«بکاءحتی الظهور»
«میمر»
~~
ابچي وابچـّــي الأملا ك يالمهدي لمّن الگاك
ابگه ابنوحــــــــــــــي اونزف اجروحــــي
یالمهدي لمّن الگاك
__
يــا كعبــــــــة الـــــروح اورمزعزّتـــــها
هالروح مشتاگـــــــه العطــــرجنّتـــــها
عطــرالصمیده اوفــاطمــه نسمتــــــها
ارواح کــــل الـــوالتك شمعتــــــــــــها

مربوطه هالروح اوياك ليل اونهارابذکراك
ابگه ابنوحـــــي اونزف اجروحـــــــي
یالمهدي لمّن الگاك


زادي اوشـــرابـي ابغيبتك بس آهــات
والروح ماتهجــع اتصبّ الدمعــــــــات
اتريد الـوصــــال اوياك يا طيب الذات
الوجهك يوجــه الباري رادت نظــــرات

نظره يمحبوب ارجاك معلوله روحي ابليّا ك
ابگه ابنوحــــــــــــــي اونزف اجروحـــــــي
یالمهدي لمّن الگاك


روحي یبوصالـــــح بعد ما تهجــــــــع
اتعاتبني یبن المصطفــــــه وآنه اسمـع
اومـاعندي الهااجواب غیرالمد مـــــــع
من هالعتب یالمهدي گلبــــي اتگطــّـع

گلبي انصدع یمّه ادواك ما يجبره هذا اوذاك
ابگه ابنوحـــــــي اونزف اجروحـــــــــي
یالمهدي لمّن الگاك


مـــاواحد ابهذا الــــــــــــــــوکت انتظره
غیرك يبوصالــح اوحالــــــــــــي ايجبره
يبن الحسن تشفينــــــــــــي منّك نظـره
وابكل حياتــــــــــــي اشريــها منّك مرّه
ابضلع الزچیـّــه الأذاك اقسـم عليك اوانخاك
ابگه ابنوحــي اونزف اجروحـــــــــــــي
یالمهدي لمّن الگاك


جيّـتك بــالروح اواهل اشريـــــــــــها
وانذربگایـــه اسنینـي لـــــــــواحویها
ابهالجیـّــه احزان العمراطــویــــــــها
اونارالشما تــه ابطلعتك اطفيــــــــها

نارالتـوجرها اعداك تسعرابچبد الیهواك
ابگه ابنوحـــــي اونزف اجروحــــــــــي
یالمهدي لمّن الگاك


نارالشما تــــه والهضم ماتنظــــــــــــام
والتلهب ابدلاله هم ليلــــــــــــــه اينام
يالمهدي امســـــــــي واصبح ابهل آلام
واتنطـّرك تطفيهـــــــــــــــــــااعد الأيّام

هالعمرساعاتـه اتناك الساعة مماتي ابطرواك
ابگه ابنوحــــي اونزف اجروحـــــــي
یالمهدي لمّن الگاك


آخرحيــاتـــــــــــي لوحضيت ابشوفك
للعين اكحّلها ابشمايل نـــــــــــــــــورك
روحي الحلم چــانت املهااتطـــــــوفك
واكبرأمل بالدنيــه اقبل اچفــــــــــوفك

يايوم اقبّل يمنـــــاك واشعراعيشن بحمـاك
ابگه ابنوحــــي اونزف اجروحـــــــــــي
یالمهدي لمّن الگاك


يا سيّدي خـــــــــاف الـــــوكت يوليني
اومن گبل یومك هـــالاجل يلفينـــــــي
يبن الحسن بالحسره اغمض عينـــــــي
ابگه ابأمل یـوم الفـرج تحیینـــــــــــــي

اتنطـّرابگبري اهناك ارجع ابروحـي اتفدّاك
ابگه ابنوحــــي اونزف اجروحــــــــــي
یالمهدي لمّن الگاك
____
تمّت
الشاعر فالح العامری

«اينه المنتقم»
«صدردارمي»
~~~
يالمحجوب يومك وينه
يالمحجوب موذ لّينــــه
__
وينك يراعـــــــــي الثار
ناد ينـــــــــــه ليل انهار
وين اسكنت يـــــــــادار
يالمحبوب عود اعلينــه


ياوكت النــــــــــــه اتعود
تنشر روايــــــــــه السود
اتنطّرنـــــــه يالموعـــود
الروح اتلوب رحم بينـه


من گـطعــو نحــراحسين
مارحم بينـــــــــــه البين
مـــا نشف د مـــــع العين
عالمسلوب وامگطعينــه


ابطف كربلــــــــه ذبحوه
يالمهدي مـــــــــــــاواروه
ينزف د مـــــــــــه خلـّوه
وشمطلوب ظل ارهينـــه


ظل عــــــــاري عالتربـان
دمّ النحــــــــــر جـــروان
يتنطـّــــرالد فــّــــــــــــان
من كل صوب شابح عينه


يتنطّرالسجــّـــــــــــــــــــاد
يد فنـــــها لــــلأجســــــــاد
الليلـــــــــــــ.ـــــه زين عباد
نشده النوب عن طفلينــــه


نشـــده عن العبــّـــــــــاس
گطعواچفوفــــــــــــه النّاس
والعمد صــــــــــــاب الراس
وسفه انصاب عمّي العينـه
____
تمّت
الشاعر فالح العامری

«آجرك الله»
«نصاري»
~~
يبوصــــــــــــــــالح نعزّيك
اوبمصــــــــــــابك نواسيك
_____
نـعزّيك ابــدمـع من دم يـمـحزون
الك مـــا نوفــي لونعميهــا العيون
الواحد من ضلــع جدّك المسحون
الهذا اليـوم ظل ثـــاره يتـــــانيك


نعزّيك اببطل فوگ الشريعـــــــــه
عبّاس الحمــه ابدمّه الشريعـــــــه
واخوته دون ابواليمّه صريعــــــه
بچفوف الوفــــــــه عمّك يحيّيك


نعزّيك ابجسم بـــالطــف تطشّــر
شبيـه المصطفـــــــــه عمّك الأكبر
راسه اعله الرمح جسمــــــه توذّر
الهاي النايبــــــــه حگ لونواسيك


نعزّيك ابشبــاب الغــاضريـّـــــــــه
ثلث تيّـام ظل فــوگ الوطيـّــــــه
وحرايركم مشت عنّـه سبيـّــــــــه
ونيـــران اليسر يـــــالمهدي تاذيك


سبوهن والسبي منهو اليوصفـــــه
من هـــاي البشر محّد يعرفـــــــــه
حقايق من تجي سرها تكشفـــــــه
هالسر گطـّعــــــــــه الگلبك نناديك


تجـارع هــالمصايب طول الغياب
تجر حسرات من عدها الچبد ذاب
على الراحن يساره ابوليـة اجناب
تـظـل لـلثــاروالثــــارالـيـشـفّـيـك


يــــايوم الفرج يـــالتـــاخذ الثــار
الـدم جـدّك سـفـح من كل الأكتـار
ظل دمّـــه طري ومشبوح الأنظار
وعله صدره الرضيع ابچفّه ينطيك


يـگـلـّك يـــالــــولد طوّل غيــــابك
اشتگلـّـــــــه يالغبت حضّر جوابك
انچان اتگـــــول ما تمّت اصحابك
عجّل من دمـــــــــه المنحرنناديك


عمر بسمك توسّلنــــــــــــه يمهدي
نريدك للعدالــــــــه ابجيش تحدي
غيرك ما بگـــــــــــه بالدنيه عندي
قسـم بحسين ابد لا مــــا نجافيك
_____

تمّت
الشاعر فالح العامری

«الدموع الجاريه»
«نصاري»
~~
يبوصالح الك نرفع عزانــــــــــه
عمرنه يگضي باللوعه اوبچانه
__
يصاحب هالعزه ابهـاي المسيّـــــه
دموعك ما تجف لجل الزچيّـــــــه
وعله كسر الضلع ونتك خفيّــــــه
ابمصاب الزهره نرفعلك ندانــــــه


الك هذا العزه وهــــاي المصـايب
عفــــه گلبك حمل هـــاي النوايب
مــاظن ناســـــي ثاراتك يغـــايب
اليــــــوم الثــــار انهض يا حمانه


يمهدي انريدك الليلــه تجينـــــــه
گلبنـــــــه الجيّتك زايد حنينـــــه
لعد گبر الزچيّــه تحدي بينــــــــه
گبرها الضا يـــــع وفگدك عمانــه


مصابك عالزچيـّـه من يعرفـــــــه
وعله كسر الضلع دمعك تذرفـــــه
ووجهـــه المنسطرگلبك يتلفــــــه
متـه تظهرتگص چفّ الخيانـــــــه


يمهدي المحسن اينـاديك اليـــوم
يبوصالح نزل للدنيــــه مفطـــوم
عليمن حرمته نـاشدهم الگـــــوم
ابمصابه زلزل الكون وكيانــــــــه


يمهدي اليــاوكت صابرعلـــه الثار
انـــــــه ادري ملتهب دلالك ابنـــار
عله امصاب الزچيّه وحامي الجار
اشوكت تظهر يثـــارات الديـانـــه
___
تمت
الشاعر فالح العامري

«المهدي صاحب العزاء»
«نصاري»
~~~
نعزّيك احنه وا بهاي ا لمصايب
يمهد ينه يمهد ينه يغايب
__
يغـــايب بـــالدّمع جينـــــــــــه نعزّي
ابمصاب العسكري عودك نواســـــــي
اعله هاي النايبــــــــــه الباري يجازي
وهـــــاي اگلوب اشيــاعك تنــــــادي
دهركم بس صفــــــــه اوياكم نوايب


چبد عودك يبوصالح تگطـّـــــــــــــع
ودلالك لعد حـــالـــــــــــــــــه تصدّع
ضل جروان الك للثارمدمــــــــــــــع
بغيـابك عفـاك اشلون تهجـــــــــــــع
وابثــــــــــــــــــارك فلاتنهض تطالب


ثارالعسكري الفارگتـــــــــــــه هاليوم
ودّع دنيتــــــه ودلالـــــــــــه مسموم
يــا دين العليكــم تطلب الگـــــــــوم
بين امشرّد ومـــابين مظلـــــــــــــوم
وانتـــــــــ.ــه غربتك اصعب يصاحب


يصـــاحب كل عصــــــــر يبدرالبدور
دم اجدادك ابهل دنيــــــــــــه مهدور
يمتــــــــــه اتطالب ابحگهم يمنصور
عليهم گلبك ابهل غيبــــــــــه مفطور
ونارالغربــــــــــــــــــه يالمهدي تجالب


فتـّت گـلـبـك الغربـــــــــــه يـمـهـدي
وانتــــــه اللي گلت ابچي اعله جدّي
بـــالدّم لوخلص دمع اللـــــــي عند
ابمصايب كربلــــــــه مصيوب چبدي
وزينب راحت ابولية اجـــــــــــــانب


سم عودي اجـــــه منّ السقيفـــــــه
من يوم الغصب حگنه الخليفــــــــه
بيده من سطروجــــه الشريفـــــــــه
ثارامّي الزچيّـه اشلون اعيفــــــــــه
سعير النار للسّـاعــــــــــــــه تلاهب


ابنارالباب بالطف حرگوا اخيـــــــام
وآنـــــــــه اتغرّبت من ذيچ الأيـّـــام
من يــوم اهجمت زمرة الظــــــــلام
عله اخيــــــام الرساله وعزّالأســلام
يعزّ اعليـّـــــــــــه من زينب تعـــاتب


تمت
الشاعر فالح العامری

«دموع الأنتظا ر»
«چلمه اونص»
~~
يــوم ا لثا ر يـــوم ا لثــــــار
يمكن گرب يـــــوم ا لثــــــار
___
اعيـــون اشبحنـــــاها الدربك
اوكل جمعـــــــــــه ننطرركبك
يا مــا دعينـــــــــــــــــه الربّك
اوشاهد بارينـــــــــــــه انحبّك

شيعـه اونفد يلك اعمـــار
يمكن گرب يــــوم ا لثـار


وينك يبن داحــــــــي البــاب
گــوم اقلع فكرالأرهــــــــــاب
ذولــــــــه الماعدهم انســــاب
بس سيفك الهم صـــــــــــلاب

گوم اوجرّد ذوالفقــّــــــار
يمكن گرب يـــوم الثــــر


نــــــــار الشبّت عالزهــــــــره
اوحرگت لخيــــــــــــام الحرّه
وبكـل چـبــد مستعـــــــــــره
حرگــت حـــــــرم ســــــــامرّه

حتمن وصلتلـك اخبــــار
يمكن گرب يــــوم الثـــار


اوشيعتك تعلــم بيــــــــــــــها
بكل زمن متــولـّيـــــــــــــــــها
ياحـــــــا كــم اليلفيـــــــــــــها
يوجه الملامـــــــــــــه اعليــها

مظلومـــــه طول الأدوار
يمكن گرب يـــوم الثــــار


لرض العراق اتعنـــّـــــــــــــــــه
وانظرابعينـك النــــــــــــــــــــه
ليل اليمر مانمنـــــــــــــــــــــــه
اويگطر دمه منحرنــــــــــــــــه

بينـــه الذ بح ليل ا نـــهار
يمكن گرب يـــوم الثــــا ر


والديرتك يمتــــــــــــــه اتعـــود
يبن الحسن يــا مــوعــــــــــــود
انشرالرا يــــــــــــــــات الســــود
حكــــم العدل ماموجـــــــــــــود

وانهجر دين المختــــــار
يمكن گرب يـــوم الثـــار


عــــم ّالهرج ببـــــــــــــــــــلادي
الدجّال اسمعـــــــــــــــــه اينادي
ذبحو اليحبّ الهــــــــــــــــــــاي
دمنـــــــــــــــــــه جره ابكل وادي
اوبينــه تحفّ الأخطـــــار
يمكن گرب يـــوم الثــــار


الكربله لونمشــــــــــــــــــي انزور
يوميــّـــــــــــــه يحصل عاشــــور
واعلينــــــــــــــــــــه الآجال اتدور
كلـّش وضعنـــــــــــــــــــه مخطور

اتحالفت ضد نــه الأشــرار
يمكن گرب يـــوم الثــــا ر


تاريــخ الأرهــــــــــــــــــاب اسود
جسرالأمامـــــــــــــــــــــه اليشهد
هذا الجـــرح مــــــــــــــــــــايضمد
اونـــــــــــــــــــار الگلب تتـــــوگــّد

اوماتنطفـــي هاي ا لنـــار
يمكن گرب يـــوم الثــــا ر


أبأرضـــــــــــــــي الأرهاب ايعبثون
اوعنّ الظلـــــــــــــــــــم ميكفـّـون
يوميــّـــــــــــــــــه صحن ايفجرون
اويوميــّـــــــــــــــه دار ايحرگــون

وللشيعـــه ما ظل نغـّــــار
يمكن گرب يـــوم الثــــا ر


چم ارملـــــــــــــــــه اليـوم اتنوح
اوچـــــــــــــــم گلب والد مجروح
واشچم شباب المذبــــــــــــــــوح
اوعالخد دمعنــــــــــــه المسفوح

الجيتك يبن حامي ا لجار
يمكن گرب يـــوم الثــــار
___
تمت
الشاعر فالح العامری

یایوم الفرج»
«شیعتي»
~
یایوم الفرج یجبل علینـــه
من صوب المد ینـــــــــــه
ابرایة علــي الكرّار وانته صــاحب الثار
من صوب المد ینه
__
چم قرن مرّ وتعدّه اوشا بحه اعیون الموالي
شابچه اعله الراس عشره من عظم جوراللیالي
افرض ارواح التهوّد
بالصبرللصبرتالي

تترجّه ساعات الفــــــــرج
موذابت اگلـــــوب اومهج
والصبرعن حدّه خـــــــرج
اتحشّم ادرکها یوالــــــــي

الغوث اتنادي کل صبح اومسیه یـا روح الزچیّــه
اعلیك اموجها الانظار وانته صاحب الثار
من صوب المد ينه


عمّـت الدنيه مفـاسد والظلم جزّاهاحـدّه
اوشيعتك عنهااخبرك گامت المیت تحسده
هذامن ضیم العلیهاماکووالي اللي تگصـده

الشکواها یاهوالیستمـــــــع
امن اعیونها اینشف الدمـع
اوعن دارهـــــــــا ایردّالفزع
اوکیـــــدکل ظالـــم یـــردّ ه

وایسود الارض حکم العداله ابدستورالرسالـــه
نهج النبــــي المختار وانته صاحب الثار
من صوب المد ینه


آنـه من شیعتك واحــد بالصدرآلام جمّــه
ياهومن عدهااسولف اوياهومن عدهن اظمّه
اهون اجروحي العشتها للعظم حسيت هشمـه

اتحملت لجلك سيـّـــدي
للفرج انطرموعــــــــدي
خلفك اصلــّــي واقتدي
ظيم الجرعته اهظمــــه
ضيم اللي جره اوشفته ابغيابك انسـاه ابأيابك
اوتحكم كل الأ قطـــار وانته صاحب الثار
من صوب المد ينه


السان حال الشيعـه احمله من اسولفلك نـــــوايب
امن السقيفه والتبعــــها اجرعت آلام اومصـايب
نصبت اعلينه محاكم والمحامي عنـّه غـــــــايب

بغيــــابك الحگ انغصـب والمنکـراحســــان انگلـب
والیحچي معروف انصلب
هذاشیعــي اعلیه ضرایب

وادفعنه الضرایب من دمانه انهض یا حمانـــه
بعدك صرنه طشــّـــار وانته صاحب الثا ر
من صوب المدینه


یـــــاشبل حیدرشگلـّك بعــــد عالظلـّت رهینــــــــه
اسنین شبان ابوطنها ابلاذنب ماتت سجینـــــــــــــه
اویاجنایه اللـــــي جنتهاغیرحبّك ياولينـــــــــــــــــه

هالحب على الظالـم خطر
وايزوله منهـــم مـــــاگدر
بحقـــــــاده ردبیــهـم غدر
وابگبرهم مادرینــــــــــــه

اوعنّ الوالده گطعوخبرهـم شنهواللـــي یضرهم
عد موهــــــــاي الأحرار وانته صاحب الثر
من صوب المدینه


یمته رکب الفتح یلفي اویدگ للعالم أجراصـــــه
چم گلب دامیه اجروحه ینتظرساعة خلاصـــــه
اوچم رجس بالدنیه طاغي بعد ما نایل قصاصه

والحرگ باب الطاهره
آثاره لسّه ظــــــــاهره
یاوکت سیفك ينحـره
اوتصلب اصحـــــــاب السقيفه والتبعهم بالخيانه
__
تمت
الشاعر فالح العامري

«الغياب الطويل»
«شيعتي»
~~~
عنّ العيـن غــايب وين ياصاحب الثا ر
يمته تهل اعلينـــــه منّ الصبرملـّينــه
وين ياصاحب الثا ر
___
ابیاشعریالغالـــي اوصفك تعتذر كلّ القوافــي
والفكــرمحتـــــا رشحچي الياكتر يــوصل مطافــي
امن العتب خجلان آنـــــه ما تطاوعنـــــي اشفافــي

اعذرنـــــي يبن العسكري
ابدي اليدور ابخـــــاطـري
اتسلـّط علينــــه السا مري
ييزك الهجران كـافـــــــــي

يمته اتعود يالموعود تجلي هالأخطار
نترقـّبك والينــــه منّ الصبرملـّينــه
وين ياصاحب الثا ر


يعزيالغايب اعلينــــــــــــه العمريگضـــي اومانشوفك
لحظه اسمك ما نسينــــــه منهوگال احنـه نعوفك
اوعدنـه ايمان ابوجودك اوللنبـــــي را يه بچفوفـك

يايـــــــــــوم تنشر رايتـك
اتزيح الظلم عن شيعتـك
البــــاب تتنــــــــه طلعتك
جـــرّد الثــــــارك اسيوفك

ثارالباب والمحرب ايحشمن يمغوار
اليومك تره امتانينه منّ الصبرملـّينــه
وين ياصاحب الثا ر


يا بقيــة الله اووجــــــوده وين عن هالأمــّـــــه غايب
انتــــــــــه يالمحجوب تعلم شفنــه بغيابك عجــايب
اتحزّبت هالنّاس ضدنــه ابحگنـــــــه ماواحد يطالب

كل عشره متجمعـه حزب
نــا رالفتن بينـــــــه تشب
چـه شيعـــه الكم ننتسب
حاربتنــه هـــــا لمذاهب

مايردون ايعيشون شيعة الكرّا ر
كلمن حكم ياذينه منّ الصبرملـّينــه
وين ياصاحب الثا ر


ابهالزمن محنتنــه زاد تانتـــه تعلم بللــــــــي صاير
عالبقيع اشگد بچينــــــــه اومن دمــه تجري النواظر
اومارحمنه الدهرساعـــه شاهده النـــه المقابر
كل الف مد فونـــــه ابگبر
من فعل الأرهــــا ب القذر
يوميـــّـــــــه جامع ينفجر
عفه اعليك اشلون صـــابر

حزنك دا م بالأ يّا م ابدلالك النا ر
وابمحنتك حسّينه منّ الصبرملـّينــه
وين ياصاحب الثا ر


امصاب جدك هالمسيـّه اگـصد الســـــامرّه زوره
اوانظــــرالگبــره المهدم والصحن طفّولــه نــــوره
ها لصحن حين التهدّم اتهدّ م الأسـلام ســــوره
اگصد الليلــــــه ابلــوعتك
الســامرّه واسچب د معتك
واملي البيا بـــي ابصرختك
مــاخلص هـــالظلـــم دوره
شمسوّين امهد مين اگبورالأطهار
ابدمع النظر ناجينه منّ الصبرملـّينــه
وين ياصاحب الثار


جدّك الودّع الدنيـــــــــه اوراح مظلوم ابحياتــــــه
اوردّت الأمّــه الخبيثـــــــه اوظلمته حتّه ابمماتــــــه
السمّتــــه هدّمـــــت گبره وابعدوعنـّــــــه ولاتـــــه

اوعجّل يوالـــــــي ابنهضتك
اوحشّم الثــــــا رك صحبتك
هد ّم عروش العـــــــــادتك
ماخلص صبرك يغــا يب اوما نشف د معك اليجري
__
تمت
الشاعر فالح العامری

«يمّه يازهراء»
«ثلاثة ترباع الشيعتي»
~~~
يمّه يالعفتينـــــــــي   اوياچ ماخذتينـــــي
صعب يمّــه افراگچ    ظلمه اشوفن دارچ
اوياچ ماخذتينـــــي
▪︎▪︎▪︎
وين عني رايحــه يمّــي الحنينــــــــــه
خلص گلبـــي والله من نوحه اوونينّـه
اعليچ ابگه هالعمرآنــــــــــه حزينــــــه
اعليه بعدچ موحشه ابعينــــي المدينه

الدمع كحلت عينــي   الفرگه شي نسينـي
ماتردلّـــــــي اخبارچ   ظلمه اشوفن دارچ
اوياچ ماخذتينـــــي


اوياچ خذتــــــــــي يمّه كل آمال عندي
اوراح اظل يم الحسن بالدنيـــه وحدي
گبل ايـام افگدت يايمّــــــــــــــــه جدي
النوب فگدچ يالحبيبــــــــــه مرد چبدي

ادموعي ابگه اجريها   محنتـي اشيگضيها
حالي اشد من حالـچ   ظلمه اشوفن دارچ
اوياچ ماخذتينـــــي


يمّــــــه يازهراء يازهرة حياتـــــــــــي
حبچ اوصـورتچ مافارگت ذاتــــــــــي
ابهالسفروياچ خذتـــــــــــي امنياتـــي
ريت ويـــاچ الدنت ساعة مماتـــــــــي

اولااظل للحزانــــي   واليتم عنوانـــــــــي
من بعد انــــــوارچ     ظلمه اشوفن دارچ
اوياچ ماخذتينـــــي


اشلون اعيش ابدارمن عندچ خليــــــه
هاي داري الچانت ابنورچ زهيّــــــــــــه
اشلون اشوف ابعينـــــي بابچ يالزچيّه
لوعـــــة البسمــــارتجدّدعليـــــــــــــــه

والمآسي اگبالــــــي     يالمچانچ خالـــــــي
من يسدامچــــــانچ     ظلمه اشوفن دارچ
اوياچ ماخذتينـــــي


يمّــــــه يالعفتينــــــــي اجرع للمصايب
يالحنينـه انتــــــــــــــي يااغله الحبايب
يمّه من نـــارالهجردلالّـــــــــــــــي ذايب
رحتي عنـــــي اوراح اظل بس للنوايب

ريتچ اتسمعينــــــي   گبل متودعينـــــــي
اشگد قليلـــه ايامچ   ظلمه اشوفن دارچ
اوياچ ماخذتينـــــي


وين اروحن يمّــه عنّــــي لورحلتــــــي
يمّــــه اضيع ابدنيتــــي لاماحسبتــــي
والأشد يايمّــــــــه بأرض الطف غربتي
ريت ذاك اليـــوم يالزهره حضــرتـــــي

من بعدوليانــــــــي   بسمچ اندب آنــــــي
ابگلبي تسعر نارچ     ظلمه اشوفن دارچ
اوياچ ماخذتينــــي


كســــرضلعچ يمّــــه يتجدّد اشوفـــــه
حين صدراحسين مهشوم ابطفوفـــــه
ابلادفن يم الحسن آنــــــــه اعوفــــــه
وآنـــــــه اروح اميسره الديرة الكوفــه

والعده يحدونـــــــي   يمّه وايسبونـــــــي
مالگيت انصــــارچ     ظلمه اشوفن دارچ
اوياچ ماخذتينـــــي

▪︎▪︎▪︎▪︎▪︎▪︎▪︎▪︎▪︎
تمّت    
الشاعر فالح العامري
غير مبرئ للذمه كل من يحذف اسم الشاعر وينسب القصيده له
                            👇
https://www.tgoop.com/falehalameri

الی الأمام علي علیه السلام
موال
~~~~~
من عندي هذاالحچي ابحگّ الوصي قبله
اببیت الله مــامنــولد بعده ولاقبلــــــــــه
ابمولوده صارالحجرلشرف نبي قبلــــــــه

باشرف مکان انولد والعصمتـــــــه حجـّه
هذا دلیل العلـــــــــي واعله الخلگ حجـّه
والمایوالـــي العلي ماینقبل حجـّــــــــــــه
*واشماعمل من عمل بارینـــــــــه میقبله*


✍🏻الشاعر فالح العامري
♡♡♡♡♡♡♡♡♡♡

https://www.tgoop.com/falehalameri111

موال للامام علي ع .........

‏المنشد ابو دريد الشبكي