دنيا وشيخت وين الصبي الصايع
عافت ذو بخت .. لا بيها ضل ضايع
الماتاعب اخـــذ حـــك التعـــب بيها
والتاعــــــب يبيع الحاجه بالشــــــارع

لـ #فيصل_عاشور

يصاحـــب من تصاحب عاهد الصاحب
على المره و على الحلوه وعلى الخوه
وانكث روحـــك ابروحه تلاكـــي الخير
مو كـــل الوجـــوء المن صـــدك تهوه
مر بيها الليالــــــي ابضحكتك وتعيش
الصحبه البيها حـــب آل النبي التسوه

لـ #فيصل_عاشور

باخر محطات العمر
دمعه وحزن مملي ملي
واعيوني مكتوله ابهجر
ماكو جرح طايب الي
وجدامي مكيوده الغرب
ضايع انه ابديرة هلي

لـ #فيصل_عاشور

اعيوني وضواها وديرتي ولوني

لـ #فيصل_عاشور

جذبت الرسايل من شفت وجهك
وقريت المنكتب بعيونك ولونك
اشما رايد تضم مفضوحه بشفافك
تنزف بالحجي لو كتلك اشلونك

لـ #فيصل_عاشور

كاتبلك غزل من عالم اضنوني
خيعوني ابمحبتك والله خيعوني
اشوفك تمشي من روحي الشراييني
واشوفك تجري من كلبي الضوه اعيوني

لـ #فيصل_عاشور

خضاري بموسمه طك وانتهى بتعبي
وليالي البلفرح مشلوعه من كلبي
اتيهن وحدي والكه الواني متغيره
اشيفسرني بضياعي وهيمتي بدربي

لـ #فيصل_عاشور

تعال الحك ..
تبديت اعله طول الكاع
مامش واحـــد يلمنـــي
مرات الحـــزن يگثر
اريـــدك انته تفهمنـــي

لـ #فيصل_عاشور

هذا انـــه شگبر حزنـــي
بحيث النسمه تدفعني وتطيحني
تلاكينـــي على حب الله
على حب ابنادم شمالك تفاركني

لـ #فيصل_عاشور

الغربه امن العشك تبدي
وانه شكد الك تانيت
وتوازيني الغربتك ليش
لو كايل ولا حبيت ..

لـ #فيصل_عاشور

ولكيتك سفره لعيونـــي
وشديت الحلم بجفوفك ابلا راي
وامنت اعله كلبي بصف سجاجينك

لـ #فيصل_عاشور

انه اعرفتك بزر للغربه ونطشيت
خذت من نيتي بس البيك ما صله

لـ #فيصل_عاشور

كتله شلونـــك ايكلي انـــه بخير
مادام النفس هـــل صاعد ونازل
كتله ابشوفتك طك الخضار اردود
ايكلي ابفي وجودك ابقى متفائل

لـ #فيصل_عاشور

انه العايش على اسمك ياهوه الريه
الخنكه ولو غبت تاكل تضل بيه

لـ#فيصل_عاشور

وحيد وغابت اعيونك على اعيوني
بدونك خل هلي الليله يشيعوني

لـ #فيصل_عاشور