره .

- مـا تعلـقـش روحـك بـالمـاضي وانـتَ قـادر تعـيش حـاضـر احـسـن مـنه.

- ‏شكرًا للناس اللي معانا ديما بدون أسباب، بدون شروط، بدون مصلحه ، بس تحب تشوفك فرحان وتفرح معاك ♥️ .

- اللي يمشيلك خطوه امشيله خطوه زيها ، المبالغة ح تضرّك انت."

- المُبالغه في كل شي تودرك 🖤 .

- نكبرو ويكبر معانا شعور إننا نستاهلو حياة مُريحة ، حياة مافيهش لا ضغوطات ولا تعب قلب ، وناس مش مُضطرين نبررلهم كل فعل يطلع مننا ولا حتى نخاف من تقلب مزاجهم ، حتى المحبة نفسها ما تلزمنش لو الشخص اللي قدامنا مش مُريح في تعامله معانا ، نكبرو ونفهمو ونعرفو إن مفيش أهم من راحة البال لأي شخص فينا .

-خليك راضي على حياتك وع الحاجات والمواقف والظروف اللي قاعد تواجه فيك كل فترة ، خليك مقتنع تماماً إنه ح تجيك فرحة تعوضك ع كل تعبك و كل شي تمنيته ف حياتك يتحقق وما تحققش ف اطمن قال الله تعالي 🖤
" إِنِّي جَزَيْتُهُمُ الْيَوْمَ بِمَا صَبَرُوا أَنَّهُمْ هُمُ الْفَائِزُونَ ".

- رد بالك تعري روحك قدام حد، رد بالك تحكي وجعك قدام حد
او تحكي اخطائك قدام حد
او تحكي نقطة ضعفك

البشر كلهم بدون استثناء يستنوا في حاجة يلوو بيها يدين بعض، و ابداها من نفسك حتلقى روحك مش حاسه بالامان ع حد و ضروري تشد عليه حاجة.

- متقيسش غلاك ، ولا تعاتِب علىٰ قد المحبه ، ركز فِ بصَارتهم بس ، وحتعرِف لّقلوب شن شَايله.

- نحنا نرايفوا للاحساس والمواقف والذكريات مع الشخص مش للشخص نفسه ، يمكن لانه كان شعور مختلف ع باقي الناس.

‏ـ يَـ شاقي بهم الناس ؟
- انعم
= اشقىٰ بروحك الله يربحَك .

- ارباوة عصّر .
مانا لحد تَباعـة !
والحر حّر .
مايغيّر الوقت اطبَاعـة 🤍.

- نحنا نزمطو في علايل وقهاير واجد ونسمو فيهِن ، تجاوز.

- اهم قناعة ضروري توصلها في حياتك قناعة " المش مهم" مفش حد مهم، كلام الناس مش مهم، رايهم فيك مش مهم، حبهم لك من عدمة مش مهم، المهم علاقتك بربي وانك انت تحب نفسك وامك و الكم شخص لي يهموك يحبوك، الباقي كله مش مهم والله.

"أول خطوات النجاح هي أن توقف الدراما في حياتك اليومية تبتعد بقدر المستطاع عن الحساسية تجاه الآخرين، اخلق لهم أعذار، تجاهل، تغاضى طنش وهمش كل شيء لا تأثير له على نفسيتك ومسيرتك ، ثم كرّم نفسك واختر لها من الصحبة أرقاها، ومن العشرة أحنّها، ومن صدور المجالس أوسعها، ومن الفعل أطيبه."

- " اكرم ذاتك "

- " تحدث بلطف واحمل عصا غليظة ".

- ننقولك على شي:

" ما يتكلم في ظهرك غير إثنين واحد انت كاسر عينه و الثاني مش عارف يقعد زيك ".