-
" ‏يارب ناولنا البركة التي نرجو، ورضاك الذي لا يعقبه إلا عطائك المدهش، ونورك الذي يضيء لنا المكان الزمان، ورحمتك التي تتسع بها دروبنا، وكرمك الذي تنمو منه حصتنا من السعادة، ومحبتك التي تجعل الربيع يتمدد على حواف العمر كله❤️."

اللهم صلي على نبينا محمد وعلى اله وصحبه اجمعين.

هذا المساء ♥️


بيقول ليك:

"الحيعوزك ..حيعوزك بكل الحلو والمُر الفيك" .

يعني الـ عايزك في حياته وقيمتك عنده عالية حيعرف يحافظ عليك بدون ما يفرض عليك تغير شخصيتك كأنك كتالوج قابل للتعديل.

حُط في بالك دايماً أنو المُتمسك بيك حيبذل الغالي والنفيس عشان يفضل معاك ،و المُتخلي حيقدم كل الحجج عشان يسيبك مهما عملت ليه .

ما لازم تجيب آخرك عشان ترضي اصحابك او اللي معاك ، الـ شاريك حيفضل معاك بابسط حاجة بتقدمها ، والـ إنتَ ما فارق معاهو حتفضل برضو ما فارق معاهو حتى لو جبت الدُنيا كُلها تحت رجلو .

القصة ما بكم التضحيات ولا بالجهود المُبذولة فوق طاقتك ،او تقمّص شخصية ما بتعكس حقيقتك ..

الشخص المُضحي أو السلبي اللطيف بيمثّلو عقدة حقيقة في هرم العلاقات وهي السبب الرئيسي الـ بخلي النوع ده يسحب نفسه جوة دوّامة علاقات مع توكسيك و نرجسيين✓ .



#على_الهامش

" كانَ لا بُدَّ مِن كُلِّ هذا الظَّلام
حتَّى نعرفَ حقًّا مَن يَرانا .))


#تنزيل_صابر.

هذا الصباح❤️


مهما كنت ناضج
مهما كنت واثق في نفسك
ومهما كبرت واشتغلت
انت محتاج لكلام يدعمك
ويحفزك ويعكس ليك النجاح ده او المجهود او حتى بس فكرة وجودك.


اتخيل انك بدون كلمة شكرا
وبدون كلمة انا بحبك
وبدون كلمة انت جميل
وبدون كلمة برافو
وبدون كلمة معتمدين عليك
وبدون كلمة انت بتعرف تتصرف

متخيل كيف الحياة جافة جدا ؟!

في حولك الآن ناس حقيقي تستحق
وفي ناس انت مقصر في انك تدعمهم
وفي ناس منتظرة
وفي ناس محتاجة

اولهم انت ❤️
اذا بتقدر تقول لنفسك كده في الوقت اللي تحتاجه او تستاهله او من منطلق الحب وبس ح تعرف تقوله لغيرك


جرب وشوف حياتك قدر شنو حتكون مرنة ولطيفة و Sweet.


أتمنى ليك يوم لطيف 🌷.


#حباب_غلاب.

-

"اللَّهمَّ قوِّني لطاعتِك ، وهذِّب جوارِحي،وحسِّن قَولي، وهدِّئ رَوعي ،وبرِّد قلبي ، وآتني سؤلي ، وأجب دعوَتي ، واسلل سخيمةَ صدري❤️."

اللهم صلي وسلم على نبينا محمد وعلى اله وصحبه.

هذا المساء♥️


باختيارك انت!!
بتنسحب من الحياة وباختيارك بتطفي نفسك .. للاسف! .


من نقاشاتي مع الناس وجلسات الكوتشنج ..

بلقى الناس براها بتطفي نفسها بسبب تخليها عن التفاصيل البسيطة جدا
وتجي تسأل :
ليه ماف جديد في حياتي؟!
ليه بشعر بملل؟
ليه ماف طعم للحاجات؟!


ده يحصل كيف وانت كل كلامك شكله كده ..

ليه اعمل كدا (ايجو)
ماف داعي (خوف)
ما بفرق(تشاؤم)
ليه امشي (كسل)
ده سخف (احكام)
ماعايز(هروب)
ما وقته (تسويف)
اها حيحصل شنو


• عارف انت بتعمل في شنو؟؟

انتي بالتدريج بتختار انك تنطفي وتفرغ حياتك من معناها
وتفاصيلها..

الحياة تبنى على التفاصيل
والتفاصيل اللي انت بتسخف فيها دي هل اللي ح تفرق .

الرياضة الزيارات الروتين الكورسات التجارب الصداقات المكالمات اللمات التواصل المبادرات ..

ده اللي بخلي حياتك حلوة واصلا تكون حياة .

انت ممكن تكون حاليا مسخف حاجة
وهي ح تغير مودك او تضيف ليك بطريقة ما تتوقعها

ف ما تقفل كل مره باب ، ويبقى بينك وبين الحياة
أبواب كتيرة وكبيرة
وبعدين يصعب عليك تفتحها من جديد.


أملا حياتك تفاصيل .. عشان تكون حياة بالجد ♥️.


#حباب_غلاب.
#خلي_بالك_عليك.

@fadfadah98

1 ديسمبر

إقرار و إعتراف بأن الـ

" الآلام تشفى بالتألم، لا بالتناسي."

عارفين .. ؟

زمان كنت بستنكر او بستغرب من البنات اللي ما بيظهر عليهم الزعل مهما يكون


النوع الـ تلقاهم مُمارسين الصباح حياتهم فُل
شياكتهم فُل
مكياجهم فُل

بحسهم بالجد بمثلو المقولة دي
" يا جبل ما يهزك ريح"

الصراحة لفترة طويلة كنت بحس تجاهم بمشاعر سلبية م مفهومة بس أعتقد أغلبها كان غضب .. نظام " كيف هم كدة ؟!"

لأني ما كنت قادرة اكون زيهم

لحدي ما حاليا في شخصية قريبة لي شديد من أسرتي في عزّ مرضها ومعاناتها لسه مشاء الله بتحب روحها ، بتحب جيهتها وسماحتها وأبداً ما بتلعب في نفسها..

من جواي بحس بمشاعر كتيرة تجاهها
بحس بشفقة وخوف عليها

لأني عارفاها قدر شنو بتتعب عشان تكمل في المسرحية دي وقدر شنو بتبذل طاقة عشان ما تستلجب شفقة من زول

وعارفة انو هي ما تمام وقاعدة تحاول تبين بكل الطرق انه المرض م مؤثر معاها


اتذكرت اني عيد الضحية السنة دي كتبت بوست ما نشرته في غمرة زعلي و كآبتي الـ بتتزايد طبيعي مع كل عيد عن " كيف الناس قاعدة تمشي حياتها عادي بعد ما يموت ليهم زول ؟!"


أنا كشخص ما اتعاملت مع الموت بشكل قريب لسه ، فعامل لي هاجس كدة ..

من الحاجات البخاف منها لأني شخصية بتمسك بالاشخاص والحاجات حقتي البحبها شديد ، شخصية بتخاف من الفقد لسه مع اني اتعاملت معاه كتير بس لسه حاسة روحي هشة

إتزامن مع قبل العيد كذا شخص بعرفه كان عندهم " وفاة " فكنت متواصلة معاهم عادي وعرفت انو في خضم ده هم مزحومين في تجهيزات العيد عادي واستقبلوهو عادي ..

صح أنا ما بعرف مشاعرهم من جوة كانت كيف
بس ده الكان باين.. أو اللي هم إتعمدو يبينوه فكنت زعلانة كيف الناس دي بتعمل move on عادي كدة ؟! ده موت ما فقد عادي ! فكتبت بوست في الحاجة دي وانا زعلانة ومستنكرة من جواي للحاجة دي بس ما نشرته.


بس حالياً .. وبسبب قصة الشخصية القريبة لي ومعناتها دي تفكيري إختلف.

بقيت بحس بفخر لم اشوف البنات رغم الحرب والفقد والبشتنة وكل حاجة كعبة قاعدين يشوفوها كل يوم لسه بحبو نفسهم..

لسه عارفين يطلعو حلوات ، لسه بحاولو يبينو انهم تمام وقويات ، بيعملو فعاليات ويبسطو روحهم بأبسط الإمكانيات.


أنا بقيت بتقوّى بيهم ..

وبتمنى من قلبي انو أي شرارة محبّة تفضل مُضوية جواهم ،يفضلو كدة سااعين يهتمو بشكلهم وحلاوتهم مهما الدنيا دي جات عليهم..

بتمنى ما يوصلو مراحل إنطفاء الشغف ويظهر الحزن على ملامحهم


عشان أنا عارفة الاحساس ده كويس..

عارفة يعني شنو توصلي مرحلة ما يكون عندك فيها لا طاقة لا شغف لروحك..

وكيف بتعاني من الحوليك لم يدخّلوك في مقارنات ومطاعنات وهم ما عارفين أي حاجة عنك وعن معناتك ..هم في النهاية شايفين شكلك من برة بس ، شايفين النتيجة ،لكن ماف واحد فكر الوصلّك للمرحلة دي شنو ..
الجوّة ده ما مهم بالنسبة ليهم.


بيزعلوني الناس الـ ما قادرة تستوعب انو فعلاً في بعض الأحيان الشخص بـيوصل آخره لدرجة طاقته البسيطة العنده بيحاول يوفرها قدر الإمكان عشان يعرف يكمل قرايته، شغله ، مسؤلياته اللي ماف غيره ممكن يعملها وعشان في النهاية ما يتهور ويعمل في نفسه حاجة غلط.

أنا بقيت قاعدة أستلهِّم منهم بقدر الإمكان
عشان أنا الشخص اللي الحزن بيطغى على حياته وشكله

أنا التايهة الـ نفسي أتلفت على روحي وأركز معاي شوية بس ما عارفة والله ..


عارفة اني قاعدة احاول اتغير ولو بالبطئ ،و مهما كانت خطواتي بسيطة بس انا في يوم ح اعرف اوصل المرحلة دي ..

أما حالياً

حابة أطمّن وأوعد روحي انو في يوم حنبقى
قادرين نداري الزعل وما نخليه يطغى على ملامحنا .


وفي النهاية ..

بتمنى كل وحدة تفضل تحاول قدر ما الله أداها
قُدرة تداري حزنها وتفضل حلوة ومنورة قدام
العالم كله💕.


- تنزيل_صابر .
- على آخر الليل.